Top Stories

Grid List

கோலாலம்பூர், ஜூன் 28- மூன்றாவது மாடியிலிருந்து விழுந்த 6 வயது சிறுமி பரிதாபமாக உயிரிழந்தார். இச்சம்பவம் பண்டார் பாரு செந்தூலில் உள்ள அடுக்குமாடி குடியிருப்பில் நடந்தது. 

மூன்றாவது மாடியில் இருக்கும் தன் வீட்டின் பின் பகுதி பால்கனியில் வாளி மீது நின்றிருந்த அச்சிறுமி கால் இடறி மாடியிலிருந்து விழுந்ததாக விசாரணையில் தெரியவந்துள்ளதாக செந்தூல் மாவட்ட தலைமை போலீஸ் அதிகாரி ஏசிபி முனுசாமி தெரிவித்தார். 

சம்பவ இடத்திலேயே அச்சிறுமி மரணமடைந்ததாகவும் அவளின் உடலைப் பரிசோதனைக்காக கோலாலம்பூர் மருத்துவமனைக்கு கொண்டு செல்லப்பட்டதாகவும் அவர் மேலும் கூறினார்.

சிறுமியின் மற்ற விவரங்கள் வெளியிடப்படவில்லை.

கிள்ளான்,  28 ஜூன் - கிள்ளான்  ஜாலான் தெங்கு கிளானாவில்  இயங்கும் இந்தியர்களின் வணிகக் கடைத் தொகுதிக்கு "லிட்டல் இந்தியா" என்ற பெயரை  வைக்க வேண்டும் என்ற கோரிக்கைக்கு  கிள்ளான்  நகராண்மைக்கழகம் திட்டவட்டமாக மறுப்பு தெரிவித்துள்ளது.   இதன்மூலம்  கிள்ளான் லிட்டல் இந்தியா என்ற பெயரை நிலைநிறுத்த கிள்ளான் இந்திய வர்த்தக சங்கம் மேற்கொண்டு வந்த அனைத்துப் போராட்டங்களும் தோல்வியடைந்துள்ளன. 

கிள்ளான் இந்திய வர்த்தக சங்கத்திற்கு ஜூன் 9 என தேதியிட்டு கிள்ளான் நகராண்மைக் கழகம் அனுப்பிய கடிதத்தில் "லிட்டல் இந்தியா" என பெயரிட முடியாது என்ற உத்தரவு மட்டுமின்றி,  இனியும்  இவ்விவகாரத்தை எழுப்ப வேண்டாம் என்றும் கேட்டுக்கொள்ளப்பட்டுள்ளது. 

எனினும்,  இவ்விவகாரத்திற்கு ஒரு தீர்வு தேடும்   முயற்சியைக் கைவிட விரும்பாத கிள்ளான் இந்திய வர்த்தக சங்கம் இன்று,   கிள்ளான்  நாடாளுமன்ற உறுப்பினர் சார்ல்ஸ் சந்தியாகோவுடனான பத்திரிகையாளர் சந்திப்பு ஒன்றை நடத்தியது. 

 இந்நிகழ்வில் பேசிய  கிள்ளான் இந்திய வர்த்தக சங்கத் தலைவர் என்.பி ராமன், ஜாலான் தெங்கு கிளானாவை    லிட்டல் இந்தியா என பெயர் மாற்றம் செய்யும் நிலப்பட்டா கேட்கவில்லை. இந்த இடத்திற்கு "லிட்டல் இந்தியா" என்ற அடைமொழியை ஊர்ஜிதப் படுத்தும் ஓர் அடையாளத்தை தான் கேட்கிறோம்.  முன்னாள் மந்திரி புசாரும் சரி, இப்போதுள்ள மந்திரி புசாரும் சரி,   எல்லாரும் "லிட்டல் இந்தியா",  என வாய் இனிக்க சொல்லி விட்டு இன்று  இப்படி ஒரு கடிதம் அனுப்பியதற்கான காரணம் தான் என்ன என்று கேள்வியெழுப்பினார். மேலும் பேசிய அவர்,   இக்கடிதத்தில் எந்த   பெயர்ப்பலகையிலும், லிட்டல் இந்தியா என்ற பெயர் கூட இடம் பெறக்கூடாது என்ற நகராண்மைக் கழகத்தின் முடிவு ஏற்றுக்கொள்ள முடியாத ஒன்று எனத் தெரிவித்தார். 

 இது தொடர்பாக இன்றைய கூட்டத்தில் உரைநிகழ்த்திய அண்டலாஸ் சட்டமன்ற உறுப்பினர் டாக்டர் ஜெயக்குமார் (பி.கே.ஆர்) எதன் காரணமாக சிலாங்கூர் சட்டமன்ற உறுப்பினர் டாக்டர் ஜெயக்குமார் (பி.கே.ஆர்), எதன் காரணமாக சிலாங்கூர் ஆட்சிக்குழு "லிட்டல் இந்தியா" பெயரை அனுமதிக்கவில்லை என முடிவெடுத்தது என்பது குறித்து விளக்கம் பெற  வேண்டியிருப்பதாக   தெரிவித்தார். அவர்களின் கருத்தை அறிய வேண்டியது அவசியம் என்று குறிப்பிட்டார். 

 "கிள்ளான் லிட்டல் இந்தியா" என்ற பெயரை வலியுறுத்தும் கிள்ளான் வியாபாரிகளின் கோரிக்கையை ஏற்கப்படாமல் இருக்கும் நிலையில்   கிள்ளான் நகராண்மைக் கழகமும்  மாநில அரசும்  மாற்றுத் திட்டங்களை வைத்திருக்கின்றனர் என்று கிள்ளான் தொகுதி நாடாளுமன்ற  உறுப்பினர் சார்லஸ் சந்தியாகோ தெரிவித்தார். 

ஆனால், கிள்ளான் இந்திய வர்த்தகர்களின் திட்டம் என்ன? இந்த பகுதியில்  வியாபாரமும் சுற்றுப்பயணமும் வளரவும் சற்று  விரிவான நிலையில் இருக்கும் கிள்ளானின் பொருளாதார வளர்ச்சிக்கும், மாற்றுத் திட்டம் என்ன என்பதை  இங்குள்ள வர்த்தகர்கள், முன்வைக்க வேண்டும் என்றும் சார்லஸ் சந்தியாகோ தெரிவித்தார். 

இவ்விவகாரம் குறித்த விரிவான விளக்கத்தைக் கீழ்க்காணும் காணொளியில் காணலாம். 

 

கோலாலம்பூர், ஜூன் 28- சட்டவிரோதத் தொழிலாளர்களை மறுபடியும் வேலைக்கு அமர்த்தும் திட்டம் வரும் வியாழக் கிழமை யுடன் முடிவடைகிறது. எனவே கள்ளத் தொழிலாளர்களை வேலைக்கு அமர்த்தும் முதலாளிக்களை சட்டத்தின் முன் நிறுத்த உள்துறை அமைச்சு தயங்காது என்று எச்சரிக்கை விடுக்கப்பப்ட்டுள்ளது.

