Top Stories

Grid List

கோலாலம்பூர், ஜூலை 25- பெர்சே 5 மற்றும் சிவப்பு சட்டையினரின் பேரணிகள், அமைதியாக ஒன்றுக்கூடும் சட்டத்தின் நிபந்தனைகளுக்கு உட்பட்டு நடந்தால் அனுமதி வழங்கப்படும் என அரச மலேசிய போலீஸ் படை தலைவர் டான் ஶ்ரீ காலிட் அபு பக்கார் கூறினார். 

"அமைதி பேரணியாக இருந்தால் அதற்கு அனுமதி உண்டு. மாறாக, அது பிரதமரை பதவி விலக கோரும் பேரணியாக இருந்தால் பெர்சேவுக்கு அனுமதி கிடையாது" என அவர் மேலும் கூறினார்.

மேலும், "பிரதமரைப் பதவி விலக கோர தனி விதிகள் உண்டு. அதனை கடைப்பிடியுங்கள்" என கூறினார். சிவப்பு சட்டை அணியினரும் அதே நாளில் பேரணி நடத்த திட்டமிட்டால் நிலைமைக் கட்டுப்படுத்த போலீசார் தயார்நிலையில் இருக்கும் எனவும் அவர் சொன்னார்.

அலோர்காஜா, ஜூலை 25- நெடுஞ்சாலையில் ஆபத்து அவசர வழிப்பாதையைப் பயன்படுத்திய பெண் ஒருவர் உட்பட  19 பேருக்கு சம்மன் விதிக்கப்பட்டது. இந்த 19 பேருக்கும் ஒட்டுமொத்தமாக ரிம 29,100 சம்மன் விதித்து இங்குள்ள மாஜிஸ்திரேட் நீதிமன்றம் தீர்ப்பளித்தது. 

தங்களுக்கு எதிரான குற்றச்சாட்டு வாசிக்கப்பட்டதுடன், குற்றஞ்சாட்டப்பட்ட அனைவரும்  மாஜிஸ்திரேட் நீதிபதி முன்னிலையில் குற்றத்தை ஒப்புக்கொண்டனர். 

23 முதல் 60  வயது மதிக்கத்தக்க அனைவரும் கடந்த மே  22-ஆம் தேதி  நாட்டின் வடக்கு தெற்கு நெடுஞ்சாலையின் 222-வது கிலோமீட்டரில் அமைந்துள்ள  அவசர வழியைப் பயன்படுத்தியதாகக் குற்றஞ்சாட்டப்பட்டனர். 

1959-ஆம்  ஆண்டு போக்குவரத்துச் சட்டத்தின் படி, இவர்கள் மீதான குற்றம் நிரூபிக்கப்பட்டால்,  2,000-1,500 ரிங்கிட் அபராதம், அல்லது 1-2 மாத சிறை அல்லது இரண்டுமே விதிக்கப்பட சட்டம் வகை செய்கிறது என்பது குறிப்பிடத்தக்கது. 

முன்னதாக கடந்த ஜூலை 18ஆம் தேதி 4 பெண்கள் உட்பட  20 பேருக்கு சம்மன் விதிக்கப்பட்டது. இந்த 20 பேருக்கும் ஒட்டுமொத்தமாக ரிம28,000  சம்மன் விதித்து இங்குள்ள மாஜிஸ்திரேட் நீதிமன்றம் தீர்ப்பளித்தது குறிப்பிடத்தக்கது.

கோலாலம்பூர், ஜூலை 25-  கோலக்கிள்ளான் திருக்குறள் மன்றமும் செஸ் மாஸ்டர் ஜேர்னி இணைந்து ஏற்பாடுசெய்திருந்த வள்ளுவர் விழா 2016 சதுரங்கப்போட்டி கடந்த ஜூலை 17ம் தேதி நடைபெற்றது. 

இதில் கிள்ளான்,ஷா ஆலம், யுஎஸ்ஜே, பூச்சோங்  மற்றும் கோபோங் வட்டாரத்தை சேர்ந்த 209 இந்திய மாணவர்கள் பங்கேற்றனர். 6 வயது, 8 வயது, 12 வயது, 15 வயது மற்றும் 18 வயது பிரிவுகள் வாரியாக நடத்தப்பட்ட இப்போட்டி அனைத்துலக சதுரங்க விளையாட்டு தரத்தில் ( இன்டெர்னஷனல் செஸ் ரேட்டிங் ) நடத்தப்பட்டது. 

ஒவ்வொரு பிரிவு வாரியாக வெற்றிபெற்ற மாணவர்களுக்கு பரிசும் வெற்றி பதக்கமும் வழங்கப்பட்டது. முதல் 3 இடங்களை வென்ற வெற்றியாளர்கள் வள்ளுவர் விழா கலை இரவில் சிறப்பிக்கப்படுவர். 

மலேசியாவிலேயே அதிக இந்தியர்கள் கலந்து கொண்ட சதுரங்க போட்டி என்ற சாதனையை இப்போட்டி படைத்துள்ளது.

 

கோலாலம்பூர், ஜுலை 25- மஇகாவில் தெரு பேச்சுகளுக்கு இடமில்லை, எல்லாரும் ஒன்றிணைந்து செயல்படுங்கள் என்று தேசியத் துணைத்தலைவர் டத்தோஶ்ரீ எஸ்.கே.தேவமணி கூறியிருக்கும் கருத்து வெந்த புண்ணில் வேல் பாய்ச்சுவது போல் உள்ளது என்று முன்னாள் தலைமைப் பொருளாளர் டத்தோ ரமணன் கூறியுள்ளார்.

ரமணன் கூறியதாவது, "கட்சியை நடுத்தெருவுக்கு கொண்டு வந்ததற்கு யார் காரணம் என்பதை முதலில் உயரிய பதவி வகித்த முன்னாள் சபாநாயகர் தேவமணி உணரவேண்டும், உணர்ந்து பேச வேண்டும். கட்சியின் தேசியத் தலைவர் என்று தன்னைத் தானே பிரகடனப்படுத்தி கொண்ட டத்தோஶ்ரீ டாக்டர் எஸ்.சுப்ரமணியத்திடம் கேளுங்கள் யார் தெரு பேச்சுக்கு இடமளித்தது என்று" என ரமணன் கேட்டார்.

