சென்னை, ஜூன்.12-  நடிகர் விக்ரம் நடித்துப் புகழ்பெற்ற சாமி படத்தில் அடுத பாகமாக வெளிவரவிருக்கும் 'சாமி-2' படத்தில் விக்ரமுக்கு வில்லனாக  பாபி சிம்ஹா நடிக்க இருப்பதாகதகவல்கள் கசிந்துள்ளன.

கடந்த 2003-ஆம் ஆண்டு ஹரி இயக்கத்தில் வெளியான 'சாமி' படம் விக்ரமுக்கு மிகப்பெரிய வெற்றியையும் அவருக்கு திரையரங்கில் ஒரு மிகப்பெரிய திருப்புமுனையை ஏற்படுத்திய படம் என்று கூறலாம்.

தற்போது, நடிகர் விக்ரமும் இயக்குனர் ஹரியும் மீண்டும் "சாமி-2" என்ற பெயரில் உருவாகும் இப்படத்தின் 2-ஆம் பாகம் விரைவில் தொடங்கவிருக்கிறது. இப்படத்தில் வில்லனாக நடிக்க பாபி சிம்ஹாவிடம் பேச்சுவார்த்தை நடத்தியுள்ளதாக கூறப்படுகிறது.

விக்ரம் தற்போது "ஸ்கெட்ச்", துருவ நட்சத்திரம்" ஆகிய படங்களில் நடித்து வருகிறார். இப்படங்களை முடித்துக் கொடுத்த பிறகு "சாமி-2" வில் இணைவார் என எதிர்பார்க்கப்படுகிறது. 

நடிகர் பாபி சிம்ஹா அண்மைய காலமாக வில்லன் கதாபாத்திரத்தில் இருந்து விலகி, கதாநாயகமாக பல படங்களில் நடித்து வருகிறார். சாமி-2 படத்தின் மூலம் மீண்டும் வில்லனாக நடிக்கவிருப்பதாக கூறப்படுகிறது. இவருக்கு வில்லன் கதாபாத்திரத்திற்குத்தான் அவருக்கு தேசிய விருது கிடைத்தது. எனவே, வில்லனாக நடிக்கவே எனக்கு விருப்பம் என்று அவர் கூறியுள்ளார்.

சென்னை, ஜூன் 9- பிரியங்கா என்றாலே.. "யாரு அந்த சூப்பர் சிங்கர் பிரியங்காவா?" என்று எல்லாரும் கேட்கும் அளவிற்கு அண்மையில் சமூக வலைத்தளங்களில் பலரின் கவனத்தை தன் மேல் திருப்பியவர் வளர்ந்து வரும் பாடகி பிரியங்கா. 

விஜய் தொலைக்காட்சியின் சூப்பர் சிங்கர் போட்டியில் பங்கேற்ற பின்னர் சற்று பிரபலமானவர், அதன் பின்னர் அவர் பாடிய பாடல் சமூக வலைத்தளத்தில் வெளிவந்த பிறகு உலகெங்கும் பிரபலமானார். குறிப்பாக நான்கு வருடங்களுக்கு முன் இவர் பாடிய 'வண்ண வண்ண சின்ன குயில்' பாடல் முகநூலில் மட்டும் 2 மில்லியன் பார்வையாளர்களால் பார்க்கப்பட்டுள்ளது. 

முன்னதாக, டி. இமான் இசையில் பிரியங்கா சினிமா பாடலைப் பாடி விட்டாலும், தற்போது அவர் இசையமைப்பாளர் யுவன் சங்கர் ராஜா இசையில் பாடும் வாய்ப்பைப் பெற்றுள்ளார்.

அண்மையில் சூப்பர் சிங்கர் நிகழ்ச்சியில் சிறப்பு விருந்தினராக கலந்து கொண்ட யுவன், சிறப்பாக பாடும் மூவருக்கு தான் இசையமைத்து வரும் 'பலூன்' படத்தில் பாட வாய்ப்பு தருவதாக கூறியிருந்தார். யுவன் முன் பாடியவர்களில் பிரியங்காவும் ஒருவர். பிரியங்காவின் குரலைக் கேட்டு மிகவும் ரசித்த யுவன், அவருடன் ரிஸ்வான், பிரிய ஜெர்சன் ஆகிய மூவரையும் தனது இசையில் பாட தேர்ந்தெடுத்தார்.

சொன்னது போலவே சில நாட்களுக்கு முன்பு அவர்கள் மூவரையும் பலூன் படத்தில் பாட வைத்துள்ளார் யுவன்.

யுவன் இசைக்கு என்று உலகம் முழுதும் தனி ரசிகர் வட்டம் உள்ள நிலையில், அவரின் இசையில் பிரியங்காவின் குரல் ரசிகர்களை அதிகம் கவரும் என எதிர்ப்பார்க்கப்படுகிறது.  

சென்னை: தனுஷின் விஐபி 2 படத்தின் டீஸரை பாலிவுட் நடிகர் அமிதாப் பச்சன் தனது ட்விட்டரில் வெளியிட்டுள்ளார். ஆனால் டீசர் முழுதும் தனுஷின் காட்சிகள் மட்டுமே வருவதால் கஜோலின் பாத்திரத்திற்கு ஏன் சஸ்பென்ஸ் என ரசிகர்கள் வலைத்தளத்தில் கேள்வி எழுப்பியுள்ளனர்.

சவுந்தர்யா ரஜினிகாந்த் இயக்கத்தில் தனுஷ், அமலா பால், சமுத்திரக்கனி உள்ளிட்டோர் நடித்துள்ள படம் விஐபி 2. இந்த படத்தின் டீஸர் இன்று வெளியிடப்படும் என்று தனுஷ் அறிவித்திருந்தார். அதன்படி டீஸரை பாலிவுட் நடிகர் அமிதாப் பச்சன் ட்விட்டரில் வெளியிட்டுள்ளார். டீஸரில் ஹீரோயினையோ, வில்லி கஜோலையோ காணவில்லை. தனுஷ் மட்டுமே வலம் வருகிறார்.

டீஸரின் தொடக்கத்தில் சமுத்திரக்கனி "ஒருவனுக்கு எதிரி அதிகமாக இருந்தால் அவனைக் கண்டு பலர் பயப்படுகிறார்கள் என்று அர்த்தம்" என கூற தொடங்கி, சண்டைக் காட்சிகளும் சமுத்திரகனியின் வசனம் மட்டுமே இந்த டீஸரில் காட்டப்பட்டுள்ளது. 

படத்தில் முக்கிய பாத்திரத்தில் கஜோல் நடிப்பதாக கூறப்பட்ட நிலையில், அவர் நடித்த காட்சிகள் எதனையும் வெளியாக்காமல் படக்குழு சஸ்பென்ஸாக வைத்திருப்பது அடுத்த டீஸருக்கான காரணமோ என ரசிகர்கள் வலைத்தளத்தில் கேட்டுள்ளனர்.