Top Stories

Grid List

 

கோலாலம்பூர், ஆக.17- இன்று மாலையில் பெய்த கனத்த மழையால் கிள்ளான் பள்ளத்தாக்கில் திடீர் வெள்ளம் ஏற்பட்டு சாலைகளில் போக்குவரத்துகள் நிலைகுத்தின.

இந்தத் திடீர் வெள்ளத்தால் ஜாலான் மாரோஃப் பங்சாரில் மே பேங்கிலிருந்து தெலாவி செல்லும் பாதையும் சன்வேயில் தாமான் மலூரியிலும் பாதிப்புகள் ஏற்பட்டன.

சுபாங் விமான நிலையத்திலிருந்து கூட்டரசு நெடுஞ்சாலை வரையிலும் சித்தா பேரங்காடியிலிருந்து கிளேன் மேரி எம்.ஆர்.டி ரயில் நிலையம் வரையிலும் வாகனங்கள் நத்தைகள் போல் நகர்வதாக 'ஸ்டார்' தனது அகப்பக்கத்தில் குறிப்பிட்டிருந்தது.

எம்ஆர்ஆர் 2–இல் தேசிய வனவிலங்கு பூங்காவில் இருந்து தாமான் ஹீல்வியூ வரைக்கும் ஏற்பட்ட சாலை நெரிசல் தற்போது சுமூகமானாலும் கெசாஸ் நெடுங்சாலையில் வாகனங்கள் மெதுவாகத்தான் நகர்கின்றன.

இதனிடையே, ஜாலான் அப்துல் ஹாலிமில் ஏற்பட்ட வெள்ளத்தால் கேடிஎன் கட்டடத்திலிருந்து நாடாளுமன்றத்திற்குச் செல்லும் பாதையிலும் நெரிசல் ஏற்பட்டுள்ளது 

மேலும், கிள்ளானில் உள்ள புக்கிட் லஞ்சானிலிருந்து சுபாங்கிற்குச் செல்லும் சாலையும் ஷா அலாமிலிருந்து டாமான்சாரா செல்லும் சாலையும் மிதமான சாலை நெரிசல் சிக்கியுள்ளதாக பிளஸ்லைன் தனது டுவிட்டரில் பதிவு செய்துள்ளது.

அதுமட்டுமல்லாமல், கோலாலம்பூரிலிருந்து சிரம்பான் செல்லும் நெடுஞ்சாலையிலும் வாகனங்கள் மந்தமாகவே நகர்ந்தன.

 

கிள்ளான், ஆக.18- மருத்துவமனையின் உணவகத்தில், உணவு  அடுக்குத் தட்டில் ஒன்றில் வாடிக்கையாளர்களுக்காக வைக்கப்பட்டிருக்கும் முட்டைக்கோஸை எலி ஒன்று சாப்பிட்டுக் கொண்டிருக்கும் காணொளி சமூக வலைத்தளங்களில் பரவலாகி பரபராப்பை ஏற்படுத்தியது.

இதன் எதிரொலியாக  கிள்ளான் தெங்கு அம்புவான் ரஹிமா மருத்துவமனையின் உணவகத்தை தற்காலிகமாக மூடும்படி கிள்ளான் மாவட்ட சுகாதாரப் பிரிவு உத்தரவிட்டது. 

இந்த உத்தரவு அறிக்கை, கிள்ளான் மாவட்ட சுகாதார அலுவலகம் இன்று மதியம் 2 மணியளவில் உணவகத்தில் ஒட்டியது. இந்தக் காணொளி தங்கள் பார்வைக்கு வந்ததும் சுகாதார அலுவலகத்திற்குத் தொடர்பு கொண்டதாக தெங்கு அம்புவான் ரஹிமா மருத்துவமனையின் இயக்குனர் டாக்டர் டிங் லாய் மீங் கூறினார். 

உடனடி நடவடிக்கையாக, உணவகம் முழுவதையும் சுத்தம் செய்யுமாறு உணவகம் நடத்துபவருக்கு தாம் உத்தரவிட்டதாக அவர் தெரிவித்தார்.  

எனினும், இந்தப் பிரச்சனைக்குத் தீர்வு காண, சுகாதார அலுவலகத்தின் உதவி எங்களுக்கு தேவை என்று டாக்டர் டிங் கூறினார். அந்தக் காணொளி எப்போது எங்கு யாரால் எடுக்கப்பட்டது என்பது இன்னும் கண்டறியப்படவில்லை என்று அவர் சுட்டிக்காட்டினார்.

சுத்தம் செய்யும் நடவடிக்கை முழுமையாக முடிந்த பின்னர் இன்று மாலையில் உணவகம் மறுபடியும் திறக்கப்படும் என டாக்டர் டிங் கூறினார்..

எலிக் காணொளி பரபரப்பாக சமூக ஊடகங்களில் பரவிய போது அந்தச் சம்பவம் எந்த மருத்துவமனையில் நடந்திருக்கும்? என்ற கேள்வி அனைவரிடமும் எழுந்தது. சிலர் கிள்ளான் மருத்துவமனை என்றும் இன்னும் சிலர் சிரம்பான் அல்லது பினாங்கு மருத்துவமனை என்றும் குறிப்பிட்டிருந்தனர். ஆனால் இறுதியில், அது கிள்ளான் மருத்துவமனைதான் என்பது உறுதிப்படுத்தப்பட்டது.

 

 

கோலாலம்பூர், ஆக.18- மலாயாப் பல்கலைக்கழகத் தமிழ்ப் பேரவையின் ஏற்பாட்டில் 19-ஆவது முனைவர் இரா.தண்டாயுதம் சொற்போர் போட்டி இவ்வாண்டு அக்டோபர் மாதம் 14ஆம் தேதி மலாயாப் பல்கலைக்கழகத்தில் நடைபெறவிருக்கிறது. 

காலை 7 மணியிலிருந்து மாலை 5 மணி வரை நடத்தப்படவிருக்கும்  இப்போட்டியில் அரசாங்க அல்லது தனியார் உயர்க்கல்விக்கூடம், ஆசிரியர் பயிற்சிக் கல்லூரி மற்றும் தொழில்திறன் பயிற்சிக் கல்லூரியில் படித்துக் கொண்டிருக்கும் மாணவர்கள் குழுவாக வந்து பங்கேற்கலாம். 

ஈராண்டுகளுக்குப் பின்னர் மலரவிருக்கும் இந்த19-ஆவது முனைவர் இரா.தண்டாயுதம் சொற்போர் போட்டியானது மலாயாப் பல்கலைக்கழகத் தமிழ்ப் பேரவையின் வெற்றிப் பாதையின் ஓர் அங்கமாய் அமையும் என எதிர்ப்பார்க்கப்படுகிறது. 

இப்போட்டிக்கான விதிமுறைகள் பின்வருமாறு:-

1) இப்போட்டியில் அரசாங்க அல்லது தனியார் உயர்கல்விக்கூடம், ஆசிரியர் பயிற்சிக் கல்லூரி மற்றும் தொழில்திறன் பயிற்சிக் கல்லூரியில் படித்துக் கொண்டிருக்கும் மாணவர்கள் மட்டுமே பங்குப் பெற முடியும். 

