சென்னை, ஜூலை.3- நடிகர் கமல்ஹாசன் வழிநடத்தும் ஸ்டார் விஜய்யின் பிக் பாஸ் நிகழ்ச்சியைக் கிண்டலடிக்காதவர்கள் யாருமே இல்லை என்ற நிலை உருவாகிவிட்டது. இதற்கு முன்னர் நெட்டிசன்கள் மட்டுமே மீம் செய்து பிக் பாஸ் குழுவைக் கலாய்த்து வந்த நிலையில் இப்போது சினிமா நடிகர்களும் அதே சாயலில் காணொளி வெளியிட்டுள்ளனர்.

நகைச்சுவைகளுக்கு பெயர் போன வெங்கட் பிரபு மற்றும் அவரின் குழுவினர் தான் பிக் பாஸ் நிகழ்ச்சியைக் கிண்டலடித்து காணொளி வெளியிட்டுள்ளனர். காணொளிக்கு மொட்ட பாஸ் என்று பெயரிடப்பட்டுள்ள நிலையில், அதன் டீசர் முதலில் வெளியிடப்பட்டுள்ளது.

    ### காணொளி: நன்றி பிளேக்டிக்கெட் கம்பெனி

அதில் சிவா, ஜெய், நிதின் சத்யா ஆகியோர் நடித்துள்ளனர். சிவா ஜூலி போலவும், ஜெய் ஓவியா போலவும் கிண்டல் செய்துள்ளனர். குறிப்பாக, சிவா பேசும்போது "எல்லாரும் என்னையே 'டார்கெட்' பண்றாங்க. எல்லாரும் பொறாமை. நான் அழகா இருக்கேன் என்பதுனால மற்றவர்களுக்கு பொறாமை" என்று கூறிகிறார்.

நடிகர் ஜெய், கைப்பேசியில் பேசிக்கொண்டே, "சூட்டிங் நடக்குது. போன் பயன்படுத்தக்கூடாது" என்று சொல்லி விட்டு, ஓவியாவைப் போல் பசிக்குது பசிக்குது பசிக்குது என்று கூறியுள்ளார். இது வெறும் டீசர் தான், பல பகுதிகள் இனிமேல் வரும் என்றும் தெரிவிக்கப்பட்டுள்ளது. 

சென்னை, ஜூலை.1- ஜிஎஸ்டி வரி விதிப்பு மற்றும் மாநில அரசின் வரி விதிப்பு ஆகிய இரு வரிகளால் இனி தியேட்டர் டிக்கெட்டுகளின் விலை அதிகரிக்கும் என்பதால் வரியை எதிர்த்து தியேட்டர்கள் போராட்டத்தில் குதிக்கவுள்ளன.

வரும் திங்கட்கிழமை முதல் தமிழ்நாட்டில் உள்ள தியேட்டர்கள் ஸ்ரைக்கில் ஈடுப்படும் என நேற்று மாலை அறிவிக்கப்பட்டது. இதனால் திரையிடப்பட்டுள்ள படங்களும் இனி திரைக்கு வரவிருக்கும் படங்களுக்கு பெரும் நஷ்டம் ஏற்படும் என தயாரிப்பாளர்கள் கூறியுள்ளனர்.

இதிலும், நேற்று மட்டும் தமிழ்நாட்டில் ஏழு படங்கள் வெளிவந்தன. அதில் கௌதம் கார்த்திக் நடித்த இவன் தந்திரன் படமும் ஒன்று. நல்ல வரவேற்பை பெற்றுள்ள இப்படம் திங்கள் முதல் தியேட்டரில் ஓடாவிட்டால் பல கோடி ரூபாய் நஷ்டமடையும் என அதன் இயக்குனரும் தயாரிப்பாளருமான கண்ணன் கண்ணீர் விட்டு கூறியுள்ளார்.

சென்னை, ஜூன்.30- விவேகம் படம் வெளிவருவதற்குள் ரசிகர்களே அப்படத்தின் கதையை புதிதாக எழுதி விடுவார்கள் போல. விவேகத்தில் அஜீத் வில்லனாக நடிக்கிறார் என்ற தகவல் தான் இப்போது வைரல். 

விவேகம் படத்தின் டீசர் சமூக வலைத்தளங்களில் பிரபலமாக பேசப்பட்டது. டீசரைப் பார்த்தவுடன் அஜீத் இரண்டு கதாப்பாத்திரங்களில் நடிக்கப்போகிறாரோ என்ற சந்தேகம் ரசிகர்களுக்கு ஏற்பட்டுள்ளது.

விவேகம் படத்தில் வில்லனாகவும் ஹீரோவாகவும் உருவெடுத்திருக்கிறார் அஜீத். சிவா இயக்கத்தில் வெளிவரும் விவேகம் பட டீசர் வெளியான சில மணிநேரத்தில் சுமார் 50 லட்சம் பேர் பார்த்துள்ளனர்.

