மனித உடல் அசைவிற்கு பெரும்பங்கு வகிப்பவை எலும்புகள். அதே நேரத்தில் உணவரை  மென்று தின்ன உதவுபவை  பற்கள் . நம் உடலில்  எலும்புகளும் பற்களும்    நன்கு இயங்க வேண்டும் என்றால், கால்சியம் மிகவும் அவசியம். 

 நமது பற்களும்,  எலும்புகளும்   கால்சியம் பாஸ்பேட்டால் உருவானவை. ஆகவே கால்சியம் எனும் சுண்ணாம்பு பொருள் நமது உடல் நலத்திற்கு அவசியமாகிறது.   எலும்புகளுக்கும் பற்களுக்கும் மட்டுமின்றி   தொடர்ந்து இயங்கும் இதயத்திற்கும் கால்சியம் அத்தியாவசியமாகிறது. கால்சியம் எலும்புகளையும், பற்களையும் வளர்த்து பலப்படுத்துவதோடு வேறு பல வேலைகளையும் செய்கிறது. இடைவிடாது வேலை செய்துக் கொண்டிருக்கும் இதயம் நன்றாக வேலை செய்வதற்கும் கால்சியம் உதவி செய்கிறது. 

மேலும், நரம்புகளுக்கும், இரத்தத்திற்கும் கால்சியம் தேவைப்படுகிறது. தேவையான அளவு கால்சியம் உடல் இல்லையென்றால் எலும்புகள் உறுதியுடன் இருக்காது. எலும்புத் தேய்மானம் ஏற்பட்டு பல பிரச்சனை உண்டாகும். பற்களும் விரைவில் சொத்தைப் பட்டு அகற்ற வேண்டிய நிலைக்கு வரும். 

வளரும் குழந்தைகளின் உடம்பில் போதுமான கால்சியம் இல்லையென்றால் எலும்புகள் மென்மையடைந்து வளர்ச்சி குன்றிவிடும். இதய நோயும் உண்டாக வாய்ப்புள்ளது. 

குறிப்பாக கருத்தரித்த பெண்களும், குழந்தைப் பெற்ற தாய்மார்களும் கால்சியம் உள்ள உணவை அதிகம் உட்கொள்ள வேண்டும். 

கால்சியம் சத்துள்ள உணவுப் பொருட்கள் வருமாறு: 

பால், மோர், முட்டையின் மஞ்சள் கரு, முளைக் கீரை, முருங்கைக் கீரை, பருப்பு வகைகளில் கால்சியம் உள்ளது. 

தாம்பூலம் போடுவது நமது நாட்டுப் பழக்கம். தாம்பூலத்துடன் சுண்ணாம்பு சேர்ந்துள்ளது. அதன் சாற்றை விழுங்குவதன் மூலம் உடம்பில் கால்சியம் சேர்கிறது. 

கேழ்வரகு (ராகி), சோளம், கோதுமை, தவிடு உள்ள அரிசி, உருளைக்கிழங்கு, முள்ளங்கி, பீட்ரூட், காரட், இறைச்சி ஆகியவற்றிலும் ஓரளவிற்கு கால்சியம் இருக்கிறது.

 

நம் உடலின் வியக்கத்தக்க அதிசயங்களுள் ஒன்று விழித்திரை.விழித்திரை என்னும் மெல்லிய உறுப்பு தான் ந்ம்மை பார்க்க வைக்கிறது.  அத்தகைய பெரும் வேலையை செய்யும் நம் கண்களுக்கு ஆபத்து மிக எளிதில் வந்துவிடுகிறது. அதனை காக்கவோ மிக எளிய வழிமுறைகளை பின்பற்றினாலே போதுமானது.

1. டிவி பார்க்கும் போது இருட்டு அறையில் பார்க்காமல் திரைக்கு பின் ஏதேனும் ஒரு ஒலி இருக்கும்படி கவனித்துகொள்ளவும்.

 

2. படிக்கும் பொழுது கண்களை மிகவும் அலட்டாமல், கண்கள் சோர்வடையும் வரை நீடித்து படிக்காமல் இருக்கவும்.

 

3. கான்டேக்ட் லென்ஸ் அல்லது கண்ணாடிகளை தேவைக்கு ஏற்ப உபயோகிக்கவும்.

 

4. கம்ப்யூட்டர் மானிட்டரை கண்பார்வைக் கோட்டிற்கு கீழ் அமையும்படி பார்த்துகொள்ளவும்

 

5. கம்ப்யூட்டரில் வேலை பார்க்கும்போது சிறு சிறு இடைவேளைகள் எடுத்துகொள்வது அவசியம்

 

இதய படபடப்பு குறைய:

மாசிக்காயை பால்விட்டு உரசி காலை மாலை இரு வேலை அரைகிராம் நாவில் சுவைக்கலாம் (எச்சரிக்கை அதிகமானால் மயக்கம் வரும்)

இதயம் படபடப்பு நீங்க:

தினசரி ஒரு பேரிக்காயைச் சாப்பிட இதய படபடப்பை குறைக்கலாம்

இதய நோய் சாந்தமாக:

