லாலம்பூர், ஜன.10- மலேசியர்கள் பூஜை புனஸ்காரங்களில் அதிக ஈடுபாடு கொண்டவர்களாக இருந்த போதிலும், மாந்திரீகங்கள் தொடர்பான போலி விளம்பரங்களில் பணத்தை இழக்கவும் பலரிடம் அவர்கள் ஏமாறுகின்றனர் எனத் தாம் கருதுவதாக கூறுகிறார் கேரளா வைச் சேர்ந்த பிரபலமான வேத ஆகம விற்பன்னர் திலீபன் நாராயணன் நம்பூதிரி. 

கடவுள்  எழுதிய விதியை மாற்ற வல்லவர் யாருமில்லை. நமது பாதையும் பயணமும் எத்தகையதாக இருக்கும் என்பதைக் கண்டறிந்து கொள்ள நமக்கு வழிகாட்டியாக இருப்பது நமது தொன்மைய ஜாதக ஜோதிடக் கலை. விதியை முற்றாக மாற்றிவிட முடியாது என்றாலும் வாழ்க்கையில் வரும் தடங்கல்களைத் தவிர்க்க முடியும் திலீபன் நாராயணன் நம்பூதிரி. குறிப்பிட்டார். 

மலேசியாவுக்கு குறுகியகால வருகை மேற்கொண்டிருக்கும் தீபன் நாராயணன், கேரளா மண்ணில் வேத மந்திரப் பூஜைகளில் பாரம்பரியமிக்க எம்.நாராயணன் நம்பூதிரியின் பேரன் என்பது குறிப்பிடத்தக்கது.

வேத மந்திரப் பூஜைகளைச் சின்ன வயதிலிருந்த தன்னுடைய தாத்தாவிடமிருந்து தாம் கற்றறிந்து கொண்டதாக வர்த்தக நிர்வாகத்துறை பட்டதாரியான திலீபன் தெரிவித்தார். 

நம்முடைய வாழ்க்கை எப்படி அமையும் என்பதை ஜாதகம் குறிப்பிட்டுச் சொல்கிறது. ஒருவருக்குத் தீங்கு தரக்கூடிய பல அம்சங்கள் உள்ளன. அதனை அறிந்து கொண்டால், அந்தத் தடங்கல்களை விட்டு விலகி நிற்க வழி உருவாகும். நமக்கு விதிக்கப்பட்ட எதையும் மாற்ற முடியாது. என்னென்ன வழிகளில் நமக்கு துன்பங்கள், தொல்லைகள் வரும் என்பதை அறிந்து செயல்பட்டால் பாதிப்புக்களைத் தணிக்கமுடியும் என்று அவர் விளக்கினார்.

குறிப்பாக தோஷங்கள் என்று சொல்வார்கள் அதில் பல விதங்கள் உண்டு. சத்ரு தோஷம், ஜாதக தோஷம், பித்ரு (முன்னோர் சாபம்) தோஷம் என்று பலவித குறுக்கீடுகள் ஒவ்வொருவரின் வாழ்க்கையிலும் உண்டு என்றார் அவர்.

ஜாதகங்களை ஆராய்ந்தால் இவற்றைக் கண்டுபிடித்து விடலாம். 'முத்து' பாட்டுப்  போட்டுப் பார்ப்போம். தோஷத் தடங்கல் இருக்குமேயானால் சடங்குப் பூர்வமான பூஜைகள், வழிபாடுகள் மூலம் பலவற்றை நிவர்த்தி செய்வோம். 

கிரக நிலைப்பாடு காரணமாக, எதிர்மறைவான விளைவுகள் பலருக்கு ஏற்படுவது உண்டு. அதனைக் கொஞ்சம் மாற்றலாம். ஆனால், ஒட்டு மொத்தமாகவே மாற்றி விடமுடியும் என்று சொன்னால் அத்தகையோரிடம் மக்கள் ஏமாந்து விடக்கூடாது. அத்தையவர்களின் விளம்பரங்களை நம்பி ஏமாந்து விடாதீர்கள் என்று திலீபன் நாராயணன் வலியுறுத்தினார்.

