சென்னை, ஜூலை.20- "நம்ம ஓவியா புள்ள சினிமால நடிச்சப்ப கூட இவ்ளோ பிரபலம் ஆகல. ஆனா, பிக் பாஸ் கமல் கூட சேர்ந்து இப்போ அவங்க உலக பூரா பேமஸ்.." இது தான் ஓவியாவின் தற்போதைய புகழ். இவருக்கு திடீர் ரசிகர் மன்றங்களும் சமூக வலைத்தளங்களில் உருவாகி விட்டன என்பது ஹைலைட்.

பிக் பாஸ் நடிகர் நடிகைகளின் உண்மை முகத்தைக் காட்டி வருகிறது. தொடக்கத்தில் ஜூலிக்கும் ஆர்த்திக்கும் மக்கள் பெரும் ஆதரவு கொடுத்த நிலையில் ஓவியாவைப் பலர் திமிர் பிடித்தவர் என்று கூட திட்டி தீர்த்தனர். ஆனால் 15 நாட்களில் நிலைமை தலைக்கீழாக மாறிவிட்டது.

அன்று பாராட்டப்பட்ட ஜூலி இப்போது நெட்டிசன்களால் வறுத்தெடுக்கப்படும் நிலையில் ஓவியாவிற்கோ சமூக வலைத்தளங்களில் பல திடீர் ரசிகர் மன்றங்கள் உருவாகி விட்டன. அவற்றிற்கு 'ஓவியா ஆர்மி, ஓவியா புரட்சி படை, ஓவியா ஆதரவு படை' ஆகியவை தான் தற்போது பிரபலம்.

முன்பு யாரையாவது கலாய்க்கவே மீம்ஸ் போடப்பட்டது மாறி, தற்போது ஓவியாவை பெரிதும் பாராட்டியே மீம்ஸ்கள் வெளிவருகின்றன.

போகிற போக்கில் பிக் பாஸ் என்று கமலை கூப்பிடுவதை விடுத்து இனி ஓவியாவை தான் கூப்பிடுவார்கள் போல. 

மும்பை, ஜூலை.19- பிரபல நடிகை பிடிஷா பெஸ்புராக் தனது வீட்டில் தூக்கு போட்டு தற்கொலை செய்து கொண்டார். அஸ்ஸாம் மாநிலத்தை சேர்ந்தவர் பிதிஷா பெஸ்பருவா (வயது 30). 

இவர் டி.வி மற்றும் சினிமாவிலும் நடித்துள்ளார். மேலும் இவர் மேடை நிகழ்ச்சிகளிலும் கலந்து கொண்டு, பாடகியாகவும் வலம் வந்துள்ளார். ரன்பீர் கபூர், கத்ரீனா கைஃப் நடிப்பில் கடந்த வாரம் வெளியான ‘ஜக்கா ஜசூஸ்’ படத்திலும் நடித்திருந்தார். 

பிதிஷா, குஜராத்தை சேர்ந்த ஒருவரை காதலித்து கடந்த ஆண்டு திருமணம் செய்து கொண்டு, மும்பையில் கணவருடன் வசித்து வந்த பிதிஷா அண்மையில் தான் குருகிராமுக்கு மாறியுள்ளார்.

இந்நிலையில், பிதிஷாவின் தந்தை அவருக்கு போன் செய்தபோது அவர் எடுக்கவில்லை. பிதிஷா போனை எடுக்காததால் சந்தேகம் அடைந்த அவரின் தந்தை போலீசாருக்கு தகவல் கொடுத்தார். போலீசார் பிதிஷாவின் வீட்டிற்கு சென்றபோது கதவு உள்புறமாக பூட்டியிருந்தது.

போலீசார் கதவை உடைத்து உள்ளே சென்றபோது பிதிஷா மின்விசிறியில் தூக்கில் பிணமாகத் தொங்கியது கண்டுபிடிக்கப்பட்டது. அவர் தற்கொலை செய்யும் முன்பு கடிதம் எதுவும் எழுதி வைக்கவில்லை எனவும் தகவல் வந்துள்ளது. 

பிதிஷாவுக்கும் கணவருக்கும் இடையே அடிக்கடி சண்டை ஏற்பட்டுள்ளது. கணவரின் பெற்றோர் தன்னை கொடுமைப்படுத்துவதாக பிதிஷா கூறி வந்துள்ளார். கணவரை விவாகரத்து செய்ய விரும்பிய நிலையில் அவர் தற்கொலை செய்து கொண்டுள்ளார்.

இந்நிலையில், குடும்பத்தாரிடம் விசாரித்ததில், சில தினங்களாக அவர் நடவடிக்கை சரியில்லாமல் இருந்தது. உனக்கு எதாவது பிரச்சனையா என்று கேட்டோம், ஆனால் அவர் காரணம் எதுவும் சொல்லவில்லை என்றும் கூறினர்.

