Top Stories

Grid List

கோலாலம்பூர், மார்ச்.30- மலேசியத் தமிழ்த் திரையுலகில் நன்கு அறிமுகமான இளம் நடிகை சங்கீதா கிருஷ்ணமூர்த்தி, தாம் நடித்து அண்மையில் வெளிவந்த adiwira ku மலாய்த் திரைப்படத்தின் வெற்றி தம்மை ஒரு புதிய திருப்பத்தை நோக்கி நகர்த்தி இருக்கிறது என்று சொல்லும் அவர் தன் திரையுலக வாழ்க்கையைப் பற்றி மனம் திறக்கிறார்.

கோலாலம்பூர், ஏப்ரல் 21- ஷாபு வகை போதைப் பொருளைக் கடத்தியதற்காக மலாய் நடிகர் பென்ஜீ  இந்தோனிசியாவில் கைது செய்யப்பட்டுள்ளார். 1990ஆம் ஆண்டுகளில் மலாய் சினிமாவின் புகழ்பெற்ற நடிகராக இவர் திகழ்ந்தார்.

கய்ரில் பெஞ்சமின் இப்ராஹிம் எனும் பென்ஜீ மேடான் கோலா நாமு அனைத்துலக விமான நிலையத்தில் குடிநுழைவு அதிகாரிகளால் கைதுச் செய்யப்பட்டார்.

14 கிராம் அளவிலான இந்த ஷாபு போதைப் பொருளை இவர் கோலாலம்பூரில் உள்ள தனது நண்பரிடம் வாங்கியதாக ஒப்புக்கொண்டுள்ளார். இந்தோனிசியாவில் வசிக்கும் ‘டிஜே’ என்ற தனது நண்பரைச் சந்திக்க இவர் அங்கு சென்றதாக போலீஸ் விசாரணையில் ஒப்புகொண்டதாக இந்தோனிசிய உள்ளூர் ஊடகங்களில் செய்திகள் வெளியாயின.

இதனைத் தொடர்ந்து, அந்த நண்பரை இந்தோனிசிய போலீஸ் தேடுகிறது. மேலும், கோலாலம்பூரில் இருக்கும் இவரது நண்பரையும் மலேசிய போலீஸ் விரைவில் கைது செய்யும் என எதிர்ப்பார்க்கப்படுகிறது.

காலஞ்சென்ற மலாய் திரையுலக நாயகி அஸியான் இர்டாவாதியின் மகனான பென்ஜீ, 2010 மற்றும் 2015ஆம் ஆண்டுகளில் ஏற்கனவே போதைப் பொருள் சம்பந்தப்பட்ட குற்றங்களில் கைது செய்யப்பட்டவர் என்பது குறிப்பிடத்தக்கது.

புதுடெல்லி, ஏப்ரல் 4- மலேசியாவில் இந்திய திரைப்படங்களுக்கான ஆதரவு பெருமளவில் காணப்படுகின்றது. ஆதலால், தமிழ் மற்றும் இந்தி திரையுலகத்திலிருந்து மேலும் பல திரைப்படங்களையும் நாடகங்களையும் மலேசியாவில் எடுப்பதற்கு வாருங்கள் என அழைப்பு விடுத்தார் மலேசிய பிரதமர் டத்தோ ஶ்ரீ நஜிப் துன் ராசாக்.

இந்தியத் திரைப்படங்களின் மிகப் பெரிய ரசிகன் நான் என்று இந்தியா சென்றுள்ள பிரதமர் நஜீப் கூறினார். இந்தியத் திரைப்பட தயாரிப்பாளர்கள் மலேசியாவின் தனித்தன்மை வாய்ந்த இயற்கைக்காட்சி, கலாச்சாரம் மற்றும் பன்முகத்தன்மை போன்றவற்றை மேம்படுத்தி கூறலாம் என்றும் தெரிவித்தார். மேலும், அந்தக் கலை இரவில் இந்திய திரைப்படக் குழுவினருக்கு மலேசியா பல சலுகைகளை வழங்க விரும்புவதாகவும் பிரதமர் தெரிவித்தார்.

