சென்னை, செப்.28- கடந்த 95 நாட்கள் பலரின் உரையாடலில் தவிர்க்க முடியாத வார்த்தையாகி விட்டது பிக் பாஸ். இன்னும் ஐந்து நாட்களில் யார் வெற்றியாளர் என்பது தெரிந்து விடும் நிலையில், இன்றிரவு ஐவரில் ஒருவர் வீட்டிலிருந்து வெளியேற்றப்படுவார். அவர் பிந்துவா, ஹாரிஸா அல்லது ஆரவ்வா என்று குழம்பி கிடக்கிறது ரசிகர் வட்டம்.

100 நாட்கள் வெளித்தொடர்பு இல்லாமல் மொத்தம் 19 போட்டியாளர்களுடன் பயணித்த பிக் பாஸ் நிகழ்ச்சி இவ்வாரம் சனிக்கிழமையோடு முடிவடைகிறது. தற்போது இறுதி 5 போட்டியாளர்கள் இருக்கும் நிலையில், இன்று இரவு அதில் ஒருவர் கண்டிப்பாக பிக் பாஸ் வீட்டை விட்டு வெளியேறவேண்டும் என அறிவிக்கப்பட்டது.

இதற்கான புரோமோ காணொளியை விஜய் டிவி வெளியாக்கிய நிலையில், அதில் யார் வெளியேறுவார் என்பது குழப்பமாக இருப்பதாக ரசிகர்கள் தெரிவித்துள்ளனர்.

காணொளியில் பிக் பாஸ் வீட்டின் பெரிய கதவருகே ஒரு பெட்டியுடன் ஐவரும் நடந்து செல்கின்றனர். முன்னதாக சினேகன் வெளியேறவில்லை என பிக் பாஸ் கூறிவிட்டதாலும் ஆரவ் பெட்டியை நகர்த்தி செல்வதால் அவர் தான் வெளியேறுகிறாரோ என்ற என்ற சந்தேகத்தை ரசிகர்கள் எழுப்பியுள்ளனர்.

ஆனால், சிலரோ பிந்து தான் கண்டிப்பாக வெளியேறுகிறார் என்றும் புரோமோ காணொளியில் ஹாரீஸ் மட்டும் கவலையாக இருப்பதால் அவர் தான் வெளியேறுகிறார் என்றும் சமூக வலைத்தளங்களில் தெரிவித்துள்ளனர். 

எது எப்படியோ சினேகனுக்கு பிக் பாஸ் பட்டம் வெல்லும் வாய்ப்பு அதிகம் என்பதால் அவரே முதல் பரிசான ரூ 50 லட்சத்தை வெல்வார் என்று பலர் கருத்து தெரிவித்துள்ளனர்.  

 மும்பை, செப்.28- கட்டிய மனைவியை விட்டுவிட்டு மறைந்த நடிகர் ராஜேஷ் கன்னாவின் மனைவியும் நடிகையுமான டிம்பிள் கபாடியாவுடன் நடிகர் சன்னி தியோல் நெருக்கமாக இருக்கும் காணொளி வெளியாகி பரபரப்பை ஏற்படுத்தி இருக்கிறது.

பாலிவூட் நடிகர் சன்னி தியோலுக்கு திருமணமாகி மனைவி குழந்தைகள் உள்ளனர். இருப்பினும், பிற நடிகைளுடன் அவர் பெயர் சேர்ந்து அடிபடுவது வழக்கமாகி விட்டது. 

மறைந்த பாலிவுட் நடிகர் ராஜேஷ் கன்னாவின் மனைவியும் நடிகையுமான டிம்பிள் கபாடியாவும், சன்னி தியோலும் ஒரு காலத்தில் காதலித்தனர். கடந்த மாதம் சன்னி தியோல் லண்டன் சென்றார். அங்கு பேருந்துக்காக காத்திருந்தபோது அவரும், டிம்பிளும் கைகோர்த்து அமர்ந்ந்திருந்தனர். 

அப்போது எடுக்கப்பட்ட வீடியோ சமூக வலைத்தளங்களில் வெளியாகி வைராலாகியுள்ளது. சன்னி தியோல், டிரம்பிள் சேர்ந்திருக்கும் வீடியோவை பார்த்த பலரும் அவர்களிடையேயான காதல் இன்னும் அழியாமல் இருக்கிறது என்று பேசத் துவங்கிவிட்டனர். 

