கோலாலம்பூர், மார்ச்.30- மலேசியத் தமிழ்த் திரையுலகில் நன்கு அறிமுகமான இளம் நடிகை சங்கீதா கிருஷ்ணமூர்த்தி, தாம் நடித்து அண்மையில் வெளிவந்த adiwira ku மலாய்த் திரைப்படத்தின் வெற்றி தம்மை ஒரு புதிய திருப்பத்தை நோக்கி நகர்த்தி இருக்கிறது என்று சொல்லும் அவர் தன் திரையுலக வாழ்க்கையைப் பற்றி மனம் திறக்கிறார்.

கோலாலம்பூர், ஏப்ரல் 21- ஷாபு வகை போதைப் பொருளைக் கடத்தியதற்காக மலாய் நடிகர் பென்ஜீ  இந்தோனிசியாவில் கைது செய்யப்பட்டுள்ளார். 1990ஆம் ஆண்டுகளில் மலாய் சினிமாவின் புகழ்பெற்ற நடிகராக இவர் திகழ்ந்தார்.

கய்ரில் பெஞ்சமின் இப்ராஹிம் எனும் பென்ஜீ மேடான் கோலா நாமு அனைத்துலக விமான நிலையத்தில் குடிநுழைவு அதிகாரிகளால் கைதுச் செய்யப்பட்டார்.

14 கிராம் அளவிலான இந்த ஷாபு போதைப் பொருளை இவர் கோலாலம்பூரில் உள்ள தனது நண்பரிடம் வாங்கியதாக ஒப்புக்கொண்டுள்ளார். இந்தோனிசியாவில் வசிக்கும் ‘டிஜே’ என்ற தனது நண்பரைச் சந்திக்க இவர் அங்கு சென்றதாக போலீஸ் விசாரணையில் ஒப்புகொண்டதாக இந்தோனிசிய உள்ளூர் ஊடகங்களில் செய்திகள் வெளியாயின.

இதனைத் தொடர்ந்து, அந்த நண்பரை இந்தோனிசிய போலீஸ் தேடுகிறது. மேலும், கோலாலம்பூரில் இருக்கும் இவரது நண்பரையும் மலேசிய போலீஸ் விரைவில் கைது செய்யும் என எதிர்ப்பார்க்கப்படுகிறது.

காலஞ்சென்ற மலாய் திரையுலக நாயகி அஸியான் இர்டாவாதியின் மகனான பென்ஜீ, 2010 மற்றும் 2015ஆம் ஆண்டுகளில் ஏற்கனவே போதைப் பொருள் சம்பந்தப்பட்ட குற்றங்களில் கைது செய்யப்பட்டவர் என்பது குறிப்பிடத்தக்கது.

புதுடெல்லி, ஏப்ரல் 4- மலேசியாவில் இந்திய திரைப்படங்களுக்கான ஆதரவு பெருமளவில் காணப்படுகின்றது. ஆதலால், தமிழ் மற்றும் இந்தி திரையுலகத்திலிருந்து மேலும் பல திரைப்படங்களையும் நாடகங்களையும் மலேசியாவில் எடுப்பதற்கு வாருங்கள் என அழைப்பு விடுத்தார் மலேசிய பிரதமர் டத்தோ ஶ்ரீ நஜிப் துன் ராசாக்.

இந்தியத் திரைப்படங்களின் மிகப் பெரிய ரசிகன் நான் என்று இந்தியா சென்றுள்ள பிரதமர் நஜீப் கூறினார். இந்தியத் திரைப்பட தயாரிப்பாளர்கள் மலேசியாவின் தனித்தன்மை வாய்ந்த இயற்கைக்காட்சி, கலாச்சாரம் மற்றும் பன்முகத்தன்மை போன்றவற்றை மேம்படுத்தி கூறலாம் என்றும் தெரிவித்தார். மேலும், அந்தக் கலை இரவில் இந்திய திரைப்படக் குழுவினருக்கு மலேசியா பல சலுகைகளை வழங்க விரும்புவதாகவும் பிரதமர் தெரிவித்தார்.

