கோலாலம்பூர், மார்ச் 16- இந்தி நடிகர் சல்மான்கான் மலேசியாவில் முதல்முறையாக பங்கேற்கவிருக்கும் கலைநிகழ்ச்சி ஏப்ரல் 14ம் தேதி நடைபெறவிருக்கிறது. இதில் இயக்குனரும் நடிகருமான பிரபுதேவா, தமன்னா உட்பட பலர் கலந்து கொள்ளவிருக்கின்றனர்.

'டா பாங் லைவ் இன் கொன்சர்ட் 2017' எனும் இந்த இசைநிகழ்ச்சி பல நாடுகளில் நடக்கவிருக்கும் நிலையில், இதற்கெல்லாம் முன்னதாக மலேசியாவில் நிகழ்ச்சி தொடங்கவிருக்கிறது. இதற்கான செய்தியாளர் சந்திப்பு கூட்டம் இன்று கோலாலம்பூரில் நடைபெற்றது. இதில் சிறப்பு விருந்தினராக டத்தோ கீதாஞ்சலி ஜி கலந்து கொண்டார்.

ஜிஎச்சி சொலுஷன் எனும் நிறுவனத்தின் ஏற்பாட்டில் நடக்கும் இந்த கலைநிகழ்ச்சி செர்டாங்கில் உள்ள மைன்ஸ் அனைத்துலக மாநாட்டு மண்டபத்தில் நடக்கவுள்ளது. இதற்கு முன்னர் கலைநிகழ்ச்சிகளுக்காக சல்மான்கான் மலேசியாவிற்கு வந்ததில்லை என்பதால் இந்த நிகழ்ச்சி சல்மான்கானுக்கு மட்டுமல்ல அவரின் ரசிகர்களுக்கும் புதிய உற்சாகமாக இருக்கும் என ஏற்பாட்டுக்குழு கூறியது.

மலேசியாவில் இந்தி சினிமாவிற்கான தனி ரசிகர்கள் உண்டு. இந்தியர்கள் மட்டுமின்றி மலாய்காரர்களும் கூட இந்தி சினிமா மீது ஈர்ப்பு கொண்டவர்கள். இதனாலே சல்மான்கானின் இந்த தொடர் கலைநிகழ்ச்சி முதல்கட்டமாக மலேசியாவில் தொடங்குவதாக ஏற்பாட்டுக்குழு கூறியது. 

சல்மானோடு, நடன புயலாய் இருந்து இன்று இந்தி சினிமாவில் பிரபல இயக்குனராகி உள்ள நடிகர் பிரபுதேவாவும் நிகழ்ச்சியில் கலந்து கொள்ளபோகிறார். இவருடன் தேவி படத்தில் நடித்த நடிகை தமன்னாவும், பிபாசா பாசு, பாட்சா ஆகியோரும் இந்த நிகழ்ச்சியில் கலந்து கொண்டு ரசிகர்களை மகிழ்ச்சிப்படுத்தவிருக்கின்றனர்.

இந்த கலைநிகழ்ச்சிக்கான டிக்கெட்டுகள் விற்பனையில் உள்ளன. டிக்கெட் விபரம்: சுல்தான் பகுதி ரிம.2222, டா பாங் பகுதி ரிம.999, ஜெய் ஹோ பகுதி ரிம.777, ரெடி பகுதி ரிம.555, கிக் பகுதி ரிம.333, நோ எண்ட்ரி ரிம.111 ஆகிய விலையில் டிக்கெட்டுகள் விற்கப்படுகின்றன.

டிக்கெட்டுகளை www.AirAsiaRedtix.com என்ற அகப்பக்கத்தில் பெற்றுக் கொள்ளலாம் அல்லது அருகில் உள்ள ரோக் கார்னர் மற்றும் விக்டோரியா மியூசிக் ஸ்டேஷன் ஆகிய இடங்களில் பெற்றுக் கொள்ளலாம்.

கோலாலம்பூர், மார்ச் 15- சர்ச்சைக்கு ஆளாகியுள்ள அனிமேஷன் படமான பியூட்டி அண்ட் தி பீஸ்ட் படத்தில் எந்த காட்சியையும் தணிக்கை செய்ய அனுமதிக்க முடியாது என தயாரிப்பு நிறுவனம் தே வால்ட் டிஸ்னி பிடிவாதமாக கூறியுள்ளது. இதனால் இப்படம் மலேசியாவில் வெளியாகுமா என்ற கேள்வி எழுந்துள்ளது.

நடிகை எம்மா வாட்சன் நடிப்பில் வெளிவரவிருக்கும் இப்படம் முன்னதாக இம்மாதம் 16ம் தேதி அதாவது நாளை திரைக் காணும் என அறிவிக்கப்பட்டிருந்தது. ஆனால், தணிக்கை வாரியத்திடம் சென்ற இப்படத்தை வாரியக் குழு மலேசியாவில் திரையிடுவதற்கு தடை விதித்தது. 

இதற்கு படத்தில் ஓரினக்காட்சிகள் இடம்பெற்றுள்ளதாக காரணம் கூறியது வாரியம். ஆயினும், வாரிய உறுப்பினர்கள் கலந்தாலோசித்து படத்தில் இடம்பெறும் சம்பந்தப்பட்ட சர்ச்சைகுரிய காட்சியினை நீக்கி விட்டு படத்தை திரையிடலாம் என கடந்த திங்கட்கிழமை வாரியம் கூறியது.

