சளித்தொல்லையால் பாதிக்கப்படாதவர்களே இல்லை எனலாம். இதற்காக நாம் எடுத்துக்கொள்ளும் மருந்துகளால் தற்காலிக நிவாரணம் தான் கிடைக்கிறதே ஒழிய, முழுமையான நிவாரணம் கிடைப்பதில்லை.

பெரும்பாலும் நமக்கு எதிர்ப்புசக்தி நன்றாக இருக்கும் போது, எவ்வித சிகிச்சையும் எடுத்துக் கொள்ளாமலேயே நோய் குறைந்துவிடுவதுண்டு. ஆனால் நோய் எதிர்ப்பு சக்தி குறைவாக இருக்கும் போது சளித்தொல்லையானது நமது மூச்சுப்பாதையை பாடாய்படுத்தி விட்டுத் தான் நம்மைவிட்டு அகலுகிறது.

அந்நாட்களில் நமக்கு தோன்றும் உபாதைகளோ ஏராளம். சளித்தொல்லையை ஆரம்பத்தில் கவனிக்காவிட்டால் காசநோய், நிமோனியா போன்றவற்றின் பாதிப்பு உண்டாகிவிடும்.

பாக்டீரியா, பூஞ்சை கிருமிகளினால் உண்டாகும் ஒவ்வாமை மற்றும் தொற்றினால் ஏற்பட்ட சளித் தொல்லை மருந்துகளுக்கு கட்டுப்பட்டாலும், வைரஸ் கிருமிகளால் ஏற்பட்ட சளித்தொல்லை மருந்துகளுக்கு கட்டுப்படாமல், கடும் வேதனையை உண்டாக்குகிறது. சில நேரங்களில் மூளையையும் தாக்கி உயிருக்கு ஆபத்தை உண்டாக்குகிறது.

நுரையீரலில் வறட்சி ஏற்படாமல் இருப்பதற்காக இயற்கையாக படைக்கப்பட்ட சளியானது தன் அளவிற்கு மீறி பல்கி, பெருகி வேதனையை உண்டாக்கும் போது, பெருகிய சளியை வெளியேற்றி மீண்டும் ஒவ்வாமையினால் சளி உண்டாகாமல் தடுக்க நோய் எதிர்ப்பு சக்தியை அதிகப்படுத்தும் மருந்துகளை உட்கொள்ள வேண்டும்.

மஞ்சள், மிளகு, சிற்றரத்தை, பூண்டு, மல்லி, சிறிய வெங்காயம் ஆகியன நோய் எதிர்ப்பு சக்தியை அதிகப்படுத்தும் இயற்கை உணவுகள். இவற்றை அன்றாட உணவில் அதிகம் சேர்க்க வேண்டும்.

அடிக்கடி தோன்றும் சளித் தொல்லையை நீக்கி நோய் எதிர்ப்பு சக்தியை அதிகப்படுத்தி பால், தயிர் போன்ற உணவுகளையும் நன்கு எடுக்குமளவுக்கு, நுரையீரலுக்கு வலுவை தரும் அற்புத மூலிகை கருந்துளசி.

“ஆசிமம் டெனியுபுளோரம் டைப்பிகா” என்ற தாவரவியல் பெயர் கொண்ட லேமியேசியே குடும்பத்தைச் சார்ந்த கருந்துளசி செடிகளின் இலைகள் கபத்தை நீக்கி, நோய் எதிர்ப்பு சக்தியை அதிகப்படுத்தும்.

சளியை கட்டுப்படுத்த இரண்டு அல்லது மூன்று கருந்துளசி இலைகளை பசும்பாலில் போட்டு காய்ச்சி குடிக்க, பாலின் ஒவ்வாமையால் ஏற்பட்ட கபம் நீங்கும்.