சன்னி தியோல்தான் தனக்கு சரியானவர் என்று நினைத்திருந்தார் நடிகை அம்ரிதா சிங். ஆனால், சன்னி திருமணமானவர் என்பது தெரிந்தவுடன் அவர் விலகினார். அவர் விலகிய பிறகே சன்னியின் வாழ்க்கையில் டிம்பிள் வந்தார் எனப்து குறிப்பிடத்தக்கது.

சென்னை, செப். 27 - கடந்த வாரம் விக்னேஷ் சிவன் பிறந்தநாள் ஸ்பெஷலாக நயனும் விக்கியும் இணைந்திருக்கும் படங்கள் வைரலாகின. இதைக் கண்டு பலரும் இந்த ஜோடி சூப்பர் என்று சிலாகிக்கும் நிலையில் அது சில தயாரிப்பாளர்களின் வயிற்றில் புளியைக் கரைத்திருக்கிறது.

நயன் இப்பொது ஒரு படத்துக்கு நான்கு கோடி வரை சம்பளமாக வாங்குகிறார். தமிழில் முன்னணி ஹீரோவுக்கு நிகரான மார்க்கெட் நயனுக்கு இருக்கிறது. எனவே நயனை லீட் ரோலாக்கி சில படங்கள் உருவாகி வருகின்றன.

நயன்தாராவுக்கு திடீர் திருமணம் என்றால் அத்தனை படங்களும் பாதிக்கப்படும். என்னதான் முன்னணி ஹீரோயினாகவே இருந்தாலும் திருமணம் ஆகிவிட்டால் பழையபடி ரசிகர்கள் பார்க்க மாட்டார்கள்.

எனவே நயன் இப்போதைக்கு திருமணம் செய்துகொள்ளக்கூடாது என்று நயனை வைத்து படம் எடுக்கும் தயாரிப்பாளர்களும் இயக்குநர்களும் வேண்டி வருகிறார்களாம். 

 

சென்னை, செப்.27- இந்த ஆண்டு ஆயுதப் பூஜை சிறப்பு வெளியீடாக 'கருப்பன்', 'ஸ்பைடர்', 'ஹரஹர மகாதேவ்கி' உள்பட நான்கு படங்கள் வெளியாகின்றன. 

கடந்த வெள்ளியன்று ஒரே நாளில் 11 தமிழ்ப் படங்கள் வெளியாகின. ஆனால் எந்தப் படமும் பெரிதாகப் போகவில்லை. பெரும்பாலான படங்கள் வந்த சுவடே தெரியவில்லை. இந்த நிலையில்தான், ஒரு வார இடைவெளியில் ஆயுதப் பூஜைக்கு நான்கு படங்கள் வெளியாகின்றன. 

மகேஷ்பாபு - ஏஆர் முருகதாஸ் கூட்டணியில் உருவாகியுள்ள படம். தமிழ், தெலுங்கில் நேரடிப் படமாக வந்துள்ள 'ஸ்பைடர்', இன்றே  வெளியாகிவிட்டது. தமிழ்நாட்டிலும் அதிக அரங்குகளில் இந்தப் படம் வெளியாகியுள்ளது.

விஜய் சேதுபதி - தன்யா நடித்துள்ள 'கருப்பன்' படத்தை ஏஎம் ரத்னம் தயாரித்துள்ளார். ரேணிகுண்டா பன்னீர் செல்வன் இயக்கியுள்ளார். நாளை மறுநாள் படம் வெளியாகிறது. 

பக்கா ஏ படம் என்ற முத்திரையுடன் வெளியாகியுள்ளது 'ஹரஹர மகாதேவ்கி'. நிக்கி கல்ராணி - கவுதம் கார்த்தி நடித்துள்ளனர். சந்தோஷ் பி.ஜெயக்குமார் இயக்கியுள்ளார்.

பகவதி பாலா என்ற புதியவர் இயக்கியுள்ள 'நெறி' படத்தில் கதை வசனம் பாடல்கள் எழுதி நடித்துள்ளார் மோகன் குமார். இவர்தான் தயாரிப்பாளரும்கூட.

 

More Articles ...