2). ஓர் உயர்க்கல்விக் கூடத்திலிருந்து ஒன்றுக்கும் மேற்பட்ட குழுக்கள் பங்கேற்கலாம்.

3) ஒரு குழுவில் 4 போட்டியாளர்கள் மட்டுமே பங்கெடுக்கமுடியும்.

4). போட்டியில் பங்கெடுக்க விரும்பும் மாணவர்கள் பதிவு பாரத்தைப் பூர்த்திச் செய்வதோடு RM40–ஐ பதிவுக் கட்டணமாகப் பதிவுப் பாரத்தில் கொடுக்கப்படும் வங்கியில் கட்டவேண்டும்.

5) தேவைப்படும் குழுக்களுக்கு மட்டும் தங்கும் வசதி ஏற்பாடு செய்து தரப்படும்

6). பதிவுக்கான இறுதி நாள் 28 செப்டம்பர் 2017.

இப்போட்டியில் பங்கேற்க விரும்புவோர் “Tamil Language Society of University Malaya official” என்ற அதிகாரப்பூர்வ முகநூல் பக்கத்திற்கு சென்று செப்டம்பர் மாதம் 28-ஆம் தேதிக்குள் தங்களைப் பதிவுச் செய்து கொள்ளலாம். 

இந்த நிகழ்ச்சியைப் பற்றிய மேல் விபரங்களுக்குத் திருமாறன் (011 12310900), சரத்குமார் (016 2437305), சுபாராகினி (016-2652705) ஆகியோருடன் தொடர்பு கொள்ளக் கேட்டுக் கொள்ளப்படுகிறார்கள். 

பெசுட், ஆக.18-  திரெங்கானுவில், கம்போங் லே அவுட் தோக் ஹஸ் என்ற இடத்தில் 2 வயதுடைய சிறுமி, குளவி கொட்டியதால் உயிரிழந்த துயரச் சம்பவம் நடந்தது.

இந்தத் துயரச் சம்பவம் நேற்று நண்பகல் 12.45 மணியளவில் நடந்துள்ளது. தனது வீட்டிற்கு அருகே இருக்கும் ஓர் உணகத்தின் முன்பு அந்தச் சிறுமி விளையாடிக் கொண்டிருந்த பொழுது திடிரென்று குளவிகளால் தாக்கப்பட்டதாக அவளின் தாயார் ரூபியா இஸ்மாயில்  கூறினார்.

இதனிடையே, மகளின் திடிர் அலறலைக் கேட்டு அவள் விளையாடிக் கொண்டிருந்த இடத்திற்குச் சென்று பார்த்த பொழுது அவள் சுயநினைவின்றி விழுந்து கிடந்ததாக 69 வயதுடைய அந்தச் சிறுமியின் தாத்தா கண்ணீர் மல்க கூறினார்.

விளையாடிக் கொண்டிருந்த பொழுது அந்தச் சிறுமியை ஒரு குளவிக் கூட்டமே வந்து உடல் முழுவதும் கொட்டியது. இதனால் வலியால் துடித்த அந்தச் சிறுமி மயங்கி விழுந்தாள். தனது மகளின் நிலையைக் கண்டு பதற்றம் அடைந்த அவளின் தாத்தா, உடனடியாக கோலா திரங்கானுவில் உள்ள சுல்தானா நூர் ஸஹிரா மருத்துவமனைக்கு கொண்டு சென்றார்.

எனினும், மருத்துவர்களின் போராட்டம் பயனளிக்கவில்லை. சிறுநீரகம் செயலிழந்து போனதால் அந்தச் சிறுமி மாலை 4.30 மணிக்கு உயிர் இழந்தாள்.

இதே போன்று, 12 நட்களுக்கு முன்னர் 8 வயது சிறுவன் ஒருவன் குளவிகளால் தாக்கப்பட்டு மரணமடைந்தான் என்பது குறிப்பிடத்தக்கது குறிப்பிடத்தக்கது.

 

சுங்கைப்பட்டாணி, ஆக.18- 16 வயது தங்கையைப் பாலியல் பலாத்காரத்திற்கு உட்படுத்தியதாகவும் அடித்து துன்புறுத்தியதாகவும் 18 வயது மற்றும் 20 வயதுடைய இரு அண்ணன்களைப் போலீசார் கைது செய்துள்ளார்.

கைது செய்யப்பட்டவர்களில் 18 வயதுடைய அண்ணன் கடந்த 2015-ஆம் ஆண்டின் இறுதியிலிருந்தே தன் தங்கையிடம் பாலியல் பலாத்காரம் செய்து வந்துள்ளார். மற்றொரு அண்ணனும் பாலியல் பலாத்காரத்துடன் தனது தங்கையைத் தனக்காக திருடச் சொல்லியும் கட்டாயப்படுத்தி இருப்பதாகக் கண்டறியப்பட்டுள்ளது என்று கோலமூடா துணை தலைமைப் போலீஸ் சூப்ரிண்ட். சைஃபி அப்துல் ஹமிட் கூறினார்.

இந்த வன்கொடுமைகளைப் பொறுத்துக் கொள்ள முடியாத தங்கை போலீசில் புகார் கொடுத்துள்ளார்.

இதனிடையே, தனது தந்தை இறந்து ஆறு மாதங்களுக்குப் பின்னர் தன் தாய் கர்ப்பப்பை புற்றுநோயால் பாதிக்கப்பட்டபோது அண்ணன் பாலியல் பலாத்காரம் செய்யத் தொடங்கியதாக அந்தப் பெண் கூறியதாக அவர் குறிப்பிட்டார்.

கடந்த ஜூலை மாதம் 30-ஆம் தேதி நிகழ்ந்த கற்பழிப்பு சம்பவம் தான் ஆக அண்மையில் நடந்தது எனக் கண்டறியப்பட்டுள்ளது. இதனைப் பற்றி அந்தப் பாதிக்கப்பட்ட பெண் தனது நோய்வாய்ப்பட்ட தாயிடம் கூறிய போது உடல்நலக் குறைவு காரணமாக அவரால் எந்த நடவடிக்கையும் எடுக்க முடியவில்லை என்று சைஃபி அப்துல் ஹமிட் தெரிவித்தார்.

மேலும், தனது மூத்த அண்ணன் தன்னை திருடச் சொல்லி கட்டாயப்படுத்தியபோது மறுத்ததால் ஆத்திரத்தில் அடித்தது மட்டுமல்லாமல் சாலை வரை தன்னை தர தரவென்று இழுத்துச் சென்றதால் உடல் முழுவதும் சிராய்ப்புக் காயங்கள் ஏற்பட்டதாக அந்தப் பெண் கூறினார் என போலீஸ் அதிகாரி சைஃபி அப்துல் ஹமிட் அவர் தெரிவித்தார்.

பார்சிலோனா, ஆக.18- பார்சிலோனாவில் நடந்த பயங்கரவாதத் தாக்குதலில் பலியானவர்களின் குடும்பத்தினருக்கு பிரதமர் டத்தோஸ்ரீ நஜிப் தமது ஆழ்ந்த அனுதாபத்தைத் தெரிவித்துக் கொண்டார்.  

பார்சிலோனாவில் நடந்த இந்தத் தாக்குதல் வெறுக்கத்தக்க செயல் என்று பிரதமர் நஜிப் இன்று தனது டிவிட்டரில் பதிவு செய்துள்ளார். 