தேசிய ஊடகங்கள் கூட விவேகம் டீசர் பற்றி செய்தி வெளியிட்டுள்ளன. இந்நிலையில் டீசரை பார்த்த ரசிகர்களுக்கு ஒரு சந்தேகம் வந்துள்ளது.

படத்தில் நடிக்கும் இன்னொரு இந்தி ஹீரோ வில்லன் இல்லை என இயக்குனர் சிவா கூறியதை அடுத்து அஜித் தான் வில்லன் என ரசிகர்கள் முடிவு செய்து விட்டார்கள்.

அல்லது இப்படத்தில் வில்லனும் ஹீரோவும் அஜீத்தே தானா என்ற சந்தேகமும் ரசிகர்களிடம் உண்டு. தங்களின் சந்தேகத்தைச் சமூக வலைதளங்களில் தெரிவித்து வருகிறார்கள். இரட்டை வேடங்களில் நடிப்பது அஜீத்துக்குப் புதியது அல்ல. 

சென்னை, ஜூன்.24- ஒரே பிறந்த தேதியைக் கொண்ட தமிழ்த் திரையுலக ஜாம்பவான்கள் மெல்லிசைமன்னர் எம்எஸ்வி-யும், கவியரசர்  கண்ணதாசனுக்கும் இன்று பிறந்த நாள்.

மெல்லிசை மன்னர் எம்எஸ்வி, கேரளாவின் பாலக்காடு அருகே உள்ள எலப்புள்ளி கிராமத்தில் (1928) பிறந்தவர். 4 வயதில் தந்தையை இழந்தவர், கண்ணனூரில் தாத்தா வீட்டில் வளர்ந்தார். பள்ளியில் படித்ததில்லை. தியேட்டர்களில் நொறுக்குத் தீனி விற்பார். நீலகண்ட பாகவதரிடம் இசை பயின்றார். 13 வயதில் மேடைக் கச்சேரி நிகழ்த்தினார்.

இவர், தமிழ், தெலுங்கு, மலையாளம், ஹிந்தி உட்பட பல மொழிகளிலும் 1,200 படங்களுக்கு மேல் இசையமைத்துள்ளார்.

புதிய பறவைபடத்தில் வரும்எங்கே நிம்மதிபாடலுக்கு அதிகபட்சம் 300 இசைக் கருவிகளையும், ‘பாகப்பிரிவினைபடத்தில் வரும்தாழையாம் பூ முடிச்சுபாடலுக்கு 3 இசைக் கருவிகளையும் பயன்படுத்தியவர். பியானோ, ஆர்மோனியம், கீ போர்டு ஆகிய இசைக்கருவிகளையும் அற்புதமாக வாசிப்பார். ‘நீராரும் கடலுடுத்த..’ என்று தொடங்கும் தமிழ்த்தாய் வாழ்த்துக்கு இசையமைத்தவர். இவரது இசைக்கு மயங்கும் ரசிகர்கள் இன்றும் உலகம் முழுவதும் லட்சக்கணக்கானோர் உள்ளனர்.

இவரோடு, கவியரசர் கண்ணதாசனும் பிறந்த தினம் இன்று. அவர் சிவகங்கை மாவட்டம் சிறுகூடல்பட்டி யில் (1927) பிறந்தவர். இயற்பெயர் முத்தையா. சிறு வயதில் வேறொரு குடும்பத்துக்கு தத்து கொடுக்கப்பட்டார். அங்கு 'நாராயணன்' என அழைக்கப்பட்டார். அமராவதிபுதூர் உயர்நிலைப் பள்ளியில் 8-ம் வகுப்பு வரையும் பயின்றார்.

சிறுவனாக இருக்கும்போது, வீட்டில் கிடக்கும் வெற்றுத் தாள்களில் கடைக்குப் போனேன், காலணா கொடுத்தேன், கருப்பட்டி வாங்கினேன் என, அன்றாட நிகழ்வுகளைக்கூட கவிதை வடிவில் எழுதிய பிறவிக் கவிஞன் கண்ணதாசன்

பாகப்பிரிவினை' படத்தில் பாடல் எழுதியதைத் தொடர்ந்து 'பாசமலர்', 'பாவமன்னிப்பு', 'படிக்காத மேதை' உள்ளிட்ட படங்களிலும் இவரது பாடல்கள் பிரபலமாகின. தமிழ் திரையுலகில் 20 ஆண்டுகாலம்

ஈடு இணையற்ற கவிஞராகத் திகழ்ந்தார். இவரது பாடலுக்கு மயங்கும் ரசிகர்கள் இன்றும் உலகம் முழுவதும் லட்சக்கணக்கானோர் உள்ளனர்.

 

இவர்கள் இருவருக்கும் இன்று பிறந்தநாள் ,ஒரே பிறந்தநாளை கொண்ட இவர்கள் சிறந்த நட்புக்கு உதாரணமாகத் திகழ்ந்தார்கள் என்பது குறிப்பிடத்தக்கதாகும்

More Articles ...