இத்தகைய கள்ளத் தொழிலாளர்களை மறுபடியும் வேலைக்கு அமர்த்திக் கொள்ள பதிவு செய்வதற்கு முதலாளிகளுக்கு வாய்ப்பளிக்கும் திட்டம் முடிவுக்கு வர இன்னும் இரண்டு நாள்களே உள்ளன. கடந்த பிப்ரவரி மாதம் 15ஆம் தேதி இந்தத் திட்டம் அமல்  படுத்தப்பட்டது.

கூடுதலான முதலாளிகள், இத்தகைய தொழிலாளர்களைப் பதிவு செய்து கொள்வதற்கு ஏற்ப அவ்வப்போது பதிவு விதி முறை களில் உள்துறை அமைச்சு அபிவிருத்திகளைச் செய்து வந்துள்ளது. 

இதன் பின்னரும் கள்ளத் தொழிலாளர்களை வேலைக்கு அமர்த்தும் முதலாளிகளை விசாரணைக்கு உட்படுத்த அரசு தயங்காது என உள்துறை அமைச்சு குறிப்பிட்டுள்ளது.

 

 

கோலாலம்பூர், ஜூன் 28- மலேசியன் ஏர்லைன்ஸ் பெர்ஹாட்டின் தலைமை நிர்வாகச் செயல்நிலை அதிகாரி (சிஇஓ) கிறிஸ்தோப் முள்ளர், துபாயிலுள்ள எமிரேட்ஸ் ஏர்லைன்சின் உருமாற்றுத் திட்ட தலைமை அதிகாரியாகப் பொறுப்பேற்கவிருக்கிறார்.

 இரண்டு ஆண்டுகளுக்கு முன்பு மலேசிய விமான நிறுவனத்தில் சேர்ந்த அவர், எதிர்வரும் செம்டம்பரில் பொறுப்பிலிருந்து வெளியேறவிருக்கிறார். இதனிடையே 54 வயதுடைய முள்ளர் எமிரேட்ஸ் விமான நிறுவனத்தில் சேரவிருக்கிறார் என ஜெர்மனி சஞ்சிகை ஒன்று தெரிவித்துள்ளது.

அவர் தனிப்பட்ட காரணங்களுக்காக மலேசிய விமான நிறுவனத்தை விட்டு வெளியேறுவதாக கூறப்பட்டது என்றாலும், அவர் எமிரேட்சில் சேர்வதற்காகவே பதவியிலிருந்து விலகியிருக்கக் கூடும் என்று இப்போது தகவல்கள் கசிந்துள்ளன.

மாஸில் 6 ஆயிரத்திற்கும் அதிகமான ஊழியர்கள் ஆள்குறைப்புச் செய்யப்பட்டதற்கு முள்ளர் தான் காரணம் என்பதால் பல்வேறு தரப்பினரால் அவர் கடுமையான விமர்சிக்கப்பட்டார். இந்த ஊழியர்களில் பலர் எத்தகைய உற்பத்தித் திறனுமின்றி வேலைக்கு அமர்த்தப்பட்டிருந்ததால் ஆள்குறைப்புச் செய்யப்பட்டனர் எனக் கூறப்பட்டது.

கோத்தா பாரு, ஜூன் 28- இரண்டு ஆண்டுகளுக்கு முன், சொந்த தங்கையையே மூன்று முறை கற்பழித்த காமுகனுக்கு, இன்று செக்‌ஷன் நீதிமன்றம் 30 ஆண்டு சிறை மற்றும் 30 பிரம்படிகளை தண்டனையாக வழங்கி தீர்ப்பளித்துள்ளது.

20 வயதுடைய அந்த காமுகனின் வழக்கினை, செக்‌ஷன் நீதிமன்ற நீதிபதி முகமது யூசோஃப் யூனூஸ் விசாரித்து தீர்ப்பளித்தார்.

தனது 18 ஆவது வயதில், தன் 15 வயது தங்கையை மூன்று முறை கற்பழித்துள்ளான் அந்த ஆடவன். இந்த சம்பவம், பெர்மாதாங் ரம்பாய் எனும் மாவட்டத்தில் நடந்துள்ளது. 

ஒரு முறை கற்பழித்ததற்கு 10 வருட சிறை மற்றும் 10 பிரம்படி என அவனுக்கு 30 வருட சிறையும், 30 பிரம்படிகளும் தண்டனையாக வழங்கப்பட்டன என்பது குறிப்பிடத்தக்கது.

 

கெப்போங், ஜூன் 28- கண்காணிப்பு கேமராவில், தனது முகம், செயல் பதிவாகிறது என்று தெரிந்தும், அலுவலகம் ஒன்றினுள் கொள்ளையிட்ட ஆடவனுக்கு போலீஸ் வலை வீசி வருகிறது.  அந்தக் கொள்ளைச் சம்பவம் பண்டார் மஞ்ஜலாரா எனும் பகுதியில் நடந்தது.

இச்சம்பவம் குறித்து, செந்தூல் மாவட்ட போலீஸ் தலைவர், ஆர். முனுசாமி கூறுகையில், கண்காணிப்பு கேமராவில் பதிவான அந்த ஆடவனின் முகத்தை அடிப்படையாகக் கொண்டு, அந்த கொள்ளைச் சம்பவத்தைப் பெண் ஒருவர் புகார் செய்தார் எனக் கூறினார்.

சம்பந்தப்பட்ட 30 வயதுக்கு உட்பட்ட அந்த ஆடவன், தன் முகம் கேமராவில் பதிவானது தெரிந்தும் இச்செயலை செய்திருக்கிறான். அவன் அலுவலகத்திலிருந்து, ரிம 1,500 மதிப்புள்ள மடிக்கணினியை கொள்ளையடித்துள்ளான் என அவர் மேலும் கூறினார்.

 

சுற்று வட்டாரத்தில் இதுவரை நடந்த கொள்ளைச் சம்பவங்களுக்கும் அந்த ஆடவனே காரணம் என கூறப்படுகிறது.

 

அந்த ஆடவன் குறித்த விவரம் அறிந்தோர் (013-4619287) எனும் எண்ணில் அழைத்து விவரம் தெரிவிக்குமாறு போலீஸ் தரப்பு கேட்டு கொண்டது.

 

 

 

பாரிஸ், ஜூன் 28- தொடர்ச்சியாக மூன்றாவது முறை யூரோ கால்பந்து சாம்பியன் பட்டத்தைக் கைப்பற்றி சாதனைப் படைக்க வேண்டும் என்ற ஸ்பெய்னின் ஆசையில் மண் விழுந்தது. மிகச் சாதுர்யமான ஆட்டத்தின் வழி இத்தாலி 2-0 என்ற  கோல்கணக்கில் நடப்புச் சாம்பினான ஸ்பெய்னை வீழ்த்தியது.

முற்பகுதி ஆட்டத்தின் 33ஆவது நிமிடத்தில் இத்தாலி வீரர் சியெல்லினி முதல் கோலை அடித்தார். இதைத் தொடர்ந்து எதிர்த் தாக்குதல்களில் ஸ்பெய்ன் ஈடுபட்ட போதிலும், அதன் ஜம்பம் இத்தாலியிடம் பலிக்கவில்லை. வழக்கம் போலவே மிகச் சிறந்த தற்காப்பைக் கொண்டிருந்த இத்தாலி, பல தாக்குதல்களை எளிதில் முறிடித்ததோடு பதில் தாக்குதல்களையும் நடத்தி ஸ்பெய்னைத் தடுமாற வைத்தது.

