சென்னை, டிச.30- நடிகர் கமல்ஹாசனின் முன்னாள் மனைவி சரிகாவின் நிலையைக் கண்டு நடிகர் அமீர்கான் உதவ முன்வந்துள்ளார். சரிகா தங்கிருந்த அவரின் உழைப்பில் வாங்கிய வீடு தற்போது அவருக்கு சொந்தமில்லாமல் போனதே இதற்கு காரணம்.

கடந்த 2004ஆம் ஆண்டு கமலைப் பிரிந்தார் சரிகா. தான் நடித்த காலத்தில் சேமித்த பணத்தைக் கொண்டு மும்பையில் வீடு ஒன்றினை வாங்கினார். அதனை த்ன் அம்மாவின் பெயரிலேயே வாங்கினார் அவர்.

இந்நிலையில் கடந்த நவம்பர் மாதம் சரிகாவின் தாயார் மரணமடைந்தார். முன்னதாக சரிகாவின் தாயார் தன் சொத்துகளுக்கு தனது குடும்ப நண்பரான டாக்டர் விக்ரம் தாக்கர் என்பவருக்கு உயில் எழுதி வைத்திருந்தார்.

இதனால் தன் உழைப்பில் வாங்கிய வீடாக இருந்தாலும் தற்போது வீடு இல்லாமல் அவதிக்குள்ளாகியுள்ளார் சரிகா.

இதனை அறிந்த சரிகாவின் தோழியும் அமீர்கானின் சகோதரியுமான நுஸ்ஷத், சரிகாவுக்கு உதவும்படி அமீர்கானிடம் கேட்டுக் கொண்டதாகவும் அமீர்கானும் உதவ முன் வந்துள்ளதாகவும் தெரிவிக்கப்பட்டுள்ளது.

 மும்பை, டிசம்.18- திரைப்பட விருது விழா ஒன்றில் ஐந்து நிமிடம் நடனமாடுவதற்கு பிரபல போலிவுட் நடிகையான பிரியங்கா சோப்ராவுக்கு 5 கோடி ரூபாய் வழங்கப் பட்டுள்ளதாக வெளியான தகவல் பெரும் பரபரப்பை ஏற்படுத்தி  உள்ளது.

2017ஆம் ஆண்டு தனது இறுதிக் கட்டத்தை எட்டிக் கொண்டிருக்கிறது.  இந்நிலையில் பல போலிவுட் பிரபலங்கள் ஆண்டு இறுதி விருந்து நிகழ்ச்சிகளுக்குத் தயாராகி வருகின்றனர். 

இந்நிலையில், அடுத்த சில தினங்களில் நடக்கவிருக்கும் ஜீ சினி விருது விழா-2018 -இல் ஒட்டுமொத்த போலிவுட் திரையுலகம் கலந்து கொள்ளவிருக்கிறது. நட்சத்திரங்களின் விதவிதமான நடனங்கள் இதில் இடம்பெறவுள்ளன.

போலிவுட் நட்சத்திரங்களான ரன்வீர் சிங், ஷாஹித் கபூர், சித்தார்த் மல்ஹோத்ரா, நடிகைகள் கரீனா கய்ப், ஜேக்குலின், பூமி பட்னேகர் உள்ளிட்டோர் இந்த விருது விழாவில் நடனமாடவுள்ளனர்.

நடன நிகழ்ச்சிகளில் இறுதி நிகழ்ச்சியாக பிரியாங்கா சோப்ராவின் நடனம் இடம்பெறவுள்ளது. ஐந்து நிமிடம் இவர் ஆடப்போகும் நடனத்திற்கு கட்டணமாக 5 கோடி ரூபாய் வழங்கப்பட்டுள்ளதாக தகவல் வெளீயாகி பெரும் பரபரப்பை ஏற்படுத்தி இருக்கிறது.

அண்மைய காலமாக ஹோலிவுட் திரைப்படங்களிலும் தொலக்காட்சி தொடர்களிலும் ஆர்வம் காட்டி வரும் பிரியாங்கா சோப்ரா தனது போலிவுட் சம்பளத்தை இமாலய அளவுக்கு அதிகரித்திருப்பதாக திரை வட்டாரங்களில் பேசப்பட்டு வருகிறது.

