கோலாலம்பூர், செப். 1- ஸிக்கா நோய் மலேசியாவிலும் பரவியதை அடுத்து கர்ப்பிணி பெண்கள் கலக்கம் அடைந்துள்ளனர். பலர் பிள்ளை பெறுவதையும் தள்ளி வைக்க எண்ணம் கொண்டுள்ளனர்.

கிள்ளானில் இன்று ஸிக்கா கிருமிக்கு 58 வயது பெண் பாதிக்கப்பட்டிருப்பது கண்டுப்பிடிக்கப்பட்டதை அடுத்து, தற்போதைக்கு குழந்தைகளைப் பெற்று கொள்ள பெற்றோர்கள் தயக்கம் காட்ட தொடங்கியுள்ளனர். 

"நான் கடந்த மாதம் தான் திருமணம் செய்தேன். ஓராண்டுக்குள் பிள்ளை பெற்றுக் கொள்ளவேண்டும் என நானும் என் கணவரும் முடிவு செய்திருந்தோம். ஆனால், இன்று மலேசியாவிலும் ஸிக்கா கிருமி பரவி விட்டது என்ற தகவல் கிடைத்தவுடன், இப்போதைக்கு பிள்ளையை பெற்றுக் கொள்ளவேண்டாம் என முடிவு எடுத்துள்ளேன்" என்றார் தலைநகரைச் சேர்ந்த 29 வயதான கே.சாந்தி.

இவரைப்போல் பலர் தனது கருத்தரிப்பை தள்ளி போட எண்ணம் கொண்டுள்ளதாக தெரிவித்துள்ளனர். ஆபத்து என்று தெரிந்தும் பிள்ளை பெற்றுக் கொள்வது தவறு என்பது இவர்களின் எண்ணமாக இருப்பதாக அவர்கள் தெரிவித்தனர்.

ஒரு பிள்ளைக்கு தாயான 32 வயது மாது, "ஸிக்கா பற்றிய செய்தி படித்து உண்மையில் நான் பயந்து போனேன். என் நண்பர்கள் ஸிக்கா கருவில் உள்ள குழந்தையைத் தான் பாதிக்கும் என கூறினர். என்னை தற்போதைக்கு இன்னொரு குழந்தையைப் பெற்றுக் கொள்ளவேண்டாம் என்றனர். ஆனால், எனக்கு அதில் உடன்பாடு இல்லை. ஸிக்கா பற்றி முழுமையாக அறிந்து கொண்டு, கொசு கடிப்பதை தவிர்த்து கொண்டால் பிரச்சனை இல்லை என்று நினைக்கிறேன்" என்றார்.

ஆறு மாத கர்ப்பிணி பெண்ணான, கெடாவைச் சேர்ந்த ராதா கூறுகையில், "நான் பிள்ளையை பெற்று கொள்வது நிச்சயம். இதற்கு முன் டெங்கி நோய்க்கு பயந்தேன். தற்போது ஸிக்கா நோய்க்கு அதிக கவனமாக இருக்கவேண்டும்" என்றார்.

பலர் ஸிக்கா நோயினால் பிள்ளைகள் பெற தயக்கம் காட்டினாலும், பலர் அரசாங்கமும் சுகாதார அமைச்சும் பாதுகாப்பு அம்சங்களைத் தீவிரப்படுத்த வேண்டும் எனவும் கோரிக்கை விடுத்தனர்.

ஒரு விழுக்காடு முதல் 10 விழுக்காடு கர்ப்பிணி பெண்கள் ஸிக்கா கருமிக்கு ஆளாகி பிறக்கும் குழந்தை ஊனமாக பிறப்பதாக ஆய்வு குறிக்கிறது.

கோலாலம்பூர், ஆக.20- அதிகமாக குறும்புத்தனம் செய்பவர்களை 'கொசு மாதிரி இருந்துகிட்டு செய்ர வேலைய பாரு' என்று கூறுவதுண்டு. உருவில் சிறிதாக இருந்தாலும் கொசுவினால் உண்டாகும் பாதிப்பு அதிகம் என்பதின் மறைமுக உவமை தான் இது. இவ்வாறு கொசுவினால் உண்டாகும் பாதிப்புகளைத் தடுக்க கொசு மீதான விழிப்புணர்வை உண்டாக்கவே கடைப்பிடிக்கப்படுகிறது உலக கொசு தினம்.

