ஐ.எம்.எப்.பில் முதலீட்டை அதிகரித்தது இந்தியா!

Business
Typography

புதுடில்லி, மார்ச் 12-ஐ.எம்.எப். எனப்படும் அனைத்துலக செலாவணி நிதியத்தில் (ஐஎம்எப்) இந்தியாவின் வாக்கு உரிமையை அதிகப்படுத்துவதற்கு இந்திய அரசாங்கம் கூடுதலாக 69,575 கோடி ரூபாயை முதலீடு செய்ய இருக்கிறது.

நீண்ட காலமாக கிடப்பில் வைத்திருந்த ஒதுக்கீட்டு சீர்திருத்தத்தை ஐஎம்எப் நடைமுறைப்படுத்தியுள்ளது. இதன் மூலம் வளரும் நாடுகளான இந்தியா, பிரேசில், சீனா, ரஷ்யா ஆகிய நான்கு நாடுகள் அனைத்துலக நிதியத்தின்  அதிக முதலீட்டை கொண்டுள்ள 10 உறுப்பினர்கள் பட்டியலுக்குள் வந்துள்ளன.

ஐ.எம்.எப். ஒதுக்கீட்டை அதிகப்படுத்தி இருப்பதன் மூலம் மத்திய அரசு கூடுதலாக 69,575 கோடி ரூபாயை முதலீடு செய்ய உள்ளதாக நிதியமைச்சர் அருண் ஜேட்லி நாடாளுமன்றத்தில் தெரிவித்தார்.

ஐ.எம்.எப்.பில் இந்தியாவிற்கு வாக்குரிமை 2.34 விழுக்காடாக இருந்து வந்தது. புதிய முதலீட்டின் மூலம் 2.44 விழுக்காடாக அதிகரிக்கும் என்று எதிர்பார்க்கப்படுகிறது.