டத்தோ ஶ்ரீ ஜி.பழனிவேல் தேசிய தலைவராக இருந்தபோது மலாக்காவில் நடந்த கட்சி தேர்தலுக்கு பிறகு சுப்ரா தரப்பினர் ஆர்ஓஎஸ் அலுவகத்திற்கு படையெடுத்ததைப் பற்றி ரமணம் கேள்வி எழுப்பினார்.

"கட்சியை வலுப்படுத்த வேண்டும், ஒற்றுமையாக செயல்பட வேண்டும் என்பதெல்லாம் யாருக்கும் மாறுபட்ட கருத்து இருக்க முடியாது. ஆனால், என்னவென்று தெரியாமல் வாய்க்கு வந்தபடி நீங்கள் பேசக்கூடாது.

புத்ராஜெயாவில் உள்ள ஆர்ஓஎஸ் அலுவலகத்திற்கு நடந்து சென்று மஇகாவைத் தெருவில் அடையாளம் காட்டியபோது தேவமணிக்கு அப்போது தெரு ஞாபகம் இல்லையா" என ரமணன் கேள்வி எழுப்பினார்.

அதோடு, கடந்த 2014ம் ஆண்டு டிசம்பர் 18ம் தேதி, மஇகாவின் மத்திய செயலவைக் கூட்டத்தை நடத்தவிடாமல் தலைமையகத்தில் கலாட்டா நடத்தப்பட்டதை பற்றியும் பழனிவேல் வீட்டிற்கு சென்று கோஷமிட்டதை பற்றியும் ரமணன் கேள்வி எழுப்பினார். அச்சமயங்களில் தேவமணிக்கு அது தெரு ஆர்ப்பார்ட்டம்  என்பது தெரியவில்லையா என ரமணன் தனது அறிக்கையில் கேட்டுள்ளார்.

"தேவமணியின் கருத்து, டத்தோ ஶ்ரீ ஜி.பழனிவேலின் தரப்பினர் தான் தெரு போராட்டம் நடத்துகிறார்கள் என்பது போல அமைந்துள்ளது. மஇகா தனது 70ம் ஆண்டு நிறைவு விழாவைக் கொண்டாடவிருக்கின்ற நிலையில், தேவமணியின் இந்த பேச்சு கட்சியினர் மத்தியில் வேதனையை உருவாக்கியுள்ளது" என்றார் அவர்.

"கட்சியின் தேசியத் துணைத்தலைவராக வந்த பிறகே நீங்கள் தெரு பேச்சை பற்றி பேசுகிறீர்கள். அதற்கு முன் எங்கே போனீர்கள் என்பதை கொஞ்சம் நினைவுப்படுத்தி சொல்லுங்கள். நாங்கள் இன்னமும் கட்சியில் உறுப்பினர்களாக தான் இருக்கிறோம். அதனை தேவமணி உணர்ந்தால் நல்லது" என்றார்.

தேவமணி பேசும் பேச்சுகள் சமுதாயத்தை நல்வழிப்படுத்தும் பேச்சுகளாக அமைய வேண்டும் எனவும் ரமணன் தனது அறிக்கையில் குறிப்பிட்டுள்ளார்.

பெட்டாலிங் ஜெயா, ஜூலை 25- சிகாமட் தண்ணீர் குழாய் பழுது பார்க்கும் பணியால் கோலாலம்பூரின் பல பகுதிகளில் இன்று தண்ணீர் சேவை தடுத்து வைக்கப்படும்.

நீர் சேவை நிறுவனமான ஷபாஸ் மேற்கொள்ளும் குழாய் பழுதுபார்க்கும் பணியால் இச்சேவை நிறுத்தம் இன்றிரவு 8 மணி வரையில்  தொடங்கும் என்று அந்நிறுவனம் அறிக்கை விடுத்துள்ளது.

கீழே கூறிப்பிடப்பட்டுள்ள இடங்கள் கோலாலம்பூரில் பாதிக்கப்பட்ட பகுதிகளாகும். சிகாமட், ஜாலான் ஈப்போ, செந்தூல், இஸ்தான நெகாரா,ஜாலான் துன் சம்பந்தன், ஜாலான் டூத்தா போன்ற முக்கிய இடங்களில் இச்சேவை நிறுத்தம் ஏற்படும் என்று ஷபாஸ் நிறுவனத்தின் குறிப்பிட்டிருந்தது.

 

 

கோலாலம்பூர், ஜூலை 25- முதுகலை பட்டப்படிப்பினை (மாஸ்டர்) மேற்கொண்டுள்ள மாணவி, தீவிரவாதத்திற்கு தொடர்புடைய புத்தகங்களை வைத்திருந்ததற்காக இங்குள்ள நீதிமன்றத்தில் குற்றஞ்சாட்டப்பட்டார்.

சித்தி நோர் அய்ஷா அதாம் (வயது 29), பொது பல்கலைகழகத்தில் இஸ்லாமிய பாட திட்ட முதுகலை மாணவியாவார். இவர் தீவிரவாத கொள்கையுடைய 12 புத்தகங்கள் வைத்திருந்ததாக குற்றஞ்சாட்டப்பட்டது.

கடந்த மார்ச் 22 ம் தேதி, திரங்கானுவில் இல்லத்தில் ஜெமா இஸ்லாமியா, இஸ்லாமிக் ஸ்டேட், அல் கய்டா பற்றிய 12 புத்தகங்களை வைத்திருந்தற்காக கைது செய்யப்பட்டார். 

இவர் பினல் கோர்ட் செக்‌ஷன் 130ஜெபி(1)(எ) கீழ் குற்றஞ்சாட்டப்பட்டார். குற்றம் நிரூபிக்கப்பட்டால் சித்திக்கு ஏழு ஆண்டுகளுக்கு மேற்போகாத சிறைத் தண்டனை அல்லது அபராதம் விதிக்கப்படலாம்.

லண்டன், ஜூலை 23- லண்டன் ஒலிம்பிக் அரங்கத்தில் நடந்த ஓட்டப் போட்டியில் ஜமைக்காவின் உலகப் புகழ்பெற்ற ஓட்டக்கா ரான உசைன் போல்ட் 200 மீட்டர் பந்தயத்தில் அபார வெற்றி பெற்றார். அடுத்த மாதம் ரியோ நகரில் நடைபெறவிருக்கும் ஒலிம்பிக் போட்டியில் 100 மீட்டர், 200 மீட்டர் மற்றும் தொடர் ஓட்டங்களில் உசைன் போல்ட் மீண்டும் ஆதிக்கம் செலுத்துவார் என எதிர்பா ர்க்கப்படுகிறது.

