சென்னை, ஆக.26- ரஜினி நடிப்பில் இயக்குனர் சங்கர் இயக்கிய எந்திரன் படத்தின் இரண்டாம் பாக திரைக்குப் பின்னால் காணொளி நேற்று வெளியிடப்பட்டது. படம் எப்படி எடுக்கப்பட்டுள்ளது என்று காட்டப்பட்டுள்ள காட்சிகள் நம்மை ஆச்சரியப்படுத்துகின்றன.

சிவாஜி, எந்திரன் படங்களுக்குப் பிறகு அதே கூட்டணி இணையும் மற்றொரு படம் எந்திரன் 2.0. முதல் பாகத்தின் வெற்றி இரண்டாம் பாகத்தை வேறு தடத்திற்கு கொண்டு சென்றுள்ளது என பலர் கூற, அது உண்மை தான் என்று நிரூபிக்கும் வகையில் நேற்று 'மேக்கிங் ஆஃப்' காணொளியைப் படத்தின் தயாரிப்பு நிறுவனமான லைக்கா நிறுவனம் வெளியிட்டது.

அதில், ரஜினி, அக்‌ஷ்ய்குமார் சம்பந்தப்பட்ட காட்சிகளும் மேக்அப் செய்த காட்சிகளும் ஒளிப்பதிவு செய்த விதங்களும் ரசிகர்களை வெகுவாக ஈர்த்துள்ளது. காணொளி வெளியிடப்பட்டு 14 மணிநேரத்தில் இதுவரை 2 மில்லியன் பேர் யூடியூப்பில் இந்த காணொளியைப் பார்த்துள்ளனர். 

சென்னை, ஆக.25 – நடிகர் கமல்ஹாசன் வழிநடத்தும் ஸ்டார் விஜய்யின் பிக் பாஸ் நிகழ்ச்சி இன்றும் பிரபலமாக நடந்து வருகின்றது. இதன் மூலம் பிரபலமான ஜூலி யாராலும் மறக்க முடியாத பிக் பாஸ் பங்கேற்பாளராக இருந்தார். 

ஜல்லிக்கட்டு போராட்டத்தின் போது நல்ல பெயர் பெற்ற ஜூலி, பிக் பாஸ் நிகழ்ச்சியில் தனது நடவடிக்கையின் மூலம் மிகவும் மோசமான பெயரை எடுத்து மக்களின் கோபத்தையே சம்பாதித்தார்.  சில வாரங்களுக்கு முன்பு நிகழ்ச்சியிலிருந்து மக்களால் ஜூலி வெளியேற்றப்பட்டார். 

அதைத் தொடர்ந்து, ஜூலி பல இன்னல்களுக்கு ஆளாகியுள்ளதாக வலைதளங்களில் பரவி வந்தது. இந்த விமர்சனங்களுக்கு எல்லாம் பதிலடி கொடுக்கும் வகையில் தொலைகாட்சி நிகழ்ச்சியில் ஜூலி மீண்டும் தோன்றியுள்ளார்.

பிக் பாஸ் வீட்டிலிருந்து வெளியேறிய பிறகு ஜூலி போவதற்கு இடம் இல்லாமல் சுத்துகிறார். நண்பர்களும் கை விட்டனர். தங்குவதற்குக் கூட இடம் இல்லை என்று காதில் பூ சுற்றிக் கொண்டிருந்த சமூக வலைத்தளங்களின் பேச்சுக்கு முற்றுப் புள்ளி வைக்குமாறு ஜூலி விஜய் டிவி கிங்ஸ் ஆஃப் காமெடி என்ற நிகழ்ச்சியில் சிறப்பு விருந்தினராக தோன்றி மக்களின் கவனத்தை ஈர்த்துள்ளார். 

“நான் வந்துட்டேனு சொல்லு, திரும்பி வந்துட்டேனு சொல்லு, எப்படி போனேனோ அப்படியே வந்துட்டேனு சொல்லு, ஜூலிடா!” என்ற கபாலி பட வசனத்தைச் சொல்லி நெட்டிசன்களுக்குப் பதிலடி கொடுத்தார். 

சென்னை, ஆக.24- நடிகர் அஜித் நடிப்பில் இன்று உலகமெங்கும் விவேகம் படம் வெளியாகும் நிலையில், அஜித்தின் உருவப்படத்தை இட்லியில் பதித்து சாதனைப் படைத்துள்ளது சமையல் கலை தொழிலாளர் முன்னேற்ற சங்கம்.

தனக்குப் பிடித்த நடிகரின் படம் வெளியானால், பொதுவாக பெரிய பதாகைகளும் அலங்காரங்களும் தான் வைக்கப்படும். ஆனால் சென்னையில் உள்ள சமையல் கலை தொழிலாளர் முன்னேற்ற சங்கமும் வட சென்னை அஜித் ரசிகர்களும் இணைந்து 57 கிலோ எடையில் இட்லியைத் தயாரித்து சாதனைப் படைத்துள்ளனர்.

அது என்ன 57 கிலோ? இன்று வெளியாகும் விவேகம் படம் அஜித்தின் 57வது படம் என்பதால், அதனைக் குறிக்கும் வகையில் 57 கிலோ இட்லி தயாரிக்கப்பட்டுள்ளது. இந்த இட்லியை சென்னையில் உள்ள பாரத் திரையரங்கில் காட்சிக்கு வைக்கப்பட்டுள்ளது. 

உலகிலேயே இட்லியில் ஒரு நடிகரின் உருவம் பதிவு செய்வது இது தான் முதல் முறை என்றும் இதற்கு விளம்பரப்படுத்தப்பட்டுள்ளது. அஜித்தின் தீவிர ரசிகர்கள் என்பதைக் காட்ட இன்னும் என்ன என்ன செய்ய போகிறார்களோ தெரியவில்லை. அப்போ விஜய்க்கு....?