மும்பை, டிசம்.14- திரையுலகிற்குள் மீண்டும் பிரவேசம் செய்திருக்கும் நடிகை ஐஸ்வர்யா ராய், தான் கலந்து கொள்ளும் நிகழ்ச்சிகளில் முன்பைக் காட்டிலும் இரு மடங்கு கூடுதலான நேர்த்தி மிகு கவர்ச்சி உடைகளில் வலம் வரத்தொடங்கி இருக்கிறார்.

உலக அழகியாக தேர்ந்தடுக்கப்பட்ட பின்னர் 1997ஆம் ஆண்டில் முதன் முறையாக தமிழ்ப் படத்தில் தான் ஐஸ்வர்யா அறிமுகமானார் என்பது குறிப்பிடத்தக்கது. மணிரத்னம் இயக்கிய 'இருவர்' படத்தின் மூலம் திரையுலகிற்குள் காலடி எடுத்து வைத்த பின்னர் போலிவுட் திரைகளில் அபார வெற்றிகளைக் குவித்து உலக அரங்கில் மிகப் பிரலமான நடிகையாக புகழ் பெற்றார். 

பின்னர். மற்றொரு பிரபல போலிவுட் திரைக் குடும்பமான அமிர்தாப் பச்சானின் மகனான அபிஷேக் பச்சானை மணந்த பின்னர் அவர் திரையுலகை விட்டு ஒதுங்கி இருந்தார்.

இரண்டு குழந்தைகளுக்கு தாயான நிலையில், 44 வயதை எட்டிவிட்ட நடிகை ஐஸ்வர்யா மீண்டும் திரையுலகிற்குள் நுழைந்து சில முக்கிய பாத்திரங்களில் நடிக்கத் தொடங்கியுள்ள நிலையில், முன்பை விட அதிகமான, தேர்வு செய்த சில பொது நிகழ்ச்சிகளில் அவர் தவறாமல் கலந்து கொள்கிறார்.

அப்படி கலந்து கொள்ளும் நிகழ்வுகளின் போது தனது உடைகளில் அவர் கவனம் செலுத்தி வருகிறார் அவர் அணியும் விதமான விதமான உடைகள், மாடல் உலகின் கவனத்தைத் திரும்பிப் பார்க்கச் செய்திருக்கிறது. சில தினங்களுக்கு முன்னர் மும்பையில் நடந்த இரவு விருந்து நிகழ்ச்சி ஒன்றில் கலந்து கொண்ட போது அவர் அணிந்திருந்த கவர்ச்சியான உடை பல தரப்பினரையும் கவர்ந்துள்ளது.

இந்த உடையின் மதிப்பு கிட்டத்தட்ட 4 லட்ச ரூபாய் என்ற தகவலுடன் 'டக்சிடோ' என்ற இந்த உடையைத் தயாரித்தவர் பிரபல ஆடை வடிவமைப்பாளரான அலெக்சில் மாபிலே என்பவராவார். ஐஸ்வர்யாவின் இந்தக் கவர்ச்சி உடையணிந்த படங்கள், சமூக ஊடகங்களில் பரபரப்பான பரவி வெகுவான வரவேற்பைப் பெற்றுள்ளது என்பது குறிப்பிடத்தக்கது.

சென்னை, டிச.12- நடிகர் ரஜினிகாந்தின் பிறந்த நாளை முன்னிட்டு அவர் நடித்து வரும் காலா படத்தின் இரண்டாவது போஸ்டர் இன்று வெளிடப்பட்டது. இதனை தனுஷ் தனது டிவிட்டரில் வெளியிட்டார்.

நடிகர் ரஜினியின் பிறந்தநாள் இன்று 12/12/2017 தனது 67வது பிறந்தநாளைக் கொண்டாடுகிறார். இவரின் பிறந்தநாளை ரசிகர்கள் கோலாகலமாக கொண்டாடுவது வழக்கம். இதனாலேயே இவரின் பிறந்தநாள் அன்று சிறப்பு அறிவிப்புகள் ஏதேனும் வெளியிடுவதை பட நிறுவனங்கள் வழக்கமாக கொண்டிருக்கின்றன. 

அவ்வகையில், தற்போது இயக்குனர் பா.ரஞ்சித் இயக்கத்தில் ரஜினி நடித்து வரும் காலா படத்தின் இரண்டாவது போஸ்டர் இன்று வெளியிடப்பட்டது. 

காலா படத்தின் தயாரிப்பு நிறுவனமான வண்டர்பார் கம்பெனி சார்பாக அதன் தயாரிப்பாளர் தனுஷ் இந்த போஸ்டரை தனது டிவிட்டரில் வெளியிட்டார்.