நேற்று வேன் ஒன்று திடீரென்று கூட்டத்திற்கு உள்ளே பாய்ந்து மக்களை மோதித் தள்ளிய பயங்காரவாதத் தாக்குதலில் 13 பேர் பலியானதோடு,  100க்கும் மேற்பட்டோர் காயமடைந்தனர்.  

இந்தச் சம்பவத்தில் சந்தேகத்தின் பெயரில் ஒரு ஸ்பானியர் மற்றும் ஒரு மொரோக்கோ நாட்டுப் பிரஜைரா ஆகியோர் கைது செய்யப்பட்டுள்ள வேளையில் வேன் ஓட்டுனர் தப்பிவிட்டதாக தெரிகிறது.

 

அலோர் ஸ்டார், ஆக.18- கெடாவிலுள்ள முஸ்லிம் ஆண்கள், வெளிநாடுகளில் இன்னொரு திருமணம் செய்ய கொண்டால், அதனைச் சட்டப்பூர்வமாக்க முதல் மனைவியின் சம்மதமோ அல்லது அங்கீகாரமோ தேவையில்லை என்று மாநில அரசாங்கம் அறிவித்துள்ளது.

மாறாக, அவரது கணவர் இன்னொரு திருமணம் செய்து கொண்டிருக்கிறார் என்பதை முதல் மனைவியிடம் மாநில அரசே தெரிவித்து விடும் என அது கூறியது.

இது, தாய்லாந்து அல்லது பிற நாடுகளில் திருமணம் புரிந்து கொள்ளும் கெடா மாநில முஸ்லிம் ஆண்களின் திருமண அங்கீகாரத்தை சட்டப்பூர்வமாக்கும் திட்டத்தின் ஒரு பகுதியாகும். 

மேலும், திருமணத்தைப் பதியாதவர்களுக்கான தற்போதைய அபராதத் தொகையான 3,000 ரிங்கிட்டை இனிமேல் 300-இல் இருந்து 400 ரிங்கிட்டாக குறைக்கவும் மாநில அரசாங்கம் முயற்சி மேற்கொண்டு வருவதாக சமய விவகாரக்  குழுவின் தலைவர் டத்தோ முகமட் ராவி அப்துல் ஹமிட் தெரிவித்தார். 

சட்டத்திற்கு எதிரான திருமணங்களைக் குறைப்பதற்கான முயற்சியே இது என்றார் அவர். இது போன்று திருமணப் புரிபவர்களின் குழந்தைகளுக்கு கல்வி, சுகாதார மற்றும் குடியுரிமைக்கான பிரச்சினைகள் ஏற்பட வாய்ப்புகள் அதிகமாக உள்ளன.

கணவன் அல்லது மனைவி இறந்துவிட்டாலோ விவாகரத்து ஏற்பட்டுவிட்டாலோ அவர்கள் சிரமத்தை எதிர்நோக்குவர் என்று டத்தோ முகமட் ராவி கூறினார். 

இது போன்ற பிரச்சனைகளில் தவிக்கும் குழந்தைகள் மற்றும் மனைவிமார்களைப் பாதுகாப்பதே கெடா மாநில அரசாங்கத்தின் நோக்கமாகும் என்று அவர் சுட்டிக்காட்டினார்.

காஜாங்,ஆக.18- விவாகரத்துப் பெற்ற மாதுவின் காதலன் ஒருவன் கடந்த ஏப்ரல் மாதம் தொடங்கி மாதுவுடைய 12 வயது மகளைக் கற்பழித்த சம்பவம் தெரிய வந்துள்ளது. சம்பவத்தை அடுத்து சம்பந்தப்பட்ட ஆடவனைப் போலீசார் கைது செய்தனர்.

40 வயது மதிக்கத்தக்க அந்த காதலன் தன்னுடைய மகளைத் தொடர்ந்து பாலியல் பலாத்காரம் செய்து வந்துள்ளதாக சம்பந்தப்பட்ட தாய் கடந்த வாரம் வியாழக்கிழமை போலீசில் புகார் செய்துள்ளதாக காஜாங் ஒசிபிடி அமாட் சாவிர் முகமட் யுசோப் கூறினார். 

தன்னுடைய மகள் எழுதிய டைரியைப் படித்தப் பிறகுதான் அவளுக்கு இக்கொடுமை நடந்துள்ளது தெரியவந்தது என அத்தாய் வாக்குமூலம் கொடுத்தார் என ஒசிபிடி அமாட் தெரிவித்தார்.

வேலைக் காரணமாக சீனாவிற்குச் சென்றிருந்த போதுதான் அந்தக் காமுகன் தன் மகளை மானபங்கம் செய்துள்ளான் என மிகவும் வருத்தத்துடன் அந்த தாய் தெரிவித்தார்.

அந்த காமுகனை திங்கட்கிழமை இரவு 11 மணியவில் போலீசார் கைது செய்தனர். ஒரு நிறுவனத்தில் மேலாளராக பணிபுரியும் அந்த நபர் ஆகஸ்ட் 20ஆம் தேதி வரை ஆறு நாட்களுக்குத் தடுப்பு காவலில் வைக்கப்படுவார். குற்றவியல் சட்டம் 376 பிரிவின் கீழ் கற்பழிப்பு குற்றத்திற்காக அவ்வாடவர் விசாரிக்கப்படுவார் என அமாட் கூறினார். 

கோலாலம்பூர்,ஆக.18- தேசிய தின மாதத்தையொட்டி மின்னல் எப்.எம் வானொலி, பல சிறப்பு நிகழ்ச்சிகளை ஒலிப்பரப்பி வருகின்றன. அந்த வகையில் தயாரிப்பாளர் பிரேமா கிருஷ்ணனின் தயாரிப்பில் ஒவ்வொரு வெள்ளிக்கிழமை பிற்பகல் 1.15க்கு, மலேசிய மக்களின் நற்பண்புகளை பிரதிபலிக்கும் காணொளியை நேயர்கள் மின்னல் எப்.எம் முகநூல் பக்கத்தில் காணலாம்.

மலேசியர்கள் பொறுப்பானவர்களா என்ற கேள்விக்கானப் பதிலை இன்று காணொளி வழி பார்க்கலாம். பொதுமக்களுக்குத் தெரியாத சில இடங்களில் கேமராவை மறைத்து வைத்து, அதற்கு பிறகு அறிவிப்பாளர் சசி தன்னுடைய கைப்பை தவற விடுகிறார். கைப்பை கீழே விழுவதைப் பார்க்கும் பொதுமக்கள் அடுத்து என்ன செய்கிறார்கள் என்பது தான் நிகழ்ச்சியின் சிறப்பு.

கேமராவை மறைத்து விட்டு அறிவிப்பாளர் சசி எப்படி பொதுமக்களோடு பேசினார், அவர்கள் என்ன சொன்னார்கள் என்பதை மின்னல் எப்.எம் முகநூலில் பதிவேற்றம் செய்திருக்கும் காணொளி மூலமாக நேயர்கள் பார்க்கலாம். அதே நேரத்தில் அங்கு நடந்த சுவாரசியமான சில விஷயங்களை மின்னல் எப்.எம் சசி பிற்பகல் மணி 1.15க்கு பகிர்ந்து கொள்ள போகிறார். 

