கோலாலம்பூர், நவ.2- விகடகவி மகேன் தயாரிப்பில் “OUTLAW”வின் கெத்து ஆல்பத்தின் இசை வெளியீட்டு விழா, அண்மையில் தாமான் புக்கிட் பந்தாயிலுள்ள சீனப் பள்ளி மண்டபத்தில் பிரமாண்டமாக நடைபெற்றது. இந்த நிகழ்வில் கூட்டரசுபிரதேச துணையமைச்சர் செனட்டர் டத்தோ லோகபாலா, மலேசிய மன்னின் மைந்தர்கள், மற்றும் ரசிகர்கள் கலந்துக் கொண்டனர்.

நான் இந்த ஆல்பத்தின் பாடல்கள் அனைத்தும் கேட்டேன். அவர்கள் அற்புதமாக பாடி இசையமைத்துள்ளனர். ஆகவே, இந்த ஆல்பத்தை என்னுடை நிறுவனத்தில் கீழ் வெளியிட முடிவு செய்தேன். இதற்கு செனட்டர் டத்தோ லோகபாலா அவர்கள் எனக்கு மிகவும் ஊக்கமளித்தோடு அவரால் இயன்ற உதவியை நல்கினார் என்று விகடகவி மகேன் தெரிவித்திருந்தார்.

உள்ளூர் கலைஞர்களுக்கு மக்களின் ஆதரவு மிக முக்கியம் என கூறிய மகேன், அதே நேரத்தில் கலைஞர்களே மற்ற கலைஞர்களுக்கு உதவும் நிலைக்கு வரவேண்டும் என்றும் கேட்டுக் கொண்டார். இளைஞர்களின் கைவண்ணத்தில் உருவான இந்த இசை தொகுப்பு ஆண்களை மட்டுமல்ல பெண்களையும் கவரும் வகையில் தயாரிக்கப்பட்டிருப்பதாக பாடகர்கள் கூறினர். 

இந்நிகழ்ச்சியை தி.எச்.ஆர்.ராகாவின் அறிவிப்பாளர்கள் சுரேஷ் மற்றும் அகிலா ஆகிய இருவரும் தொகுத்து வழங்கினர்.

 கோலாலம்பூர், அக்.11- 29ஆவது மலேசிய திரைப்பட விழாவில் மூன்று விருதுகளை வென்ற  'Adiwiraku' திரைப்படம், இந்த மாதம் நடைபெறவிருக்கும் 30-ஆவது தோக்கியோ அனைத்துலக திரைப்பட விழாவில் திரையிடப்படவிருக்கின்றது. 

தோக்கியோ அனைத்துலகத் திரைப்பட விழாவின் அதிகாரப்பூர்வ அகப்பக்கத்தில் இது குறித்து தகவல் தெரிவிக்கப்பட்டுள்ளது. 

கடந்த செப்டம்பர் மாதம் 23-ஆம் தேதி புத்ரா வாணிப மையத்தில் நடந்தேறிய 29ஆவது மலேசிய திரைப்பட விழாவில் சிறந்த திரைப்படம், சிறந்த மூலக்கதை மற்றும் சிறந்த நடிகைக்கான விருதுகளை இந்தத் திரைப்படம் தட்டிச் சென்றது.ஐந்தப்படத்தின் நாயகியான சங்கீதா சிறந்த நடிகைக்கான விருதினைப் பெற்றார்.

கெடா மாநிலத்தில் உள்ள ஒரு கிராமப்புறப் பகுதியைச் சேர்ந்த பினாங்கு துங்கால் இடைநிலைப் பள்ளி மாணவர்களைப் பற்றிய உண்மைச் சம்பவத்தை மையமாக கொண்ட 'Adiwiraku' திரைப்படத்தை, எரிக் ஒங் இயக்கியுள்ளார். 

இத்திரைப்படத்தில் நடிகை சங்கீதா கிருஷ்ணசாமி, ஆங்கில மொழி ஒப்புவிப்பு போட்டியில் கலந்துக் கொள்ள தனது மாணவர்களை ஊக்குவித்த 'ஷெரில்' என்ற ஆங்கில மொழி ஆசிரியையாக நடித்திருந்தார். இத்திரைப்படத்தை ஜேசன் சோங் எழுதித் தயாரித்து வெளியிட்டுள்ளார்.

அக்டோபர் 23-ஆம் தேதி தொடங்கி, நவம்பர் 3-ஆம் தேதி வரை தோக்கியோ ரப்போங்கி அரங்கில் நடைப்பெறவிருக்கும் இந்தத் தோக்கியோ அனைத்துலக திரைப்பட விழாவில் ஆயிரக்கணக்கான திரைப்பட தயாரிப்பாளர்கள், திரைப்பட ரசிகர்கள், உலகெங்கும் உள்ள வணிகத் தொழிலதிபர்கள் மற்றும் பலர் கலந்து கொள்ளவிருக்கின்றனர். 