அதில் 'சூப்பர் ஸ்டார் அவர்களுக்கு பிறந்தநாள் நல்வாழ்த்துகள்" என்ற வாசகமும் இடம் பெற்றுள்ளது.

பாட்னா, நவ.28- பிரபல திரைப்பட இயக்குநர் சஞ்ஜய் லீலா பன்சாலியின் இயக்கத்தில் உருவாகியுள்ள பிரமாண்ட திரைப்படமான 'பத்மாவதி'க்கு  பீஹார் மாநிலத்தில்  தடை விதிக்கப்பட்டுள்ளதாக அம்மாநில முதலமைச்சர் நிதிஷ் குமார் அறிவித்துள்ளார். 

ராஜஸ்தான், குஜராத் மற்றும் மத்திய பிரதேசம் ஆகிய மாநிலங்களிலும் அப்படத்திற்கு ஏற்கெனவே தடை விதிக்கப்பட்டுள்ளது. 

இந்தப் படத்திற்குத் தடை விதிக்கப்பட வேண்டும் என்ற வழக்கறிஞர் மனோஹர் லால் ஷர்மாவின் மனுவை, உச்சநீதிமன்றம் நிராகரித்து விட்ட நிலையில்,  உடனடியாக பீஹார் இந்த தடையை அமல்படுத்தியது.

இப்படம் திரைக்கு வராத பட்சத்தில், அதைத் தடை செய்ய வேண்டும் என்று அரசியல்வாதிகளோ அல்லது முக்கியப் பதவிகளை வகிப்பவர்கள் கருத்து வெளியிட வேண்டாம் என்று உச்ச நீதிமன்றம் அறிவுறுத்தியதை அலட்சியப் படுத்தும் வகையில் முதல்வர் நிதிஷ் குமார் அம்மாநிலத்தில் 'பத்மாவதி' படத்திற்கு தடை விதித்துள்ளார். 

இதனிடையில், பா.ஜ.க உறுப்பினர்கள் சிலரும் அவர்களின் ஆதரவாளர்களும், பீஹார் சட்டமன்ற வாசலில், இப்படத்தை வெளியிடக்கூடாது என்று கோஷம் போட்டு மறியலில் ஈடுபட்டுள்ளனர்.  இத்திரைப்படத்திற்கு மத்திய திரைப்பட வாரியத்தின் சான்றிதழ் இதுவரை வழங்கப்படவில்லை என்பது குறிப்பிடத்தக்கது. 

அதே வேளையில் மனோஹர் ஷர்மாவின் மனுவை நிராகரித்த உச்ச நீதிமன்றம்,தடை செய்யும் அதிகாரம் மத்திய திரைப்பட வாரியத்திற்கு தான் உள்ளது என்று தெரிவித்துள்ளது. அநாவசியமாக 'பத்மாவதி' திரைப்படம் குறித்து அரசியல்வாதிகள் கருத்துரைத்ததால் தான் அப்படத்திற்கு எதிர்ப்பு வலுவாகியதாகவும் உச்ச நீதிமன்றம் கூறியது. 

 

 

 

 

சென்னை, நவ.23- தமிழ் சினிமாவில் ‘எங்கள் அண்ணா’ திரைப்படத்தில் அறிமுகமாகி, கவர்ச்சி கன்னியாக வலம் வந்து ‘மச்சான்ஸ்' என்று ரசிகர்களை அழைத்து, அவர்கள் மத்தியில் பிரபலமடைந்த நடிகை நமீதாவிற்கு நாளை காலை 5.30 மணிக்கு திருப்பதி கோவிலில் திருமணம் நடைப்பெறவிருக்கிறது. தனது காதலரும், தயாரிப்பாளரும், அறிமுக நடிகருமான வீரேந்திர சவுத்ரியை அவர் மணக்கவிருக்கிறார். 

இதனிடையில், நேற்று திருப்பதியில் உள்ள நட்சத்திர தங்கும் விடுதியில், நமீதாவின் 'மெஹெந்தி' நிகழ்ச்சியும், அவரின் நிச்சயதார்தமும் விமரிசையாக நடந்தன. இதில் நமீதா மற்றும் வீரேந்திராவின் பெற்றோர்கள், அவர்களின் நெருங்கிய நண்பர்கள் மற்றும் உறவினர்கள், கலந்துக் கொண்டனர். 

நடிகர் பிரசன்னா மற்றும் அவரின் மனைவி நடிகை சினேகா, பிக் பாஸ் புகழ் ரைசா வில்சன் ஆகியோரும் இதில் கலந்து கொண்டனர். திருமணம் முடிந்ததும், சென்னையில் திருமண வரவேற்பு நிகழ்ச்சி நடத்த நமீதா திட்டமிட்டிருக்கிறார். 

More Articles ...