மலேசியர்களின் நற்பண்புகள், நேயர்களின் தேசிய தின வாழ்த்து, மலேசியராக இருப்பதில் நாம் பெருமை கொள்ள வேண்டிய பல அம்சங்கள் இந்த தேசிய தின சிறப்பு காணொளியில் நேயர்கள் பார்க்கலாம்.

மின்னல் எப்.எம் முகநூல் முகவரி www.facebook.com/RTMMINNALfm

மும்பை, ஆக.18- 'என்னை வெறுக்கும் அனைவருக்கும் நன்றி... வமர்சித்தது போதும்...,போய் உங்க பொழைப்பைப் பாருங்க' என்று வலை தளவாசிகளுக்கு அறிவுறுத்தியுள்ளார் பாலிவுட் நடிகை இஷா குப்தா, இவர் தனது நிர்வாணப் புகைப்படங்களை இருட தினங்களுக்கு முன்பு இன்ஸ்டாகிராமில் வெளியிட்டு பரபரப்பை ஏற்படுத்தியவர்.

இதைப் பார்த்த வலைதளவாசிகள் இஷா குப்தாவை கடுமையாக விமர்சித்தனர். இது குறித்து இஷா பிரபல ஆங்கில நாளிதழுக்கு அளித்த பேட்டியின்போது கூறியிருப்பதாவது;

நான் இன்ஸ்டாகிராமில் வெளியிட்ட எனது புகைப்படங்களை 'லைக்' செய்தவர்கள் சிலர் தான். ஆனால் அவற்றை கிண்டல் செய்தவர்கள் பலர். எது புதிதாக வந்தாலும் அதை விமர்சிப்பவர்களே அதிகம்.

அனைவருக்கும் கருத்து உள்ளது, கையில் 'ஆண்ட்ராய்டு போன்' உள்ளது. சமூக வலைத்தளங்களில் எப்படி பயன்படுத்துவது என்பது  தெரிந்துள்ளது. தனியாக தங்களுக்கென வாழ்க்கை இல்லாதவர்கள் தான், அடுத்தவர்களைப் பற்றி அதிகம் விமர்சித்துக் கொண்டிருப்பார்கள். என்னை அதிகம் கிண்டல் செய்தவர்களும் அப்படியே...

மறக்கப்படுவதை விட வெறுக்கப்டுவது நல்லது. அதற்காக அவர்களுக்கு நன்றி சொல்கிறேன். என்னை தேசிய செய்தியாக்கிய என்னை வெறுக்கும் அனைவருக்கும் நன்றி. நாட்டில் எவ்வளவோ விஷயம் இருக்க, நீங்கள் என்னைப் பற்றியே விவாதிக்கிறீர்கள். போய் உங்க பொழப்பை பாருங்கள்..,ஐ லவ் யூ.. என்று இஷா தெரிவித்துள்ளார்.

 விஜயவாடா, ஆக.17 – இயக்குனர் சலபதி மற்றும் நடிகர் ஸ்ருஜன் ஆகிய இருவரும் ஓடும் காரில் தன்னை பலாத்காரம் செய்ததாக  இளம் தெலுங்கு நடிகை ஒருவர் விஜயவாடா போலீசில் புகார் செய்துள்ளார்.

அவர் தனது புகார் மனுவில் கூறியிருப்பதாவது: படப்பிடிப்புக்காக பீமாவரம் செல்ல வேண்டியிருந்தது. நான் ரயிலில் வருகிறேன் என்று கூறினேன். அதற்கு நடிகர் ஸ்ருஜன் மற்றும் இயக்குனர் சலபதி என்னை காரில் அழைத்துச் செல்வதாக கூறினார்கள். 

                                              #  நடிகர் ஸ்ருஜன்

காரில் சென்று கொண்டிருந்தபோது அவர்கள் என்னை பாலியல் பலாத்காரம் செய்ய முயன்றனர். இதை யாரிடமாவது கூறினால், உன் எதிர்காலமே காலி, பட வாய்ப்பே கிடைக்காமல் செய்துவிடுவோம் என்று மிரட்டினார்கள்.

                                                   # இயக்குனர் சலபதி

அவர்களிடம் இருந்து தப்பியோடினேன். பின்னர் நான் இருக்கும் இடத்தை வாட்ஸ் அப் மூலம் எனக்கு வேண்டிய நண்பர்களுக்குத் தெரிவித்தேன். அவர்கள் விரைந்து என்னை நேராக காவல் நிலையம் அழைத்து வந்தனர் என்று அதில் தெரிவித்துள்ளார்.

பின்னர் அந்த நடிகை மருத்துவமனையில் சேர்க்கப்பட்டு சிகிச்சை அளிக்கப்பட்டதோடு மருத்துவச் சோதனைகளும் செய்யப்பட்டதாக தகவல்கள் கூறுகின்றன.

இந்தச் சம்பவம் குறித்து இவர்கள் இருவருக்கும் எதிராக போலீசார் வழக்குப்பதிவு செய்துள்ளனர். இயக்குனரைத் தங்களுடைய காவலில் வைத்து விசாரித்து வருகிறார்கள் என்ற தகவல் வெளியாகியுள்ளது.

சென்னை,ஆக.16- பிக் பாஸ் வீட்டிற்கு ஓவியா திரும்பி வருவது பற்றி சமூக வலைத்தளங்களில் செய்தி தீயாக பரவி வருகிறது. பிக் பாஸ் வீட்டில் இருந்து சென்ற ஓவியா திரும்பி வர விரும்பவில்லை என்ற செய்திதான் அது. இதனால் ஓவியாவின் ஆர்மி மிகுந்த ஏமாற்றத்தில் உள்ளது.

எப்படியாவது ஓவியாவை மீண்டும் அழைத்து வரும் முயற்சியில் நிகழ்ச்சி ஏற்பாட்டாளர்கள் ஈடுபட்டுள்ளார்கள். ஓவியாவுக்கு அள்ளி அள்ளிச் சம்பளம் கொடுக்கவும் அவர்கள் தயாராக உள்ளார்கள் என்று தகவல் பரவிய நிலையில் இந்தத் தகவல் சமூக வலைத்தளங்களில் வெளியாகியுள்ளது.

பிக் பாஸ் என்ற பெயரை கேட்டாலே ஓவியா பதட்டமாகிறார் என்றும், அவர் திரும்பி வர விரும்பவில்லை என்றும் ஒரு தகவல் சமூக வலை தளங்களில்யு பரவியுள்ளது. 

பிக் பாஸ் வீட்டிற்கு ஓவியா திரும்பி வர விரும்பாதது குறித்து அறிந்த ஓவியா ஆர்மிக்காரர்களோ 'கடவுளே, இது உண்மையாக மட்டும் இருக்கவே கூடாது' என்று பிரார்த்தனைச் செய்கிறார்கள். 

பிக் பாஸ் வீட்டில் இருந்து வெளியேற்றப்பட்டவர்கள் எந்தநேரத்திலும் திரும்பி வரலாம் என்று நடிகை ஶ்ரீ பிரியாவிடம் பிக் பாஸ் தெரிவித்தார். பிக் பாஸ் ஓவியாவைப் பற்றித் தான் அப்படி கூறியுள்ளார் என்று ஓவியா ஆர்மிக்காரர்கள் நினைக்கிறார்கள்.