ஒலிம்பிக் ஓட்டங்களில் 6 முறை தங்கப் பதக்கங்களை வென்றுள்ள அவர், நேற்று 19.89 வினாடிகளில் 200 மீட்டரைக் கடந்து முதலிடத்தைப் பிடித்தார். பனாமா வீரர் அலோன்சோ எட்வர்ட் 10.04 வினாடிகளில் ஓடி  இரண்டாவது இடத்தைப் பிடித்தார். பிரிட்டீஷ் வீரர் அடாம் கெமிலி மூன்றாவது இடத்தைப்பெற்றார். 

கடந்தமாதம் காயம் காரணமாக ஜமைக்காவின் ஒலிம்பிக் தேர்வுப் போட்டிகளில் கலந்து கொள்ள முடியாமல் போனாலும் உசைன் போல்ட் மிக நிதானமாகவே ஓடி முதலிடத்தை பிடித்தார் என்பது குறிப்பிடத்தக்கது.

பெய்ஜிங் ஒலிம்பிக்கிலும் லண்டன் ஒலிம்பிக்கிலும் 100 மீட்டர், 200 மீட்டர் ஓட்டங்களில் தங்கப் பதக்கங்களை வென்ற அவர், மீண்டும் அடுத்த மாதம் ஒலிம்பிக்கிலும் தங்கப் பதக்கங்களை வெல்வார் என்று எதிர்பார்க்கப்படுகிறது.

 

 

 

லண்டன், ஜூலை 19- நான்கு ஆண்டு காலத்திற்கு மேலாக, ரஷ்யா அரசாங்கமே விளையாட்டு வீரர்களுக்கு ஊக்க மருந்து உட்கொள்ளும் திட்டத்தை ரகசியமாக மேற் கொண்டு வந்துள்ளது என்பதற்கான ஆதாரங்கள் கிடைத்துள்ளன.

எனவே, அடுத்து நடக்கவிருக்கும் ஒலிம்பிக் மற்றும் பாராலிம்பிக் போட்டிகளில் பங்கேற்க அந்நாட்டிற்குத் தடை விதிக்கப்பட வேண்டும் என்று உலக ஊக்க மருந்து ஒழிப்புக் கழகம் (வடா) கோரியுள்ளது.

2011ஆம் ஆண்டு முதல் 2015ஆம் ஆண்டு வரையில் கோடை கால மற்றும் குளிர் கால ஒலிம்பிக் போட்டிகளில் பங்கேற்ற ரஷ்ய விளையாட்டாளர்களின் பெருவாரியான சிறுநீர்ப் பரிசோதனை மாதிரிகளில் தில்லுமுல்லுகள் செய்யப்பட்டுள்ளன என வடா அமைப்பு கண்டுபிடித்திருக்கிறது.

ஆகஸ்டு மாதம் ரியோ ஒலிம்பிக் போட்டி தொடங்கவிருக்கும் நிலையில், இப்போட்டியில் பங்கேற்க ரஷ்யாவுக்குத் தற்காலிகத் தடை விதிக்கப்படுமா என்பது குறித்து ஓரிரு தினங்களில் அனைத்துலக ஒலிம்பிக் மன்றம் முடிவு செய்யும் எனத் தெரிகிறது.

ரஷ்யா நேரடியாகச் சம்பந்தப்பட்டிருக்கும் இந்தப் பிரச்சனை, மிகப் பெரிய அதிர்ச்சியாக அமைந்துள்ளது என்றும் விளை யாட்டுத்துறை மற்றும் ஒலிம்பிக் போட்டியின் நேர்மையின் மீது தொடுக்கப்பட்ட வழக்கத்திற்கு மாறான தாக்குதல் இதுவென்றும் ஒலிம்பிக் மன்றத் தலைவர் தோமஸ் பெக் வர்ணித்தார். 

அடுத்த மாதம் தொடங்கும் ரியோ ஒலிம்பிக் போட்டியின் எந்தவொரு விளையாட்டிலும் ரஷ்யா கலந்து கொள்ள முடியாத வகையில் தடை செய்யப்படும் என்று எதிர்பார்க்கப்படுகிறது. 

 

 

மெல்பர்ன்,  16 ஜூலை- அடுத்த  மாதம் பிரசில், ரியோ டி ஜெனிரோவில் நடைபெறும்   ஒலிம்பிக் போட்டியின், மல்யுத்த போட்டியில்  கலந்துகொள்வதிலிருந்து இந்திய வம்சாவளியைச் சேர்ந்த வினோத்குமார்  அணியிலிருந்து நீக்கப்பட்டுள்ளார்.   கடந்த  ஏப்ரல் மாதம் அல்ஜீரியாவில்  நடைபெற்ற ஒலிம்பிக் தகுதிச் சுற்றுப் போட்டியில்   நடத்தப்பட்ட பரிசோதனையில்  வினோத்குமார் ஊக்கமருந்து பயன்படுத்தியது தெரியவந்துள்ளது. 

 இதனையடுத்து அவருக்கு  நான்கு ஆண்டுகள் தடைவிதிக்கப்பட்டது.  இதைத்தொடர்ந்து ஒலிம்பிக் அணியில் இருந்து வினோத்குமாரை நீக்கும்படி ஆஸ்திரேலிய மல்யுத்த சம்மேளனத்துக்கு அந்த நாட்டு ஒலிம்பிக் கவுன்சில் கேட்டுக்கொண்டுள்ளது. இதனால் வினோத்குமார் ஒலிம்பிக் போட்டியில் பங்கேற்க முடியாத நிலைமை ஏற்பட்டுள்ளது. 

இது குறித்து வினோத்குமாரின் பயிற்சியாளர் கோஸ்ட்யா எர்மாகோவிச் கருத்து தெரிவிக்கையில், ‘வினோத்குமார் ஜெர்மனியில் பயிற்சி மேற்கொண்டு வருகிறார். இந்த தகவல் அறிந்ததுடன் அவர் அதிர்ச்சியும், வேதனையும் அடைந்துள்ளார். அவர் எந்தவித தவறும் செய்யவில்லை என்பதில் முழு உறுதியுடன் இருக்கிறார். அவர் தனக்கு விதிக்கப்பட்டுள்ள தடையை எதிர்த்து சர்வதேச விளையாட்டு தீர்ப்பாயத்தில்  மேல்முறையீடு செய்ய முடிவு செய்துள்ளார்’ என்றார்.