ஆட்டத்தின் இறுதி நேரத்தில் வெற்றியைத் நிலைநாட்டிக் கொள்ள இத்தாலி கூடுதலான தற்காப்பில் கவனம் செலுத்தியது.   ஆட்டத்தை சமமாக்க ஸ்பெயின் போராடிய அந்தக் கடைசித் தருணங்களில், அதன் தற்காப்பு பலவீனப்பட்டிருந்ததைப் பயன்ப டுத்திக் கொண்டு இத்தாலி மேலும் ஒரு கோலைப் போட்டது.

இந்த வெற்றியின் மூலம் காலிறுதி ஆட்டத்திற்குள் நுழைந்திருக்கும் இத்தாலி அடுத்து உலகச் சாம்பியனான ஜெர்மனியுடன் பலப் பரிட்சையில் இறங்கவுள்ளது.

பாரிஸ், ஜூன் 28- யூரோ சாம்பியனாக வாகைசூடும் நோக்கில் பலம் பொருந்திய கால்பந்து குழுவை அனுப்பிய இங்கிலாந்து, தலைகுனிவோடு போட்டியிலிருந்து வெளியேறியது. சுமார் 3 லட்சம் 30 ஆயிரம் மக்கள் மட்டுமே வாழும் ஐஸ்லாந்திடம் 2-1 என்ற கோல்கணக்கில் அதிர்ச்சிகரமான, அதேவேளையில் அவமானகரமான தோல்விக்குள்ளாகியது இங்கிலாந்து.

இந்தத் தோல்வியைத் தொடர்ந்து இங்கிலாந்து குழுவின் நிர்வாகி ரோய் ஹோட்சன் உடனடியாகப் பதவி விலகினார். 

ஆட்டம் தொடங்கிய 4ஆவது நிமிடத்திலேயே இங்கிலாந்துக்கு ஒரு பெனால்டி கிடைத்தது அதனைக் குழுவின் கேப்டன் வெய்ன் ரூனி கோலாக்கினார். எனினும் அடுத்த ஓரிரு நிமிடங்களுக்குள்ளாகவே ஐஸ்லாந்து ஒரு கோலை அடித்து ஆட்டத்தைச் சமமாக்கி யது.

மீண்டும் 18ஆவது நிமிடத்தில் ஐஸ்லாந்து தனது 2ஆவது கோலைப் போட்டு இங்கிலாந்தை அதிர்ச்சிக்கு உள்ளாக்கியது. தொடர்ந்து ஆட்டத்தைச் சமமாக்க இங்கிலாந்து போராடிய வேளையில், ஐஸ்லாந்தும் கோலடிக்கக் கிடைத்த பல வாய்ப்புக்களை கைநழுவ விட்டது என்பது குறிப்பிடத்தக்கது.

இருப்பினும், தற்காப்பில் கூடுதலான கவனத்தைச் செலுத்திய ஐஸ்லாந்து முடிவில் வரலாற்றுச் சிறப்புமிக்க வெற்றியை நிலை நாட்டியது. உலகிலேயே அதிகமான கால்பந்து ரசிகர்களைக் கொண்ட பிரிமியர் லீக் கால்பந்துப் போட்டியை நடத்தும் நாடான இங்கிலாந்தின் இந்தத் தோல்வி, அதன் ரசிகர்களைக் கடும் சீற்றத்திற்கு உள்ளாக்கி இருக்கிறது.

தோல்விக்கு பின்னர் பெரும்பாலான இங்கிலாந்து ஆட்டக்காரர்கள திடலிலேயே சரிந்து விழுந்தனர். அவர்களால் இந்தத் தோல்வி யை நம்பமுடியவில்லை. ஆத்திரமுற்ற ரசிகர்கள் தாங்கள் அணிந்திருந்த இங்கிலாந்து கால்பந்துச் சட்டையையும்  கழற்றி தங்களது ஆட்டக்காரர்களை நோக்கி வீசியெறிந்தனர்.

நியூஜெர்சி, ஜூன் 27- கோப்பா அமெரிக்கா கால்பந்துப் போட்டியில் சிலிக்கு எதிரான இறுதியாட்டத்தில் 4-2 என்ற பெனால்டி கோல்களில் அர்ஜெண்டினா தோல்வி கண்டதைத் தொடர்ந்து, இனிமேல் அனைத்துலகப் போட்டிகளில் விளையாடப் போவதில்லை எனப் பிரபல கால்பந்து வீரரும் அர்ஜெண்டினாவின் கேப்டனுமான லியோனல் மெஸ்சி அறிவித்துள்ளார்.

பெனால்டியை தவறவிட்டதால் போட்டியின் முடிவில் மெஸ்சி கண்ணீர் விட்டு அழுதார். விரக்தியுற்ற அவர், பின்னர் அனைத்துலக கால்பந்து போட்டிகளில் பங்கேற்பதில் இருந்து ஓய்வு பெறுவதாக அறிவித்தது, அர்ஜெண்டினா ரசிகர்களுக்கு அதிர்ச்சிக்கு மேல் அதிர்ச்சியாக அமைந்தது. சொந்த நாட்டுக்காக அவர் 113 ஆட்டங்களில் விளையாடி 55 கோல்களை அவர் அடித்திருக்கிறார்.

முக்கியமான அனைத்துலகப் போட்டியில் அர்ஜெண்டினா சாம்பியனாக வேண்டும் என்பதற்காக கடந்த 9 ஆண்டுகளாகப் போராடினோம். நான்கு முறை முக்கிய போட்டிகளின் இறுதி ஆட்டங்களில் தோல்வி கண்டு அந்த வாய்ப்பை இழந்துள்ளோம். எனவே அனைத்துலகப் போட்டிகளில் இருந்து ஓய்வு பெறுவதைத் தவிர தமக்கு வேறு வழியில்லை என்று 5 முறை உலகின் தலைசிறந்த கால்பந்து வீரர் விருதினை வாகைசூடியுள்ள 29 வயதுடைய 'கால்பந்து மன்னன்' மெஸ்சி சொன்னார்.

"நான் சோர்ந்து விட்டேன். இறுதி ஆட்டங்களில் தோற்கும் நிலையிலிருந்து மீளமுடியவில்லை. எனவே, என் நலனுக்காகவும் நாட்டின் நலனுக்காகவும் அனைத்துலகப் போட்டிகளில் இருந்து விலகிக் கொள்கிறேன் என்றார் அவர்.

 

நியூஜெர்சி, ஜூன் 27- கோப்பா அமெரிக்கா கால்பந்து சாம்பியன் போட்டியில் மீண்டும் அர்ஜெண்டினா வீழ்ந்தது. உலகின் தலைசிறந்த கால்பந்து வீரரான லியோனல் மெஸ்சி தலைமையிலான அர்ஜெண்டினா குழு, சிலியிடம் 4-2 என்ற பெனால்டி கோல்களில் தோல்வி கண்டது இதில், மெஸ்சி ஒரு பெனால்டியை கோலடிக்கத் தவறினார் என்பது குறிப்பிடத்தக்கது. 

