ஈப்போ, ஜூலை.1– வெறிநாய்க் கடி நோய்க் கிருமிகளால் பாதிக்கப்பட்ட பகுதியான கோல செபாத்தாங்கில் கிருமி தொற்றுக்குள்ளான 19 தெரு நாய்கள் அடையாளம் காணப்பட்டு  கால்நடை பிரிவினரால் கொல்லப்பட்டன. 

அண்மையில் இந்த இடத்தில் வெறிநாய்க் கடி நோயால் பாதிக்கப்பட்ட நாய் ஒன்று, இரு சிறுமிகளைத் தாக்கியது.  ஆகவே, இந்தச் சம்பவம் நிகழ்ந்த இடத்திலிருந்து 1 கிலோமீட்டர் சுற்று வட்டாரத்தில் கண்காணித்து இந்த 19 தெரு நாய்கள் தேர்ந்தெடுக்கப்பட்டு கொல்லப்பட்டதாக கால்நடை பிரிவினர் கூறினர்.

305 வளர்ப்பு பிராணிகளைச் சோதித்ததில் ஒரே ஒரு வளர்ப்பு பிராணிக்கு மட்டும் நோய்த் தடுப்பூசி போடப்பட்டிருப்பது தெரியந்துள்ளது. இது இந்த நோயைக் குறித்து மக்களிடையே குறைந்த விழிப்புணர்வு ஏற்பட்டிருக்கிறது. ஆகவே, இந்த நோய்க் குறித்து 275 கிராமங்களுக்குக் கூடுதல் விழிப்புணர்வு முகாம் நடத்தப்பட்டு வருகின்றது என கால்நடை பிரிவினர் இன்று செய்தியாளர்களிடம் கூறினர்.

மேலும், ஐந்து நாய்களில் இருந்து மாதிரிகளை எடுத்து கால்நடை ஆராய்ச்சி நிறுவனத்திற்கு சோதனை செய்ய அனுப்பப்பட்டுள்ளதாக தெரிவித்தனர். பேரா அரசாங்கம் மாத்தாங் துணை மாவட்டத்தை வெறி நாய்க்கடி நோய்க் கிருமிகள் பரவும் பகுதியாகப் பிரகடனப் படுத்தியுள்ளதாக மந்திரி புசார் டத்தோ ஸ்ரீ டாக்டர் ஜம்ரி அப்துல் காதிர் தெரிவித்தார்.

 

ஜோர்ஜ்டவுன், ஜூலை.18- பினாங்கில் வெறிநாய்க் கடி நோய்க் கிருமி பரவாமல் தடுக்க, கூடுதல் விழிப்பு நிலை அமல்படுத்தப்பட்டுள்ளது. இம்மாநிலத்தின் தென்பகுதி கண்காணிப்புக்கு உரிய பகுதியாக அமையவிருக்கிறது என விவசாயம் சார்ந்த தொழிற்துறை, கிராமப்புற மேம்பாடு மற்றும் சுகாதார பிரிவின் தலைவர் டாக்டர் அபிப் பஹாருடின் கூறினார். 

இது குறித்து கால்நடைப் பிரிவுடன் நாளை கலந்தாலோசிக்கப் போவதாக அவர் சொன்னார். மாநிலத்திலுள்ள நாய்களைக் கண்காணிக்கும் தீவிர நடவடிக்கையோடு நாய்களுக்கு நோய்த் தடுப்பூசி போடப்பட்டு வருகின்றது. நாய் வளர்ப்பவர்கள் அந்நாய்களுக்கு நோய்த் தடுப்பூசி போட்டுக் கொள்ளுமாறு கேட்டு கொள்ளப் படுகின்றனர். 

கெடாவின் பண்டார் பாரு மற்றும் பாரிட் புந்தார் பகுதிகளுக்கு அருகில் அமைந்திருக்கும் பினாங்கின் தென்பகுதிகளில் நடக்கும் வெறிநாய்க் கடி நோய்க் கிருமிகளுக்கு எதிரான விழிப்புணர்வு மிக்க பகுதியாக கருதப்பட்டு சுகாதாரத் துறை அதிகாரிகள் கூடுதல் கவனம் செலுத்துமாறு டாக்டர் அபிப் கேட்டுக் கொண்டார்.

நாய் கடித்தாலோ, தாக்கினாலோ உடனே சுகாதார மற்றும் கால்நடைப் பிரிவிடம் மக்கள் தகவல் தெரிவிக்கவேண்டும். உடனடியாக பரிசோதிக்க இது வழிவகுக்கும் என அவர் சொன்னார்.

மேலும், கடித்த நாய்களின் புகைப்படங்களை எடுத்து சுகாதார பிரிவு மற்றும் கால்நடைப் பிரிவிடம் மக்கள் கொடுத்தால் வெறிநாய்க் கடி நோய் பரவுவதைத் தடுக்க உதவியாக இருக்கும் என அவர் சுட்டிக் காட்டினார். 

ஒருவேளை நாய் கடிக்குமானால், கடித்த நாயின் நிறம், வடிவம் உடல் அளவு மற்றும் சம்பவம் நடந்த இடத்தையும் நேரத்தையும் மக்கள் கண்டறிந்து வைப்பது அவசியமாகும். கடந்த 2015-ஆம் ஆண்டிலிருந்து பினாங்கில் வெறிநாய்க் கடி நோய்ச் சம்பவம் எதுவும் பதிவாகவில்லை என்பது குறிப்பிடத்தக்கது.