பாரிஸ், ஜூலை 11- யூரோ கால்பந்து போட்டியில், பிரான்சுக்கு எதிரான இறுதி ஆட்டத்தில், காயமடைந்து கண்ணீரோடு வெளியே றிய கிறிஸ்தியானோ ரொனால்டோவுக்கு போர்த்துக்கல் குழுவைச் சேர்ந்த ஆட்டக்காரர்கள் தங்களின் சாம்பியன் வெற்றியைச் சமர்ப்பித்தனர்.

பலம் பொருந்திய பிரான்ஸ் குழுவின் அலையலையான தாக்குதல்களை முறியடித்து, களத்தில் தாக்குப்பிடித்த போர்த்துகல், கூடுதல் நேரத்தில், 109 ஆவது நிமிடத்தில் வெற்றிக் கோலை அடித்து, ஐரோப்பிய சாம்பியன் கிண்ணத்தை வாகைசூடியது. 

சொந்த ரசிகர்களின் ஆதரவுடன், சொந்த அரங்கத்தில், சாம்பியன் கிண்ணத்தை வெல்லும் என்று எதிர்பார்க்கப்பட்ட பிரான்ஸ், தனது வெற்றியைக் கைநழுவ விட்டு ஏமாற்றத்தில் மூழ்கியது.

ஆட்டம் தொடங்கிய 17ஆவது நிமிடத்தில் பிரெஞ்சு ஆட்டக்காரர் டிமிட்ரி பயெட்டுடன் ஏற்பட்ட மோதலில், போர்த்துக்கலின் கேப்டனும் உலகப் புகழ்பெற்ற கால்பந்து வீரருமான ரொனால்டோ காயமடைந்தார்.

எனினும், அவர் அடுத்த எட்டு நிமிடங்கள் மட்டுமே திடலில் இருக்க முடிந்தது. அதன் பின்னர் ஸ்ட்ரெச்சரில் தூக்கிச் செல்லப்பட்டர். அவர் கண்ணீரோடு திடலிலிருந்து வெளியேறினார்.

தங்களின் நட்சத்திர ஆட்டக்காரரை இழந்து விட்டதால், போர்த்துக்கல் ரசிகர்கள் பெரும் ஏமாற்றத்திற்கு உள்ளாயினர்.  வழக்க மான ஆட்டநேரத்தில் இரு குழுக்களுமே கோல் போடாமல் சமநிலையில் இருந்தன.

கூடுதல் நேரத்தின் 109ஆவது நிமிடத்தில் போர்த்துக்கல் வீரர் எடெர், தொலைவில் இருந்து தொடுத்த அதிரடித் தாக்குதலை, பிரெஞ்சுக் கோல்கீப்பர் ஹூகோ இல்லோரிசினால் தடுத்து நிறுத்த முடியாமல் போனது.

இதன்வழி 1-0 என்ற கோல் கணக்கில் முன்னிலை பெற்ற போர்த்துக்கல், கடைசி வரையில் போராடி, இந்த வெற்றியைத் தற்காத்து யூரோ கிண்ணத்தை வாகைசூடி வரலாறு படைத்தது.

ஐரோப்பாவில் சிறந்த கால்பந்து கிளப்புகளைக் கொண்டிருக்கும் நாடாக போர்த்துக்கல் விளங்கி வந்த போதிலும் யூரோ சாம்பி யன் போட்டியில் வெல்வது இதுவே முதன்முறை என்பது குறிப்பிடத்தக்கது.

அண்மைய காலமாக பயங்கரவாதத் தாக்குதல்களுக்கும் மிரட்டல்களுக்கும் இலக்காகி வந்த பிரான்ஸ் மக்களுக்கு, யூரோ கால்பந்து போட்டி ஒரு தற்காலிக நிவாரணமாக அமைந்தது. இருப்பினும் இறுதி ஆட்டத்தில் வெற்றியை நழுவ விட்டது நாடு தழுவிய அளவில் சோகத்தையும் ஏமாற்றத்தையும் ஏற்படுத்தியது.

இதனிடையே போட்டி தொடங்குவதற்கு முன்பே அரங்கத்தினுள் விளக்கொளிப் பூச்சிகள் படையெடுத்தன. முற்றிலும் அரங்க த்தையே அவை ஆக்கிரமித்துக் கொண்டன. இதனால், ரசிகர்களும் விளையாட்டாளர்களும் கடும் தொல்லைகளுக்கு உள்ளாயி னர்.

சாவ் பாவ்லோ, ஜூலை 10- உலகக் கால்பந்து மன்னனாக கருதப்படும் முன்னாள் பிரேசில் வீரரும் முன்னாள் அமைச்சருமான பெலி, மூன்றாவது முறையாக திருமணம் செய்து கொண்டுள்ளார். கடந்த 6 ஆண்டுகளாக தமது காதலியாக விளங்கி வந்த மார்சியா சிப்பெலி  அயோகி என்பவரை அவர் திருமணம் புரிந்து கொண்டார் என அறிவிக்கப்பட்டுள்ளது.

இது குறித்து உள்நாட்டுப் பத்திரிகை ஒன்றுக்கு பேட்டி அளித்திருக்கும் 75 வயதுடைய பெலி, ஒரு நிரந்தரமான காதலைத் தாம் இப்போது பெற்றிருப்பதாகக் கூறினார்.

"மார்சியாவை நான் 1980ஆம் ஆண்டில் நியூயார்க்கில் முதன் முறையாகச் சந்தித்தேன். அதன் பின்னர் எங்களுக்குள் எந்தத் தொடர்பும் இல்லை. அதன் பின்னர் 2010ஆம் ஆண்டில் எதேச்சையாக சாவ் பாவ்லோ நகரில், மின்படிக் கட்டில் சென்று கொண்டி ருந்த போது மீண்டும் பார்த்தேன்" என்று பெலி கூறினார்.