 

கோலாலம்பூர், அக்.4- 29-ஆவது மலேசிய திரைப்பட விழாவில் சிறந்த நடிகை பட்டத்தை வென்ற குதூகலத்தில் இருந்த மலேசிய நடிகை சங்கீதா கிருஷ்ணசாமிக்கு மேலும் ஓர் இனிப்பான செய்தி.., நேற்று நடைபெற்ற 2017-ஆம் ஆண்டின் கோலாலம்பூர் திரை விமர்சகர்கள் விருது நிகழ்வில், சிறந்த நடிகையாக அவர் தேர்ந்தெடுக்கப்பட்டார். 

‘Adiwiraku’ என்ற உண்மைச் சம்பவத்தின் அடிப்படையில் எடுக்கப்பட்ட திரைப்படத்தில் ஷெரில் ஆன் பெர்னாண்டோ என்ற ஆங்கில மொழி ஆசிரியையாக நடித்து மலேசிய மக்களின் இதயத்தில் இடம் பெற்ற அவர், அவ்விருதை பெறுவதில் தாம் இரட்டிப்பு மகிழ்ச்சிக்கு அடைந்திருந்திருப்பதாக கூறினார். அத்திரைப் படம் எரிக் ஓங் இயக்கத்தில் உருவானது என்பது குறிப்பிடத்தக்கது. 

‘நான் மிகவும் மகிழ்ச்சி அடைகிறேன். இவ்விருதினை நான் வென்றுள்ளேன் என்று எனது நண்பர் கூறும் வரையில், இது குறித்து எவ்வித தகவலும் எனக்குத் தெரியாது’ என அவர் கூறினார். 

அந்த விருதினை பெற்றுக் கொண்ட சங்கீதா, அதனை அத்திரைப் படத் தயாரிப்பாளர் ஜேசன் சோங், இயக்குநர் ஓங், திரைப்படக் குழுவினர் மற்றும் சுங்கைப் பட்டாணி பினாங் துங்கால் இடைநிலைப் பள்ளி மற்றும் ஆசிரியை பெர்னாண்டோ ஆகியோருக்கு சமர்ப்பிப்பதாக தெரிவித்தார். 

மலேசிய திரைப்பட இயக்குநர்கள், இவ்வகையான உத்வேகத்தை தூண்டும்,உணர்வுப்பூர்வமான திரைப்படங்களை மேலும் உருவாக்க வேண்டும் அவர் கேட்டுக் கொண்டார். 

 

கோலாலம்பூர், செப்.15- இதுவரை தனியார் முறையில் இரு நாடுகளுக்கிடையிலும் பேச்சு வார்த்தை நடத்தப்பட்ட நிலையில் நேற்று தென்னிந்திய நடிகர் சங்கம் மற்றும் தமிழ் திரைப்பட தயாரிப்பாளர் சங்கத்திற்கும் மலேசிய இந்திய கலைஞர்கள் சங்கங்களுக்கும் இடையில் அதிகாரப்பூர்வமான உடன்படிக்கை கையெழுத்திட்டப்பட்டது.

இதில் கையெழுத்திட தென்னிந்திய நடிகர் சங்கம் மற்றும் தமிழ் திரைப்பட தயாரிப்பாளர் சங்கத்தையும் பிரதிநித்து தமிழ்நாட்டிலிருந்து நடிகர் விஷால் வருகைப் புரிந்தார்.

இந்திய திரைப்பட கலைஞர்களும் மலேசிய கலைஞர்களுக்கும் இடையிலான உறவு பாலத்தை அடுத்தக்கட்டத்திற்கு கொண்டு செல்லும் முயற்சியில் சில கோரிக்கைகள் விஷாலிடம் முன் வைக்கப்பட்டது. மலேசிய திரைப்பட நிறுவனங்களின் திரைப்படங்களை இந்தியாவில் திரையிட மற்றும் மலேசிய கலைஞர்களிடம் உள்ள நல்ல கதையை படமாக்க நாங்கள் தயார் என்று விஷால் கூறினார்.

இந்த வருட இறுதியில் இரு நாட்டைச் சேர்ந்த கலைஞர்கள் கூட்டுமுயற்சியில் மலேசியாவில் ஒரு நிகழ்ச்சி நடைபெறவுள்ளது. இதில் திரட்டப்படும் நிதியில் ஒரு பங்கினை தமிழ்ப்பள்ளிகளுக்கு ஒதுக்கப்படும் என்று நிகழ்ச்சியில் கலந்து கொண்ட நடிகர் ரமணா தெரிவித்தார். இந்த திட்டம் மலேசியாவின் சுற்றுலா, பண்பாட்டு அமைச்சின் ஆதரவுடன் நடக்கும் என விஷால் கூறினார்.

இதே நிகழ்ச்சியில் துப்பறிவாளன் திரைப்படத்தின் அறிமுக விழாவும் நடைப்பெற்றது. இதில் நடிகர் வினய் மற்றும் ரமணா கலந்து சிறப்பித்தனர். இந்த நிகழ்ச்சியை மாலிக் ஸ்திரிம் காப்பிரேஷன் நிறுவனம் ஏற்பாடு செய்திருந்தது.

More Articles ...