கோலாலம்பூர், மே 18- கலைஞர்களுடனான சந்திப்பின்போது பிரதமர் நஜிப் மேடையில் நின்று கொண்டிருந்த போது நடிகர் ஒருவர் தயாரிப்பாளரை திடீரென அறைந்த சம்பவம் பெரும் பரபரப்பை ஏற்படுத்தியுள்ளது.

நேற்று இரவு புத்ராஜெயாவில் நடந்த TN50 எனும் தேசிய உருமாற்ற திட்டத்தில் திரைப்படக் கலைஞர்களுடனான கலந்துரையாடலில் இச்சம்பவம் நிகழ்ந்தது. மலாய் படங்களைத் தயாரித்துள்ள டேவிட் தியோ மேடையில் பேசும்போது அரங்கத்தில் பின்பகுதியில் அமர்ந்திருக்கும் கலைஞர்களை நிகழ்ச்சியின் நெறியாளர் ரோஸ்யாம் நோர் கண்டுக்கொள்ளவில்லை என குற்றம் சாட்டினார்.

  ## காணொளி: நன்றி Amicom TV

பிரதமர் நஜிப் மேடையில் இருந்தபோது இந்த குறைக் கூறலை டேவிட் விடுத்தபோது கீழே அமர்ந்திருந்த மாட் ஓவர் என அழைக்கப்படும் நடிகர் சுலைமான் யாசின் சட்டென்று மேடை மீது ஏறி டேவிட்டை நோக்கி காரசாரமாக பேசினார். சில வினாடிகளில் யாரும் எதிர்பார்க்காத நிலையில் தயாரிப்பாளரை சுலைமான் அறைந்தார். அருகில் இருந்த பாதுகாவலர்கள் இருவரையும் தடுத்து மேடையிலிருந்து கீழே இறக்கினர்.

பிரதமர் முன்பு இச்சம்பவம் நிகழ்ந்ததால் அரங்கமே சிறிது நேரம் சலசலப்புக்கு ஆளானது. பின்னர் நிகழ்ச்சி நெறியாளர் ரோஸ்யாம் நோர் நடந்த சம்பவத்திற்காக நஜிப்பிடம் மன்னிப்பு கேட்டுக் கொண்டார். 

கோலாலம்பூர், மே 10- குங்பூ வீரர் புருஸ் லீயின் வாழ்க்கை வரலாறு மலேசியாவில் ஜூலை மாதம் முதல் படமாக்கப்படவிருக்கிறது. இப்படம் புருஸ் லீயின் மகள் ஷான்னோன் லீயின் தயாரிப்பு நிறுவனம் தயாரிக்கிறது.

'லிட்டல் டிராகன்' என்ற பெயரிடப்பட்டுள்ள இப்படம் புருஸ் லீயின் ஆரம்பக் கால வாழ்க்கையை மையப்படுத்தி எடுக்கப்படுகிறது. 1950ம் ஆண்டுகளில் ஹாங்காங்கில் வாழ்ந்தபோது புருஸ் லீ சந்தித்த விசயங்களைப் பற்றி இப்படம் பேசும் என படத்தினை இயக்கவிருக்கும் சேகர் கபூர் கூறினார். 

புருஸ் லீயிடம் இருந்த மனதளவிலான ஆளுமை மற்றும் அவர் மேற்கொண்ட கட்டொழுங்கு விசயங்களே அவரை உலகறிய செய்தன என்று கூறினார் படத்தின் தயாரிப்பாளரான திம் வோக்."என் அப்பாவின் ஆரம்பக் கால வாழ்க்கையைப் படமாக்கவேண்டும் என்பது எனது நீண்ட கால ஆசை. அவரின் மனிதத்தையும் வீரத்தையும் இதன்வழி மக்கள் தெளிவாக தெரிந்து கொள்ள முடியும்" என மகள் ஷான்னோன் லீ கூறினார். 

புருஸ் லீயின் ஆரம்பக் கால தோற்றத்திற்கு ஏற்ற நடிகரை தற்போது படக்குழு தேடி வருகிறது. தேர்வு நடந்தப்பிறகு ஜூலை மாதம் முதல் மலேசியாவில் படப்பிடிப்பு தொடங்க திட்டமிடப்பட்டுள்ளது.

கோலாலம்பூர், மார்ச்.30- மலேசியத் தமிழ்த் திரையுலகில் நன்கு அறிமுகமான இளம் நடிகை சங்கீதா கிருஷ்ணமூர்த்தி, தாம் நடித்து அண்மையில் வெளிவந்த adiwira ku மலாய்த் திரைப்படத்தின் வெற்றி தம்மை ஒரு புதிய திருப்பத்தை நோக்கி நகர்த்தி இருக்கிறது என்று சொல்லும் அவர் தன் திரையுலக வாழ்க்கையைப் பற்றி மனம் திறக்கிறார்.

கோலாலம்பூர், ஏப்ரல் 21- ஷாபு வகை போதைப் பொருளைக் கடத்தியதற்காக மலாய் நடிகர் பென்ஜீ  இந்தோனிசியாவில் கைது செய்யப்பட்டுள்ளார். 1990ஆம் ஆண்டுகளில் மலாய் சினிமாவின் புகழ்பெற்ற நடிகராக இவர் திகழ்ந்தார்.

கய்ரில் பெஞ்சமின் இப்ராஹிம் எனும் பென்ஜீ மேடான் கோலா நாமு அனைத்துலக விமான நிலையத்தில் குடிநுழைவு அதிகாரிகளால் கைதுச் செய்யப்பட்டார்.

14 கிராம் அளவிலான இந்த ஷாபு போதைப் பொருளை இவர் கோலாலம்பூரில் உள்ள தனது நண்பரிடம் வாங்கியதாக ஒப்புக்கொண்டுள்ளார். இந்தோனிசியாவில் வசிக்கும் ‘டிஜே’ என்ற தனது நண்பரைச் சந்திக்க இவர் அங்கு சென்றதாக போலீஸ் விசாரணையில் ஒப்புகொண்டதாக இந்தோனிசிய உள்ளூர் ஊடகங்களில் செய்திகள் வெளியாயின.

இதனைத் தொடர்ந்து, அந்த நண்பரை இந்தோனிசிய போலீஸ் தேடுகிறது. மேலும், கோலாலம்பூரில் இருக்கும் இவரது நண்பரையும் மலேசிய போலீஸ் விரைவில் கைது செய்யும் என எதிர்ப்பார்க்கப்படுகிறது.

காலஞ்சென்ற மலாய் திரையுலக நாயகி அஸியான் இர்டாவாதியின் மகனான பென்ஜீ, 2010 மற்றும் 2015ஆம் ஆண்டுகளில் ஏற்கனவே போதைப் பொருள் சம்பந்தப்பட்ட குற்றங்களில் கைது செய்யப்பட்டவர் என்பது குறிப்பிடத்தக்கது.

More Articles ...