இந்திய சினிமாத் துறை உலகிலேயே மிகப்பெரிய சினிமாத் துறையாகக் கருதப்படுகிறது. ஒரு வருடத்திற்கு 20-க்கும் மேற்பட்ட மொழிகளில் 1,500 முதல் 2,000 திரைப்படங்கள் வரை வெளியிடப்படுகின்றன.

இதன்வழி, இந்தியாவிற்கும் மலேசியாவிற்கும் இடையில் உள்ள நட்புறவை மேலும் வலுப்படுத்திக் கொள்ள இது ஒரு வாய்ப்பாக அமையும் என பிரதமர் டத்தோ ஶ்ரீ நஜீப் வலியுறுத்தினார்.

 கோலாலம்பூர், மார்ச்.30- மலேசியத் தமிழ்த் திரையுலகில் நன்கு அறிமுகமான இளம் நடிகை சங்கீதா கிருஷ்ணமூர்த்தி, தாம் நடித்து அண்மையில் வெளிவந்த adiwira ku மலாய்த் திரைப்படத்தின் வெற்றி தம்மை ஒரு புதிய திருப்பத்தை நோக்கி நகர்த்தி இருக்கிறது என்கிறார்.

மலாய் திரைப்பட உலகம் மிகப்பெரிய வளர்ச்சியைக் கண்டுள்ளது. அங்கு தமக்கு கிடைத்த அனுபவம், திரையுலகில் நிலைநிறுத்திக் கொள்ள வாய்ப்பை உருவாக்கி இருக்கிறது என்று அவர் நம்புகிறார்.

மலேசியத்தமிழ்த் திரையுலகில் 'வெண்ணிற இரவுகள்', 'விளையாட்டு பசங்க', 'மறவன்' ஆகிய படங்களில் மிகச் சிறந்த நடிப்பை வழங்கி மலேசிய ரசிகர்களைக் கவர்ந்த சங்கீதா, 'வணக்கம் மலேசியா'வுக்கு அளித்த சிறப்பு நேர்காணலில் தமது அனுபவங்களை மிகச் சுவராஸ்யமாக பகிர்ந்து கொண்டிருப்பதை இங்கே காணலாம்.

மலாய்த் திரையுலகம் மாறுபட்ட கதையம்சங்களில் படம் எடுப்பதில் இப்போது தீவிரம் காட்டி வருகிறது. உதாரணமாக, ஒரு கிராமத்து மலாய் பள்ளியில் ஆங்கிலம் சொல்லித் தரும் ஆசிரியரான ஒரு இந்தியப் பெண்ணின் கதைதான் Adiwira ku. இதுவொரு உண்மைக் கதை.

இனங்களுக்கு அப்பால், இதுபோன்ற கதைகளைத் தேர்ந்தெடுத்து அதிலும் மலாய் திரையுகத்தினால் வெற்றி முத்திரையை பதிக்க முடிகிறது என்றால் அது உண்மையான மலேசியாவை பிரதிபலிப்பதாக இருக்கிறது அல்லவா என்கிறார் சங்கீதா.

இந்தப் படத்தில் மலாய் பள்ளியில் ஆங்கிலம் கற்றுத்தரும் ஒரு இந்திய ஆசிரியராக சங்கீதா நடித்துள்ளார். இதுபற்றி கருத்துரைத்த அவர், இது போன்ற சமுதாயச் செய்திகளைச் சுமந்து வரும் திரைப்படங்களில் வாய்ப்புக் கிடைத்தது தமக்கு மிக மகிழ்ச்சியை தந்துள்ளதாக கூறினார். தொடர்ந்து நல்ல கதாபாத்திரங்களில் நடிக்க வாய்ப்புக் கிடைத்தால் நடிக்க ஆர்வத்துடன் காத்திருப்பதாக சொன்னார்.

மேலும், மலேசியத் தமிழ்ப்படங்களில் தாம் தொடர்ந்து நடிக்கும் வாய்ப்பைப் பெற்றிருப்பதாகவும் அடுத்து தயாராகும் 'வெடிகுண்டு பசங்க' படத்தில் மீண்டும் நாயகன் டெனிஸுடன் ஜோடி சேர்ந்திருப்பது இரட்டிப்பு மகிழ்ச்சி அளித்திருப்பதாகவும் சங்கீதா சுட்டிக்காட்டினார்.

More Articles ...