இதை நீரில் போட்டு கொதிக்கவைத்து ஆவிபிடிக்க சைனஸ் தொல்லையால் ஏற்பட்ட சளி நீங்கும். அடிக்கடி சளி பிடிக்காமல் இருக்க ஐந்து அல்லது பத்து கருந்துளசி இலைகளை, ஒரு லிட்டர் நீரில் ஊறவைத்து அந்த நீரை அருந்தி, பின் இலைகளை மென்று சாப்பிட வேண்டும்.

தினமும் அதிகாலையில் இரண்டு முதல் நான்கு கருந்துளசி இலைகளை வெறும் வயிற்றில் சாப்பிட்டுவர ஒவ்வாமை மற்றும் கிருமித் தொற்றினால் ஏற்படும் சளித்தொல்லையிலிருந்து காத்துக் கொள்ளலாம்.

 

 

"உனக்கு தலைவலிக்குதா? காய்ச்சல் இருக்கா? பாரசிட்டாமல் ஒரு மாத்திரை போடு..சரியாகிடும்" என தாங்கள் மட்டுமல்லாமல் பிறருக்கும் அறிவுரை கூறுபவர்களைக் கண்டிப்பாக பார்த்திருப்போம். அளவுக்கு அதிகமான பாரசிட்டாமல்   கொடிய நோய்களுக்கு இட்டுச் செல்லும் என்பதை அவர்களிடம் மறக்காமல் சொல்லுங்கள். குறிப்பாக குழந்தைகளுக்கு   அளவுக்கு அதிகமாக பாரசிட்டாமல் கொடுத்தால், அவர்கள் பிற்காலத்தில் தீவிர நோய்களால் பாதிக்கப்படுவார்கள் என்கின்றனர் குழந்தைகள் நல மருத்துவர்கள். 

நம் உடலில் பாக்டீரியா, வைரஸ் தொற்றுகள் ஏற்பட்டுள்ளதற்கான அறிகுறியாகவே காய்ச்சல் வருகிறது. குழந்தைகளுக்கு காய்ச்சல்  வருவது மூலம் நோய் எதிர்ப்பு சக்தியை அதிகரிக்கச் செய்கிறது. அந்தந்த தொற்றுநோய்க்கான ஆன்ட்டிபயாடிக் மருந்துகள்  கொடுக்கும்போதுதான் முழுமையாக நோய் குணமடையும். மாறாக, காய்ச்சலை குறைப்பதற்காக பாரசிட்டமால் கொடுக்கும்போது  தொற்றுநோய்கள் வெளியே தெரியாமல் போய்விடுவதோடு, நோய் எதிர்ப்பு சக்தியும் குறைந்துவிடும். பாரசிட்டமால் மருந்துகளை  திரவ  வடிவில் குழந்தைகளுக்கு கொடுக்கும்போது அவை இனிப்பாக இருப்பதால் அதிகம் எடுத்துக் கொள்ளவும்  வாய்ப்பிருக்கிறது. 

அடிக்கடி பாரசிட்டமால் மருந்துகளை குழந்தைகளுக்கு கொடுப்பதால் நாளடைவில் கல்லீரல் நஞ்சு, சிறுநீரகக் கோளாறுகள்  ஏற்படும் அபாயமும் அதிகரிக்கிறது. ஒரு கட்டத்தில் பாரசிட்டமால் மருந்துக்கு குழந்தைகளின் உடல் பழக (Tolerance)  ஆரம்பித்து, வேறு ஏதேனும் காய்ச்சலுக்காக கொடுக்கும் போது, அதை ஏற்றுக் கொள்ளாது. காய்ச்சலும் குறையாது. 

ஒவ்வொரு குழந்தைக்கும் தகுந்தவாறு மாத்திரையின் வலிமை, அளவு, கொடுக்கும் நேரங்கள் போன்றவற்றை குழந்தைகள் நல  மருத்துவரால்தான் கணக்கிட்டு கூற முடியும். மருத்துவரின் பரிந்துரையின்றி, பெற்றோர் தாமாகவே பாரசிட்டமால் மருந்துகளை   குழந்தைகளுக்குக் கொடுப்பதை தவிர்க்க வேண்டும் என்கின்றனர் மருத்துவர்கள். 

