திருச்சூர், ஜன.22- தமிழ் மற்றும் மலையாளப் படங்களில் நடித்தவரான நடிகை பாவனா, கன்னடத் திரைப்படத்  தயாரிப்பாளரான நவீனை திருமணம் செய்து கொண்டார். நெருங்கிய உறவினர்கள் மட்டுமே கலந்து கொண்ட இந்தத் திருமணம் இன்று திருச்சூரில் நடந்தது.

தமிழில் 'சித்திரம் பேசுதடி' படத்தில் அறிமுகமான பாவனா, பின்னர் 'ஜெயம் கொண்டான்', 'தீபாவளி', 'கூடல்நகர்', 'வெயில்' உள்ளிட்ட பல படங்களில் நடித்துள்ளார். கடந்த 2012 ஆம் ஆண்டில் கன்னடப் படமான ரோமியோவில் நடித்த போது அவருக்கும் படத் தயாரிப்பாளர் நவீனுக்கும் இடையே காதல் மலர்ந்ததாக கூறப்பட்டது. 

முதலில் இதனை மறுத்து வந்த இவர்கள் இருவரும் பின்னர் பகிரங்கமாக ஒப்புக்கொண்டனர். கடந்த ஆண்டு மார்ச்சு மாதம் இருவருக்கும் இடையே நிச்சயதார்த்தம் நடந்தேறியது. இந்நிலையில், பாவனாவின் தந்தை காலமாகிவிட்டதால் திருமணம் ஒத்திவைக்கப்பட்டிருந்தது.

இந்நிலையில் நேற்று திருச்சூரிலுள்ள பாவனாவின் வீட்டில் இவர்களின் சடங்கு வைபவங்கள் நடந்தன. பின்னர் இன்று காலை 9.30 மணிக்கு திருச்சூரில் உள்ள திருவம்பாடி ஆலயத்தில் திருமணம் நடந்தது.

 

 

 

 

 

 

 

 

 

 

 

 

 

 

 

 

 

 

 

 

சென்னை, ஜன.18- ’பாகுபலி’, ‘பாகுபலி-2’ ஆகிய இரு படங்களிலும் நடிகர் பிரபாஸ் உடன் அனுஷ்கா ஜோடியாக நடித்தார். தெலுங்கு படங்களில் முன்னணி கதாநாயகனாக நடிக்கும் பிரபாஸுக்கும் அனுஷ்காவுக்கும் ‘பாகுபலி’ படத்தில் நடித்தபோது காதல் மலர்ந்ததாகவும், இருவரும் திருமணத்துக்கு தயாராகி வருவதாகவும், தெலுங்கு பட உலகில் தகவல் பரவிய வண்ணம் உள்ளன.   

ஆனால், அத்தகவலில் எவ்வித உண்மையும் இல்லை என்றும், அனுஷ்காவை தாம் திருமணம் செய்து கொள்ளப் போவதில்லை என்றும் அண்மையில் பிரபாஸ் தெரிவித்தார். 

இந்நிலையில், அனுஷ்கா நடிப்பில் விரைவில் திரைக்கு வரவிருக்கும் ‘பாகமதி’ படத்தின் விளம்பரத்திற்கு சென்னை வந்த அனுஷ்காவிடம் இது குறித்து செய்தியாளர்கள் கேள்வி எழுப்பினர்.   

"எனக்கும், பிரபாஸுக்கும் காதல் மலர்ந்துள்ளதாகவும், நாங்கள் இருவரும் திருமணம் செய்து கொள்ள முடிவு செய்திருப்பதாகவும் பேசப்படுவதில், உண்மை இல்லை. பிரபாஸ், எனக்கு நல்ல நண்பர். அவ்வளவுதான். எங்கள் இருவருக்கும் மத்தியில் வேறு எந்த உறவும் இல்லை" என்று அவர் சொன்னார்.   

"எனக்கு திருமணம் செய்து வைக்க என் பெற்றோர்கள் நெருக்கடி கொடுக்கிறார்கள் என்ற தகவலில் உண்மை இல்லை. முதலில், நல்ல பையன் கிடைக்கட்டும். அவரை எனக்கு பிடித்தால், உடனே திருமணம் செய்துக் கொள்வேன். நண்பர்கள், ரசிகர்கள் என எல்லோரையும் என் திருமணத்திற்கு நான் அழைப்பேன்" என்று அனுஷ்கா தெளிவுப் படுத்தினார். 

இதனிடையில், பாகுபலி படத்துக்கும், பாகமதி படத்துக்கும் எந்தத் தொடர்பும் கிடையாது என்றும் அனுஷ்கா சொன்னார். பாகமதி ஒரு திகில் படம். இதில், ‘சஞ்சனா’ என்ற ‘ஐ.ஏ.எஸ்.’ அதிகாரியாக தாம் நடித்து இருப்பதாக அவர் கூறினார். பாகமதியும் கதாநாயகிக்கு முக்கியத்துவம் கொடுக்கும் கதைதான் என்றும் அவர் தெரிவித்தார். 