கொசுவுக்கு ஒரு தினமா? இவ்வாறு கேட்பவர்கள் மனித இனத்தின் முக்கிய எதிரிகளில் ஒன்று கொசு என்பதை பற்றி அறியாதவர் என்றே பொருள் கொள்ளப்படுவர். உலகில் 3000 வகை கொசுகள் உண்டு. கொசு வழி பல நோய்கள் உருவாகுகின்றன. அதில் மனித இனத்தால் மறக்க முடியாத நோய்கள் மலேரியா, டெங்கி, மூளைக் காய்ச்சல். 

அன்று மலேரியா தொடங்கி இன்று ஸிக்கா வரை மனித இனம் கொசுகளில் பாதிப்புக்கு ஆளாகி அழிந்து கொண்டு வருகிறது. இதனைத் தடுக்கும் விதத்தில் விழிப்புணர்வு ஏற்படுத்தவே ஆகஸ்டு 20ம் தேதி உலக கொசு தினமாக கடைப்பிடிக்கப்படுகிறது.

இங்கிலாந்தைச் சேர்ந்த டாக்டர் ரொனால்டு ரோஸ் என்பவர், மலேரியா நோய் பரவுவதற்கான முக்கிய காரணம் அனாபெலஸ் எனும் பெண் கொசு தான் என்பதைக் கண்டுப்பிடித்தார். கல்லீரலைத் தாக்கி மரணத்தை விளைவிக்கும் இந்த மலேரியாவைப் பற்றி ஆய்வு செய்த இவரது கண்டுப்பிடிப்பை அங்கீகரிக்கும் விதமாகவே வருடந்தோறும் ஆகஸ்டு 20ம் தேதி இத்தினம் கொண்டாடப்படுகிறது. 

டாக்டர் ரொனால்டு 1882ம் ஆண்டு முதல் 1899 வரை மலேரியா பற்றிய ஆராய்ச்சி மேற்கொண்டார். இவரின் ஆராய்ச்சிக்காக 1902ம் ஆண்டு இவருக்கு நோபல் பரிசு வழங்கப்பட்டது குறிப்பிடத்தக்கது. 

உலக அளவில் கொசுக்களினால் ஒவ்வொரு வருடமும் ஒரு மில்லியன் மக்கள் இறக்கின்றனர் என்பது அதிர்ச்சிக்குரிய விசயம். இதில் அதிகமானோர் மலேரியா நோயால் மரணமடைவது நோக்கத்தக்கது. இதிலும் கொடுமை 30 வினாடிக்கு ஒரு குழந்தை மலேரியாவில் மரணமடைகிறது. 

மலேசியாவில் 1967ம் ஆண்டு மலேரியாவினால் பாதிக்கப்பட்ட மொத்த எண்ணிக்கை 160,385 ஆகும். பின் மலேரியா ஒழிப்பு நடவடிக்கை மூலம் இந்த எண்ணிக்கை குறைந்து தற்போது நிலைமை கட்டுப்பாட்டுக்குள் இருந்தாலும் கொசுவினால் ஏற்படும் பாதிப்புகள் தொடர்ந்து கொண்டுதான் இருக்கின்றன.

மனித இனத்தின் எதிரியாக விளங்கும் கொசுவினால் ஏற்படும் பாதிப்புகளைத் தவிர்க்க தவிர்க்க அரசாங்கமும் உலக சுகாதார நிறுவனமும் நடவடிக்கை எடுத்து வரும் நிலையில் மக்களாகிய நாமும் நம்மையும் நம் சுற்றுப்புறத்தையும் தூய்மையாக வைத்து கொள்ளவேண்டும்.

பார்ப்பதற்கு கண்... கேட்பதற்குக் காது... சுவைப்பதற்கு நாக்கு... தொடுதலை உணர சருமம் என்ற வரிசையில் சுவாசிப்பதற்கு மூக்கு என்று ஐம்புலன்களின் பணிகளை இயற்கை தீர்மானித்திருக்கிறது. இதில் மூக்கின் வழியே சுவாசம் என்ற இயல்புக்கு மாறாக, சிலர் வாய் வழியாக சுவாசிப்பதைப் பார்க்கிறோம்.

‘‘விளையாடும்போதோ, உடற்பயிற்சியின்போதோ வாய் வழியாக சுவாசிப்பது இயல்புதான். இதைப்பற்றி கவலைப்படத் தேவை இல்லை. சிலர் சாதாரண நேரங்களிலும் வாய் வழியாக சுவாசிப்பார்கள். அதுதான் கவனிக்க வேண்டிய விஷயம். இந்தப் பழக்கம் வயது வந்தவர்களைவிட குழந்தைகளிடம்தான் அதிகம் இருக்கிறது. இப்படி இயல்புக்கு மாறான விஷயம் இருக்கிறது என்பதை குழந்தைகளுக்குச் சொல்லத் தெரியாது. பெற்றோர்தான் கவனித்துத் தெரிந்து கொள்ள வேண்டும். 