துளசி இலை சாறு, தேன் வெந்நீரில் கலந்து 48 நாள் சாப்பிட்டு வரவும்

இதயத்தில் குத்தும் வலி குணமாக:

கருந்துளசி இலை செம்பருத்தி பூ கசாயம் பத்து நாட்கள் சாப்பிடலாம்

இதயம் பலம் பெற :

தினசரி ஆரஞ்சு பழம் சாப்பிட்டு வரலாம்

இருதயம் வலுவாக

அத்தி பழத்தை காய வைத்து பொடியாக்கி ஒரு கரண்டி சாப்பிட்டு வரலாம்

இதய நடுக்கம்

திருநீற்று பச்சிலை முகர்வதால் சாந்தமாகும்

இதயத்திற்கு பலம் கிடைக்க:

மாதுளை சாருடன் தேன் கலந்து சாப்பிடவும் ஜீரண சத்தியையும் அதிகரிக்கும்

நெஞ்சு வலி:

இலந்தை பழம் சாப்பிடலாம்

மார்பு துடிப்பு இதய வலி தீர:

சந்தன தூள் கஷயாம் செய்து குடிக்கலாம்

இதய பலவீனம் தீர:

செம்பருத்தி பூ உலர்த்தி பொடி மருதம் பட்டை தூள் சம அளவு கலந்து பருகலாம்

மாரடைப்பு:

தான்றிக்காய் கொடி இரண்டு சிட்டிகை தேனில் கலந்து நாக்கில் தடவலாம்

நெஞ்சு வலி தீர:

இஞ்சி துண்டு தேனில் ஊறவைத்து 48 நாட்கள் சாப்பிட்டு வரலாம்

இதய வலி குணமாக:

துளசி விதை 100 கிராம் பன்னீர் 125 கிராம் சர்க்கரை 25 கிராம் நன்றாக கலக்கி இரண்டு வேலை சாப்பிடவும்

இதய நோய் குணமாக:

மருதம் பட்டை செம்பருத்தி பூ கஷாயம் 48 நாட்கள் சாப்பிட்டு வரலாம்

மார்பு வலி:

இஞ்சி சாறு எலுமிச்சை சாறு தேன் கலந்து சாப்பிட வலி நிற்கும்

சீரற்ற இதய துடிப்பு சரியாக:

கருஞ்துளசி இலை மருதம் பட்டை கஷாயம் சாப்பிட்டலாம்

 

சுத்தமான தேன் என்பது உடலுக்கு ஆரோக்கியம் தரும் இயற்கை மருந்து எனில் மிகையில்லை. ஐந்து கிலோ பாலுக்கு ஒரு கிலோ தேன் சமமாகும்.

பித்த நீர்ச் சுரப்பு இல்லாதவர்கள் தொடர்ந்து தேன் அருந்தி வந்தால், பித்த நீர் சுரந்து தொண்டை இருதயம் சம்பந்தப்பட்ட நோய்கள் சுலபமாக நீங்கி விடுகின்றன.

குழந்தைகளுக்கு உண்டாகும் பல்நோய், இருதய நோய் ஆகியவற்றுக்குத் தேன் ஒரு சிறந்த சஞ்சீவியாகும்.

தேன் மூலம் சுவாசக் கோளாறு, வயிற்றுக் கடுப்பு, கிருமி நோய், தாகம், வாந்தி பேதி, தீப்புண், விக்கல், மலச்சிக்கல் ஆகிய நோய்கள் குணமாகும், பசியை அது வளர்க்கும். ஜீரணத்துக்கும் உதவும்.

தேன் கொழுப்பைக் கரைக்கக் கூடியது. ஆகவே உடல் மிகவும் பருமனாக உள்ளவர்கள் தொடர்ந்து தேன் சாப்பிட்டு வந்தால் பருமனும் எடையும் குறையும்.

ரத்தப் பித்தத்துக்கு அதாவது வாய், மூக்கு முதலியவற்றிலிருந்து ரத்தம் வடியும் வியாதிக்கு, ஆட்டின் பாலில் தேனைக் கலந்து குடித்து வந்தால் நல்ல பலன் கிடைக்கம்.

நமது உடலின் மேல் ஏற்படும் புண் காயங்களுக்கு மாத்திரமன்றி, உள்ளே ஏற்படும் இரைப்பைப் புண் போன்றவற்றையும் தேன் சாப்பிட்டு குணமாக்கலாம்.

வயதான சிலருக்கு அவ்வப்பொழுது தசைகளில் வலி ஏற்படுவதுண்டு. கால்களில் குற்றமடைதல், அல்லது குரல் தொணியே இல்லாது தொண்டையை அடைத்து விடுதல் போன்ற கப நோய்கள் கண்டபோது, ஒரு நாளைக்கு நாலைந்து முறை தேனை துளசிச் சாறு, வெற்றிலை கலந்து கொடுத்து வந்தால் நல்ல குணம் ஏற்படும்.

 

More Articles ...