 

 

சென்னை, டிசம்.14- அண்மைய ஓராண்டு காலமாக பட வாய்ப்புகள் குறைந்ததால் வீட்டிலேயே முடங்கிக் கிடந்த நடிகை லெட்சுமி மேனன், கொழுப்பை நீக்கும் அறுவைச் சிகிச்சைகள் செய்து கொண்டதன் வழி உடல் மெலிந்து பட வாய்ப்புக்கு மீண்டும் தயாராகி இருக்கிறார்.

திடீரென எப்படி லெட்சுமி மேனன் உடல் மெலிந்து மீன்டும் அழகான வடிவத்தைப் பெற்றார்? என்ற கேள்வி திரையுலகில் பரவலாகிக் கொண்டிருந்த தருணத்தில், கொழுப்பைக் குறைக்கும் அறுவைச் சிகிச்சையை அவர் செய்து கொண்டிருப்பாக தகவல் வெளியாகி இருக்கிறது.

பள்ளியில் படிக்கும் பருவத்திலேயே திரைப்படத்தில் நடிக்கத் தொடங்கிய லெட்சுமி மேனன், வயதுக்கு மிஞ்சிய உடல் வளர்ச்சி காரணமாக நாயகியாக சினிமாவில் நடிக்கும் வாய்ப்பைப் பெற்றார். 

தமிழில் 'கும்கி' படம் மூலம் இவர் மிகவும் பிரபலமானார். தொடர்ந்து சில முன்னணி நாயக நடிகர்களுடன் நடித்தார். அஜித்துடன் 'வேதாளம்' படத்தில் தங்கையாக நடித்த பின்னர் அவருடைய கதாநாயகி அந்தஸ்து மங்கத் தொடங்கி விட்டது.

இதனால், பட வாய்ப்புகள் குறைந்து வீட்டிலேயே இருக்க நேர்ந்ததால் உடல் குண்டாகி சங்கடத்துடன் இருந்து வந்த லெட்சுமி மேனனின்  தற்போதை புதிய, மெலிந்த தோற்றம் ரசிகர்களை ஈர்க்கும் என்ற நம்பிக்கையோடு புதிய வாய்ப்புகளை எதிர்நோக்கி காத்திருக்கிறார் லெட்சுமி மேனன்.

 

 

 

 

 

 

 

ஐதராபாத், டிசம்.14- தெலுங்குப் படவுலகில் நன்கு அறிமுகமான காமெடி நடிகரான விஜய் சாய் தூக்கு மாட்டித் தற்கொலை செய்து கொண்ட சம்பவம் திரையுலகில் பெரும் அதிர்ச்சியை ஏற்படுத்தி உள்ளது. 

சுமார் 35 வயதுடைய விஜய் சாய், ஐதராபாத்தில் யூசுப்குடா பகுதியில் அமைந்துள்ள அவரது அடுக்கு மாடிக் குடியிருப்பில் மின் விசிறியில் தூக்கு மாட்டிக் கொண்டு தொங்கிய நிலையில் அவரது உடல் மீட்கப்பட்டுள்ளது.

மரணம் அடைவதற்கு முன்பு அவர் பதிவு செய்து வைத்திருந்ததாக நம்பப்படும் வீடியோ காட்சி ஒன்றை போலீசார் ஆராய்ந்து வருகின்றனர். குடும்ப வாழ்க்கையில் அவர் கடும் பிரச்னைகளை எதிர்நோக்கி வந்தார். அவர் மனைவியை விட்டு அவர் பிரிந்து வாழ்ந்து வந்தார்.

மேலும் விஜய் சாய்க்கு எதிராக அவருடைய மனைவி அண்மையில் போலீசில் புகார் செய்திருந்தது தொடர்பில் அவர் மிகுந்த வேதனையில் இருந்ததாக கூறப்படுகிறது.

கடந்த 2001ஆம் ஆண்டில் திரையலகப் பிரவேசம் செய்த விஜய் சாய், 'பொம்மரிலு' என்ற படம் உள்ளிட்ட பல வெற்றிப் படங்களில் நடித்துள்ளார். அவரது மறைவு, தெலுங்கு திரையுலகில் கடும் சோகத்தை ஏற்படுத்தியுள்ளது

 

More Articles ...