தனக்கு ஏற்பட்டிருக்கும் சிரமத்தை அல்லது நோயைத் தணிக்க ஒருவர் மாந்திரீகத்தை நாடலாம். மற்றவர்களுக்குச் சிரமத்தை ஏற்படுத்தவும் நோயை உண்டாக்கவும் மந்திரீகத்தை நாடக்கூடாது. அத்தகைய தீய விளைவுகளைத் தரும் நோக்கில் செயல்படமுனையும் போதுதான் பணத்தாசை பிடித்த மாந்திரீகர்களிடம் சிக்கி இழப்புக்களையும் ஏமாற்றங்களையும் மக்கள் சந்திக்க நேர்கிறது.

நல்ல சக்திகள் நம்மிடையே இருப்பது போலவே தீய சக்திகளும் உள்ளன. எதிர்மறை வினைகள் குறையும் போதுதான் ஒருவரை தீய சக்திகள் பற்றுகின்றன. எனவே, நேர்மறை வினை ஆற்றுங்கள். நிறைய புண்ணியங்களைத் தேடுங்கள். அத்தகைய புண்ணிய சக்திகள் உங்களிடம் நிறைந்து வழியும் போது எந்தத் தீய சக்தியும் அண்டாது என்று அவர் அறிவுறுத்தினார்.   

நேர்மறை வினைகள் ஆற்றுவது எப்படி தெரியுமா? நிறைவான வழிபாடுகள், பூஜைகள், கோயில் வழிபாடுகளைத் தவறாமல் கடைபிடித்தல் ஆகியவையே நல்ல அதிர்வுகளை உங்களுக்குள் நிரப்பும். பூஜை மந்திரங்களை ஓதுங்கள். வீடுகளில் பூஜைசெய்வது முக்கியம். கோயில்க ளுக்குச் செல்லுங்கள் சில கோயில்களில் நல்ல அதிர்வுகள் கிட்டும். அவை உங்களுக்குள் நிரம்பும் போது உங்களை தோஷங்கள் பாதிக்காது. அதன் பாதிப்புகள் தணியும்.

சிலர் மீது கெட்ட ஏவல்கள் ஏவப்படும் போது, அவர்களிடம் ஏற்கெனவே நேர்மறை வினைகள் குறைவாக இருந்தால், ஏவல்களால் பாதிப்பு வருகிறது. ஒரு நம்பூதிரி என்ற முறையில் கெட்ட ஏவல்களின் பாதிப்பு இருப்பவர்களுக்கு மாந்திரீகம், பூஜைகள், சடங்குகள் மற்றும் வழிபாட்டு முறைகள் மூலம் நிவர்த்திப்பதையே எங்கள் குடும்பம் பரம்பரையாக செய்து வந்துள்ளது என்று அவர் சொன்னார்.

பொதுவாக, பூஜைகள் முறையாக இல்லங்களில் நடந்து வருமேயானால், அதுவே தீய ஏவல்களைத் தடுத்து நிறுத்தும். அதுமட்டுமின்றி, அவரவர்களுக்கென குடும்பப் பாரம்பரிய பூஜைகள், வழிபாடுகள் இருக்கும். அவற்றை நிறைவாகப் பின்பற்றினால் அதனை நமது பிள்ளை களும் பின்பற்றி நல்லதொரு எதிர்காலத்தை அடைய முடியும் என்று திலீபன் நாராயண நம்பூதிரி விளக்கினார்.

இறைவனுக்கும் இறைவழிபாட்டிற்கும் உகந்த மார்கழி மாதம் இன்று பிறந்துள்ளது. "மாதங்களில் நான் மார்கழி"... என்று மகாவிஷ்ணுவே கூறியுள்ளார். இந்த மாதத்தில் அதிகாலை நீராடி ஆலய தரிசனம் செய்வது சிறப்பு. இதனால் தீராத நோய்களும், பிரச்சினைகளும் தீரும் என்பது நம்பிக்கை.

