பெங்களூரு, செப்.10- பிரமாண்டம் என்றால் இது தான் என்று ரசிகர்களை ஆர்பரிக்க செய்த மகிழ்மதி அரண்மணை தற்போது மக்களுக்காக திறந்து விடப்பட்டுள்ளது. யாரெல்லாம் பாகுபலியாகவும் தேவசேனாகவும் படம் பிடித்து கொள்ள நினைக்கிறீர்களோ அங்கே சென்று செல்ஃபி எடுத்து கொள்ளலாம். 

பாகுபலி படத்திற்காக போடப்பட்ட மகிழ்மதி மற்றும் குந்தலதேச அரண்மனைகள் இன்னும் உடைக்கப்படாமலேயே வைக்கப்பட்டுள்ளன. ஐதராபாத்தில் உள்ள ராமோஜி பிலிம் சிட்டியில் போடப்பாட்ட அந்த அரங்குகளைக் காண தற்போது மக்களுக்கு அனுமதி வழங்கப்பட்டுள்ளது. 

கலை இயக்குனர் சாபு சிரில் தலைமையில் உருவாக்க போர் கருவிகள் மற்றும் தேர்கள் கூட கலைக்கப்படாமல் அப்படியே அங்கே வைக்கப்பட்டுள்ளது. 

 

சென்னை, செப்.10- விவேகம் படத்தில் நடித்தபோது தோளில் அடிப்பட்டதால் அஜித்திற்கு அறுவை சிகிச்சை நடந்தது. இதனால் மூன்று மாதத்திற்கு படத்தில் ஏதும் நடிக்காமல் ஓய்வு எடுக்குமாறு அஜித்திற்கு மருத்துவர்கள் கட்டளை இட்டுள்ளனர்.

விவேகம் படத்தில் சண்டை காட்சியின் போது அஜித்திற்கு தோள் பட்டையில் காயம் ஏற்பட்டது. காயத்தினால் அதிக வலி இருந்தாலும் தற்காலிகமாக சிகிச்சை எடுத்துக் கொண்டு படத்தில் நடித்து முடித்தார் அஜித்.

படம் முடிந்து வெளியாகி விட்டதால் தற்போது அஜித்திற்கு சிறிய அளவிலான அறுவை சிகிச்சை நடந்தது. சிகிச்சை முடிந்து அஜித் வீடு திரும்பி விட்டார். இருந்தாலும், அவர் மூன்று மாதத்திற்கு கண்டிப்பாக ஓய்வு எடுக்க வேண்டும் என மருத்துவர்கள் அறிவுறுத்தியுள்ளனர்.

 

மும்பை, செப்.9- பாலிவுட் நடிகர் ரித்திக் ரோஷனுக்கும், நடிகை கங்கனா ரனாவத்துக்கும் இடையே தொடர்பு இருந்ததை பிரபலம் ஒருவர் உறுதி செய்துள்ளார்.

இரண்டு குழந்தைகளுக்கு தந்தையான பாலிவுட் நடிகர் ரித்திக் ரோஷன் தன்னுடன் நடித்த கங்கனா ரனாவத்துடன் தொடர்பு வைத்திருந்தார். அதன் பிறகு அவர்கள் பிரிந்து கோர்ட் வரை சென்றது பெரிய கதை. அந்த பிரச்சனை இன்னும் தொடர்ந்து கொண்டிருக்கிறது. கங்கனா ரனாவத்துடன் தொடர்பு வைத்துக் கொள்ளவே இல்லை என்று சாதித்தார் ரித்திக் ரோஷன். மேலும் கங்கனா மனநலம் பாதிக்கப்பட்டவர் என்று தெரிவித்தார் ரித்திக்.

ரித்திக் ரோஷன் கங்கனா ரனாவத்தை டேட் செய்தது உண்மையே. இது பாலிவுட்டில் உள்ள அனைவருக்கும் தெரியும். உண்மை தெரிந்தும் அனைவரும் கங்கனாவை ஒதுக்குகிறார்கள் என்று பிரபல விளம்பர பட இயக்குனர் பிரகலாத் காக்கர் தெரிவித்துள்ளார். பாலிவுட்டில் தாக்குப்பிடிப்பது எளிது அல்ல. அப்படி இருக்கும்போது சினிமா பின்னணி இல்லாமல் வந்து சாதித்துள்ளார் கங்கனா.

அவரின் துணிச்சலை பாராட்டியே ஆக வேண்டும் என்கிறார் காக்கர். கங்கனா சொல்வது உண்மை. சைக்கோ, மனநல சரியில்லாதவர் என்று ரித்திக் சொன்னது தான் கங்கனாவை கோபம் அடைய செய்தது என்று காக்கர் தெரிவித்துள்ளார். ரித்திக் தன்னை காதலித்தார் என்று கங்கனா கூறி வருகிறார். இல்லவே இல்லை என்கிறார் ரித்திக்.

இதில் யார் பேச்சை நம்புவது என்று பலரும் குழம்பிய நிலையில் காக்கரின் பேட்டி வெளியாகியுள்ளது. 

 மும்பை, செப்.8- விண்வெளியை மையமாக வைத்து பாலிவுட்டில் ஒரு படம் உருவாக உள்ளது. அதில் நடிகர் மாதவன் நாயகனாக நடிக்கவுள்ளார். 'லாகூர்' எனும் படத்தை இயக்கிய பாலிவுட் இயக்குநர் சஞ்சய் புரான் சிங் சௌஹான் தான் இந்தப் புதிய விண்வெளிப் படத்தை இயக்குகிறார். 

இப்படத்திற்கு 'சந்தா மாமா தூர் கே' (Chanda Mama Door Ke) என்று தலைப்பு வைத்துள்ளனர். இந்தப் படத்தில் மாதவன் நடிக்க ஒப்பந்தமாகி உள்ளார். இரண்டு விண்வெளி வீரர்களைப் பற்றிய கதை இது என்று படக் குழு தெரிவித்துள்ளது. 

அந்த இரண்டு விண்வெளி நாயகர்களாக மாதவன் மற்றும் ‘தோனி தி அன்டோல்டு ஸ்டோரி’ படத்தில் தோனியாக நடித்த சுஷாந்த் சிங் ராஜ்புட் ஆகியோர் நடிக்க உள்ளனர். 

விண்வெளி வீரர்களாக நடிப்பதால் அதற்கான சிறப்புப் பயிற்சிகளைப் பெற விரும்பி சுஷாந்த் சிங் மற்றும் மாதவன் ஆகியோர் நாசாவில் பயிற்சி பெற்று வருகிறார்கள். 

’அப்போலோ13’, ‘தி மார்ஷியன்’ ஆகிய படங்களில் பணியாற்றிய தொழில்நுட்ப வல்லுநர்கள் இந்தப் படத்திலும் பணியாற்ற உள்ளார்களாம். இப்படத்தில் நவாஸ்தின் சித்திக்கி ஒரு முக்கியக் கதாபாத்திரத்தில் நடிக்கிறார். விண்வெளி தொடர்பாக தமிழிலும் 'டிக் டிக் டிக்' எனும் திரைப்படம் ஜெயம் ரவி நடிப்பில் விரைவில் வெளியாகவுள்ளது குறிப்பிடத்தக்கது.

 

 

More Articles ...