 

இன்று மலேசியாவில் சந்தையில் கிடைக்கும் விலை அதிகம் கொண்ட பழங்களுள் மாதுளம் பழம் குறிப்பிடத்தக்கது. விலைக்கு ஏற்றாற்போல் மாதுளம் பழத்தில் நம் உடலுக்குத் தேவையான அனைத்து சத்துக்களும் அடங்கியுள்ளன.  ஆனால், நம்மில் பெரும்பாலோர் மாதுளம்பழம் என்றாலே  அதன் முத்துக்களின் சாரத்தை மட்டும் ருசித்து விட்டு விதைகளை உமிழ்ந்து விடுவார்கள். ஆனால் மாதுளம்பழத்தின் சத்தே அதன் விதைகளில் தான் அதிகம் உள்ளது என்பதை அவர்கள் அறிந்திருக்க மாட்டார்கள்.

மாதுளம்பழத்தில் அதிக பட்சமாக நீர்சத்து 78 விழுக்காடு உள்ளது. புரதச்சத்து 1.6 விழுக்காடும், நார்ச்சத்து 5 விழுக்காடும், கார்போஹைட்ரேட் 14.5 விழுக்காடும், தாதுக்கள் 0.7 விழுக்காடும், சுண்ணாம்புச்சத்து 10 விழுக்காடும், மக்னீஷியம் 12 விழுக்காடும் அடங்கியுள்ளன. இது தவிர, சிலிக்திராவகம் 14 மில்லி கிராம், கந்தகம் 12 விழுக்காடு, குளோரின் 20 விழுக்காடு, தயாமின் 0.46 விழுக்காடு, பாஸ்பரம் 1.33 விழுக்காடு, செம்பு 0.2 விழுக்காடு, நிக்கோடினிக் அமிலம் 0.30 விழுக்காடும் உள்ளன. மேலும், வைட்டமின் சி சத்து 16 மில்லி கிராம் அளவிற்கு மாதுளத்தில் அடங்கியுள்ளது என்பது குறிப்பிடத்தக்கது. 

மாதுளம் பழத்தைப் பொருத்தவரை பூ, தோல், விதை என அனைத்து மே மருத்துவச் சிறப்பு வாய்ந்தவை. மாதுளம் பூ, இரத்த வாந்தி, இரத்த மூலம், வயிற்றுக் கடுப்பு, சூடு முதலியவற்றை போக்கும். பூவை கஷாயமாக செய்து குடித்தால் தொண்டை தொடர்பான பலபிணிகளும் அகலும். மாதுளம் பழரசம் தாதுவைப் பெருக்கும், வாந்தியை நிறுத்தும் மற்றும் பெண்களுக்கு ஏற்படும் மாதவிடாய்க் குறைபாடுகளை அகற்றும். 

இது தவிர, காதடைப்பு, வெப்பக்காய்ச்சல், மந்தம், மயக்கம் ஆகியவற்றையும் பழரசம் விலக்கும். மாதுளம் பழரசத்துடன் ஒன்றரைப் பங்கு கற்கண்டு அல்லது வெள்ளைச் சர்க்கரை சேர்த்துப் பாகு பதத்தில் காய்ச்சி வைத்துக் கொண்டு சாப்பிட்டு வந்தால் பித்தம் தொடர்பாக ஏற்படக்கூடிய பிரச்னைகள் நீங்கும். 

அன்றாடம் பாதி மாதுளம்பழம் அளவிற்கு நன்றாக மென்று சாப்பிட்டு வந்தால் மலக்கட்டு நீங்கும், மாதுளம் பழச்சாறும், இஞ்சிச்சாறும் சம அளவு எடுத்து சிறிதளவு தேன் கலந்து சாப்பிட்டால் எவ்வளவு கடுமையான இருமலும் குணமாகும். மாதுளம்பழத்தின் விதைகளை எடுத்து வெயிலில் உலர்த்திப் பொடி செய்து தினமும் பசும்பாலில் சிட்டிகை அளவு கலந்து சாப்பிட்டு வந்தால் தாது பலம் பெற்று உடலும் நலம் பெறும். இது தவிர, மேலே குறிப்பிட்டது போல் தொடர்ந்து 40 நாட்கள் சாப்பிட்டால் ஆண்மைக் குறைபாடு நீங்கும்.