இறுதி ஆட்டத்தில் வழக்கமான ஆட்ட நேரத்தில் இரு குழுக்களும் சமநிலையில் இருந்ததால், கூடுதல் நேரம் வழங்கப்பட்டது. இந்தக் கூடுதல் நேரத்திலும் இரு குழுக்களும் சமநிலையில் ஆட்டத்தை முடித்தால் பெனால்டிகளின் வழி முடிவு நிர்ண யிக்கப்ப ட்டது. இதற்கு முன்பே, முற்பகுதி ஆட்டத்தின் போது சிலி வீரர் மார்சிலோ டியாஸ் மற்றும் அர்ஜெண்டினா வீரர் மார்க்கொஸ் ரோஜோ ஆகியோர் முரட்டுத்தனமான ஆட்டத்திற்காக நடுவரால் வெளியேற்றப்பட்டனர்.

தொடக்கம் முதற்கொண்டே மிகவும் பதட்டமாக அமைந்த இந்த ஆட்டத்தைக் கட்டுக்கோப்பாக கொண்டு செல்வதில் பிரேசிலைச் சேர்ந்த நடுவர் மிகவும் சிரமப்பட்டார்.

120 நிமிட நேரம் வரை நடந்த இந்த ஆட்டத்தில் கடைசிவரை எந்தக் குழும் கோலடிக்கவில்லை. பெனால்டிகள் வழி வெற்றி- தோல்வி நிர்ணயிக்கப்பட்ட போது. முதலில் சிலி வீரர் ஆர்த்துரோ விடால் அடித்த பெனால்டியை அர்ஜெண்டினா கோல்கீப்பர் தடுத்து நிறுத்தினார். அடுத்த பெனால்டியை மெஸ்சி, கோலாக்கத் தவறியபோது ரசிகர்கள் அதிர்ச்சிக்குள்ளாயினர்.

அர்ஜெண்டினாவின் மற்றொரு வீரர் லுக்காஸ் பிக்லியா அடித்த பெனால்டியை சிலி கோல்கீப்பர் தடுத்து நிறுத்தினார். முடிவில், சிலி 4 பெனால்டிகளையும் அர்ஜென்டினா 2 பெனால்டிகளையும் கோலாக்கின. தொடர்ச்சியாக 2ஆவது முறையாக சிலி தென் அமெரிக்காவின் பிரசித்தி பெற்ற 'கோப்பா அமெரிக்கா' கிண்ணத்தை கைப்பற்றியது.

கடந்த மூன்று ஆண்டுகளில் மெஸ்சி தலைமையிலான அர்ஜெண்டினா மூன்று முக்கிய போட்டிகளின் இறுதி ஆட்டங்களில் தோல்விகண்டுள்ளது என்பது குறிப்பிடத்தக்கது. பிரேசிலில் நடந்த உலகக் கிண்ண கால்பந்துப் போட்டியின் இறுதி ஆட்டத்தில் ஜெர்மனியிடம் அது தோல்விகண்டது. அடுத்து, கடந்த ஆண்டில் கோப்பா அமெரிக்கா போட்டியில் சிலியிடம் பெனால்டி கோல்களில் தோல்விகண்டது. இவ்வாண்டும் சிலியிடம் பெனால்டிக் கோல்களில் அது தோல்விகண்டது.

 

 

 

பாரிஸ், ஜூன் 26- ஐரோப்பிய கால்பந்து சாம்பியன் போட்டியில், கடும் போராட்டத்திற்குப் பின்னர் போலந்து, வேள்ஸ் மற்றும் போர்த்துக்கல் ஆகிய மூன்று குழுக்களும் காலிறுதி ஆட்டத்திற்கு முன்னேறின.

போலந்துக்கும் சுவிட்சர்லாந்துக்கும் இடையே நடந்த ஆட்டத்தில் இரு குழுக்களுமே சமபலத்தில் விளங்கின. வழக்கமான ஆட்டநேரத்தில் இரு குழுக்களும் 1-1 என்ற கோல்கணக்கில் சமநிலையில் இருந்ததால் கூடுதல் நேரம் வழங்கப்பட்டது. 

கூடுதல் நேரத்தின் முடிவிலும் இரு குழுக்களும் கோல் எதுவும் அடிக்காத நிலையில், பெனால்டிகள் வழி வெற்றி-தோல்வி நிர்ணயிக்கப்பட்டதில் போலந்து 5-4 என்ற பெனால்டிகளில் வென்று காலிறுதி ஆட்டத்திற்குள் நுழைந்ததோடு தனது ரசிகர்க ளுக்கு மிகப் பெரிய உற்சாகத்தை அளித்தது. 

அதே வேளையில், மற்றொரு ஆட்டத்தில் வேள்சும் வட அயர்லாந்தும் பலப் பரிட்சையில் இறங்கின. வேள்ஸ் தொடர்ந்து இடைவிடாத நெருக்குதலை அளித்தது. வேள்சின் உலகப் புகழ்பெற்ற ஆட்டக்காரரான கெரத் பேல் தமது அபாரமான ஆட்டத்தின் மூலம் வட அயர்லாந்தின் தற்காப்பை நிலைகுலைய வைத்தார்.

பிற்பகுதி ஆட்டத்தின் போது வேள்சின் கோல்முனைத் தாக்குதல் ஒன்றை முறியடிக்க முயன்ற வட அயர்லாந்து வீரர் கெரத் மெககவ்லி சொந்த கோலடித்து அக்குழுவின் வீழ்ச்சிக்குக் காரணமாகிவிட்டார்.

இதனிடையே ஐரோப்பாவின் முன்னணி குழுக்களில் ஒன்றான போர்த்துக்கலுக்கும் குரோசியாவுக்கும் இடையே நடந்த மோதல் மிக உக்கிரமாக அமைந்தது. திடீர்த் தாக்குதல்கள் வழி குரோசியாவை திணறடிப்பதில் போர்த்துக்கலுக்கு பலன் கிடைத்தது. எனினும், வழக்கமான ஆட்ட நேரம் முடிந்து கூடுதல் நேரத்தின் 117ஆவது நிமிடத்தில்தான் போர்த்துக்கல் தனது வெற்றிக் கோலைப் போட்டது.

லில்லி, ஜூன் 23- யூரோ கால்பந்துப் போட்டியின் 'இ' பிரிவு ஆட்டத்தில் கடைசி நேர அதிர்ஷ்டத்தால் அயர்லாந்து குடியரசு அடுத்த சுற்றுக்குத் தேர்வு பெறும் வாய்ப்பைப் பெற்றது.

இத்தாலிக்கு எதிரான இந்த ஆட்டத்தில் 85ஆவது நிமிடத்தில் அயர்லாந்து வீரர் ரோபி பிராடி இந்த வெற்றிக் கோலை அடித்தார். இந்த ஆட்டத்தில் வென்றால் மட்டுமே அடுத்த சுற்றுக்குத் தேர்வு பெறமுடியும் என்ற இக்கட்டான சூழ்நிலையில் ஆட்டத்தைத் தொடங்கியது அயர்லாந்து.

