சென்னை, அக்.9- நடிகர் சங்கத்துக்கு சொந்தமான நிலத்தை பொதுக் குழுவில் அனுமதி பெறாமல் விற்பனை செய்த நடிகர்கள் சரத்குமார் மற்றும் ராதாரவி ஆகியோர் மீது புகார் கொடுக்கப்படும் என்று நடிகர் விஷால் தெரிவித்திருப்பது பரபரப்பை ஏற்படுத்தியுள்ளது.

நடிகர் சங்கத்திற்கு சொந்தமான, 26 சென்ட் நிலம், காஞ்சிபுரம் மாவட்டம், கூடுவாஞ்சேரி அருகே, வேங்கடமங்கலம் கிராமத்தில் இருந்தது. அந்த நிலத்தை, சங்கப் பொதுக்குழு, செயற்குழு ஒப்புதல் பெறாமல் விற்றதாக குற்றச்சாட்டு எழுந்துள்ளது. 

நடிகர் சங்க நிலம் விற்பனை தொடர்பாக, நடிகர்கள், ராதாரவி, சரத்குமார் உட்பட, நான்கு பேர் மீது, நடவடிக்கை எடுக்க வலியுறுத்தி, வடக்கு மண்டல, ஐ.ஜி.,யிடம், நடிகர் சங்க பொதுச் செயலாளர் விஷால் புகார் அளித்துள்ளதாக தகவல் வெளியானது. 

இந்நிலையில், தென்னிந்திய நடிகர் சங்கத்தின் 64-ஆம் ஆண்டு பொதுக்குழுக் கூட்டம் நேற்று ஞாயிற்றுக்கிழமை சென்னை காமராஜர் அரங்கில் நடைபெற்றது. இதில், மூத்த மற்றும் முன்னணி திரைப்பட , நாடக நடிகர், நடிகைகள் கலந்து கொண்டனர். 

அப்போது நடிகர் விஷால் பேசியதாவது: நாங்கள் கொடுத்த வாக்குறுதியிலும் விதிமுறையிலும் எள்ளளவும் மீறவில்லை. எங்களது செயல்பாடுகளில் எந்தவொரு கெட்ட செயலையும் கண்டுபிடிக்க முடியாது, நல்லதை மட்டுமே காணமுடியும். 

அடுத்த டிசம்பருக்குள் நடிகர் சங்க கட்டடம் கட்டி முடிக்கப்படும். பொதுமக்கள் பார்வையிட்டு செல்லும் வகையில் கட்டடம் கட்டப்படும். கேளிக்கை வரி விதிக்கப்பட்டுள்ளதால் சினிமா தொழில் கடுமையாக பாதிக்கப்படும் நிலை ஏற்பட்டுள்ளது. 40 சதவீதம் வரி செலுத்தி சினிமா தொழில் நடத்த முடியாது.

கேளிக்கை வரியை அரசு தரப்பில் இருந்து ரத்து செய்ய நடிகரும், எம்எல்ஏவுமான கருணாஸ் முயற்சிக்க வேண்டும். கேளிக்கை வரியை ரத்து செய்தால் மட்டுமே சினிமா தொழில் நன்றாக இருக்கும். எந்த மாநிலத்திலும் இல்லாத அளவுக்கு தமிழகத்தில் 2 வரிகள் விதிக்கப்படுகின்றன. மேற்கண்டவாறு நடிகர் சங்கச் செயலாளர் விஷால் கூறினார்.

 

 

 

 

 

 

 

 

 

 

 

 

 

 

சென்னை.அக்.7- பல இளைஞர்களின் மனதைக் கொள்ளைக் கொண்ட சமந்தா நேற்று கோவாவில் நாக சைதன்யாவைத் திருமணம் செய்துகொண்டார்.

தெலுங்கு திரையுலகின் பிரபல நடிகர் நாகர்ஜூனாவின் மகனும், நடிகருமான நாக சைதன்யாவுக்கும், நடிகை சமந்தாவுக்கும் கோவா நட்சத்திர விடுதியில் இந்து முறைப்படி நேற்று திருமணம் நடைபெற்றது.

நாளை கிறிஸ்துவ முறைப்படி இவர்களது திருமணம் நடைபெறும். இந்த திருமணத்திற்கு சுமார் ரூ.10கோடி செலவு செய்யப்பட்டுள்ளதாக கூறப்படுகிறது. 

இந்தத் திருமண விழாவைத் தொடர்ந்து வரும் 10 ஆம் தேதி ஹைதராபாத்தில் திருமண வரவேற்பு நிகழ்ச்சி நடைபெறுகிறது என்பது குறிப்பிடத்தக்கது. 