 

ஈப்போ, ஜூலை.17- பேரா அரசாங்கம் திங்கட்கிழமை தொடங்கி மாத்தாங் துணை மாவட்டத்தை வெறி நாய்க்கடி நோய்க் கிருமிகள்  பரவும் பகுதியாகப் பிரகடனப் படுத்தியுள்ளதாக மந்திரி புசார் டத்தோ ஸ்ரீ டாக்டர் ஜம்ரி அப்துல் காதிர் தெரிவித்தார்.

வெறி நாய்க்கடி நோய் பரவாமல் தடுக்க இந்த நடவடிக்கை மேற்கொள்ளப்படுவதாக பிரகடனத்த்தில் கையெழுத்திட்ட போது டாக்டர் ஜம்ரி கூறினார்.

பேரா மாநிலத்தில் இதுவரை ஒரு சம்பவம் மட்டுமே பதிவாகி உள்ளது. இருப்பினும் இந்த நோயைக் கட்டுப்படுத்த பல நடவடிக்கைகள் மேற்கொள்ளப் படவிருக்கின்றன. மாத்தாங் துணை மாவட்டத்தில் குடியிருப்பவர்கள் தங்கள் நாய்களை வெளியே அழைத்துச் செல்ல அனுமதிக்கப்பட மாட்டார்கள் என அவர் செய்தியாளர்களிடம் சொன்னார். 

அண்மையில் கோல செபாத்தாங்கில் வெறிநாய்க் கடிக் நோயால் பாதிக்கப்பட்ட நாய் ஒன்று, இரு சிறுமிகளை தாக்கியது. இந்தச் சம்பவம் நிகழ்ந்த இடத்திலிருந்து 1 கிலோமீட்டர் சுற்று வட்டாரத்தில் உள்ள அனைத்து வளர்ப்பு பிராணிகளுக்கும் நோய் தடுப்பூசி போடப்பட்டு வருவதாக அவர் கூறினார்.

 

 

 

 

 

 

 

 

 

 

 

 

 

லண்டன், ஜூலை.17- இரவு நேரத் தூக்கத்தில் பற்களை நறநறவென கடிக்கும் பழக்கம் உள்ளவர்களுக்குத் தலைவலி, பல் தேய்மானம், ஈறுகளில் புண் என பல்வேறு தொந்தரவுகள் ஏற்படும் என்று எச்சரிக்கப்பட்டுள்ளது.

குழந்தைகள் முதல் பெரியவர்கள் வரை இரவில் தூங்கும் போது பல் கடித்தால் பழக்கம் உண்டு. ஆனால், நாம் பொதுவாக அதனை பெரிதாக கண்டு கொள்வதில்லை. ஆனால், அது உடலில் பல்வேறு வகையான நோய்களை உருவாக்கும் என்கிறார்கள் மருத்துவர்கள்.

குறிப்பாக, குழந்தைகள் இப்படி செய்வதை பெற்றோர்கள் உன்னிப்பாக கவனித்து சிகிச்சை அளிக்கவேண்டும் என்றும் பள்ளி ஆசிரியர்கள் இது குறித்த விழிப்புணர்வை குழந்தைகளுக்கு ஏற்படுத்த வேண்டும் என்று தெரிவிக்கப் பட்டுள்ளது.

இது தொடர்பாக பிரசித்திபெற்ற மருத்துவ இதழ் ஒன்று ஆய்வு கட்டுரை வெளியிட்டுள்ளது. அதில், 13 வயது முதல் 15 வயது வரை உள்ள மாணவ, மாணவியர்தான் 4 மடங்கு அதிகமாக இரவில் பற்களை கடிக்கும் பழக்கம் உள்ளவர்களாக இருக்கின்றனர் என்ற தகவலை வெளியிட்டுள்ளது.

தூக்கத்தில் பல் கடிப்பதால், தலைவலி, பல் தேய்மானம், தூக்கமின்மை, ஈறுகளில் புண் உள்ளிட்ட பல்வேறு நோய்கள் ஏற்படும் என ஆய்வாளர்கள் தெரிவித்துள்ளனர். மேல் மற்றும் கீழ் தாடைகளில் உள்ள பற்களை ஒன்றாக அழுத்துவதால், பல் கூச்சம், பற்கள் உடைதல், பற்கள் விழுதல், முகம் மற்றும் தாடையில் வலி ஏற்படுதல் போன்ற பிரச்சனைகளை அதிகரிக்கும்.

ஆனால், பயப்பட ஒன்றுமில்லை என்றும் சிறப்பான சிகிச்சைகள் உள்ளன என்றும் மருத்துவர்கள் கூறுகின்றனர். கார்டு அல்லது ஸ்ப்ளிண்ட் ஆகிய கடினமான பிளாஸ்டிக் உபகரணத்தைப் பற்களில் பொருத்துவதன் மூலம் பற்கள் கடிப்பதைத் தடுக்கமுடியும். 

தூக்கத்தின் போது, மூச்சுத் திணறல், குறட்டை விடுதல் உள்ளிட்ட பிரச்சனைகளும் பற்களை கடிக்கும் பழக்கத்தை உண்டாக்குமாம். புகைப் பழக்கம், மது உட்கொள்ளுதல், மன அழுத்தம் போன்றவையும் பற்களைக் கடிக்கும் பிரச்சனை உருவாக்கும்  என்கிறார்கள் மருத்துவர்கள்.

 

More Articles ...