இத்தாலியின் தற்காப்பு அரணைத் தகர்க்க முடியாமல் கடைசி வரை திணறியது என்றாலும் இறுதியில் அதிர்ஷ்டக் காற்று அவர்கள் பக்கம் வீசியது.

ஏற்கெனவே அடுத்த சூற்றுக்குத் தேர்வு பெற்றுவிட்ட இத்தாலி, அதிகமான புதுமுகங்களைக் களத்தில் இறக்கி இருந்தது என்பது குறிப்பிடத்தக்கது. இந்த வெற்றியை தொடர்ந்து 'இ' பிரிவிலிருந்து மூன்றாவது இடத்தைப் பிடித்த சிறந்த குழு என்ற அடிப்படையில் அயர்லாந்து அடுத்த சுற்றுக்குள் நுழைந்தது.

அதேவேளையில் 'இ' பிரிவின் மற்றொரு ஆட்டத்தில் பெல்ஜியம் 1-0 என்ற கோல்கணக்கில் சுவீடன் குழுவை வீழ்த்தி அடுத்த சுற்றுக்குத் தேர்வானது. இந்தத் தோல்வி, சுவிடனின் ஆசையை நிராசையாக்கி ஏமாற்றத்துடன் போட்டியிலிருந்து வெளியேறச் செய்து விட்டது.

போர்த்துக்கல் குழுவும் ஹங்கேரியும் 3-3 என்ற கோல்கணக்கில் சமநிலை கண்டன. இந்த ஆட்டத்தில் தொடர்ந்து பின்தங்கியே இருந்த போர்த்துக்கலை அதன் பிரபல ஆட்டக்காரர் கிறிஸ்தியானோ ரோனால்டோ காப்பாற்றினார். இந்த ஆட்டத்தில் அவர் இரண்டு கோல்களைப் போட்டார். 

16 குழுக்களை உள்ளடக்கிய அடுத்த சுற்றில் சுவிட்சர்லாந்து குழு போலந்துடன் மோதுகிறது. வட அயர்லாந்தும் வேள்சும் மோதும் வேளையில், குரோஷியாவை போர்த்துக்கல் சந்திக்கிறது.

இங்கிலாந்து குழு, ஐஸ்லாந்துடன் பலப்பரிட்சையில் இறங்குகிறது. போட்டியை ஏற்று நடத்தும் நாடான பிரான்சுடன் அயர்லாந்து குடியரசும், ஜெர்மனியுடன் சுலோவேக்கியாவும் ஹங்கேரியுடன் பெல்ஜியமும் விளையாடவுள்ளன. நடப்பு ஐரோப்பிய சாம்பியனான ஸ்பெய்ன் குழு, இத்தாலியைச் சந்திக்கிறது. 

சென்னையில், 28 ஜூன்- தமிழகத்தில் தீக்காயங்களுக்குச் சிகிச்சையளிப்பதில்  புகழ்ப்பெற்று விளங்குகிறது கீழ்ப்பாக்கம் அரசு மருத்துவமனை. தமிழகம் மட்டுமின்றி,  ஆந்திரா, கர்நாடகா உள்ளிட்ட பிற மாநிலங்களிலிருந்தும் தீக்காய சிகிச்சைக்காக   ஆண்டுதோறும் இங்கு 3000க்கும் அதிகமானோர் சிகிச்சை பெறுகின்றனர். 

சிறு அளவிலான தீக்காயங்கள் முதல் பெரிய அளவிலான தீக்காயங்கள் வரை இங்கு சிகிச்சையளிக்கப்படுகிறது.   எனினும், கடுமையான தீக்காயம் அடைந்தவர்களைக் காப்பாற்றுவதில் சிரமம் ஏற்பட்டுள்ளது. இவ்வாறான கடுமையான தீக்காயம் அடைந்தவர்களைக் காப்பாற்றும் முயற்சியாக  கீழ்ப்பாக்கம் மருத்துவமனை தோல் வங்கியைத் தொடங்கியுள்ளது. 

மூளைச்சாவு அடைந்த ஒருவரிடமிருந்து பெறப்படும்  உடல் உறுப்புகள் பயனாளிக்குத்தான் பொருத்த முடியும். ஆனால்,   மூளைச் சாவு அடைந்தவரிடமிருந்து பெறப்படும்  தோலை பலருக்குப் பொருத்தி உயிரைக் காப்பாற்ற முடியும் என்கின்றனர் மருத்து வர்கள்.   

உடல் உறுப்பு தானம் தொடர்பான விழிப்புணர்வு மக்களிடம் அதிகரித்துள்ளது. இருப்பினும், தோலைக்கூட தானமாகக் கொடுக்க லாம் என்ற விழிப்புணர்வு குறைவாக இருக்கிறது என்கிறார்கள் மருத்துவர்கள். 

சென்னை, ஜூன் 28- கடந்த வெள்ளிக்கிழமை, நுங்கம்பாக்கம் ரயில் நிலையத்தில் மர்ம நபர்களால் கொல்லப்பட்ட சுவாதியின் கொலை வழக்கில் புதிய ஆதாரங்கள் கிடைத்துள்ளதாக போலீஸ் கூறியுள்ளது. 

சென்னையில் ஐடி நிறுவன ஊழியரான சுவாதி மர்ம நபரால் கொல்லப்பட்டு 5 நாட்கள் ஆகியும் கொலையாளி பற்றிய எந்த ஆதாரமும் கிடைக்கவில்லை. நுங்கம்பாக்கம் நிலையத்தில் கண்காணிப்பு கேமரா இல்லாததால் அருகில் இருந்த வீட்டில் பொருத்தப்பட்டிருந்த கேமராவில் பதிவான காட்சிகள் ஆய்வு செய்யப்பட்டன. அதில் ஒரு நபர் தப்பியோடும் காட்சி பதிவாகி இருந்தது. ஆனாலும் அக்காட்சி அடையாளம் காணும் அளவிற்கு தெளிவாக இல்லை. 

இந்நிலையில் சுவாதியின் வீட்டிலிருந்து ரயில் நிலையம் வரை உள்ள வீடுகளில் உள்ள கண்காணிப்பு கேமராக்கள் ஆராயப்பட்டன. அதில் இரண்டு காணொளிகள் வழக்கிற்கு ஆதாரமாக கிடைத்துள்ளன. 

அதில் ஒரு காணொளியில் கொலை நடப்பதற்கு முன்பு சுவாதி தன் தந்தையுடன் மோட்டார் சைக்கிளில் செல்லும்போது மர்மநபர் சுவாதியை நோட்டமிடுவதும் பின் தொடர்வதும் பதிவாகியுள்ளது. இன்னொரு காணொளியில் அந்த நபர் தப்பியோடுவது தெரியவந்துள்ளது. 

இக்காட்சிகளைப் பயன்படுத்தி ஆராய்ந்து கொலையாளியை விரைவில் பிடித்து விடுவோம் என சென்னை போலீசார் தெரிவித்துள்ளனர்.

