எலிச் சிறுநீர் தொற்று நோய், ஜொகூரில் அதிகரிப்பு!

சுகாதாரம்
Typography

ஜொகூர்பாரு, செப்.23- லெப்டோஸ்பைரோசிஸ் எனப்படும் எலி சிறுநீர் தொற்று நோய் ஜொகூரில் அதிகரித்து வரும் வேளையில், கடந்தாண்டு 205-ஆக பதிவாகிய இந்த நோய்ச் சம்பவங்கள், இவ்வாண்டு 228 ஆக உயர்வு கண்டுள்ளன என்று மாநில சுகாதார, சுற்றுச்சூழல், கல்வி மற்றும் தகவல் துறை ஆட்சிக்குழுத் தலைவர் டத்தோ அயூப் ரஹ்மாட் கூறினார்.

இந்த ஆண்டில் அதிக எலி சிறுநீர் தொற்று நோய் சம்பவங்களாக ஜொகூர் பாருவில் 55 சம்பவங்கள் பதிவாகியுள்ளன. மேலும், சிகாமாட்டில் 37 சம்பவங்களும் குளுவாங்கில் 30 சம்பவங்களும் பதிவாகியுள்ளன. இந்த நோயால் கடந்த ஆண்டு 9 ஆக பதிவாகிய மரண எண்ணிக்கை, இந்த ஆண்டு 13-ஆக உயர்வு கண்டுள்ளது என்று அயூப் தெரிவித்தார். 

சுற்றுலா பகுதிகளான நீர்விழ்ச்சி, குளங்கள் மற்றும் ஏரிகள் போன்றவை அசுத்தமாக இருப்பதால் எலிகளின் சிறுநீர், கழிவுகளால், லெப்டோஸ்பைரோசிஸ் என்ற நோய் மனிதர்களைத் தாக்குகிறது என்று அவர் சுட்டிக் காட்டினார். 

மேலும், இது போன்ற சுற்றுலா பகுதிகளைச் சுற்றிப் பார்க்க வருபவர்கள், உணவக உரிமையாளர்கள், குடியிருப்பவர்கள் அனைவரும் குப்பைகளையும் கழிவுப் பெருட்களையும் கால்வாய்களிலும் நீர்நிலைகளிலும் வீசுவதைத் தவிர்க்க வேண்டும் என அயூப் கேட்டுக் கொண்டார். 

எலிச் சிறுநீர் தொற்று நோயால் பாதிக்கப்பட்டிருந்தால் காய்ச்சல், வயிற்று வலி மற்றும் சளிப் பிடித்தல் போன்ற அறிகுறிகள் தென்படும். இதனை அடையாளம் கண்டு உடனே சிகிச்சை பெறாவிடில், உடல் உறுப்புகள் செயலிழந்து மரணத்தை விளைவிக்கும் என்று அவர் குறிப்பிட்டார். 

 

BLOG COMMENTS POWERED BY DISQUS