சுமார் 42 வயதுடைய மார்சியா கடந்த 6 ஆண்டு காலமாக பெலியுடனேயே எங்கும் காணப்பட்டார். பொது நிகழ்ச்சிகளில் அவர் பெலியுடன் அடிக்கடி தென்பட்டார். மேலும் அண்மைய காலமாக பெலி மருத்துவச் சிகிச்சைகளுக்காக அடிக்கடி மருத்து வமனைக்குச் சென்று வந்த போதெல்லாம் அவருடனேயே மார்சியா இருந்தார் என்பது குறிப்பிடத்தக்கது.

கால்பந்து வரலாற்றில் தலைசிறந்த கால்பந்து வீரர் என வர்ணிக்கப்படும் பெலிக்கு இது மூன்றாவது திருமணமாகும்.  தாம் விளையாடிய 1,363 ஆட்டங்களில் 1,281 கோல்களை பெலி அடித்திருக்கிறார். 1957ஆம் ஆண்டுமுதல் 1971ஆம் ஆண்டுவரையில் 91 முறை பிரேசில் நாட்டைப் பிரதிநித்து அவர் விளையாடி உள்ளார்.

 

லண்டன், ஜூலை 10- அமெரிக்காவின் புகழ்பெற்ற டென்னிஸ் வீராங்கனையான செரினா வில்லியம், விம்பிள்டன் டென்னிஸ் போட்டியின் மகளிர் பிரிவில் 7ஆவது முறையாக சாம்பியன் பட்டத்தை வென்றார். 

இறுதி ஆட்டத்தில் ஜெர்மனியின் ஏஞ்சலிக்கே கெர்பரை 7-5, 6-3 என்ற புள்ளிகளில் செரினா வீழ்த்தினார். இதுவரையில் செரினா 22 கிரேண்ட் ஸ்லேம் போட்டிகளில் சாம்பியன் விருகளை வென்றுள்ளார்.

கடந்த ஜனவரியில் நடந்த ஆஸ்திரேலிய பொது டென்னிஸ் போட்டியில் செரினாவை வீழ்த்தி சாம்பியன் பட்டத்தை வென்று, டென்னிஸ் உலகில் அதிர்ச்சியை ஏற்படுத்திய கெர்பர், மீண்டும் அத்தகைய ஆட்டத்தை வெளிப்படுத்துவார் என்ற எதிர்ப்பார்ப்பு நிலவியது.

ஆனால், முதல் செட்டில் கடும் போட்டியை வழங்கிய கெர்பர், அடுத்த செட்டில் எளிதாக வீழ்ந்து ஏமாற்றத்தை அளித்தார்.

இந்த ஒற்றையர் சாம்பியன் வெற்றிக்குப் பின்னர், இரட்டையர் பிரிவின் இறுதி ஆட்டத்தில் தமது சகோதரி வீனஸ் வில்லியத்துடன் ஜோடி சேர்ந்து களமிறங்கிய செரினா, இரட்டையர் சாம்பியன் பட்டத்தையும் வாகை சூடினார். 

இரட்டையர் போட்டியில் வில்லியம் சகோதரிகள் வென்ற 6ஆவது விம்பிள்டன் பட்டம் இதுவாகும்.

சென்னை, ஜூலை 25- கடந்த 22ம் தேதி, தாம்பரத்திலிருந்து அந்தமானுக்கு செல்லும் வழியில், புறப்பட்ட 15 நிமிடத்தில் மாயமான போர் விமானத்தைத் தேடும் பணிகள் தொடர்ந்து நடைபெற்று வருகிறது. விமானம் மாயமாகி நான்கு நாட்கள் ஆகியும் இதுவரை எந்த தகவலும் கிடைக்கவில்லை.

இதனை கட்லோர காவல் படை ஐ.ஜி.ராஜன் செய்தியாளர் சந்திப்பில் கூறினார். "சென்னையிலிருந்து 150 கடல் மைல் தொலைவில் தேடுதல் பணி நடந்து வருகிறது. இதனை மேலும் விரிவுப்படுத்தி 300 கடல் மைல் தொலைவிற்கு தேடலைத் தொடங்க நடவடிக்கைகள் எடுக்கப்பட்டு வருகிறது" என்றார்.

மேலும்,"விமானம் மாயமாகி 4 நாட்கள் ஆகியும் தகவல் ஏதும் இல்லை. வங்கக்கடல் வழியாக செல்லும் அனைத்து வர்த்தக கப்பல்களுக்கும் தகவல் தரப்பட்டுள்ளது. இதுவரை 13 கடற்படை கப்பல்கள், 4 கடலோர காவல்படை, 12 விமானங்கள் காணாமல் போன விமானத்தைத் தேடும் பணியில் ஈடுபட்டுள்ளன" என்றார்.

சென்னை, ஜூலை 24- சென்னைக்கு அருகே 29 பேருடன்  காணாமல் போன இந்திய விமானப்படையைச் சேர்ந்த விமானத்தைத் தேடும் பணி மூன்றாவது நாளாக மேற்கொள்ளப்பட்டது. அந்த விமானத்தைத் தேடிக் கண்டுபிடிப்பதில் உதவும்படி இந்திய விண்வெளி ஆய்வு மையமான இஸ்ரோவுக்கு கோரிக்கை விடுக்கப்பட்டுள்ளது.

சென்னையில் இருந்து நேற்று முன்தினம் காலை 8.30 மணிக்கு அந்தமான் சென்ற போது  ஏ.என்-32 ரக ராணுவ விமானம் காணாமல் போனது. அதில் பயணம் செய்த தமிழக வீரர் உள்ளிட்ட 29 பேரின் கதி என்ன ஆனது? என்று தெரியவில்லை. 

விமானப்படை விமானம் மாயமானது தொடர்பாக தாம்பரம் அருகேயுள்ள சேலையூர் போலீஸ் நிலையத்தில் முறைப்படி புகார் அளிக்கப்பட்டுள்ளது. இதையடுத்து, ஏ.என்-32 விமானம் குறித்தும், விமானத்தில் சென்றவர்கள் தொடர்பாகவும் தாம்பரம் விமானப்படை தளத்தில் உள்ள அதிகாரிகளிடம் காவல் துறை ஆய்வாளர் விசாரித்து வருகிறார். 

வானம் மேகமூட்டமின்றி தெளிவாக இருந்ததால் விமானத்தை தேடும் பணி முழுவீச்சில் நடைபெற்றது. 