மேலும் நடிகை பிடிஷாவின் தற்கொலைக்கான காரணம் இன்னும் உறுதி செய்யப்படாத நிலையில், அவர் மன அழுத்தம் காரணமாக தற்கொலை செய்திருப்பார் எனவும் கூறப்படுகிறது.இருப்பினும் அவரின் இறப்பில் மார்மம் இருப்பதாக கூறிய குடும்பத்தார்  நீதி விசாரணை வேண்டும் என கேட்டுள்ளனர்.

சென்னை, ஜூலை.19 – இந்த உலகத்தில் ஒழிக்க முடியாதது லஞ்சம்தான் என்று சொல்லுவார்கள். லஞ்ச ஊழலை ஒழிக்கவே முடியாது என்று பலர் கூறினாலும் லஞ்சம் பற்றிய ஐந்து நிமிடப் படம் ஒன்று உலக மக்களை பெரிதும் ஈர்த்திருக்கிறது.

இந்தியாவைச் சேர்ந்த ஒருவரின் லஞ்சப் பின்னணியை வைத்து உருவாக்கப்பட்டிருக்கும் இந்த ‘மகா குட்டி’ படத்தை இயகியவர் 30 நிமிடத்தில் எடுத்து முடித்தார். லஞ்சம் என்பது வீட்டிலிருந்து தான் கற்றுக் கொடுக்கப்படுகிறது என்ற கருத்தை மையமிட்டு இந்த படம் தயாரிக்கப்பட்டுள்ளது.

    ### காணொளி: நன்றி Mango News

இந்தப் படம் பார்த்தோர் மனதில் பசுமையாக படிகின்ற வகையில் அமைந்து விட்டதுதான், உலக அளவில் ஈர்ப்பை ஏற்படுத்தியதற்குக் காரணம் எனலாம். 

லண்டன், ஜூலை.17- ‘இசைக்கு மொழி கிடையாது, இப்போது எழுந்து உள்ள விமர்சனங்களால் தான் மிகவும் வருத்தம் அடைந்து உள்ளதாகவும் கூறி ஏஆர் ரகுமானுக்கு பிரபல பின்னணி பாடகி லதா மங்கேஷ்கர் ஆதரவு தெரிவித்தார். 

இசையமைப்பாளர் ஏ.ஆர்.ரகுமான் லண்டனில் ‘நேற்று இன்று நாளை’ என்ற பெயரில் சமீபத்தில் நடத்திய இசை நிகழ்ச்சி சர்ச்சையை ஏற்படுத்தியது. இந்த நிகழ்ச்சியில் ஏ.ஆர்.ரகுமான் அதிகமான தமிழ் பாடல்களை பாடியதாக இந்தி ரசிகர்கள் எதிர்ப்பு தெரிவித்தனர். இதனால் சமூக வலைதளங்களில் அவரது ரசிகர்கள் இடையே கடும் மோதல் ஏற்பட்டது.  

இதுபற்றி, இந்திய சினிமாவின் பிரபல பின்னணி பாடகி லதா மங்கேஷ்கர் பேசுகையில், ‘இசைக்கு மொழி கிடையாது என்றும் இப்போது எழுந்து உள்ள விமர்சனங்களால் தான் மிகவும் வருத்தம் அடைந்து உள்ளதாகவும் கூறினார்.  

மேலும் அவர் பேசுகையில், ‘என்னுடைய 70 வருட அனுபவத்தில் அதிகமான பிராந்திய மொழி பாடல்களை மேடைகளில் பாடி உள்ளேன், பஞ்சாபி, பெங்காலி மற்றும் தோக்ரி மொழி பாடல்களை கூட பாடியுள்ளேன். இந்திய மொழிகளில் பாடப்படும் அனைத்து பாடல்களையும் இசை ரசிகர்கள் ரசிப்பார்கள், இசைக்கு மொழி கிடையாது’ என்றார்.  

மேலும், ரகுமான்ஜி தமிழில் மிகவும் அதிகமான பாடல்களை பாடியுள்ளார், அவருடைய தமிழ்ப் பாடல்கள் இந்திக்கு மொழிபெயர்ப்பு செய்யப்பட்டு உள்ளது. இரு மொழியிலும் இந்த பாடல்கள் மிகவும் பிரபலமானவை. என்னுடைய அதிகமான இந்தி மொழிப் பாடல்கள் பெங்காலியில் உருவாக்கப்பட்டதுதான் என்றார்.  

‘சகிப்புத் தன்மையின்மையின் அறிகுறியானது இசையிலும் வளர வேண்டும், அதை நான் உணர்கிறேன், இது போன்ற சர்ச்சைகள் ஆரோக்கியமானது அல்ல’ எனவும் லதா மங்கேஷ்கர் கூறியுள்ளார்.  

லதா மங்கேஷ்கர் நீண்டகால பயணத்தில் சுமார் 38 பிராந்திய மொழிகளிலும், அனைத்துலக மொழிகளிலும் பாடியுள்ளார் என்பது குறிப்பிடத்தக்கது. 

More Articles ...