சுகாதார காப்புறுதி தொடக்கத் திட்டத்தில்  வெளிநாட்டு தொழிலாளர்கள்! -டாக்டர் சுப்ரா

சுகாதாரம்
Typography

கோலாலம்பூர், டிச.15- இலாப நோக்கமற்ற சுகாதாரக் காப்புறுதித் திட்டத்தின் முதற்கட்ட நடவடிக்கையில் வெளிநாட்டு தொழிலாளர்களுக்கு முக்கியத்துவம் வழங்கப்படும் என்று சுகாதார அமைச்சர் டத்தோஶ்ரீ டாக்டர் சுப்பிரமணியம் கூறினார்.  

இந்தக் காப்புறுதி திட்டம், வெளிநாட்டு தொழிலாளர்களுக்கு மிகவும் அவசியமாக அமைவதால், அவர்கள் இந்த முதற்கட்ட நடவடிக்கையில் உட்படுத்தப்படுகின்றனர் என்று டாக்டர் சுப்பிரமணியம் விளக்கினார். 

"முதற்கட்ட நடவடிக்கைக்குப் பின்னர், இதர வர்க்கத்தினரை தேர்வு செய்து, அதன் பின்னர் அவர்களும் இத்திட்டத்தின் கீழ் பதிவு செய்யப்படுவர். இந்தச் சுகாதார காப்புறுதித் திட்டம் திறம்பட செயல்பட வேண்டும் என்ற அடிப்படையில், இதனை முறையாக செயல்படுத்த வேண்டிய அவசியம் உள்ளது" என்று குனோங் ராபாட் ஆரம்பத் தமிழ்ப் பள்ளியின் அடிக்கல் நாட்டு விழாவிற்குப் பின்னர் செய்தியாளர்களிடம் பேசுகையில் அவர் சொன்னார். 

நாட்டின் தனியார் மருத்துவச் சிகிச்சைகள் நியாயமான விலையில் கிடைக்கப் பெறவேண்டும் என்ற அடிப்படையில், இந்தக் காப்புறுதி திட்டம் அமல்படுத்தப் படுகிறது என்று டாக்டர் சுப்பிரமணியம் கடந்த மே மாதம் தெரிவித்தார்.  

 

BLOG COMMENTS POWERED BY DISQUS