மகத்துவம் நிறைந்த மாதம் மார்கழி மாதம் எண்ணற்ற மகத்துவங்கள் நிறைந்த ஒரு அற்புதமான மாதமாகும். அதனால்தான் அதனை பீடுடைய அதாவது செல்வம் மிகுந்த மாதம் என்று அழைக்கின்றனர். மார்கழி மாதம் மகத்துவம் நிறைந்தது. எனவே நம் வாழ்வை அர்த்தமுள்ள தாக்கி கொள்ளவேண்டுமானால், இம்மாதத்தில் சரணாகதி என்னும் உயர் தத்துவத்தை கடை பிடிக்கவேண்டும். ஒரு ஆண்டில் 11 மாதங்கள் கோவில்களுக்கு செல்ல முடியாதவர்கள் இந்த மார்கழி மாதத்தை நன்கு பயன்படுத்திக்கொள்ளவேண்டும். மார்கழி மாதம் மட்டும் கோவிலுக்கு சென்றாலே வருடம் முழுதும் கோவிலுக்கு சென்ற பலன் கிடைத்துவிடும்.

 

திருப்பாவை திருவெம்பாவை தமிழகத்தில் மார்கழி மாதம் வந்துவிட்டாலே அதிகாலை வேளையில் வைணவக் கோயில்கள் மட்டுமின்றி அனைத்து ஆலயங்களிலும் பூஜை வழிபாடுகளும், பக்தி இசையும் மணக்கத் தொடங்கிவிடும். இதற்காகவே, ஆண்டாளும், மாணிக்கவாசகரும், திருப்பாவை, திருவெம்பாவை பாடி, நமக்கு வழிகாட்டியுள்ளனர்.

வழிபாட்டிற்கு உகந்தது நமக்கு ஒரு வருடம் என்பது தேவர்களுக்கு ஒரு நாள். அதில் உத்தராயணம் பகல் என்றும், தட்சணாயனம் இரவென்றும் கூறுவார்கள். இந்த நிலையில் தைமாதத்திற்கு முந்திய மாதம் மார்கழிமாதம் தேவர்களுக்கு வைகறைப் பொழுது. இது தனுர்மாதம் என்றழைக்கப்படுகிறது. விடியற்காலை என்றாலே மங்களகரமானது தானே? எனவே இந்த பெருமை பொருந்திய மாதம் முழுதும் இறை வழிபாட்டுக்கு என்றே பெரியோர்கள் ஒதுக்கிவைத்துள்ளனர். இம்மாதங்களில், சுபநிகழ்ச்சி நடத்தினால், வழிபாடு பாதிக்கும் என்பதாலேயே, இம்மாதங்களில் அவற்றை நடத்தாமல் தவிர்த்தனர். மார்கழி மாதத்தை, "மார்கசீர்ஷம்" என்று வட மொழியில் சொல்வர். "மார்கம்" என்றால், வழி- "சீர்ஷம்" என்றால், உயர்ந்த- "வழிகளுக்குள் தலைசிறந்தது" என்பது பொருள். இறைவனை அடையும் வழிக்கு இது உயர்ந்த மாதமாக உள்ளது.

செல்வம் தரும் நோன்பு மார்கழி மாதம் விரதம் இருந்து விஷ்ணுவை வழிபட்டால் தோஷங்கள் நீங்கி செல்வ செழிப்பை பெறுவர். திருமணத்தடை நீங்கும். குழந்தை பாக்கியம் கிடைக்கும். தொழிலில் நஷ்டம் நீங்கி லாபம் பெருகும். மார்கழி மாத நோன்பு, மிகவும் சிறந்தது. மார்கழி மாத வழிபாடு வழி வழியாகத் தொடர்கிறது. மார்கழி அதிகாலை 4.30 மணிக்கே எழுந்து விடவேண்டும். வீட்டை சுத்தம் செய்து, நீராடி, கோலமிட்டு, திருப்பாவை, திருவெம்பாவை பாடல்களைப் பாட வேண்டும். மகாலட்சுமி வாசம் செய்வாள் மார்கழி மாதங்களில் வீட்டு முன்பு கோலமிட்டால் மகாலட்சுமி வீடு தேடி வருவார் என்பது நம்பிக்கை.