 சென்னை,ஆக.16- பிரபல குணச்சித்திர நடிகர் சண்முக சுந்தரம் உடல் நலக் குறைவால் இன்று காலமானார். அவருக்கு 70 வயது ஆகிறது. 1960-ஆம் ஆண்டுகளிலேயே நடிக்கத் தொடங்கிய சண்முகசுந்தரம், சிவாஜிகணேசன் நடித்த ‘இரத்தத் திலகம்’ மூலம் அறிமுகமானவர்.

அதன் பிறகு, ‘நத்தையில் முத்து’, ‘இதயக்கனி’, ‘ஆதித்யன்’, ‘குறத்தி மகன்’, லட்சுமி கல்யாணம்’, ‘வாழையடி வாழை’, ‘கரகாட்டக்காரன்’, ‘சென்னை 60028’, உள்பட நூற்றுக்கும் மேற்பட்ட படங்களில் நடித்துள்ளார்.  

இயக்குனர் திலகம் கே.எஸ்.கோபாலகிருஷ்ணனின் பெரும்பாலான படங்களில் சண்முகசுந்தரம் முக்கிய வேடத்தில் தோன்றுவார். இவரது தங்கைதான் பழம்பெரும் நடிகை சந்திரகாந்தா. 

எத்தனையோ படங்களில் நடித்திருந்தாலும், ‘கரகாட்டக்காரன்’ படம்தான் சண்முகசுந்தரத்தை மிகப் பிரபலமாக்கியது. அவர் நடித்த கடைசிப் படம் ‘அன்பானவன் அடங்காதவன் அசராதவன்’ என்பது குறிப்பிடத்தக்கது.

‘அண்ணாமலை’, ‘செல்வி’, ‘அரசி’, ‘வம்சம்’ உள்ளிட்ட பல தொலைக்காட்சித் தொடர்களிலும் சண்முகசுந்தரம் நடித்துள்ளார். 

 

சென்னை, ஆக.15- பிக்பாஸ் நிகழ்ச்சியில் ஓவியா மறுபிரவேசம் செய்தால் அவருக்கு அதிகச் சம்பளம் கொடுக்கப்படும் எனத் தகவல்கள் வெளியாகியுள்ளன. 

நிகழ்ச்சியில் இருந்து ஓவியா வெளியேறிய காரணத்தால் அந்த நிகழ்ச்சி தனது மவுசை இழந்து வருகிறது என்பது குறிப்பிடத்தக்கது. ஏனெனில், அந்த நிகழ்ச்சியில் அதிக ரசிகர்களின் மனதை கவர்ந்தவர் ஓவியா. 

அவர் பிக்பாஸ் நிகழ்ச்சிக்கு மீண்டும் திரும்புவாரா? என்பது கேள்விக்குறியாக இருக்கிறது. ஆனால், அவர் திரும்பவேண்டும் என்பது அனைவரின் எதிர்பார்ப்பாகவும் இருக்கிறது.

இந்நிலையில், முன்னதாக நடிகை ஓவியாவுக்கு வாரத்திற்கு 3 லட்சம் வரை சம்பளம் கொடுக்கப்பட்டது. அவர் நிகழ்ச்சியில் மறுபிரவேசம் செய்தால், ஒரு நாளைக்கு 5 லட்சம் ரூபாய் சம்பளம் கொடுக்க முடிவு செய்துள்ளது பிக்பாஸ் குழு என்றொரு தகவல் கசிந்துள்ளது. 

 

புதுடெல்லி, ஆக.15- இந்தியாவின் 71 ஆவது சுதந்திர தினத்தையொட்டி டெல்லி செங்கோட்டையில் தேசியக் கொடியைப் பிரதமர் நரேந்திர மோடி ஏற்றினார்.

நாடு முழுவதும் இந்திய சுதந்திர தினம் இன்று கொண்டாடப்படுகிறது. அதன்படி செங்கோட்டையில் தேசியக் கொடியை ஏற்றுவதற்கான நிகழ்ச்சிகள் ஏற்பாடு செய்யப்பட்டன. 

இதில் பிரதமர் நரேந்திர மோடி கலந்து கொண்டு தேசியக் கொடியை ஏற்றி வைத்து மரியாதை செலுத்தினார். அதற்கு முன்னதாக முப்படைகளின் அணிவகுப்பு மரியாதையை அவர் ஏற்றார். இந்தியாவில் மத்திய அமைச்சர்கள், எதிர்க்கட்சித் தலைவர்கள் உள்ளிட்டோர் கலந்து கொண்டனர்.

இதனிடையே அமெரிக்க அதிபர் டொனால்டு டிரம்ப், இந்திய பிரதமர் நரேந்திர மோடிக்குத் தொலைபேசி மூலம் சுதந்திர தின வாழ்த்து தெரிவித்தார்.

இந்தியா தனது 71 ஆவது சுதந்திர தினத்தை ஆகஸ்ட் 15 ஆம் தேதியான இன்று கொண்டாடுகிறது. இதையொட்டி, ஆகஸ்ட்14 ஆம் தேதி மாலையில் அமெரிக்க அதிபர் டொனால்டு டிரம்ப், தனக்கு தொலைபேசியில் சுதந்திர தின வாழ்த்துத் தெரிவித்ததாக பிரதமர் மோடி டிவிட்டரில் பதிவிட்டுள்ளார்.

 சென்னை, ஆக.12- பிக் பாஸ் நிகழ்ச்சியில் நடிகை ஓவியா தற்கொலைக்கு முயன்றது தொடர்பாக போலீஸ் விசாரணைக்கு நேரில் ஆஜராகும்படி போலீசார் அவருக்கு சம்மன் அனுப்பப்பட்டுள்ளது.

பிக் பாஸ் நிகழ்ச்சியின் வழி தமிழக ரசிகர்களின் ஏகோபித்த ஆதரவைப் பெற்று அவர்களின் மனதில் இடம் பிடித்தவர் ஓவியா.

பிக் பாஸ் வீட்டில் இருந்த போது அவருக்கு எதிராக பலரும் செய்த சதி மற்றும் காதல் தோல்வி ஆகியவற்றின் காரணமாக விரக்தி அடைந்த ஓவியா அங்கிருந்த நீச்சல் குளத்தில் மூழ்கி தற்கொலைக்கு முயன்றதை அடுத்து அவர் அந்த நிகழ்ச்சியில் இருந்து நீக்கப்பட்டார்.

ஓவியா வெளியேற்றப்பட்ட பின்னர், பிக் பாஸ் நிகழ்ச்சி படுத்து விட்டது. ஓவியாவுக்காக அந்த நிகழ்ச்சியை இதுவரை பார்த்து வந்த ரசிகர்கள், அவர் இல்லாத நிகழ்ச்சியை இனிப் பார்ப்பதில்லை என முடிவெடுத்ததால் அந்த நிகழ்ச்சி வீழ்ச்சி காணத் தொடங்கியது.