 

புதுச்சேரி, 27 ஜூன்- புதுச்சேரியில்  2-ஆம் வகுப்பு படிக்கும் சிறுவன் ஒருவன்  200 நாடுகளின் பெயர்களை 1.39 நிமிடங்களில் சொல்லி சாதனைப் படைத்துள்ளான்.

சிறுவயது முதலே அதிக நினைவாற்றலைக் கொண்ட  ரிஷிகேஷ் என்ற இந்தச் சிறுவனின் திறமையை அங்கீகரிக்க அசிஸ்ட்  உலக சாதனை என்ற அமைப்பு நிகழ்ச்சி ஒன்றிற்கு ஏற்பாடு செய்திருந்தது. 

இந்நிகழ்ச்சியில் பங்கேற்ற ரிஷிகேஷ்  1.39 விநாடிகளில் 200 தேசிய கொடிகளை பார்த்து அதன் நாடுகளை கூறி அசத்தினார். 2-ம் வகுப்பு படிக்கும் சிறுவன் தேசியக் கொடிகளை எந்த தடுமாற்றமும் இன்றி சொல்கிறான். அவனது சாதனைகளை அங்கீகரிக்க அசிஸ்ட் உலக சாதனை அமைப்பு முடிவு செய்துள்ளது.

இதே போல் சிறுவன் ரிஷிகேஷ் 43 விநாடிகளில் 100யிலிருந்து1 வரை தலைகீழாக கூறி மற்றொரு சாதனையும் நிகழ்த்தினான். சாதனை நிகழ்ச்சியில் முன்னாள் அமைச்சர் கலந்து கொண்டு சிறுவனின் திறமையை பாராட்டினார்.

சென்னை,    24  ஜூன் -  சென்னை, நுங்கம்பாக்கம் ரயில் நிலையத்தில்  இன்று காலை   ஐ.டி நிறுவன பொறியியலாளர் கத்தியால் குத்தி கொலை செய்யப்பட்டது, பரபரப்பை ஏற்படுத்தியுள்ளது.  

சம்பந்தப்பட்ட ரயில் நிலையத்தில் சி.சி.டி.வி கேமரா இல்லாததால், குற்றவாளியை   அடையாளம் காண்பதில் சிக்கல் நீடிகிறது. மக்கள் கூட்டம் நிறைந்த ரயில் நிலையத்தில் கொலை செய்து விட்டு   கொலையாளி அனாயசமாக தப்பியுள்ளது அதிர்ச்சியளிக்கிறது. தற்போதைக்கு கொலையாளி பச்சை நிற டிசர்ட் அணிந்திருந்தான் என்ற தகவலை மட்டுமே சம்பவத்தை நேரில் கண்டவர்கள் தெரிவித்துள்ளனர். 

முன்னதாக சுவாதி என்ற அந்தப் பெண்  இன்று வழக்கம் போல  காலையில் வேலைக்குக் கிளம்பியுள்ளார்.  மத்திய அரசு பணியாளரான சுவாதியின் தந்தை இன்று காலையில் தமது மகளை ரயில் நிலையத்தில் மோட்டாரில் கொண்டு வந்து இறக்கி விட்டுச் சென்றுள்ளார். 

அவர் வீட்டுக்குச் சென்ற சில நொடிகளில் சுவாதி  படுகொலை செய்யப்பட்டது தெரியவந்து ரயில் நிலையத்திற்குப் பதறியடித்து ஓடி வந்தார். 

காலை 6.30 மணிக்கு நிகழ்ந்த  இச்சம்பவத்திற்குப் பிறகு காலை 8.30 மணியளவில் அவரது சடலத்தைப் பிரேத பரிசோதனைக்குக் கொண்டு செல்லாமல் அங்கேயே துணியால் மூடி வைத்திருந்ததாக  குற்றஞ்சாட்டுகள் எழுந்துள்ளன. 

இந்நிலையில், குற்றவாளியைப் பிடிக்கும் நடவடிக்கையில்  போலீசார் தீவிர நடவடிக்கையில் இறங்கியுள்ளதாகக் கூறப்படுகிறது. 

கிருஷ்ணகிரி,  24 ஜூன் -  கிருஷ்ணகிரி மாவட்ட ம் ஓசூரைச் சேர்ந்த  இளைஞர்  ஒருவரது உடலில் கர்ப்பப்பை  இருந்தது கண்டுபிடிக்கப்பட்டது. இதனையடுத்து அறுவை சிகிச்சை மூலம் அகற்றப்பட்டது.  

22  வயதான அம்ரேஷ்  என்ற அந்த இளைஞர் ஆந்திர  குப்பம் பகுதியில் உள்ள தனியார் மருத்துவமனையில்  குடல்  இறக்கம்  தொடர்பான அறுவை சிகிச்சைக்காக அனுமதிக்கப்பட்டார்.  

அறுவை சிகிச்சையின் போது அவரது அடி வயிற்றில் கர்ப்பப்பை  இருந்ததைப் பார்த்து மருத்துவர்கள் அதிர்ச்சி அடைந்தனர்.  ஐந்து கோடி ஆண்களில்  ஒருவருக்கு கர்ப்பப்பை வளரும் என எம்.ஜி.ஆர் மருத்துவக்கல்லூரி பேராசிரியர்கள்  தெரிவித்தனர். 

புது டில்லி,  23 ஜூன் - கடந்த இரு நாட்களில் இந்தியாவில்  93  பேர் மின்னல் தாக்கி  மரணமடைந்துள்ளதாக அதிர்ச்சித் தகவல் வெளியாகியுள்ளது.  பருவமழைக் காலம் தொடங்கியதையடுத்து இடியுடன் கூடிய மழை பெய்வதால்  மின்னல் தாக்கும் சம்பவங்கள் அதிகரிப்பதாகக் கூறப்படுகிறது. 

 ஜூன் முதல் அக்டோபர் மாதம் வரை நீடிக்கும்   பருவமழையின் போது பலத்த இடி மின்னல் ஏற்படுவது வழக்கமாகும். அந்த வகையில் இவ்வாரம் மின்னல் தாக்கி பலியானோரின் எண்ணிக்கை பல படங்கு அதிகரித்துள்ளது எனக் கூறப்படுகிறது. 

 இதில் பீகாரில் தான் அதிகமான மரணச் சம்பவங்கள் ஏற்பட்டுள்ளன.  கடந்த இரு நாட்களாக  அங்கு ஏற்பட்ட  இடி மின்னலால் 56  பேர் பலியானதுடன் 28 பேர் படுகாயமடைந்துள்ளனர். 

இச்சம்பவங்கள் பெரும்பாலும் புறநகர்ப்பகுதிகளில் நிகழ்ந்துள்ளன. 

