2017-இன் விற்பனை இலக்கை அடைவோம்! -நாசா கியா நிறுவனம் உறுதி

Business
Typography

  கோலாலம்பூர், ஜூலை.20- மலேசியாவில் கியா ரக வாகனங்களை விநியோகிக்கும் நாசா கியா மலேசியா செண்டிரியான் பெர்ஹாட் நிறுவனம், 2017-ஆம் ஆண்டில் 5,100 வாகனங்களை விற்பனை செய்ய இலக்கு கொண்டுள்ளது.

இவ்வாண்டின் முதல் பாதியிl, கியா கார்களின்விற்பனையில் புதிய உந்துதல் உருவாக்கியிருப்பதால் கடந்தாண்டைக் காட்டிலும் இந்நிறுவனம் சிறந்த அடைவு நிலையை எட்டும் என நாசா கார்ப்பரேஷன் ஹோல்டிங்ஸ் நிறுவனத்தின் வாகன குழுமத் தலைமை நிர்வாக அதிகாரி டத்தோ ஷாம்சன் ஆனந்த் ஜியார்ஜ் நம்பிக்கை தெரிவித்தார். 

கடந்த ஆண்டோடு ஒப்பிடுகையில், இவ்வாண்டின் முதல் பாதியில் கியா ரக கார்களின் விற்பனை 14.4 விழுக்காடு உயர்வு கண்டுள்ளது. ஆகையால், இவ்வாண்டு இறுதிக்குள் நிர்ணயிக்கப்பட்ட இலக்கை அடையமுடியும் என்று அவர் இன்று புதிய கியா ரியோ ரக வாகனத்தை அறிமுகப்படுத்திய போது கூறினார்.

இந்நிறுவனம் கடந்த ஆண்டு மொத்தம் 4,378 கியா ரக கார்களை விற்பனை செய்யப்பட்டுள்ளது என்பது குறிப்பிட்டத்தக்கது.