இந்நிலையில், பிக் பாஸ் வீட்டில் அவர் தற்கொலைக்கு முயன்றது தொடர்பாக போலீசார் அவருக்கு சம்மன் அனுப்பியுள்ளனர். இந்த தற்கொலை முயற்சி தொடர்பாக விசாரணை நடத்த வேண்டும் என்று விடுதலைச் சிறுத்தைகள் கட்சியைச் சேர்ந்த பாலாஜி என்ற வழக்கறிஞர் கொடுத்த புகாரின் அடிப்படையில் போலீசார் இந்த விசாரணையை நடத்துகின்றனர்.

இந்தத் தற்கொலை முயற்சி விவகாரத்தில் நடந்தது என்ன என்பதை விளக்குவதற்கு போலீஸ் நிலையத்தில் ஆஜராகும்படி நஸ்ரத் பேட்டை பொலீஸ் இன்ஸ்பெக்டர் ஜெயச்சந்திரன் ஓவியாவுக்குச் சம்மன் அனுப்பியுள்ளார்.

ஓவியாவின் நிர்வாகியிடம் விசாரித்த போது, ஓவியா தற்கொலைக்கு முயற்சிக்கவில்லை என்று தமக்கு விளக்கம் அளித்ததாக இன்ஸ்பெக்டர் ஜெயச்சந்திரன் கூறினார்.

 

சென்னை, ஆக.8– பாஜக எம்.பி பூனம் மகாஜன், நடிகர் நஜினிகாந்தைச் சந்தித்துப் பேசியுள்ளார். ஏற்கனவே அரசியலில் ரஜினியைப் பாஜக தன் பக்கம் ஈர்க்கப் பார்க்கிறது என்ற ஆரூடங்கள் நிலவி வரும் நிலையில் இந்தச் சந்திப்பு ஊடகங்களில் புதிய ஊகங்களைத் கிளப்பியுள்ளன.

எனினும், இந்தச் சந்திப்பில் அரசியல் உள்நோக்கம் எதுவும் இல்லை, மரியாதை நிமித்தமான ஒன்றே என பாஜக விளக்கம் அளித்துள்ளது

மகாராஷ்டிராவைச் சேர்ந்தவர் பூனம் மகாஜன், மறைந்த அரசியல் தலைவர் பிரமோத் மகாஜனின் மகள் ஆவார். இன்று போயஸ் கார்டன் இல்லத்தில் பூனம் மகாஜன், ரஜினியைச் சந்தித்துப் பேசினார். சந்திப்பின் போது ரஜினியின் மனைவி லதாவும் உடன் இருந்தார்.

லதா ரஜினியுடன் இணைந்து கல்வித் திட்டம் ஒன்றில் ஈடுபட பூனம் திட்டமிட்டுள்ளதாக கூறப்படுகிறது. இந்தச் சந்திப்பு குறித்து பூனம் கூறுகையில்-

இந்தச் சந்திப்பு சிறப்பாக அமைந்தது. ரஜினி எனக்கு ஆதரவாக இருக்கிறார். அவருக்கு எனது தந்தையை நன்றாகத் தெரியும். தமிழகத்தில் உள்ள ஒவ்வொருவரின் இதயத்திலும் ரஜினி இருக்கிறார்' என்று பூனம் மகாஜன் சொன்னார்.

 

'இந்தச் சந்திப்பு, மரியாதை நிமித்தமானது மட்டுமே, அரசியல் தொடர்பானது அல்லஎன்று பாஜக தரப்பில் கூறப்பட்டுள்ளது.

 

திருவனந்தபுரம், ஆக.8- பிரபல நடிகை பாவனா கடத்தல் வழக்கில் கைது செய்யப்பட்டு சிறையில் உள்ள நடிகர் திலீப்புக்கு உடல்நலம் பாதிக்கப்பட்டுள்ளதாக தகவல் வெளியாகியுள்ளது.

பிரபல மலையாள நடிகை கடந்த பிப்ரவரி 17-ஆம் தேதி கடத்தப்பட்டு, ஆறு நபர்களால் ஒரு காரில் பாலியல் பலாத்காரம் செய்யப்பட்டார். இந்த வழக்கு தொடர்பாக நடிகர் திலீப், கைது செய்யப்பட்டு தற்போது நீதிமன்ற காவலில் உள்ளார். அவரது ஜாமீன் மனுவை கேரள உயர்நீதிமன்றம் நிராகரித்தது.

பிரபல மலையாள நடிகை கடத்தல் வழக்கில் அலுவா சிறையில் அடைக்கப்பட்டுள்ள நடிகர் திலீப்பிற்கு உடல் நலம் பாதிப்பு ஏற்பட்டுள்ளது. இது தொடர்பாக அவரது உடல்நிலையைப் பரிசோதிக்க வந்த மருத்துவர்கள், காதுகளின் உட்பகுதியில் உள்ள திரவத்தில் நிலையற்றதன்மை பாதிக்கப்பட்டுள்ளதால், அவரால் நிற்ககூட முடியாத நிலை ஏற்பட்டுள்ளது என்று தெரிவித்துள்ளனர்.

இதன் காரணமாக, அவருக்கு போதிய மருத்துவ வசதி அளித்தும், அவரது உடல்நிலையில் எந்த மாற்றமும் ஏற்படவில்லை. மேலும், சிறையில் வெறும் தரையில் பல நாட்கள் தூங்கியதாலும் அவருக்கு உடல்நலம் பாதிக்கப்பட்டுள்ளதாகக் கூறப்படுகிறது.

இதன் காரணமாக, அவரை மருத்துவமனையில் சேர்த்துச் சிகிச்சை அளிக்க சிறை கண்காணிப்பாளர் ஆலோசித்தாலும், பாதுகாப்புக் கருதி அந்த முடிவு கைவிடப்பட்டது.

இந்நிலையில், அவரது நீதிமன்ற காவல் நாளையுடன் முடிவடையும் நிலையில், அவரது சார்பில் வழக்கறிஞர் ராமன் பிள்ளை ஜாமீன் கேட்டு மீண்டும் மனுத் தாக்கல் செய்வார் என்று எதிர்பார்க்கப்படுகிறது.

Advertisement

 

 

Top Stories

Grid List

கோலாலம்பூர், ஆக.18- நாளை மிக விமரிசையாக புக்கிட் ஜாலில் அரங்கில், 29ஆவது சீ விளையாட்டு போட்டியின் அதிகாரப்பூர்வ தொடக்க விழாவைக் காண விரும்பும் பொதுமக்களை விழாவுக்கு கடைசி நேரத்தில் புறப்படாமல் முன்கூட்டியே புறப்பட்டு வருமாறு கேட்டுக் கொண்டார் இளைஞர், விளையாட்டுத் துறை அமைச்சர் கைரி ஜமாலுடின்.

சீ விளையாட்டிற்காக விற்பனைக்கு வைத்த 85 ஆயிரம் நுழைவு டிக்கெட்டுகளும் விற்று தீர்ந்து விட்டன. அரங்கினுள் நுழையும் முன்னர் மக்களிடம் பொதுவான பாதுகாப்பு சோதனைகள் மேற்கொள்ளப்படும். 

சீக்கிரமே வருபவர்கள் சோதனைகளை முடித்து அரங்கினுள் நுழையலாம். மாலை 6 மணிக்குதான் தொடக்க விழா என்றாலும் 4 மணிக்கெல்லாம் அரங்கம் திறக்கப்பட்டு விடும் என்று அவர் கூறினார்.