 

சென்னை, அக்.5- புகழின் உச்சத்தில் இருக்கும் நடிகை அனுஷ்காவின் 'பாகுபலி காதல்' பலித்து விட்டது என்ற தகவல் ரசிகர்கள் மத்தியில் இப்போது பெரும் பரபரப்பை ஏற்படுத்தி இருக்கிறது.

பாகுபலி மற்றும் பாகுபலி-2 ஆகிய படங்களில் ஜோடியாக நடித்தபோது பிரபாஸ்-அனுஷ்கா இடையே காதல் ஏற்பட்டது. ஆனால், காதல் குறித்து இருவரும் வாய் திறக்கவில்லை. அனுஷ்கா வீட்டில் அவருக்கு மாப்பிள்ளை தேடினார்கள். நிஜத்திலும் பிரபாஸ்- அனுஷ்கா ஜோடி சேர வேண்டும் என்று அவர்களின் ரசிகர்கள் ஆசைப்படுகிறார்கள்.

பிரபாஸும், அனுஷ்காவும் காதலிப்பதாகவும், அவர்கள் தங்கள் உறவை அடுத்த கட்டத்திற்கு எடுத்துச் செல்ல தயாராகி விட்டதாகவும் அவர்களின் நெருங்கிய நண்பர் தெரிவித்ததாக எழுத்தாளர் ஒருவர் 'டுவீட்' செய்துள்ளார். 

பிரபாஸுக்கும், அனுஷ்காவுக்கும் வரும் டிசம்பர் மாதம் நிச்சயதார்த்தம் என்றும் அந்த எழுத்தாளர் டுவிட்டரில் தெரிவித்துள்ளார். அதை பார்த்த ரசிகர்கள் உற்சாகத்தில் விட்டனர்.

திருமணத்திற்காக தான் அனுஷ்கா உடல் எடையை குறைத்து வருகிறாராம். அவர் ஊடல் பயிற்சி மையத்தில் தவமாய் தவமிருப்பது படத்திற்காக அல்ல, பிரபாஸுக்காக என்பது குறிப்பிடத்தக்கது.

 

சென்னை, அக்,5- நடிகர் ரஜினிகாந்த் அரசியலுக்கு வருவதற்கான ஆயுத்த பணிகளைச் செய்து கொண்டே '2.0' மற்றும் 'காலா' ஆகிய படப்பிடிப்புகளிலும் கலந்து கொண்டு வருகிறார். இந்நிலையில் அவர், தனது கடைசிப் படமாக 'முதல்வன்'-2' என்ற படத்தில் நடிக்கவுள்ளார் என்று தகவல்கள் கசிந்துள்ளன.

'காலா' படம்தான் ரஜினியின் கடைசிப் படமாக இருக்கும் என்றும், அதற்குப் பிறகு முழு நேர அரசியல்வாதியாகி விடுவார் ரஜினி என்றும் கூறப்பட்டது. ஆனால், 'காலாவு'க்குப் பிறகு ஒரு படம் மட்டும் நடிப்பார் என்று இப்போது தகவல்கள் வெளியாகியுள்ளன.

அரசியல் கட்சியை அறிவித்த பிறகு, கடைசியாக ஒரு படத்தில் நடிக்க திட்டமிட்டுள்ளாராம் ரஜினி. அது ஏ.ஆர்.முருகதாஸ் படம் என்று முதலில் கூறப்பட்டது. 

ஆனால், 'முதல்வன் 2' என்ற படத்தில் நடிக்க ரஜினி விருப்பமாக இருப்பதாகவும் அதற்கான கதையை ராஜமௌலியின் தந்தை உருவாக்கி வைத்திருப்பதாகவும் கூறப்படுகிறது. இந்தப் படத்தை ராஜமௌலி இயக்குவார் என்றும் கூறப்படுகிறது.

'முதல்வன்' முதல் பாகம் 1999- ஆம் ஆண்டு ஷங்கர் இயக்கத்தில் வெளியாகி ஆபார வெற்றியைப் பெற்றது. அவரே இரண்டாம் பாகத்தை இயக்குவார் என்றும் கூறப்பட்டது. ஆனால், அவர் அந்த நேரத்தில் இந்தியன் 2- படத்தில் முமுரமாக இருப்பார் என்பதால் ராஜமௌலி இயக்குவார் என்கிறார்கள்.

ராஜமௌலியும் ரஜினியும் இணைய வேண்டும் என்பது ரசிகர்களின் ஏகோபித்த வேண்டுதலாக இருந்த நிலையில், முதல்வன் 2- படத்தில் இருவரும் இணைந்தால் ரசிகர்களின் மகிழ்ச்சிக்குலளவே இருக்காது என்று கூறப்பட்டது.

More Articles ...