புதுடில்லியில் செய்தியாளர்களிடம் பேசிய  கிழக்கு பிராந்திய கப்பல் படைத் தலைவர் பிஷ்ட், மாயமான விமானப்படை விமா னத்தை கண்டுபிடிக்க இஸ்ரோவிடம் உதவி கோரப்பட்டு உள்ளது. இஸ்ரோ தரும் செயற்கைக்கோள் புகைப்படங்கள் விமா னத்தை கண்டுபிடிக்க உதவியாக இருக்கும் என்று குறிப்பிட்டார்.

விமானத்தை தேடும் பணியில் அதிகமான கப்பல்கள் ஈடுபடுத்தப்பட்டு உள்ளன. கப்பல்கள், விமானப்படை விமானங்கள், ஹெலிகாப்டர்கள், கடலோர காவல்படை கப்பல்கள் ஆகியவை விமானத்தை தேடும் பணியில் தீவிரமாக ஈடுபட்டு வருகின்றன என்று அவர் கூறினார்.

 

 

 

புதுடில்லி, ஜூலை 23- அனைத்துலக நிவாரண பணிக் குழுவில் வேலைச் செய்தபோது கடத்தப்பட்ட இந்தியப் பெண் கடத்தப்பட்டார். அகா கான் அறவாரியத்தில் வேலை செய்த ஜுடித் டி'சோசா எனும் பெண் கடந்த மாதம் 9ம் தேதி காபுலில் கடத்தப்பட்டார்.

கடத்தப்பட்ட அவர் ஒரு மாதத்திற்கு பிறகு காயங்கள் ஏதும் இன்றி விடுவிக்கப்பட்டதாக இந்திய வெளியுறவு அமைச்சர் சுஸ்மா ஸ்வராஜ் இன்று தெரிவித்திருந்தார். 

சுஸ்மா தனது டிவிட்டரில், "ஜுடித் டி'சோசா மீட்கப்பட்டதை தெரிவிப்பதில் நான் மகிழ்ச்சி கொள்கிறேன்" என்று கூறியுள்ளார். ஆனால், ஜூடித் எவ்வாறு விடுவிக்கப்பட்டாள் என்ற விவரத்தை எதையும் வெளியிடவில்லை.

ஆப்கானிஸ்தானில் கடத்தல் மிக பெரிய பிரச்சனையாக உருவெடுத்துள்ளது. கடந்த சில ஆண்டுகளாக வெளிநாட்டவர்களைக் கடத்தும் சம்பவம் அங்கே அதிகரித்து வருகிறது.

சென்னை, 23 ஜூலை-  இந்திய விமானப்படைக்குச் சொந்தமான விமானம் சென்னையிலிருந்து புறப்பட்ட  சிறிது நேரத்தில் காணாமல் போனது.ஏ.ஏ.என் 32 என்ற அந்த விமானத்தில் பயணம் செய்தவர்களில் 29 பேரில், 12 பேர் தமிழகத்தைச் சேர்ந்தவர்கள் என்ற தகவல் வெளியாகியுள்ளது. 

சென்னை, தாம்பரத்தில் அமைந்துள்ள விமானப்படை தளத்திலிருந்து  அந்தமான், போர்ட் பிளேர் நோக்கிப் புறப்பட்ட விமானம் நடுவானில்  பறந்துக்கொண்டிருந்த போது  திடீரென கட்டுப்பாட்டு அறையுடனான தொடர்பை இழந்தது.  விமானத்துடனான அனைத்துத் தொடர்புகளும் துண்டிக்கப்பட்டதால்  தேடும் பணிகள் முடுக்கிவிடப்பட்டுள்ளன.   

காணாமல் போன விமானத்தில் 6 விமானிகள், 11 விமானப்படை அதிகாரிகள், 8 கடற்படை வீரர்கள் ஆகியோர் பயணித்தனர், என்றும் இவர்களில் 12 பேர் தமிழகத்தைச் சேர்ந்தவர்கள் என்றும் தெரியவந்துள்ளது.   

 

சென்னை, ஜூலை 22- சென்னை, தாம்பரம் விமானப்படைத் தளத்திலிருந்து புறப்பட்ட விமானம் காணாமல் போனதாக செய்தி வெளியாகியுள்ளது. அந்தமான் நோக்கி சென்ற இவ்விமானத்தில் 29 பேர் இருந்ததாக கூறப்படுகிறது.

இந்திய விமானப் படைக்குச் சொந்தமான ஏஎன்32 ரக போர் விமானம் இன்று காலை அந்தமான் தலைநகரான போர்ட்பிளேருக்கு புறப்பட்டது. காலை 8 மணியளவில் விமானத்துடனான தொடர்பு துண்டிக்கப்பட்டதாக அதிகாரிகள் தெரிவித்துள்ளனர். 

இதனைத் தொடர்ந்து விமானங்கள் மற்றும் கப்பல்கள் உதவியுடன் தேடுதல் பணிகள் மேற்கொள்ளப்பட்டு வருகிறது. வங்காள வரிகுடாவில் தேடுதல் பணி தொடங்கியிருப்பதாக ஊடகங்கள் செய்தி வெளியாக்கியுள்ளன

கல்யாண்,  22 ஜூலை - கேரளாவில் இளைஞர்களை  ஐ.எஸ் தீவிரவாத இயக்கத்தில் சேத்து விட்டதன் அடிப்படையில்  இஸ்லாமிய சொற்பொழிவாளர் ஜாகிர் நாயக்கின்  உதவியாளர்   அர்ஷிட்  குரேஷி என்பவரைப் போலீசார் கைது செய்துள்ளனர். கேரள போலீசாரும்,  மகாராஷ்டிர பயங்கரவாத தடுப்பு படையினரும்  இணைந்து நடத்திய விசாரணையின் அடிப்படையில்   நேற்றிரவு இவர் கைது செய்யப்பட்டுள்ளார். 

மாஜிஸ்திரேட் நீதிமன்றத்தில் நிறுத்தப்பட்ட   அர்ஷித்  குரேஷி 4 நாட்கள் தடுப்புக் காவலில் வைக்கப்பட்டார்.   மகாராஷ்டிர பயங்கரவாத தடுப்புப் பிரிவு அதிகாரிகள் விசாரணை நடத்தவுள்ளனர்.    

அண்மையில், கேரளாவிலிருந்து அதிகமான இளைஞர்கள் ஐ.எஸ் தீவிரவாத இயக்கத்தில் இணைந்ததாக வெளியான தகவல் பரபரப்பைக் கிளப்பியது. அவர்களை அர்ஷித்   தான் ஐ.எஸ் தீவிரவாத இயக்கத்தில் சேர்த்து விட்டதாகத் தகவல் வெளியாகியுள்ளது. 