ஆக, விரைந்து வருபவர்களுக்கு அரங்கினுள் நடைபெறும் விழாவில் கலந்து கொள்ள வாய்ப்பு கிட்டும்.

இதனிடையே, சீ விளையாட்டைக் காண வருபவர்கள் முடிந்தவரை பொதுப் போக்குவரத்தைப் பயன்படுத்துமாறு கைரி கேட்டுக் கொண்டார். இதனால் வாகன நெரிசலைக் தவிர்க்க முடியும். 

மேலும், சீ விளையாட்டிற்காக புக்கிட் ஜாலீலைச் சுற்றியுள்ள சில சாலைகள் மூடப்படவுள்ளதால் சொந்த வாகனங்களில் வருவது மக்களுக்குதான் அலைச்சல் என்று அவர் சுட்டிக்காட்டினார்.

இதே வேளையில், தரைமார்க்கப் பொது போக்குவரத்து ஆணையம் (SPAD) மக்களின் வசதிக்காக சுமார் 7 எல்.ஆர்.டி மற்றும் பேருந்து நிலையங்களின் சேவை நேரத்தை நீட்டித்துள்ளது. மேலும், சீ விளையாட்டுகள் நடைபெறும் இடத்திற்குச் செல்லும் பொதுப் போக்குவரத்திற்கு 50 விழுக்காடு கட்டணக் கழிவும் வழங்குகிறது.

எனினும், சொந்தப் போக்குவரத்தை உபயோகித்தி வருபவர்களுக்கும் 3 ஆயிரத்து 500 வாகன நிறுத்தும் இடங்கள் சிலாங்கூர் டர்ஃப் கிளப்பில் ஏற்பாடு செய்யப்பட்டுள்ளது. இது நாளை மாலை 3 மணிக்கு திறக்கப்படும். அங்கிருந்து விளையாட்டு அரங்கிற்குச் செல்ல பேருந்து வசதியும் உண்டு என்று கைரி உறுதிப்படுத்தினார்.

 

சளி, இருமல் போன்றவற்றை வீட்டிலிருந்தே சரி பண்ணுவது போன்று சில சரும பிரச்சினைகளையும் வீட்டிலிருந்தே சரி செய்யலாம் . தொடர்ந்து 10 நாட்கள் கரண்டி மசாஜ் செய்தால் இளமையாகக் காட்சியளிக்கலாம். இவ்வாறு மசாஜ் செய்வதால் ரத்த ஓட்டம் அதிகரித்து சுருக்கங்கள் வராமல் தடுக்கலாம். 

இதனால் எண்ணெய் எளிதில் சருமத்தால் உறிஞ்சப்படும். கரண்டியினால் கீழிருந்து மேல் நோக்கி முகத்தில் மசாஜ் செய்தால், தொங்கும் தசைகள் இறுகும். கண்களுக்கு அடியில் தங்கும் சதைப்பை மறையும். சருமத்திற்கு புத்துணர்ச்சி தரும். ரத்த ஓட்டம் அதிகரித்து இளமையை அதிகரிக்கச் செய்யும்.

முதலில் முகத்தை நன்றாக கழுவி, பருத்தி துணியால் ஒத்தி எடுக்க வேண்டும். பின்னர், வெதுவெதுப்பான ஆலிவ் அல்லது தேங்காய் எண்ணெயில் 1 நிமிடம் கரண்டியை வைத்து அதனை எடுத்து கரண்டியின் பின்பகுதியினால் நாடியிலிருந்து மேல் நோக்கி, கன்னம் வரை மெதுவாக மசாஜ் செய்ய வேண்டும். அதே போல், இரு கன்னப்பகுதியில் கீழிருந்து மேல் நோக்கி மசாஜ் செய்ய வேண்டும். இது போல் 10 நாட்கள் தொடர்ந்து செய்தால் நல்ல மாற்றத்தைக் காணலாம்.

கண்களுக்கு அடியில் உண்டாகும் சதைப்பையை போக்க சுத்தமான நீரில் சில ஐஸ் துண்டுகளைப் போட்டு அதில் கரண்டியை வைக்க வேண்டும். நன்றாக சில்லிட்டதும் அதனை கண்களுக்கு அடியில் வைத்து லேசாக அழுத்தி மசாஜ் செய்ய வேண்டும். இதுபோல் கண்களின் சதைப்பை போகும் வரை தினமும் செய்தால் நல்ல பலன் கிடைக்கும்.

 

நியூயார்க், ஆக.18- எதிர்வரும் ஆகஸ்டு 21ஆம் தேதியன்று சூரிய கிரகணம் ஏற்படவிருக்கிறது. இந்த சூரிய கிரகணத்தால் “கறுப்பு நிலா” வானில் தென்படும். இதனை அமெரிக்காவின் பல இடங்களில் காண முடியும். இந்த உலகின் அழிவு நெருங்கி விட்டதை இந்தக் கறுப்பு நிலா காட்டுவதாக சமூக வலைதளங்களில் பல்வேறு தரப்பினர் பீதியைத் தெறிக்க விட்டிருக்கின்றனர். 

உலகில் நான்கு வகையான முறையில் கறுப்பு நிலா தென்படும். 21 ஆம் தேதி தென்படவிருக்கும் கறுப்பு நிலா மிக மிக அபூர்வமானது. இதனைக் கண்களுக்கு விருந்து என்று மட்டும் கருதிக் கொண்டிருக்க வேண்டாம். உலக அழிவின் தொடக்கம் என கிறிஸ்துவ சமயத்தின் ஒரு பிரிவினர் நம்புவதாக செய்திகள் பரவியுள்ளன.

இந்தக் கறுப்பு நிலாவின் தோற்றம் என்பது ஏதோ விண்வெளியில் நிகழும் வினோதம் என்று எண்ணாதீர்கள். இது கடவுளிடமிருந்து வந்த எச்சரிக்கை என்கிறார் ‘கடவுளின் கால விதி’ என்ற நூலை எழுதிய மார்க் பிலிட்ஷ்.

மேலும் கறுப்பு நிலா தென்பட்ட சில காலத்திற்குப் பின்னர் ‘மேஜிக்கல் கிரகம்-10’ என்றழைக்கப்படும் கோள் ஒன்று பூமியின் மீது மோதவிருக்கிறது. இதுதான் உலக அழிவுக்கு வித்திடும் என்று கிரகங்கள் தொடர்பான ஆய்வை நடத்தி வரும் டேவிட் மியெட் என்பவர் கூறுகிறார்.

'உலக அழிவின் அறிகுறிகள்' என்ற தலைப்பில் தொடர்ந்து வானொலிச் சேவையை நடத்தி வருபவரான பாதிரியார் பால் பெக்லி, கறுப்பு நிலா என்பது இறைவன் காட்டும் அறிகுறி என்கிறார் 

இந்தச் சூரிய கிரகணத்தின் போது  சூரியனுக்கும் பூமிக்கும் இடையே நேர்கோட்டில் வரும் நிலா, பூயின் பார்வையில் இருந்து சூரியனை முற்றாக மறைப்பதால்,  நிலா இருள் படிந்து காணப்படும். 