இந்நிலையில், மலேசியாவில் திரையிடுவதற்காக பியூட்டி அண்ட் தி பீஸ்ட் படத்தில் எந்த காட்சியை நீக்க முடியாது என டிஸ்னி நிறுவனம் அறிக்கை வெளியிட்டுள்ளது. மலேசியாவிற்கான டிஸ்னி பிரதிநிதி நிறுவனம், படம் கிடப்பில் போடவில்லை, தேதி மட்டுமே தள்ளி போயுள்ளது என கூறிய நிலையில், டிஸ்னியின் இந்த காரசாரமான அறிக்கை, வசூலுக்காக காத்திருந்த திரையரங்குகளுக்கு மட்டுமல்ல ரசிகர்களுக்கும் பெரும் ஏமாற்றத்தை ஏற்படுத்தியுள்ளது. 

மலேசியாவில் இப்படம் ஓடுமா என்பது பியூட்டிக்கும் பீஸ்ட்டுக்குமே வெளிச்சம்..!

சென்னை, மார்ச் 1- கமல்ஹாசனின் 'மருதநாயகம்' படத்திற்கான துவக்கவிழாவிற்கு பிரமாண்டமாக வருகை தந்தவர் இங்கிலாந்து எலிசெபத் ராணி. அவரை மீண்டும் சந்தித்துள்ளார் நடிகர் கமல்ஹாசன்.

இந்தியா மற்றும் இங்கிலாந்து நாடுகளிடையிலான கலாச்சார ஆண்டு விழாவிற்கான தொடக்க விழாவில் கலந்து கொள்வதற்காக நடிகர் கமல் இங்கிலாந்து சென்றுள்ளார். இந்த கலாச்சார விழா லண்டனில் உள்ள பக்கிங்காம் அரண்மனையில் எலிசெபத் ராணியால் துவக்கி வைக்கப்பட்டது. 

சில ஆண்டுகளுக்கு முன் மருதநாயகம் படத்தின் துவக்கவிழாவில் கலந்து கொள்ள இந்தியா வந்திருந்தார் எலிசபெத் ராணி. அதற்கு முன்னமே ராணிக்கும் கமல்ஹாசனுக்கும் நல்ல அறிமுகம் இருந்து வந்துள்ளது.

இந்நிலையில், இங்கிலாந்து சென்றுள்ள கமல்ஹாசன் ராணியைச் சந்தித்துப் பேசும் படங்கள் வெளியாகியுள்ளன. கமலின் மருதநாயகம் படம் மீண்டும் தொடங்கபடவுள்ளதாக தகவல்கள் வெளியாகியுள்ள நிலையில், ராணியுடனான கமலின் சந்திப்பு முக்கியமாக கருதப்படுகிறது.  

கோலாலம்பூர், 28 ஜனவரி- கடந்த 9 ஆண்டுகளாக உலக தமிழ் 340 ஊடகங்கள் ஆதரவில் உலக தமிழர்கள் ஆன்லைன் மூலம் வாக்கு பெற்று நடைபெறும் எடிசன் விருது, இவ்வாண்டு மலேசியா தலைநகர் கோலாலம்பூரில் மார்ச் மாதம் 11ம் தேதி சனிக்கிழமை பேலஸ் ஆப் தி கோல்டன் ஆர்ஸ்ஸஸ்  ( Hotel Palace of the Golden Horses - MINES ) 7 நட்சத்திர விடுதியில் நடைபெற உள்ளது .

அவ்விழாவிற்கு 2016 ம் ஆண்டு ஜனவரி 1ம் தேதி முதல் , டிசம்பர் 31 ம் தேதி வரை வெளியீடு கண்ட தமிழ் சினிமாவிற்கு சிறந்த நடிகர்கள், நடிகைகள், இயக்குனர்கள், இசை அமைப்பாளர்கள், பாடகர்கள் மற்றும் திரை துறையினருக்கு விருது வழங்கி கௌரவிக்க உள்ளனர். இதில் 9 ஆண்டு களாக மலேசியா தமிழர்கள் 70 பேருக்கு சென்னையில் நடந்த எடிசன் விருதில் நடனமணிகள் பாடகர்களுக்கு வாய்ப்பு வழங்கப்பட்ட எடிசன் நிறுவனம் இவ்வாண்டு இந்திய கலைஞர்களுடன் மலேசிய கலைஞர்களும் இணைந்து கலை நிகழ்ச்சி நடத்த உள்ளோம் .

மேலும் மலேசிய திருநாட்டின் தென் இந்தியர்கள் அதிகம் வசிப்பதால் ஆந்திர கர்நாடக கேரளா போன்ற நடிகர் நடிகைகளுக்கும் விருது வழங்கப்பட உள்ளது. இவ்விழாவிற்கு சிங்கப்பூர், இலங்கை, கனடா, சுவிஸ், லண்டன், ஜப்பான், வளைகுடா நாடுகளில் வசிக்கும் தென் இந்தியர்கள் இந்நிகழ்வில் கலந்து கொள்ள வசதியாக 7 நட்சத்திர விடுதி தங்கவும், நிகழ்ச்சியை கண்டுகளிக்கவும் ஏற்பாடுகள் செய்யப்பட்டுள்ளது. 

இந்நிகழ்வில் ரெட் கார்பெட் நிகழ்வை மட்டும் நேரலை செய்யப்பட உள்ளது . இவ் விருதுக்கு தங்களுடைய வாக்குகளை www.edisonawards.in என்ற வலைதளத்தில் வாக்குகளை செலுத்தலாம் என விருது குழு தலைவர் திரு.செல்வகுமார் நிகழ்ச்சி ஏற்பாட்டளாளர், பிங்க் ஆட்ஸ் திரு.தீனா கூறினார்.  மேலும் விவரங்களுக்கு Whatsapp +60 16616 7708.

 

More Articles ...