திருமணமாகி 8 ஆண்டுகளுக்குப் பிறகு ஜோதிகா நடித்த 36 வயதினிலே படம் வசூலைக் குவித்தது. இதனையடுத்து  நல்ல கதையம்சம் கொண்ட படங்களில் மட்டும் நடிக்க விருப்பம் என ஜோதிகா கூறியிருந்தார். 

இந்நிலையில் "குற்றம் கடிதல்" படத்தை இயக்கிப் பிரபலமான   இயக்குனர் பிரம்மா ஜி-யின் புதிய கதை   ஜோதிகாவுக்குப் பிடித்துள்ளதாம்.  இதனையடுத்து இப்படத்திற்காக திரைக்கதை அமைக்கும் பணிகள் கடந்த சில மாதமாக நடந்து முடிந்துள்ள நிலையில் தற்போது பட வேலைகள் தொடங்கியுள்ளன.  

தாய்ப்பாசத்தை மையமாக வைத்து தயாராகும் இப்படத்தில் ஜோதிகா கிராமத்து அம்மா வேடத்தில் நடிக்கிறார். 

சென்னை, ஜூலை 8- அழகி, கன்னத்தில் முத்தமிட்டால் போன்ற படங்களில் நடித்தவர் நந்திதா தாஸ். கனமான கதபாத்திரங்களில் மட்டுமே நடிப்பேன் என்ற எண்ணத்தோடு சினிமாவில் வலம் வருபவர்  இவர். 

இந்தியில் சில படங்களில் நடித்தவர் பின்னர் இயக்குனராக அறிமுகமானார். இதற்கு முன் அரசியல் சார்ந்த கதையான 'பைராக்' என்ற படத்தை இயக்கினார். 

அதோடு, புதிய படத்தினை இயக்கும் முயற்சியிலும் இறங்கியுள்ளார். அதற்கான வேலைகள் ஒருபுறம் நடக்க, தற்போது மீண்டும் தமிழில் நடிக்க ஒப்புக் கொண்டுள்ளார் நந்திதா. 

பாடலாசிரியர் குட்டி ரேவதி இயக்கவிருக்கும் படத்தின் தான் இவர் நடிக்கவுள்ளார். படத்தில் நாயகனாக சமுத்திரக்கனி நடிக்கவிருப்பதாக கூறப்படுகிறது. 

குடும்ப பெண்கள் மீது நடக்கும் வன்முறைகள் பற்றிய கதையாக இப்படம் அமையும் என்கிறது சினிமா வட்டாரம்.

சென்னை, ஜூலை 8- லதா ரஜினிகாந்திற்கு உச்ச நீதிமன்றம் நோட்டிஸ் அனுப்பியுள்ளதாக செய்தி வெளியாகியுள்ளது. இந்திய வரலாற்றில் பெரிய திருப்புமுனையாக அமைந்தப்படம் கோச்சடையான்.

ரஜினி நடிப்பில் அவரின் மகள் சௌந்தர்யா இயக்கத்தில் வெளியான அனிமேஷன் படமான இதன் திரைப்பட உரிமையைத் தருவதாக கூறி ஆட் ப்யூரோ நிறுவனத்திடம் ரூ.10 கோடியை லதா ரஜினிகாந்த் பெற்றதாக கூறப்படுகிறது. 

ஆனால் கூறியப்படி, படத்தின் உரிமையை அவர்களுக்கு லதா வழங்கவில்லையாம். பெற்ற பணத்தையும் திருப்பி தரவில்லையாம். இதனால் அந்நிறுவனம் லதா ரஜினிகாந்த் மீது பெங்களூர் நீதிமன்றத்தில் வழக்கு தொடர்ந்தது. 

ஆனால், பெங்களூர் நீதிமன்றத்தில் அவ்வழக்கு தள்ளுபடி ஆக, ஆட் ப்யூரோ நிறுவனம் உச்ச நீதிமன்றத்தில்  வழக்கைப் பதிவு செய்தது. அந்த வழக்கு இன்று விசாரணைக்கு வந்தது. 

வழக்கை விசாரித்த நீதிபதி, இந்த வழக்கு தொடர்பாக லதா ரஜினிகாந்த் 4 வாரத்திற்குள் பதிலளிக்க வேண்டும் என உத்தரவிட்டு நோட்டிஸ் அனுப்பியுள்ளார்.

சிம்புவை வைத்து "அச்சம் என்பது மடமையடா" படத்தை எடுக்கும் கெளதம் மேனன், பட ம் முடிவதற்கு முன்பே தனுஷை வைத்து "என்னை நோக்கிப் பாயும் தோட்டா" என்ற படத்தை எடுக்கத் தொடங்கினார்.

தற்போது இரு படங்களுமே இறுதிக்கட்டத்தை எட்டியுள்ளன. இப்படங்கள் இந்தியாவில் தான் படமாக்கப்பட்டுள்ளன. எனினும், தமது அடுத்த படத்தை "வாரணம் ஆயிரம்", "வேட்டையாடு விளையாடு" ஆகிய திரைப்படங்களைப் போல அமெரிக்காவில் வைத்து இயக்கப் போவதாகச் செய்திகள் வெளியாகியுள்ளன.

More Articles ...