சென்னை, 11 மார்ச்-  இயக்குனர் மணிரத்னத்தில் அடுத்த படத்தில் அதர்வா நாயகனாக நடிக்கலாம் என்று செய்திகள் வெளியாகியுள்ளன.   மிகுந்த  எதிர்ப்பார்ப்புடன் தான் எடுத்த கடலில் மூழ்கிய மணிரத்னத்தை  ஓ காதல் கண்மணி மீட்டுத் தந்தது.  ஓகே கண்மணி படத்திற்குப் பிறகு தற்போது கார்த்தி, சாய்பல்லவியை வைத்து தனது அடுத்த படத்தை மணி ரத்னம் இயக்கவுள்ளார். 

 இப்படத்தில் காலஞ்சென்ற நடிகர் முரளியின் மகன் நடிக்கலாம் என தகவல்கள் வெளியாகியுள்ளன.  

 தட்டுத் தடுமாறிக்கொண்டிருந்த அதர்வாவிற்கு ஈட்டி, கணிதன் ஆகியப் படங்கள் வெற்றியைக் கொடுத்துள்ளன.  இதனால் அதர்வாவின் மார்கெட் மதிப்பு தற்போது அதிகரித்துள்ளது. 

 இந்நிலையில் தான், மணிரத்னத்தின் அடுத்த படத்தின் ஹீரோ விஷயத்தில் அதர்வாவின் பெயர் அடிபடுகிறது. 

 

கோலாலம்பூர்- இன்று உலகம் முழுதும் மூன்று தமிழ்த்திரைப்படங்கள் வெளியீடு காணவுள்ளன. இவர்களில் யார் வசூல் ரீதியில் வெற்றிப் பெறுவர் என ரசிகர்களிடையே எதிர்பார்ப்பு உருவாகியுள்ளது.

மிருதன்

 

ஜெயம் ரவி, லட்சுமி மேனன் நடிப்பில் வெளிவந்துள்ள படம் மிருதன். தமிழில் முதல் முறையாக ஷோம்பி எனும் பேய் கதையை படமாக்கியுள்ளனர். படத்தின் முன்னோட்டம் வெளிவந்தபோதே ரசிகர்களின் ஆர்வத்தைத் தூண்டிய படம் இது. கடந்த ஆண்டு, ஜெயம் ரவி நடித்து வெளிவந்த ரோமியோ ஜூலியட் மற்றும் தனி ஒருவன் படங்கள் வெற்றி படமாக அமைந்தது குறிப்பிடத்தக்கது.

 

சேதுபதி

விஜய் சேதுபதியின் பெயரிலேயே வெளிவரும் படம் சேதுபதி. விஜய் சேதுபதியோடு ரம்யா நம்பீசன் இணைந்து நடிக்கும் இப்படம் ஒரு போலீஸ் அதிகாரியின் கதை என கூறப்படுகிறது. ஏற்கனவே பீட்சா படத்தில் இவர்கள் இருவரும் சேர்ந்து நடித்தனர். அப்படம் பெரும் வெற்றி பெற்றது. இதே ஜோடி இதில் இணைவதால் எதிர்பார்ப்பு அதிகரித்துள்ளது.

 

நவரச திலகம்

தொலைக்காட்சி தொகுப்பாளர் மகாபா ஆனந்த் நடித்த படம் தான் நவரச திலகம். 2014ம் ஆண்டில் வந்த வானவராயன் வல்லவராயன் படம் அவ்வளவாக ஓடவில்லை. இப்படத்தில் இவர் கிருஷ்டி டாங்கே என்ற நாயகியுடன் இணைந்து நடிக்கிறார்.

 

மலேசியாவின் ஜெயம் ரவிக்கும் விஜய் சேதுபதிக்கும் தனி ரசிகர் கூட்டம் இருக்கும்பட்சத்தில் எப்படம் ரசிகர்களை ஈர்க்கும் என்பது இவ்வாரம் தெரிந்துவிடும்.

மணிரத்னம் இயக்கும் ஒரு படத்தில்  கார்த்தி நடிக்கவுள்ளார்இப்பட்த்திற்காக அவர் உடல் எடையை வெகுவாகக் குறைக்கவுள்ளதாகவும் தகவல் வெளியாகியுள்ளது

 

முதலில் கார்த்தி, துல்கர் சல்மான் பட்த்தைத் தான் மணிரத்னம் இயக்கவிருந்தார். எனினும், படப்பிடிப்பு தள்ளிக்கொண்டே போனதால், துல்கர் சல்மான்  விலகிக் கொண்டார்அவருக்குப் பதிலாக நானி ஒப்பந்தம் செய்யப்பட்டார். ஆனால், அந்த படம் நிறுத்தப்பட்டது. அதே கதையில் இன்னொரு படம் வருவதுதான் இதற்குக் காரணம் எனக் கூறபட்டது.   

 

இந்நிலையில் தான், கார்த்தி, சாய் பல்லவி நடிக்கும் புதிய படத்தை மணிரத்னம் இயக்குவதாகத் தகவல் வெளியாகியுள்ளது

 

 

 

சென்னை, பிப்.19-  கலைஞர் கருணாநிதி மீண்டும் நடிகர் சங்க உறுப்பினர் ஆகவிருக்கிறார். திமுகவின் தலைவர் மு.கருணாநிதி திரையுலகிலிருந்தே அரசியலுக்கு வந்தவர். இவர் 1989ம் ஆண்டு முதல் தென்னிந்திய நடிகர் சங்கத்தில் உறுப்பினராக இருக்கிறார். அதோடு, ஓட்டுப் போடும் உரிமம் உள்ள ஆயுட்கால உறுப்பினருமாவார்.

 

ஆனால், சில காலத்திற்கு முன் அவரை ஓட்டு போடும் உரிமை இல்லாத, தொழிற்முறை அற்ற கௌரவ ஆயுட்கால உறுப்பினராக பதிந்திருந்தார்கள். இதனை விஷால் அணியினர் கடந்த நடிகர் சங்கத் தேர்தலின் போது கேள்வி எழுப்பினர்.

 

அதனைத் தொடர்ந்து, அண்மையில் நடந்த சங்கத்தின் செயற்குழு கூட்டத்தில் இது விவாதிக்கப்பட்டது. விவாதத்தைத் தொடர்ந்து கருணாநிதியை ஓட்டுப்போடும் உரிமை உள்ள ஆயுட்கால உறுப்பினராக ஆக்க முடிவு செய்யப்பட்டுள்ளது. இதனைப் பற்றிய அதிகாரப்பூர்வ அறிவிப்புகள் விரைவில் வெளிவரும் என எதிர்ப்பார்க்கப்படுகிறது

 

கலைஞர் கருணாநிதி, படத்தில் நடித்ததில்லை என்றாலும் நாடகத்தில் நடித்துள்ளதால் அதன் அடிப்படையிலேயே நடிகர் சங்க உறுப்பினராக இருக்கிறார்.

More Articles ...