இதனால் பெரும்பாலானோர் மார்கழியில் கோலமிடுகின்றனர். மார்கழியில் காலையில் எழுந்து வெளியே நடந்தால் ஓசோன் வாயு நுரையீரலுக்கு என்று புத்துணர்ச்சி தரும். மார்கழி மாத காற்று சருமத்திற்கும், வெள்ளை சிகப்பு உயிர் அணுக்களுக்கும், புற்று நோய்களுக்கும், உடல் நலத்திற்கும் மிகவும் நல்லது. இது விஞ்ஞான பூர்வமான அறிவியல் உண்மை.மனம் தூய்மையாகும். கோலமும், பாடலும் மனதை ஒருமைப்படுத்தி உணர்வுகளைச் செம்மைப்படுத்தும். மார்கழி மாதம் முழுதும் அதிகாலை எழுந்து கோவிலுக்கு செல்ல விரும்புகிறவர்கள் தனிமையாக செல்வதைவிட ஒரு சிறு குழுவாக அல்லது நண்பர்கள் வட்டமாக செல்லலாம் இன்னும் சௌகரியமாக சுறுசுறுப்பாக இருக்கும். எனவே குளிர்கிறதே என்று இழுத்துப் போர்த்திக்கொண்டு உறங்காமல் அதிகாலை எழுந்து நீராடி திருப்பாவை, திருவெம்பாவை பாடி இறைவனை தரிசனம் செய்யுங்கள்.

கார்த்திகை தீபத்திருநாள் மிகவும் தொன்மை வாய்ந்த திருநாள். இத்திருநாள் தமிழர்களால் பல்லாயிரம் ஆண்டுகளாக கொண்டாடப்படுகிறது.

கி.மு.2500 ஆண்டுகளுக்கு முன்னரே தமிழ் இலக்கியங்களிலும் மற்றும் சங்க கால இலக்கியங்களிலும் கார்த்திகை தீபத்தைப் பற்றிய குறிப்புகள் உள்ளன.

திருக்கார்த்திகை தோன்றுவதற்கு இரண்டு விதமான காரணங்கள் கூறப்படுகின்றது. அதில் ஒன்று ஒருமுறை உமாதேவி சிவனின் கண்களை விளையாட்டாக கைகளால் மறைத்தாள். அப்போது பிரபஞ்சமே இருள்மயமானது. உயிர்கள் அனைத்தும் துயரில் ஆழ்ந்தன. இச்செயலால், தேவிக்கு பாவம் உண்டானது. விமோசனம் தேடி காஞ்சிபுரம் சென்று சிவனை நோக்கி தவத்தில் ஆழ்ந்தாள். இறைவனும் தேவிக்கு காட்சியளித்து திருக்கார்த்திகை நாளில் திருவண்ணாமலை வரும்படி அருள்புரிந்தார்.

தேவி அண்ணாமலையிலுள்ள பவழக்குன்று மலையில் இருந்த கவுதம மகரிஷி உதவியுடன் பர்ணசாலை அமைத்து தவம் செய்தாள். பவுர்ணமி சந்திரன் கார்த்திகையில் சஞ்சரிக்கும் வேளை வந்தது. இறைவன் தேவிக்கு காட்சியளித்து, இடப்பாகத்தில் ஏற்று அருள்புரிந்தார்.

இந்தநாளை திருவண்ணாமலையில் மிகவும் சிறப்பாகக் கொண்டாடப்படுவதால், இதை திருவண்ணாமலைத் தீபம் என்றும் அழைப்பார்கள். சிவபெருமான் ஒளி மயமாகக் காட்சியளித்ததை நினைவு கூரும் வகையில், தீபத்தினத்தன்று திருவண்ணாமலையின் உச்சியில் மகாதீபம் ஏற்றப்படும். இந்த தீபம், ஐந்தரை அடி உயரமும், ஐந்தடி நீளமும் உள்ள ஒரு இரும்பு கொப்பரையில், 2000 கிலோ நெய்யை விட்டு, முப்பது மீட்டர் காடாத் துணியைச் சுருட்டி அதைத் திரியாகப் போட்டு அதன் மேல் இரண்டு கிலோ கற்பூரத்தை வைத்து ஏற்றப்படும்.இந்த மகாதீபம் மலையைச்சுற்றி 35 கிலோமீட்டர் தூரம்வரை தெரியும்.