இந்திய சினிமாத் துறை உலகிலேயே மிகப்பெரிய சினிமாத் துறையாகக் கருதப்படுகிறது. ஒரு வருடத்திற்கு 20-க்கும் மேற்பட்ட மொழிகளில் 1,500 முதல் 2,000 திரைப்படங்கள் வரை வெளியிடப்படுகின்றன.

இதன்வழி, இந்தியாவிற்கும் மலேசியாவிற்கும் இடையில் உள்ள நட்புறவை மேலும் வலுப்படுத்திக் கொள்ள இது ஒரு வாய்ப்பாக அமையும் என பிரதமர் டத்தோ ஶ்ரீ நஜீப் வலியுறுத்தினார்.

சென்னை, ஏப்ரல் 25- இந்தியாவின் முதல் விண்வெளி வீராங்கனை கல்பனா சாவ்லா வாழ்க்கை வரலாறு படமாக்கப்படுகிறது. இப்படத்தில் பிரியங்கா சோப்ரா நடிக்கவிருக்கிறார்.

இந்தியாவின் முதல் விண்வெளி வீராங்கனை கல்பனா சாவ்லா. கொலம்பியா விண்கலத்தில் 7 பேர் கொண்ட குழுவுடன் விண்வெளிக்கு பயணம் செய்த கல்பனா சாவ்லா அங்கு 31 நாட்கள், 14 மணிநேரம், 54 நிமிடங்கள் விண்வெளியில் தங்கியிருந்து ஆய்வுகளை மேற்கொண்டிருந்தார். பின்னர் தனது ஆராய்ச்சிகளை முடித்த பின்னர் விண்வெளியில் இருந்து பூமிக்குத் திரும்பிக்கொண்டிருந்த போது, விண்கலம் வெடித்துச் சிதறியதில் கடந்த 2003ம் ஆண்டு உயிரிழந்தார்.

அவரது வாழ்க்கை வரலாற்றை படமாக்க உள்ளார் பாலிவுட் இயக்குநர் பிரியா மிஷ்ரா. அதற்கான கதையையும் தயார் நிலையில் உள்ளது. கடந்த 7 வருடங்களாக முயற்சி செய்து இப்போது தான் அதற்கான நேரம் வந்துள்ளது எனவும் இப்படம் உலக தரத்தில் பிரம்மாண்டமானதாக இருக்கும் எனவும் பிரியா கூறினார். 

மேலும் கல்பனா சாவ்லா கதாபாத்திரத்தில் பாலிவுட்டின் முன்னணி நடிகையாக வலம் வரும் பிரியங்கா சோப்ரா நடிக்க உள்ளதாகவும் கூறினார். இதற்கு முன் பிரியங்கா, பிரபல குத்துச்சண்டை வீராங்கனையான `மேரி கோம்' வாழ்க்கை வரலாற்றுப் படத்தில் மேரி கோமாக நடித்திருந்தது குறிப்பிடத்தக்கது.

சென்னை, ஏப்ரல் 25- சலங்கை ஒலி, சங்கராபரணம் ஆகிய படங்களை இயக்கிய இயக்குனரும் நடிகருமான கே.விஸ்வநாத்திற்கு திரையுலகின் உயரிய விருந்தான தாதா சாகேப் பால்கே விருது அறிவிக்கப்பட்டுள்ளது. தனுசின் 'யாரடி நீ மோகினி' படத்திலும் ரஜினியின் 'லிங்கா' படத்திலும் இவர் தாத்தா கதாபாத்திரத்தில் நடித்தவர் என்பது குறிப்பிடத்தக்கது.

சினிமாவில் 'சவுண்டு டிசைனராக' அறிமுகமான கே.விஸ்வநாத் பின்னர் இயக்குனராக அறிமுகமானார். இவர் இயக்கிய சலங்கை ஒலி, சிப்பிக்குள் முத்து, சங்கராபரணம் ஆகிய படங்கள் மிக பெரிய வெற்றி பெற்ற படங்களாகும். தெலுங்கு மட்டுமின்றி ஹிந்தி, தமிழ் ஆகிய மொழிகளிலும் இவர் பிரபலம் தான். 

கமலஹாசனின் குருதிபுனல், உத்தம வில்லன் மற்றும் யாரடி நீ மோகனி, லிங்கா, ராஜ்பாட்டை ஆகிய படங்களில் கூட அவர் நடிந்திருந்தார். 