 

சென்னை, ஜன.10- சர்ச்சைகளுக்கு புகழ்பெற்ற சிம்புவுக்கும் பிக் பாஸ் புகழ் ஓவியாவுக்கும் திருமணமாகி விட்டதாக தகவல் பரவி வருகிறது. இருவரும் மாலையும் கழுத்துமாக இருக்கும் புகைப்படம் ஒன்று வெளியாகியுள்ளது.

பிக் பாஸ் நிகழ்ச்சியில் பங்கேற்றபோது ஆரவை மனதார காதலித்தார் ஓவியா. ஆனால் ஆரவ் அவரின் காதலை ஏற்கவில்லை. ஆரவின் மனம் மாறும் என்று காத்திருந்த ஓவியா பின்னர் தன் மனதை மாற்றிக் கொண்டார். பின்னர் சிங்கிளாக நிம்மதியாக இருப்பதாக தெரிவித்தார் ஓவியா.

புத்தாண்டுக்கு பிரத்தியேகமாக மரண மட்டை எனும் பாடலை சிம்புவின் இசையில் பாடினார் ஓவியா. அபோதே இருவரும் நெருக்கமாக இருப்பதாக செய்திகள் வெளிவந்தன.

இந்நிலையில், இருவரும் திருமணமாகி மாலையும் கழுத்துமாக இருக்கும் புகைப்படம் ஒன்று அண்மைய சில நாட்களாக இணையத்தில் பரவி வருகிறது. இருவரும் ரகசியமாக திருமணம் செய்தி கொண்டதாகவும் இதனால் ஓவியாவின் ரசிகர்கள் அதிச்சி அடைந்ததாகவும் செய்திகள் வெளிவந்தன.

ஆனால் விசாரித்ததில், இது நம்ம ஆளு படத்தின் புகைப்படத்தை யாரோ ஒருவர் மாற்றி அமைத்து இருவரும் திருமணம் செய்து கொண்டது போல காட்டி விட்டதாக கூறப்படுகிறது. இந்த வேலையைப் பார்த்தவன் எவன் என ஓவியா ஆர்மிகாரர்கள் தேடுவதாகவும் செய்தி.

சென்னை, ஜன.10- சமீபத்தில் மலேசியாவில் நடந்த நட்சத்திர கலை விழாவில் நடிகர் அஜீத்குமார் பங்கேற்கவில்லை. நடிகர் சங்கத்திற்கு கட்டிடம் கட்ட நடிகர்கள் தான் பணம் போட வேண்டும். நாம் தான் நிறைய சம்பாதிக்கிறோமே நாமே செலவு செய்து கட்டிடம் கட்டலாமே என்று அஜீத்குமார் கூறியதாகவும், அதனை நடிகர் சங்கப் பொறுப்புகளில் உள்ளவர்கள் சட்டை செய்யாததால், அஜீத் அவ்விழாவை புறக்கணித்த்தாக தகவல் வெளியாகியுள்ளது. 

தென்னிந்திய நடிகர் சங்கத்திற்கு கட்டிடம் கட்டுவதற்காக நிதி திரட்டும் நோக்கில் இந்த நட்சத்திர விழா, மலேசியாவில் நடத்தப்பட்டது.  நடிகர்கள் பெருமளவில் சம்பாதிக்கிறார்கள். அவர்களிடம் இல்லாத பணமா நம்மிடத்தில் இருக்கிறது? அவர்கள் கட்டிடம் கட்ட நாம் பணம் தர வேண்டுமா என்று மலேசிய மக்கள் கேள்வி எழுப்பியதாகவும் தெரிவிக்கப்பட்டுள்ளது. 

பல காலமாக நடிகர் சங்கத்திற்கு கட்டிடம் கட்டுகிறேன் என்று கூறி பல நிகழ்ச்சிகள் நடத்தப்பட்டு வருகின்றன. அந்தக் கட்டிடம் இன்னும் கட்டப்படாமல் இழுவையில் இருக்கிறது.  அந்தக் கட்டிடத்தை உருவாக்குவதற்கு ஏன் அவ்வளவு பணம் தேவைப்படுகிறது என்று இந்திய மக்களும் கேள்வி எழுப்பியுள்ளனர்.  

நட்சத்திர கலைவிழாவில் சூப்பர் ஸ்டார் ரஜினிகாந்த், உலக நாயகன் கமல்ஹாசன் மற்றும் இதர பிரபலங்கள் கலந்து கொண்டனர். ரஜினியின் மருமகன் தனுஷ் இவ்விழாவில் பங்கேற்கவில்லை. நடிகர்கள் விஜய், சிம்பு, அரவிந்த்சாமி, சந்தானம், சிபிராஜ் உள்ளிட்டோரும் அவ்விழாவில் கலந்து கொள்ளவில்லை என்பது குறிப்பிட்த்தக்கது.

More Articles ...