வாய் வழியாக சுவாசிப்பது உறுதியானால் மருத்துவரிடம் அழைத்துச் சென்று காரணத்தைக் கண்டுபிடிக்க வேண்டும். மூக்கடைப்பு, மன அழுத்தம், களைப்பு, தூக்கமின்மை, தவறான கற்றலினால் ஏற்படும் பழக்கத்தால் வாய் வழி சுவாசம் சில குழந்தைகளுக்கு ஏற்பட்டு இருக்கலாம். இந்த சாதாரண பிரச்னையை தகுந்த ஆலோசனைகள் வழங்குவதன் மூலம் சரி செய்துவிடலாம். 

கவனிக்க வேண்டிய பாதிப்புகளான தொண்டை மற்றும் மூக்கில் சதை வளர்தல், வாய் துர்நாற்றம், பல் சொத்தை, மூச்சுக்குழாய் பாதிப்பு போன்ற காரணங்கள் தெரிந்தால் சிகிச்சை எடுத்துக் கொள்ள வேண்டும். காது, மூக்கு, தொண்டை, வாய் மற்றும் பல் ஆகிய உறுப்புகளைப் பரிசோதனை செய்வதன் மூலமாக இதை மருத்துவர்கள் கண்டுபிடிப்பார்கள். பிரச்னையின் தன்மைக்கேற்ப நுரையீரல் சிறப்பு மருத்துவரிடமோ, பல் மருத்துவரிடமோ அல்லது காது மூக்கு தொண்டை சிறப்பு மருத்துவரிடமோ சிகிச்சை எடுத்துக் கொண்டு சரி செய்துவிடலாம். 

வாய் வழி சுவாசத்தால் பெரிய ஆபத்துகள் ஏற்பட வாய்ப்பு இல்லை என்றாலும், குழந்தைகளுடைய முகம் மற்றும் தாடை அமைப்பு சீராக இல்லாமல் மாறும் வாய்ப்பு உண்டு. பல் ஈறு வீங்குவது,  பற்குழி ஏற்படுவது, சளித்தொல்லை ஆகிய பிரச்னைகளும் ஏற்படும். வயது வந்தவர்களுக்கும் சைனஸ், நாசி அழற்சி காரணமாக வாய் வழி சுவாசம் ஏற்படலாம்.

 

லண்டன், ஆகஸ்டு 10- ஒவ்வொரு நாளும் பத்து முதல் பதினைந்து நிமிட நேரம் உடற்பயிற்சி  செய்தாலே போதுமானது. உடல் ஆரோக்கியம் பெறலாம் என்று நம்புகிறவரா நீங்கள்? அப்படியானால் அது தவறு என்கிறது ஆய்வு.
 
பொதுவாக நமது உடல் நாம் சாப்பிடும் உணவில் இருந்து சத்துக்களை எடுத்துக்கொண்டு மீதமுள்ளவற்றை கழிவாகவெளியேற்றுகிறது. இதற்கு கழிவு மண்டலங்களின் இயக்கம் சரியாக இருக்கவேண்டும். இந்த இயக்கங்கள் முழுமையாகநடைபெற 400-க்கும் மேற்பட்ட தசைகள் வேலை செய்கின்றன. இவை தொடர்ந்து செயல்பட நாம் ஒரு நாளில் குறைந்தபட்சம்30 நிமிடமாவது உடற்பயிற்சி செய்வது அவசியம்.
 
நாம் செய்யும் பயிற்சி இந்த 400 தசைகளை நீட்டி, மடக்கும் விதமாக அமைய வேண்டும். இதற்கு 5 அல்லது 10 நிமிடம் மட்டும்பயிற்சி செய்வது போதாது. குறைந்தது 30 நிமிடங்களாவது பயிற்சி செய்ய வேண்டும். உடலின் அனைத்து பாகங்களுக்கும்நல்ல ரத்த ஓட்டம் பாய உதவுகிறது. 400 தசைகள் சுறுசுறுப்பாக இயங்க தேவையானதாக  அமைகிறது.
 
சீரான உடற்பயிற்சி மூலம் உடல் உறுப்புகளுக்கு தேவையான சக்தி கிடைக்கும்.எப்படியானாலும், குறைந்தபட்சம் 30 நிமிடஉடற்பயிற்சி அவசியம்.

More Articles ...