'இந்த உலகம் அழிவின் விளிம்பை நோக்கிச் செல்கிறது என்ற கருத்தை யாராவது சொல்லத் தானே வேண்டும். அந்த அபாயச் சங்கினை நானே ஊதவேண்டியதாயிற்று' என்று பாதிரியார் பால் பெக்லி சொன்னார்.

                                                                                    # பூமி மீது மோதவிருக்கும் நபிரு கிரகம்...

இந்த மேஜிக்கல் கிரகத்திற்கு ‘நிபிரு’ என்பதே உண்மைப் பெயர். சூரியக் கிரகணம் நிகழ்ந்து, நிலா கருமை அடையும் சம்பவம் நடந்த முடிந்த பின்னர் சிறுது காலத்தில் இந்த நிபிரு கிரகம், பூமியைத் தாக்கும் என்கிறார் அவர். 

அமெரிக்காவிலுள்ள 12 மாநிலங்களில் நிலா முற்றிலுமாக இருளடையும் காட்சியை  இந்த கறுப்பு நிலாவாகக் காட்சி தருவதைக் காணமுடியும் என்று டேவிட் மியெட் சொல்கிறார். 

சென்னை, ஆக.18-  கேரளாவில் பாலிவுட் கவர்ச்சி நடிகை சன்னி லியோனைப் பார்க்கத் திரண்ட ரசிகர்கள் கூட்டத்தைக் கண்டு நாடே மிரண்டு விட்டது. இது தொடர்பில் ஆவேசத்துடன் டுவிட்டரில் வலைதளவாசிகள் கலாய்ப்பில் இறங்கியுள்ளனர்.

கொச்சியில் நடைபெற்ற நிகழ்ச்சி ஒன்றில் பங்கேற்க வந்த சன்னி லியோனின் கார், ரசிகர்கள் வெள்ளத்தில் சிறிய புள்ளிபோலத் தெரியும் அளவுக்கு கூட்டம் அலைமோதியது. 

இதுகுறித்து டுவிட்டரில் பதிவிட்டுள்ள சன்னி லியோன், கேரளாவில் தனக்குக் கிடைத்த வரவேற்பு பிரமிக்க வைத்ததாக குறிப்பிட்டுள்ளார். தனது கார் கொச்சி ரசிகர்களின் அன்புக் கடலில் மிதந்ததாக அவர் பதிவிட்டுள்ளார்.

இந்தக் கூட்டத்தைப் பார்த்து வலைதளவாசிகள் பதிவிட்டுள்ள கருத்து என்னவென்றால், 'நல்ல வேலை சன்னி லியோன் தமிழ்நாட்டுக்கு வரல, ஓவியாவுக்கே ஆர்மி வச்சிருக்கரவனுங்க சன்னிக்கு என்னென்ன வச்சிருப்பானுங்கலோ...என்று கலாய்த்து டுவீட் செய்துள்ளார் ஒரு வலைதளவாசி. கேரளா கூட்டத்தைப் பார்த்தா, சன்னிலியோன் தான் 

அடுத்த கேரள முதல்வர் என்று சிலர் கூறியுள்ளனர்.   

தமிழில் சன்னி லியோனை வைத்து நடத்தலாம் என்று சிலர் ஆலோசனை கூறியுள்ளனர். சன்னி லியோனை வைத்து தமிழில் பிக்பாஸ் நிகழ்ச்சி நடத்தினால் டிவியின் டி.ஆர்.பி எகிறிடும் என்று தங்களது ஆலோசனைகளைக் கூறியுள்ளார் சிலர்.

அதிக ரசிகர்கள் இருப்பதனாலேயே ஒரு நடிகர், முதல்வர் ஆக முடியும் என்றால், சன்னி லியோன் இந்தியாவின் பிரதமர் ஆகத் தகுதி உடையவர் தான் என்று நக்கலாகவும் பதிவிட்டுள்ளனர்.

சென்னை,ஆக.18- நடிகர் 'அல்வா' வாசுவின் ஆசை நிராசையாகிவிட்டது. 900 படங்களுக்கு மேல் நடித்தவர் வாசு. 'அமைதிப் படை' படத்தில் சத்தியராஜூக்கு அல்வா வாங்கிக் கொடுத்த காட்சியில் நடித்த பிறகு அல்வா வாசுவாகிவிட்டார்.

வடிவேலு காமெடி குழுவில் முக்கிய ஆளாக இருந்தார். வடிவேலு காமெடியில் அசத்தினாலும் அல்வா வாசு தனது வெகுளித்தனமான நடிப்பால் ரசிகர்களை தன்னையும் கவனிக்க வைத்தார்.

மதுரையை சேர்ந்த  வாசு, இசையமைப்பாளர் ஆகும் ஆசையுடன் தான் சென்னை வந்தார். ஆனால் இசை பக்கம் போக முடியாமல் உதவி இயக்குனரான அவர் நகைச்சுவை நடிகரானார். மணிவண்ணனிடம் உதவி இயக்குனராக இருந்தார். 

மணிவண்ணனுக்கு முகவும் பிடித்த நபராக இருந்தவர் 'அல்வா' வாசு. என்றாவது ஒரு நாள் நான் இயக்குனர் ஆவேன் என்ற ஆசையை சுமந்து கொண்டு வாழ்க்கையே ஒட்டியவர். கடைசி வரை இயக்குனர் ஆகும் ஆசை நிறைவேறாமலேயே விண்ணுலகம் சென்றுவிட்டார்.

  கோலாலம்பூர், ஜூலை.20- மலேசியாவில் கியா ரக வாகனங்களை விநியோகிக்கும் நாசா கியா மலேசியா செண்டிரியான் பெர்ஹாட் நிறுவனம், 2017-ஆம் ஆண்டில் 5,100 வாகனங்களை விற்பனை செய்ய இலக்கு கொண்டுள்ளது.

இவ்வாண்டின் முதல் பாதியிl, கியா கார்களின்விற்பனையில் புதிய உந்துதல் உருவாக்கியிருப்பதால் கடந்தாண்டைக் காட்டிலும் இந்நிறுவனம் சிறந்த அடைவு நிலையை எட்டும் என நாசா கார்ப்பரேஷன் ஹோல்டிங்ஸ் நிறுவனத்தின் வாகன குழுமத் தலைமை நிர்வாக அதிகாரி டத்தோ ஷாம்சன் ஆனந்த் ஜியார்ஜ் நம்பிக்கை தெரிவித்தார். 

கடந்த ஆண்டோடு ஒப்பிடுகையில், இவ்வாண்டின் முதல் பாதியில் கியா ரக கார்களின் விற்பனை 14.4 விழுக்காடு உயர்வு கண்டுள்ளது. ஆகையால், இவ்வாண்டு இறுதிக்குள் நிர்ணயிக்கப்பட்ட இலக்கை அடையமுடியும் என்று அவர் இன்று புதிய கியா ரியோ ரக வாகனத்தை அறிமுகப்படுத்திய போது கூறினார்.

இந்நிறுவனம் கடந்த ஆண்டு மொத்தம் 4,378 கியா ரக கார்களை விற்பனை செய்யப்பட்டுள்ளது என்பது குறிப்பிட்டத்தக்கது.

 

Advertisement

Upcoming Events