சென்னை, நவ.15- இந்திய ரசிகர்களை மட்டுமல்லாது உலக ரசிகர்களையும் அசர வைத்த பாகுபலி படத்தின் முதல் பாக கிளைமாக்ஸ் காட்சியை நடன வடிவில் தந்து பார்வையாளர்களைக் கவர்ந்த காணொளி தற்போது இணையத்தில் பரவலாகி வருகிறது.

இந்தியில் நடந்து நடன போட்டி தான் டான்ஸ் சேம்பியன்ஸ். இது ஃபுஷன் எனப்படும் புதுவகை நடனங்களும் பாரம்பரிய நடனங்களையும் படைத்து வெற்றியாளர் யார் என்பதை கண்டெடுக்கும் போட்டி. இதில் பாகுபலி முதல் பாகத்தின் இறுதிக் காட்சியினை மையமாக வைத்து நடனம் ஒன்றினை கிங்ஸ் யூனைடெட் எனும் குழு படைப்பு வழங்கியது. 

அதில் பிரபாஸ் போலவும் கட்டப்பா போலவும் மற்றும் படை வீரர்கள் போலவும் நடன கலைஞர்கள் உடையணிந்து மிக வித்தியாசமான முறையில் படைப்பு செய்திருந்தனர். 

கடந்த 12ம் தேதி இணையத்தில் வெளியிடப்பட்ட இந்த காணொளியை முகநூலில் மட்டும் இதுவரை 2.2 மில்லியன் பார்வையாளர்கள் பார்த்துள்ளனர். மேலும் 58,000-க்கும் மேற்பட்டோர் இதனைப் பகிர்ந்துள்ளனர். பாகுபலி படத்தின் காட்சியை இப்படியும் மேடையில் நடன வடிவில் படைக்க முடியுமா என்று பலர் கருத்து தெரிவித்துள்ளனர்.

ஹைதராபாத், நவ.14- நடிகை சமந்தாவின் மாமனாரான நடிகர் நாகர்ஜுனாவுக்கு சொந்தமான அன்னபூர்ணா ஸ்டுடியோஸில் பயங்கர தீ விபத்து ஏற்பட்டது. 

ஹைதராபாத்தில் உள்ள பஞ்சரா ஹில்ஸ் பகுதியில் நடிகர் நாகர்ஜுனாவுக்கு சொந்தமான அன்னபூர்ணா ஸ்டுடியோஸ் உள்ளது. அந்த ஸ்டுடியோவில் பயங்கர தீ விபத்து ஏற்பட்டது. இது குறித்து உடனே தீயணைப்பு துறையினருக்கு தகவல் கொடுக்கப்பட்டது.

தகவல் கிடைத்தவுடன் தீயணைப்பு துறை வீரர்கள் நான்கு வாகனங்களில் சம்பவ இடத்திற்கு விரைந்து வந்தனர். அவர்கள் 2 மணிநேரம் போராடி தீயை அணைத்தனர். ஸ்டுடியோவில் இருந்த 2 படங்களின் செட்டுகள் முற்றிலும் எரிந்து நாசமாகியுள்ளது. அதில் ஒன்று நாகர்ஜுனா தனது மகன், அப்பாவுடன் சேர்ந்து நடித்த மனம் படத்தின் செட் ஆகும். 

2 செட்டுகள் எரிந்தபோது அங்கு யாரும் இல்லை. அதனால் இந்த விபத்தில் யாருக்கும் காயம் ஏற்படவில்லை. செட்டுகள் எரிந்ததில் நாகர்ஜுனாவுக்கு நஷ்டம் ஏற்பட்டுள்ளது.

நாகர்ஜூனாவின் அப்பா நாகேஸ்வர ராவ் அகினேனி துவங்கிய அன்னபூர்ணா ஸ்டூடியோவில் படங்கள், ரியலிட்டி  ஷோக்கள், டிவி தொடர்கள் என்று ஏதாவது ஷூட்டிங் நடந்து கொண்டே இருக்கும் என்பது குறிப்பிடத்தக்கது.  

தீ சம்பவத்திற்கு சதி செயல் காரணமா என்று போலீசார் விசாரணை நடத்தி வருகின்றனர்.