கோடை‌க் கே‌ற்ற மாது‌ள‌ம்பழ‌ம்:

மாதுளம் பழத்தைச் சாப்பிட்டால் தொட‌ர்‌ந்து ஏ‌ற்படு‌ம் விக்கல் உடனே நிற்கும். ஏதேனு‌ம் காரண‌த்‌தி‌னா‌ல் ‌நீ‌ர் அரு‌ந்தாம‌லோ, உட‌லி‌ல்‌ நீ‌ர்‌த் த‌ன்மை குறை‌ந்த அ‌திக தாக‌ம் எடு‌க்கு‌ம் போதோ மாதுள‌ம்பழ‌ம் சா‌ப்‌பி‌ட்டா‌ல் உடனடியாக தாக‌ம் த‌‌ணியு‌ம். மாதுளம் பழச்சாற்றில் கற்கண்டு சேர்த்து சாப்பிட்டால் உடல் சூட்டு நோய்கள் நீங்கும். உட‌ல் குளிர்ச்சியடையும். கோடை‌க் கால‌த்‌தி‌ல் ஏ‌ற்படு‌ம் காய்ச்சலு‌க்கு‌ம் மாதுள‌ம்பழ‌ம் மரு‌ந்தாக அமையு‌ம். 

மாதுளம்பழச் சாற்றில் தேன் கலந்து காலை ஆகாரத்துக்குப் பின் தினமும் சாப்பிட்டு வர வே‌ண்டு‌ம்.  இ‌ப்படி ஒரு மாத கால‌ம் உ‌ட்கொ‌ண்டு வ‌ந்தா‌ல் உடல் ஆரோக்கியமும் தெம்பும் உண்டாகும். புதிய ரத்தம் உற்பத்தியாகு‌ம். மாதுளம் பூக்களை உலர்த்திப் பொடித்து வைத்துக் கொண்டு வேளைக்கு ஒரு சிட்டிகை வீதம் சாப்பிட்டால், இருமல் நிற்கும்.

 ஆரோக்கியமான உணவு முறையைப் பின் பற்றுபவர்களைக் கவனித்துப் பாருங்கள். அவர்களுக்கு எளிதில் நோய் வருவதில்லை.  அப்படி நோய் வந்தாலும்  எளிதில்  குணமாகிவிடும். 

சீரான உணவு உட்கொள்ளாதவர்களுக்கே  பல்வேறு நோய்கள் எளிதில் தாக்குகின்றன.  அப்படியே நோய் வரும்போதே, உணவு முறையில் உள்ள குறைபாடுகள் பல்வேறு பிரச்சனைகளை ஏற்படுத்திவிடுகின்றன. 

உடல் நோய்வாய்ப்படும் போது மருத்துவர் எழுதிகொடுக்கும்  மருந்துகளைக் கூட நம்மில் பலர் அதிகாலையில்  பசியாறக்கூட நேரமின்றி டீ அல்லது காப்பியுடன்  அல்லது பாலுடன் உட்கொள்கின்றனர். 

 இதனால் உடலில் ஏற்பட்டுள்ள நோயின் தீவிரம் அதிகரிக்குமே தவிர பல்வேறு நோய்களுக்கும் வித்திட்டு விடுகிறது. 

சாப்பாட்டிற்குப் பிறகு போடப்படும் மாத்திரைகளை வெறும் டீ, காப்பி குடித்து விட்டுப் போடுவதால் மாத்திரையின் திறனை சமாளிக்க முடியாமல் போய்விடும். எனவே மருத்துவரின் ஆலோசனைப் படி உணவை சாப்பிட்டுவிட்டு மாத்திரை போடுவது நல்லது. 

More Articles ...