5 முறை தேசிய விருது பெற்ற இவருக்கு ஏற்கனவே பத்மஶ்ரீ விருது வழங்கப்பட்டுள்ளது. இந்நிலையில், இப்போது விஸ்வநாத்திற்கு சினிமா துறையின் மிக உயரிய விருதாக கருதப்படும் தாதா சாகேப் பால்கே விருது அறிவிக்கப்பட்டுள்ளது.

சென்னை, ஏப்ரல் 24- பெயரிடப்படாத விஜய்யின் அடுத்த படமான 'விஜய் 61'-இன் முதல் பார்வை போஸ்டர் விஜய்யின் பிறந்தநாளில் வெளியிடப்படும் என அறிவிக்கப்பட்டுள்ளது. ஆகஸ்டில் படத்தின் பாடல்கள் வெளியிடப்படுகிறது.

இயக்குனர் அட்லி இயக்கத்தில் இளைய தளபதி விஜய் நடித்துள்ள அடுத்த படத்திற்கு இன்னும் பெயரிடவில்லை. படத்தின் பெயரினை முதல் பார்வை போஸ்டரை வெளியிடும்போது படத்தின் பெயரும் அறிவிக்கப்படும் என தெரிவிக்கப்பட்டது. 

எப்போது அறிவிக்கப்படும் என ரசிகர்கள் காத்துக் கொண்டிருக்க, விஜய்யின் பிறந்தநாளான ஜூன் 22ம் தேதி வெளியிடப்படும் என நேற்று அறிவிக்கப்பட்டது.மேலும், தேனாண்டாள் ஸ்டுடியோஸ் நிறுவனத்தின் 100வது படமான இதற்கு இசைப்புயல் ஏ.ஆர்.ரஹ்மான் இசையமைப்பது குறிப்பிடத்தக்கது.

விஜய்யுடன் ஏ.ஆர்.ரஹ்மான் மீண்டும் இணைவதால் படத்தின் பாடலுக்கும் அதிக எதிர்பார்ப்பு உருவாகியுள்ளது. எனவே வரும் ஆகஸ்டு மாதம் இப்படத்தின் இசை வெளியீட்டு விழாவை மிக பிரமாண்டமாக வழிநடத்த ஆயத்த வேலைகள் நடந்து வருகின்றன.

குளுவாங், மார்ச் 18:- ஓரின சேர்க்கைக் காட்சியை நீக்கி விட்டு பியூட்டி அன் பீஸ்ட் படத்தைத் திரையிடலாம் என்று உள்துறை துணை அமைச்சர் வால்ட் டிஸ்னி நிறுவனத்திடம்அறிவுறுத்தியிள்ளார்.

டிஸ்னி, மலேசிய திரைப்பட தணிக்கை வாரியத்திற்கு ஏற்ப ஓரின சேர்க்கைக் காட்சியைநீக்கிவிட்டால் மட்டுமே இந்த படத்தைத் திரையிட டிஸ்னிக்கு அனுமதி வழங்கப்படும் என உள்துறை துணை அமைச்சர் டத்தோ நூர் ஜஸ்லான் முகமது கூறினார்.

டிஸ்னி படத்தில் ஒரு காட்சியை நீக்க வேண்டும் என உள்துறை அமைச்சு ஒரு முறையீட்டு தாக்கலை வியாழக்கிழமை அறிவித்தது. இந்தப் படத்தில் உள்ள ஓரின சேர்க்கைக் காட்சியைநீக்கினால் மட்டுமே மலேசியாவில் திரையிட முடியும் எனப் படத் தணிக்கை வாரிய தலைவர் டத்தோ அப்துல் ஹலிம் அப்துல் ஹமீத் மற்றும் அமைச்சரவையும் முடிவெடுத்துள்ளனர்

கோலாலம்பூர், மார்ச் 14- ஆங்கில பட விரும்பிகள் இவ்வாண்டு அதிகம் எதிர்ப்பார்த்த படம் பியூட்டி அண்ட் தே பீஸ்ட். இப்படத்தை மலேசியாவில் திரையிட தணிக்கை வாரியம் அனுமதி அளித்து விட்டாலும் படம் எப்போது திரைக்கு வரும் என்பது கேள்விக்குறியாகவே இருக்கிறது.