Sign up via our free email subscription service to receive notifications when new information is available.
Advertisement

Currency / Gold Rate

Currency Rate
1 US dollars = 4.03 Malaysian ringgit
1 SG dollars = 2.98 Malaysian ringgit
  
Gold Rate  
Gold Unit                    Price in Malaysian Ringgit 
Gold Ounce                          5,489.12      
Gold Gram Carat 24                176.50
Gold Gram Carat 22                161.78
 
 

Advertisement 1

Advertisement 2

Advertisement 3

Advertisement 4

Top Stories

Grid List

ஆடி மாதத்தில் இருந்துதான் விரதங்கள், பண்டிகைகள், உற்சவங்கள் எல்லாம் ஒவ்வொன்றாக தொடங்குகிறது. இந்த மாதத்தை அம்மன் மாதம் என்றும் அம்பாள் மாதம் என்றும் சிறப்பித்து கூறுவார்கள். அந்தளவுக்கு வீடுகளிலும், கோயில்களிலும் விழாக்களும், விரத வழிபாடுகளும் களை கட்டி விடும். அம்மன், அம்பாள், ஆண்டாள், சக்தி ஸ்தலங்களில் சிறப்பு பூஜைகள், ஹோமங்கள் என்று பக்தி மணம் கமழும். ஆடி மாதத்தில் வரும் செவ்வாய், வெள்ளி, ஞாயிற்றுக்கிழமைகள் மிக விசேஷமானவை. ‘ஆடி செவ்வாய் தேடிக் குளி’ என்பது பழமொழி. 

அதாவது விரதம் இருந்து எண்ணெய் தேய்த்து குளித்து அம்பாளை வழிபட பெண்களின் மாங்கல்ய பலம் கூடும் என்பது ஐதீகம். ஆடி வெள்ளி வழிபாடு செய்வது சகல பாக்யங்களையும் அள்ளித் தரும். திருமண பாக்யம் கைகூடிவரும். புதுமண தம்பதியருக்கும் நீண்ட காலமாக குழந்தை பாக்யம் எதிர்பார்த்திருப்போருக்கும் நல்ல அறிவாற்றல், புத்தி சாதுர்யத்துடன் கூடிய குழந்தை பாக்யம் உண்டாகும். ஆடி ஞாயிற்றுக்கிழமை பிரார்த்தனைகளையும் நேர்த்திக் கடன்களையும் செலுத்தும் நாளாக கருதப்படுகிறது. 

அலகு குத்தி காவடி எடுத்தல், பால்குடம் எடுத்தல், பொங்கல் வைத்து வழிபடுதல், சிறப்பு பூஜைகள் செய்தல், தீ மிதித்தல், கூழ் ஊற்றுதல், அம்மன் கோயில்களுக்கு சென்று வழிபடுதல் என்று இந்த மாதம் முழுவதும் பக்தி மார்க்கத்தில் மூழ்கித் திளைப்பார்கள். ஆடி வெள்ளி, செவ்வாய், ஞாயிறு தவிர ஆடி அமாவாசை, ஆடிப்பூரம், ஆடிக்கிருத்திகை, ஆடித்தபசு ஆடி பவுர்ணமி, ஆடிப்பெருக்கு என்று பலப்பல விசேஷ நாட்கள் இந்த மாதத்தில் வருகின்றன. இதில் ஆடி அமாவாசை முக்கியமானது. அன்றைய தினம் கடல், நதிகள் உள்ளிட்ட புனித நீர்நிலைகளில் நீராடி, முன்னோர்க்கு திதி கொடுப்பது மிகவும் சிறப்பானதாக கருதப்படுகிறது. 

அவரவர் குடும்ப வழக்கப்படி வீட்டில் படையல் இட்டு வழிபட்டு முன்னோர் நினைவாக இல்லாதோர், இயலாதோர், முதியோர், ஆதரவற்றோர் இல்லங்களில் அன்னதானம், உடை, போர்வை போன்றவற்றை வழங்குவது பல்வேறு பாவங்களை நீக்கி புண்ணிய பலன்களை சேர்க்கும்.
ஆடி மாதத்தின் 18-வது நாள் ‘ஆடிப்பெருக்கு’ என்று கொண்டாடப்படுகிறது. இந்நாளில் பெண்கள் தாலிக்கயிறு மாற்றி புதுக்கயிறு அணிவார்கள். திருநெல்வேலி அருகில் உள்ள சங்கரன்கோவிலில் ஆடி தபசு பிரசித்தி பெற்றது. கோமதி அம்மனின் தவத்துக்கு இரங்கிய சிவபெருமான், புன்னை வனத்தில் சங்கர நாராயணராக ஆடி பவுர்ணமியன்று காட்சியளித்தார். 

ஆடிப்பூரம் ஆண்டாள் அவதாரம் செய்த திருநட்சத்திரம். கன்னிப் பெண்களும் திருமண பாக்யம் கைகூடாமல் இருக்கும் பெண்களும் இந்த நாளில் விரதம் இருந்து பக்தியுடன் ஆண்டாள் அருளிச் செய்த ‘வாரணமாயிரம்’ என்று  தொடங்கும் பாசுரத்தை பாடி வர திருமண பிராப்தம் கூடிவரும்.
இத்தனை சிறப்புகள் மிக்க ஆடி மாதத்தில் நல்ல காரியங்களை ஆரம்பிக்க கூடாது, செய்யக் கூடாது என்ற கருத்து நிலவுகிறதே. எதனால்? இந்த மாதத்தில் விரதங்கள், வழிபாடுகள், கோயில் திருவிழாக்கள் மாறிமாறி வந்துகொண்டே இருக்கும். 

ஆன்மீகத்திலும் இறை வழிபாட்டிலும் மனப்பூர்வமாக ஈடுபட வேண்டியிருப்பதால் மற்ற காரியங்களில், விசேஷங்களில் கவனம் செலுத்துவது சிரமம். இறைவனை துதிப்பதற்கும், அவன் சிந்தனையாகவே ஆன்மீக ஸ்தலங்களுக்கு சென்று தரிசனம் செய்வதற்கும் இடையூறாக மற்ற விழாக்கள், நிகழ்ச்சிகள் இருந்துவிட கூடாது என்பதற்காகவே மற்ற சுப விசேஷங்கள் இந்த மாதத்தில் தவிர்க்கப்படுகிறது.