சென்னை, நவ.6- வடிவேலு, சந்தானம் உள்ளிட்டவர்கள் ஹீரோவாக நடிக்கத் துவங்கிவிட்டதால் தற்போது தமிழ் சினிமா காமெடியன்களில் முன்னணி இடத்தில் இருப்பவர் யோகிபாபு.

அவர் பாலிவுட் சூப்பர்ஸ்டார் ஷாருக்கான் பிறந்தநாள் அன்று ட்விட்டரில் அவருக்கு பிறந்தநாள் வாழ்த்து தெரிவித்திருந்தார். ஷாருக்குடன் அவர் இணைந்து நடித்த சென்னை எக்ஸ்பிரஸ் படத்தின் ஷூட்டிங்கின் போது எடுக்கப்பட்ட ஒரு புகைப்படத்தையும் அவர் பதிவிட்டிருந்தார்.\

காமெடியன் யோகிபாபுவின் வாழ்த்துக்கு நன்றி தெரிவித்துள்ள ஷாருக்கான் காமெடி("that was a fun film") எனவும் குறிப்பிட்டுள்ளார். தன்னுடன் சிறிய வேடத்தில் நடித்த காமெடியனாக இருந்தாலும் நன்றி தெரிவித்துள்ள ஷாருக்கானை அவரது ரசிகர்கள் கொண்டாடுகிறார்கள்.

ஷாருக்கான் தனக்கு நன்றி தெரிவித்ததில் நடிகர் யோகிபாபுவும் நிச்சயமாக நெகிழ்ந்து போயிருப்பார். தற்போது யோகிபாபு விஜய் சேதுபதி நடிக்கும் 'ஜூங்கா' படத்தின் ஷூட்டிற்கிற்காக பாரீசில் இருக்கிறார்.

மும்மை, நவ.4- நல்ல பெயர் எடுக்க தீபிகா படுகோனே ரகசியமாக செய்த வேலையால் அவரின் காதல் முறிந்துவிட்டதாக கூறப்படுகிறது. சஞ்சய் லீலா பன்சாலி இயக்கத்தில் தீபிகா படுகோனே, அவரது காதலர் ரன்வீர் சிங், ஷாஹித் கபூர் உள்ளிட்டோர் நடித்துள்ள படம் பத்மாவதி. ராணி பத்மாவதியாக தீபிகா நடித்துள்ளார்.

படத்திற்கு ஏகப்பட்ட பிரச்சனைகள் கிளம்பியுள்ளன. பத்மாவதி 3டி ட்ரெய்லர் வெளியிடும் நிகழ்ச்சிக்கு மீடியாக்களுக்கு அழைப்பு விடுக்கப்பட்டது. இந்த நிகழ்ச்சியில் தீபிகா, ரன்வீர், ஷாஹித் கலந்து கொள்வதாக தெரிவிக்கவில்லை. தீபிகாவோ ரன்வீர், ஷாஹிதுக்கு தெரியாமல் ட்ரெய்லர் வெளியீட்டு நிகழ்ச்சியில் கலந்து கொண்டார். இது குறித்து அறிந்த ரன்வீர், ஷாஹித் கோபம் அடைந்தனர்.

தீபிகா இப்படி நடந்து கொண்டது ரன்வீர் சிங்கிற்கு சுத்தமாக பிடிக்கவில்லை. இதனால் அவர் தீபிகாவுடன் பேசுவதை நிறுத்திவிட்டார். காதல் முறிந்துவிட்டது என்பது போன்று ட்வீட்டியுள்ளார். ஏற்கனவே தீபிகா, ரன்வீர் இடையே பிரச்சனையாக இருந்தது என்பது குறிப்பிடத்தக்கது.

பத்மவாதி முன்னோட்டங்களைப் பார்த்த ரசிகர்கள் ரன்வீர், ஷாஹித் கபூர் பற்றி மட்டுமே பேசினார்கள். கூமர் பாடலை பார்த்தும் கூட யாரும் தீபிகாவை கண்டுகொள்ளவில்லை. இதனால் பொறாமையில் தீபிகா இப்படி செய்துள்ளதாக கூறப்படுகிறது. 

More Articles ...