நடிகை எம்மா வாட்சன் நடிப்பில் வெளிவரவிருக்கும் இப்படம் முன்னதாக இம்மாதம் 16ம் தேதி திரைக் காணும் என அறிவிக்கப்பட்டிருந்தது. ஆனால், தணிக்கை வாரியத்திடம் சென்ற இப்படத்தை வாரியக் குழு மலேசியாவில் திரையிடுவதற்கு தடை விதித்தது. 

இதற்கு படத்தில் ஓரினக்காட்சிகள் இடம்பெற்றுள்ளதாக காரணம் கூறியது வாரியம். ஆயினும், வாரிய உறுப்பினர்கள் கலந்தாலோசித்து படத்தில் இடம்பெறும் சம்பந்தப்பட்ட சர்ச்சைகுரிய காட்சியினை நீக்கி விட்டு படத்தை திரையிடலாம் என நேற்று கூறியது. 

இந்நிலையில், வாரியம் பச்சை கொடி காட்டிவிட்டாலும் மலேசியாவில் படம் எப்போது வெளிவரும் என்ற கேள்வி குறி எழுந்துள்ளது. இது தொடர்பாக கருத்துரைத்த தணிக்கை வாரியத்தின் தலைவர் டத்தோ அப்துல் ஹலிம், "தணிக்கை செய்வது மட்டுமே எங்களின் பணி. படத்தின் கதையையும் அதன் காட்சிகளையும் கண்டு அந்த படம் மலேசியாவில் வெளியிடலாமா என்று முடிவு செய்வது மட்டுமே எங்களின் வேலை. வெளியீட்டு தேதியை நிர்ணயிப்பது நாங்கள் அல்ல" என்று கூறினார். 

மலேசியாவில் மட்டுமின்றி, சிங்கப்பூர், ரஷ்யா மற்றும் அமெரிக்காவில் உள்ள அலபாமாவிலும் ஓரினக் காட்சியினால் படத்திற்கு தடை விதிக்கப்பட்டுள்ளது.

 லாஸ் ஏஞ்சலிஸ், மார்ச்.11- கடந்த 2009ஆம் ஆண்டில் வெளிவந்து உலகத் திரைப்பட ரசிகர்களை அசத்திய ஆங்கிலத் திரைப்படமான 'அவதார்' படத்தின் இரண்டாம் பாகம் இப்போது வெளிவராது என அதன் இயக்குனர் அறிவித்திருப்பது ரசிகர்களுக்கு பெருத்த ஏமாற்றத்தை அளித்துள்ளது.

அவதார் படம் நான்கு பாகங்கள் வெளிவரவிருப்பதாக அதன் இயக்குனர் ஜேம்ஸ் கெமரூன் முன்பே அறிவித்துள்ளார்.

அதன் இரண்டாம் பாகம் இவ்வாண்டில் வெளிவரும் என்று முன்பு கூறப்பட்டது. ஆனால் 201ந்ஆம் ஆண்டில் கூட அது வெளிவரும் சாத்தியம் இல்லை என்று ஜேம்ஸ் கெமரூன் இப்போது அறிவித்திருக்கிறார்.

2009ஆம் ஆண்டில் வெளிவந்த அவதார் திரைப்படம், உலகளாவிய அளவில் ரசிகர்களை ஈர்த்த படம் என்பது குறிப்பிடத்தக்கது.  'டைட்டானிக்' உள்ளிட்ட வசூல் வரலாற்றில் இடம் பிடித்திருந்த பல படங்களின் சாதனைகளை இது முறியடித்தது கிட்டத்தட்ட 280 கோடி டாலர் வரை வசூலை வாரிச் சுருட்டியது.

இதன் காரணமாக அவதார்Avatar 2 மேலும் நான்கு பாகங்கள் வெளிவரும் என்று இயக்குனர் ஜேம்ஸ் கெமரூன் அறிவித்திருந்தார்.

இந்நிலையில், இரண்டாம் பாகம் அடுத்த ஆண்டில் கூட வெளிவர வாய்ப்பில்லை என்று அவர் கூறியிருப்பது ரசிகர்கள் மத்தியில் ஏமாற்றத்தை ஏற்படுத்தியுள்ளது.

 

 

 

Advertisement