ஹாங்காங், ஜூலை 22- காப்புரிமை மீறலுக்காக சம்சுங் நிறுவனம், ஹுஹவேய் நிறுவனத்தின் மீது வழக்கு தொடுத்துள்ளது. இதனால் இரண்டு விவேக கைப்பேசி நிறுவனங்களிடையே சட்ட மோதல் அதிகரித்துள்ளது.

சம்சுங் எலெக்டிரானிக் நிறுவனம் உலகின் முதல் நிலை விவேக கைப்பேசி தaயாரிப்பு நிறுவனமாகும். அதேபோல ஹுஹவேய் தரவரிசையில் மூன்றாவது நிலையில் உள்ளது. கைப்பேசி வியாபாரத்தில் இரு நிறுவனங்களிடையே கடுமையான போட்டி நிலவி வருகிறது. இவ்வருடத்தில் விவேக கைப்பேசிகளின் ஒட்டு மொத்த மதிப்பு 332 பில்லியன் அமெரிக்க டாலராகும் (ரிம 1.35 திரிலியன்). 

தென் கொரியாவின் சம்சுங், கடந்த இரண்டு  வாரங்களுக்கு முன் தனது ஆறு காப்புரிமைகளை மீறி விட்டதாக ஹுஹவேய் நிறுவனம் மீது வழக்கு தொடர்ந்தது என தகவல் வெளியாகியுள்ளது. ஆனால் எந்த காப்புரிமை மீறப்பட்டது என்ற விவரம் வழங்கப்படவில்லை.

பிரச்சனையைக் சுமூகமாக தீர்க்கவும் எங்களின் அறிவுச் சார்ந்த சொத்தைத் தற்காத்துக் கொள்ளவும் நாங்கள் சட்ட நடவடிக்கை எடுத்தோம் என சம்சுங் கூறியுள்ளது. 

இதற்கு பதிலளித்த ஹுஹவேய் நிறுவனம், இது தொடர்பாக தங்களுக்கு அதிகாரப்பூர்வ கடிதம் கிடைக்கவில்லை. அவ்வாறு வந்தால் தேவையெனில் எங்களைத் தற்காத்து கொள்வோம் என அந்நிறுவனம் கூறியுள்ளது. 

ஹுஹவேய் நிறுவனம் கடந்த ஆண்டு 100 மில்லியன் விவேகக் கைப்பேசிகளை விற்றது குறிப்பிடத்தக்கது. s

புளோரிடா, ஜூலை 25- அமெரிக்காவின் புளோரிடா மாகாணத்தில் இரவு விடுதி ஒன்றில் துப்பாக்கிச்சூடு நடத்தப்பட்டதில் 16 பேர் காயமடைந்ததோடு இருவர் பலியாகியிருப்பதாக செய்திகள் கூறுகின்றன.

போர்ட் மையர்ஸ் என்ற பகுதியில் உள்ள ‘கிளப் ஃபுளு’ எனும் கேளிக்கை மையத்தில், விருந்து நிகழ்ச்சி நடைபெற்றுக் கொண்டிருந்தபோது, நள்ளிரவு மணி 12 அளவில் அந்த கேளிக்கை மையத்தின் வாகனம் நிறுத்தும் இடத்தில் இந்த துப்பாக்கிச் சூடு நடத்தப்பட்டிருப்பதாக தெரிகிறது.

குறைந்தது இரண்டு பேர் கொல்லப்பட்டிருப்பதாகவும், 16 பேர் காயமடைந்திருப்பதாகவும் தகவல்கள் தெரிவிக்கின்றன. உயிரிழந்தவர்களின் அடையாளம் இன்னும் கண்டுபிடிக்கப்படவில்லை.

இதுதொடர்பாக, ஒருவரைப் பிடித்து போலீசார் விசாரணை நடத்தி வருகின்றனர்.

 

 

 

 

 

கோலாலம்பூர், ஜூலை 25-  மலேசியாவில் கபாலி பட இறுதி காட்சி வேறு விதமாக காட்டப்பட்டுள்ளது. அதாவது, இந்தியாவில் வெளியான கபாலி படத்தின் இறுதி காட்சியில் வேறு விதமான முடிவையும், மலேசியாவில் வெளியான படத்தில் வேறு விதமான கிளைமாக்ஸ் காட்சியையும் காட்டப்பட்டுள்ளது.

மலேசியாவில் வெளியான கபாலி கிளைமாக்ஸில், “கபாலி போலீஸில் சரணடைந்தார்” என்ற வாசகம் இடம் பெற்றுள்ளது.

இதுகுறித்து மலேசிய சென்சார் போர்ட் தலைவரான டத்தோ அப்துல் ஹலீன் அப்துல் ஹமீட் கூறுகையில், "மலேசியாவிற்கென சில நன்னெறி பன்புகள் பின்பற்றப்பட்டு வருகின்றன. வன்முறையில் ஈடுபடுபவர் சுதந்திரமாக நாட்டில் சுற்றித் திரிய முடியாது, சட்டத்தை தன் கையில் எடுக்கும் வகையிலான கதையமைப்பை கொண்டுள்ளது ‘கபாலி’ படம், ஆகையால் மலேசியாவில் வெளியிடப்படும் அப்படத்தின் இறுதிக் காட்சியில் ‘கபாலி’ காவல் துறையினரிடம் சரனடைந்தார் என்னும் வாசகம் இணைத்து சிறிய மாற்றங்கள் ஏற்படுத்த வேண்டியிருந்தது" என்று அவர் விளக்கினார்.

இந்த மாற்றத்தை ஏற்படுத்துவதற்கான உரிமையை இப்படத்தின் தயாரிப்பாளரான கலைப்புலி எஸ் தானு அவர்களிடம் பெற்ற பின்னரே இந்த மாற்றம் செய்ய்ப்பட்டிருக்கிறது என்று டத்தோ அப்துல் ஹலீம் தெரிவித்தார்.

அதுமட்டுமல்லாமல், மலேசியர்களை அவமதிக்கக்கூடிய ஒரு சில வார்த்தைகள் இடம்பெற்றிருந்த குறிப்பிட்ட காட்சிகள் வெட்டப்பட்ட விவரத்தையும் அவர் தெரிவித்தார்.