Sign up via our free email subscription service to receive notifications when new information is available.
Advertisement

Currency / Gold Rate

Currency Rate
1 US dollars = 4.05 Malaysian ringgit
1 SG dollars = 2.99 Malaysian ringgit
  
Gold Rate  
Gold Unit                    Price in Malaysian Ringgit 
Gold Ounce                          5,127.95      
Gold Gram Carat 24                164.89
Gold Gram Carat 22                151.13
 
 

Advertisement 1

Advertisement 2

Advertisement 3

Advertisement 4

Top Stories

Grid List

உடலில் அதிகமான அசதி. எந்த செயலை செய்ய வேண்டுமானாலும், பிறகு செய்து கொள்ளலாம் என்று தள்ளிப்போடும் மனநிலை. உற்சாகமின்மை, எதிலும் ஆர்வமின்மை, உண்பதற்கு கூட எழுந்துபோய் உட்கார்ந்து உண்ண வேண்டுமே, என்று எண்ணத் தோன்றும்! எப்பொழுது பார்த்தாலும் களைப்பு, தூங்கவேண்டும் போல் இருக்கும், ஆனால் படுத்தால் தூக்கம் வராது. தூக்கம் வராததால் உடல் ஓய்வு பெறாமல் ஏற்படும் உடல் வலி, அதனால் ஏற்படும் அசதி. எழுந்து வேலை செய்ய சோம்பேறித்தனம். இந்த நிலையில்தான் இன்று பலபேர் இருக்கின்றனர்.

நமது உடலில் ஹீமோகுளோபின் எனப்படும் சிவப்பு அணுக்கள் குறையும் போது ரத்தம் உடல் முழுவதும் உற்சாகமாக ஓட முடிவதில்லை. நமது உடலின் பாகங்கள் சுறுசுறுப்பாக இயங்கமுடி வதில்லை. உடல் களைப்பு அடைகிறது. பத்து பேர்கள் செய்யவேண்டிய வேலையை இருவர் செய்வார்களானால், எவ்வளவு தாமதம் ஆகுமோ, எவ்வளவு தடங்கல் ஏற்படுமோ, அதே தடங்கலும், தாமதமும் நம் உடலில் ஏற்படுகிறது.

உடலில் ஹீமோகுளோபின் குறையும் பொழுது மேலே குறிப்பிட்ட அத்தனை குறைபாடுகளும் ஏற்பட்டு உடல் நலம் பாதிக்கப்படுகிறது.

நமது உடல் அதற்கு தேவையான சத்துக்களை, நாம் உட்கொள்ளும் ஆகாரத்திலிருந்து பிரித்து எடுத்துக் கொள்ளுகிறது. எவ்வளவு சத்துக்கள், எந்தெந்த சத்துக்கள் தேவையோ, அந்த அளவு மட்டும் உறிஞ்சி எடுத்துக்கொண்டு, மீதி உள்ளவற்றை கழிவு பொருட்களாக உடலிருந்து வெளியேற்றி விடுகிறது. அதிகமான சத்துக்களை நாம் உண்டாலும், அத்தனை அளவு சத்துக்களையும் உடல் ஏற்றுக்கொள்வதில்லை. மீதியை கழிவுப் பொருட்களாக தள்ளிவிடுகிறது.

ரத்தத்தில் ஆண்களுக்கு ஹீமோகுளோபின் 14 - 18 கிராம் அளவிலும், பெண்களுக்கு 12 - 16 கிராம் அளவிலும் இருக்கவேண்டும். 8 கிராம் அளவிற்கு கீழே குறையும் பொழுது, இரத்த சோகை என்ற நோயும், மற்ற தீவிரமான நோய்களும் வருவதற்கு சந்தர்ப்பங்கள் உருவாகின்றன. ரத்தத்தில் எவ்வளவு அளவு ஹீமோகுளோபின் இருக்கிறது என்பதை சோதனைச் சாலையில் ரத்தத்தை பரிசோதிக்கும் பொழுது தெரியவரும். ஹீமோகுளோபின் இருக்க வேண்டிய அளவிற்கு குறையும் பொழுது, உடல் மெலிந்து, களைப்பு, இயலாமை முதலியன ஏற்பட ஆரம்பிக்கின்றன.

ரத்தத்தில் ஹீமோகுளோபின் அதிகரிக்கும் பொழுது ரத்தம் நல்ல சிகப்பு நிறமாகவும், உடலில் ரத்த ஓட்டத்தின்போது நுரையீரலுக்குச் சென்று நாம் மூச்சுக் காற்றை உள்ளே இழுக்கும்போது, அந்த மூச்சுக் காற்றில் உள்ள ஆக்ஸிஜனை ரத்தம் ஏற்று உற்சாகம் பெறுகிறது. பிறகு ரத்தம் உடல் முழுவதும் சுற்றி வரும் பொழுது, தன்னில் ஏற்கும் கழிவுப் பொருட்களை கார்பன்டை ஆக்ûஸடு ஆக மாற்றி, நுரையீரலுக்கு திரும்ப வந்து வெளியேற்றுகிறது. பிறகு உற்சாக ரத்த ஓட்டமாக மாறி உடலுக்கு சக்தியூட்டுகிறது. மேலும் நாம் உண்ணும் உணவிலுள்ள சத்துக்களை ரத்தத்தில் ஏற்றுக்கொண்டு, உடலில் உள்ள பல சுரப்பிகளுக்கு வழங்கி, அவைகளை நன்கு இயக்கி, உடலுக்கு வேண்டிய திரவங்களை உற்பத்தி செய்ய வைக்கிறது.

உடலில் ரத்தத்தில் ஹீமோகுளோபினை அதிகரிப்பதற்கு எளிய வழி இருக்கிறது.

நாட்டு மருந்து கடைகளில் கருப்பு உலர்ந்த திராட்சை பழம் கிடைக்கும். அவற்றை வாங்கி அதில் 72 நல்ல கருப்பு உலர்ந்த திராட்சை பழங்களை எடுத்துக் கொள்ளுங்கள்.

ஒரு டம்ளரில் தண்ணீர் நிறைய எடுத்துக் கொண்டு, அதில் முதல் நாள் மூன்று பழங்களை மாலை 6 மணிக்கு நீரில் போட்டு இரவு முழுவதும் ஊறவிடுங்கள்.

காலையில் 6 மணிக்கு பல் துலக்கி விட்டு, காலை ஒரு பழத்தை தின்றுவிட்டு, சிறிது பழம் ஊறிய நீரை குடியுங்கள்.

பிறகு மதியம் 12 மணிக்கு ஒரு பழத்தை தின்றுவிட்டு, சிறிது பழம் ஊறிய நீரை குடியுங்கள்.

மாலை 6 மணிக்கு கடைசியாக உள்ள பழத்தை தின்றுவிட்டு மீதியுள்ள நீரை குடியுங்கள்.

இதே மாதிரி கீழே உள்ள பட்டியலில் குறிப்பிட்டபடி பழங்களை தின்றுவிட்டு, பழம் ஊறிய நீரை குடியுங்கள்.

1-வது நாள் 1, 1, 1, -3.

2-வது நாள் 2, 2, 2, = 6.

3-வது நாள் 3, 3, 3, = 9.

4-வது நாள் 4, 4, 4, = 12.

5-வது நாள் 4, 4, 4, = 12.

6-வது நாள் 4, 4, 4, = 12.

7-வது நாள் 3, 3, 3, = 9.

8-வது நாள் 2, 2, 2, = 6.