சிவமும் சக்தியும் ஒன்றே என்பதை உணர்த்துவதற்காக அர்த்தநாரீஸ்வரராக வடிவம் எடுத்ததும், சிவராத்திரி விழா உருவானதுமான பெருமையை உடைய தலம் திருவண்ணாமலை.சிவன் கார்த்திகை மாத கிருத்திகை நட்சத்திரத்தில், திருமால், பிரம்மன் இருவருக்கும் அக்னி வடிவமாக காட்சி தந்தார்.இந்நாளிலேயே தீபத்திருநாள் கொண்டாடப்படுகிறது.

மலையில் தீபம் ஏற்றப்பட்டதும் மக்கள், ``அண்ணாமலையானுக்கு அரோகரா'' என விண்அதிர முழக்கமிடுவார்கள். ``இந்த உடம்பு நான் என்னும் எண்ணத்தை அழித்து, மனதை ஆன்மாவில் அழித்து, உன்முகத்தால் அத்வைத ஜோதியைக் காண்பது தான் தரிசனம் ஆகும்'' என ரமண மகரிஷிகள் குறிப்பிடுகிறார்.தீப தரிசனம் பிறவிப் பிணியை அறுக்க வல்லது என்பது ஐதீகம்.

இத்தீபத்திருநாள், திருவண்ணாமலையில் மிகவும் சிறப்பாகக் கொண்டாடப்படுவதால், இதை திருவண்ணாமலைத் தீபம் என்றும் அழைப்பார்கள்.

 

 

 

சிவபெருமான் ஒளி மயமாகக் காட்சியளித்ததை நினைவு கூரும் வகையில், தீபத்தினத்தன்று திருவண்ணாமலையின் உச்சியில் மகாதீபம் ஏற்றப்படும்.

 

இத்திருநாள், முருகக்கடவுள் அவதரித்த தினமாகவும் கொண்டாடப்படுகிறது.

 

பெரும்பாலானோர் காலை முதல் விரதமிருந்து, மாலை பூஜை முடிந்தபின்னர், அகல் விளக்கேற்றி வரிசையாக வாசல் தொடங்கி வீடு முழுவதும் வைப்பார்கள்.

 

இது தான் தீபா திருவிழாவின் முக்கிய நிகழ்வாகும்.

தீபம் ஏற்றுவதற்கு காரணம் என்ன? அதற்கான அறிவியல் பின்னணி என்ன? இந்தக் கலாச்சாரத்தைப் பொறுத்தவரை, எதை செய்தாலும் அதை மனித நல்வாழ்விற்கு வழிவகுக்கும் வகையில், விஞ்ஞான ரீதியாகவே செய்தார்கள். மனிதனின் நல்வாழ்வு, அவனின் உள்நிலை வளர்ச்சிக்கு உதவுவதோடு, அவன் முக்தியை நாடி செல்வதற்கும் வழி செய்கிறது. இவ்வகையில், விளக்கு ஏற்றுவது முக்கியத்துவம் பெறுகிறது.

ஏனெனில், நாம் பார்த்து உணர்வதற்கு, ஒளி மிக அத்தியாவசியம். நம்மைச் சுற்றி இருக்கும் உலகத்தை நாம் புரிந்துகொள்வதில் நம் பார்வை பெரும் பங்கை வகிக்கிறது. வெளிச்சம் இல்லாவிட்டால், நம்மை சுற்றி இருக்கும் எதையும் நம்மால் உணர முடியாது. இதன் அடிப்படையில் நமக்கு ஒளி முக்கியம். ஆனால் இந்நாளின் முக்கியத்துவம் வெறும் வெளிச்சம், அல்லது விளக்கு ஏற்றுவதைப் பற்றி மட்டும் அல்ல. இந்த மாதத்தின் ஒவ்வொரு நாளும் நீங்கள் குறைந்தது இதையாவது செய்யவேண்டும்.