9-வது நாள் 1, 1, 1, = 3.

ஒன்பது நாட்கள் செய்து முடித்த பிறகு, ரத்தத்தில் ஹீமோகுளோபின் பரிசோதித்துப்பாருங்கள்.

தேவையானால் மறுபடியும் ஒரு தடவை பட்டியலில் குறிப்பிட்டபடி செய்து பாருங்கள். இப்பொழுது உங்கள் ரத்தத்தில் ஹீமோகுளோபின்கள் திருப்தியான அளவில் உயர்ந்து இருக்கும். இந்த ஹீமோகுளோபின் உயர்வு நமக்கு பல வியாதிகளை வராமல் தடுக்கும்.

உடலில் உற்சாகம் பெருகும். வலிவோடும், வனப்போடும் உடல் மிளிரும். கருப்பு திராட்சை ஊறிய நீர்,ரத்தத்தில் கலந்து ஹீமோகுளோபின்கள் உருவாக காரணமாக இருக்கும்.

செலவு அதிகமில்லாத இந்த எளிய வழியால் உடலில் ஹீமோகுளோபினை அதிகரிக்கலாம்

பெட்டாலிங் ஜெயா,  24 ஜூன் -   இன்று கிட்டத்தட்ட அனைவருமே விவேகக் கைப்பேசியைத் தான் பயன்படுத்துகிறோம். எங்கெங்கெல்லாமோ கை வைத்து, சட்டென வாட்ஸாப் பார்ப்பதற்கும், முகநூலில் ஆகக் கடைசி பதிவுகளைப் பார்ப்பதற்கும், சட்டென  விவேககக் கைப்பேசியின் திரையைத் தொடுவது  நம் அனைவருக்கும் வழக்கமான நிகழ்வாகி விட்டது. இவ்வழக்கத்தால் அன்றாட  வாழ்க்கையில் அதிகம் சுத்தம் பார்ப்பவர்கள் கூட  தங்கள் விவேகக் கைப்பேசியும் சுத்தமாகத் தான் இருக்கிறது என்பதை ஏற்றுக்கொள்ளத் தயாராக இல்லை.   

இந்நிலையில்  யாருடைய விவேகக் கைப்பேசி அதிக அசுத்தமானது   என்ற கேள்வி எழுந்தால்,  யாரும் எதிர்பாராத  வகையில், மருத்துவரின் விவேகக் கைப்பேசிதான் என்கிறது அண்மையில் மேற்கொள்ளப்பட்ட ஆய்வு. 

மருத்துவர்களின் விவேகக் கைப்பேசியால் நமக்கு பல்வேறு மோசமான  தொற்று நோய் பரவலாம் என எச்சரிக்கிறது அந்த ஆய்வு.     

பிரான்சில் அமைந்துள்ள செயின்ட் -எடியென்  பல்கலைக்கழகத்தின்  தொற்று நோய்   மற்றும் சுகாதார  ஆய்வாளர்கள் மேற்கொண்ட ஆய்வில்  மருத்துவர்கள் மற்றும் மருத்துவமனைப் பணியாளர்களின்  விவேக கைப்பேசிகள்    ஆர்.என். ஏ   வைரஸ்களின் கிடங்காகத் திகழ்வதாக அவர் தெரிவித்தார். 

இதனிடையே நுண்ணுயிரியல் மற்றும் மற்றும்  தொற்றுநோய்க்கான ஐரோப்பிய சங்கம், மருத்துவமனை   பணியாளர்களின்  விவேக கைப்பேசிகள் மூலம் வைரஸ்கள் எவ்வாறு நோயாளிகள் மத்தியில் பரவுகிறது என்பது பற்றிய ஆய்வை மேற்கொண்டுள்ளது. 

இதற்காக  114   மருத்துவமனைப் பணியாளர்களின்  விவேகக் கைப்பேசிகள் ஆய்வுக்குட்படுத்தப்பட்டன.  இவற்றுள் 38.5 விழுக்காட்டினரின் கைத்தொலைப்பேசிகளில் இன்புளுவன்சா ஏ,பி, மெத்தாநியுமோவைரஸ், ரோட்டாவைரஸ், நோரோவைரஸ்    போன்ற பல்வேறு  வைரஸ்களைப் பரப்புவது தெரியவந்துள்ளது. 

ஏறக்குறைய 64% மருத்துவப் பணியாளர்கள் தாங்கள்   பணிநேரத்தில் விவேகக் கைப்பேசியைப் பயன்படுத்துவதை ஒப்புக்கொண்டுள்ளனர். இவர்களில் 20 விழுக்காட்டினர் கைப்பேசியைப் பயன்படுத்தி விட்டு, கைகளைச் சுத்தப்படுத்திக்கொள்வதில்லை எனத் தெரியவந்துள்ளது. 

லண்டன், ஜூன் 28- ஸ்காட்லாந்தில், விளையாட்டு மைதானத்தில், ரோல்லர் கோஸ்டர் ஒன்று தடம் புரண்டதில் சிறுவர்கள் உட்பட 8 பேர் படுகாயம் அடைந்தனர்.

விபத்தில் மோசமாக சேதமடைந்த அந்த ரோல்லர் கோஸ்டரில், ஆட்கள் சிக்கி கிடப்பது போன்ற காட்சிகள் சமூக வளைத்தளங்களில் பரவி வருகிறன. 

சம்பவத்தை நேரில் கண்ட சாட்சியங்கள் கூறுகையில், விபத்து நடக்கும் போது, அந்த ரோலர் கோஸ்டரில் பயணிகள் நிறைந்து இருந்தனர். திரைபடத்தில் வருவது போலவே கண் இமைக்கும் நேரத்தில் இச்சம்பவம் நடந்துவிட்டதென கூறினர்.

6 மீட்டர் உயரத்திலிருந்து கீழே விழுந்த அந்த ரோல்லர் கோஸ்டர் விபத்தில் பாதிக்கப்பட்ட பயணிகளுக்கு உடனடியாக மருத்துவ சிகிச்சையளிக்கப்பட்டதென போலீஸ் பேச்சாளர் கூறினார்.

 

 

கோலாலம்பூர், ஜூன் 28- உள்நாட்டு வெளியீடான மறவன் திரைப்படத்திற்கு அனைத்துலக விருது வழங்கப்பட்டுள்ளது. 

2016ம் ஆண்டின் நியூயோர்க், டாக்கா அனைத்துலக பொது திரைப்பட விழாவில் 'கண்ட்றி பெஸ்ட் அவார்ட்' விருது வழங்கப்பட்டுள்ளது. 

அதோடு மறவன் திரைப்படம் 2016ம் ஆண்டின் மெல்போர்ன் போனிக்ஸ் விருது விழாவில் அரையிறுதிக்கும் தேர்வாகியுள்ளது.

மலேசிய நாட்டிற்கும் தமிழ்மொழிக்கும் பெருமை தேடி தந்த மறவன் திரைப்படத்தை உருவாக்க காரணமாக இருந்த அனைவருக்கும் படத்தின் இயக்குனர் எஸ்.டி.புவனேந்திரன் நன்றி கூறினார்.