உங்களுக்கென்று ஒன்று, உங்களுக்கு நெருக்கமானவருக்கு ஒன்று, உங்களுக்கு சிறிதும் பிடிக்காதவருக்கு ஒன்று, என்று குறைந்தது மூன்று விளக்கேனும் நீங்கள் தினமும் ஏற்ற வேண்டும்! ஒரு வருடத்தின் இந்த பாகத்தை, தக்ஷிணாயனம் (அ) சாதனா பாதை என்று அழைப்பர். இதில் இந்த கார்த்திகை மாதத்தில் தான் நாம் ‘கைவல்ய பாதைக்குள்’ மெதுமெதுவாக அடி எடுத்து வைக்கும் நேரம். யோக சாதனா செய்யும் வகையில், தக்ஷிணாயனம் என்பது தீவிரமாக யோக சாதனாவில் ஈடுபட்டு, நம்மை சுத்திகரித்துக் கொள்வதற்கான நேரம். உத்தராயணமோ ஞானோதயம் பெறுவதற்கான நேரம். சாதனா பாதையில் உழுவை செய்து, விதை விதைத்து, பயிர் செய்தாயிற்று. இப்போது நீங்கள் செய்த ‘சாதனா’விற்கான பலன்களை அறுவடை செய்யும் நேரம். இந்த நேரத்தில் தான் உங்கள் சாதனாவின் பலன்களை உங்களுக்கு பயன்படும் விதத்தில் நீங்கள் பெற்றுக் கொள்ள முடியும். இதை பல கதைகளில் கேட்டிருப்பீர்கள்.

பிதாமகர் பீஷ்மர், சாதனா பாதையில் இறக்க விரும்பாமல், அம்புப் படுக்கையில் காத்திருந்து, ‘உத்தராயண’த்தில் உயிர் நீத்தது நாம் அனைவரும் அறிந்த கதைதான். அவர் உத்தராயணத்தில் (அ) கைவல்ய பாதையில் இறக்க விரும்பியதற்கான காரணம், அந்த நேரத்தில் தான் வாழ்க்கையின் பலன்களை அறுவடை செய்யமுடியும். நம் உள்நிலையில் அறுவடை செய்ய வேண்டியவற்றை கைவல்ய பாதையில் மிக எளிதாக அறுவடை செய்துவிடலாம். இந்த கார்த்திகை மாதம், சாதனா பாதையில் இருந்து கைவல்ய பாதைக்கு மெதுவாக மாறும் நேரம். இந்நேரத்தில் விளக்குகள், அதில் இருந்து வெளிவரும் ஒளி, ஞானோதயம், விழிப்புணர்வு, முக்திக்கான அடையாளக் குறியீடுகள்.

இதைக் குறிப்பதற்குத் தான் வீட்டிலே பல விளக்குகள் ஏற்றி வைக்கிறோம். இது ஏதோ ஒரே ஒரு விளக்கை ஏற்றுவதைப் பற்றி அல்ல. நம் கலாச்சாரத்தில் பொதுவாக கார்த்திகை மாதத்தில், எப்போதும் ஏற்றுவதை விட இரண்டு மடங்கு அதிகமாக தீபம் ஏற்றுவார்கள். ஒன்று, வருடத்தின் இந்த நேரத்தில் பகல் நேரம் குறைவாக இருப்பதால், நம் தினசரி வேலைகளை செய்ய நமக்கு இன்னும் கொஞ்சம் அதிகமாக வெளிச்சம் தேவைப்படும் என்பதால். மற்றொன்று நம் வாழ்வில் ஒளியை பெருக்கிக் கொள்ளும் நேரம் இது.

 

More Articles ...