ஷாஆலம், ஜூலை 9- ஷா ஆலாமில் பிரசித்திப் பெற்ற கோத்தா கமுனிங் ஶ்ரீ மகா மாரியம்மன் ஆலயத்தில் இன்று விஷேச பூஜை நடந்தேறியது. கடந்த வருடம் நடந்த கும்பாபிஷேகத்தை அடுத்து ஒரு ஆண்டு நிறைவடைந்ததை முன்னிட்டு இந்த சம்வஸ்திராபிஷேகம் எனும் விஷேச பூஜை நடைபெற்றது.

148 ஆண்டுக் கால வரலாற்றைக் கொண்ட இவ்வாலயம், புதுப்பிக்கப்பட்டு கடந்த வருடம் ஜூலை மாதம் 9ம் தேதி மாபெரும் கும்பாபிஷேகம் நடந்தது. அதனை ஒட்டி இன்று அதிகாலை 5 மணிக்கு சிறப்பு அபிஷேகம் செய்யப்பட்டு யாகம் நடத்தப்பட்டு நடத்தப்பட்டது. அதோடு நித்திய பூஜைக்குப் பின் காலை 9 மணிக்கு விஷேசமாக சம்வஸ்திராபிஷேகம் நடைபெற்றது.

ஆலயக் குருக்கள் விஜயக்குமார் தலைமையில் நடந்த இந்த பூஜையில் திரளான பக்தர்கள் கலந்து கொண்டு மாரியம்மனின் அருளைப் பெற்றனர். 

இன்று சனிக்கிழமை 02-07-2016 ஆனி 18 சனியன்று சனி மஹா பிரதோஷம் .தினசரி 12 ஆண்டுகள் சிவாலய தரிசனம் செய்த பயனை, ஒரு மஹா கும்பாபிஷேகம் செய்வித்த பயனை நாம் ஒரு மஹா பிரதோஷத்தை மாலை பாரம்பரியமான சிவாலயத்தில் தரிசிப்பதால் அடையலாம்.

துன்பம் போக்கும் சனி பிரதோஷ விரத வழிபாடு:

சங்கடங்கள் தீர்க்கும் சனி மஹா பிரதோஷம்!

சனி மஹா பிரதோஷம்!

 சிவனுக்கு உகந்த விரதங்களில் முக்கியமானது பிரதோஷ விரதம் ஆகும். அதிலும் சனிக்கிழமையன்று வரும் பிரதோஷம் மிகவும் உன்னதமானது ஆகும்.  சித்திரை, வைகாசி, ஐப்பசி, கார்த்திகை மாதங்களில் வரக்கூடிய சனி பிரதோஷங்கள் சனி மஹாப்பிரதோஷங்கள் என்று வழங்கப்படுகின்றன. ஆலகால விஷத்தினை ஏற்றுக்கொண்டு தேவர்களை சிவன் காத்தருளியது கார்த்திகை மாத சனிக்கிழமை திரயோதசி என்று சொல்லப்படுகிறது. எனவே எல்லா மாதங்களை விட கார்த்திகையில் வரும் சனி பிரதோஷம் மிகவும் விசேஷம் ஆனது ஆகும்.

கார்த்திகை மாதம் தமிழர்களிடத்தே மிகவும் சிறப்புவாய்ந்த ஒன்றாகும். கார்த்திகையில் திங்கள்கிழமை சோமவார விரதமாக சிவாலயங்களில் கொண்டாடப்படும். இந்தமாத பவுர்ணமியில் அண்ணாமலையார் தீபம் கார்த்திகை தீபமாக கொண்டாடப்படுகிறது. அது மட்டுமின்றி செவ்வாய்க்கிழமைகள் துர்க்கை வழிபாடு செய்ய உகந்ததாக கருதப்படுகிறது. இத்தகு கார்த்திகை மாதத்தில் வரும் சனிப்பிரதோஷத்தை சனி மஹா பிரதோஷம் என்று வழங்குவது மிகவும் சிறப்பாகும்.

பிரதோஷ விரதம் மேற்கொண்டால் திருமணம் கைகூடும், பிள்ளை பாக்கியம் கிடைக்கும், வறுமைவிலகும்,நோய்கள் நீங்கும், சகலகாரியங்களில் வெற்றிகிடைக்கும், சகல சௌபாக்கியங்களையும் தரக்கூடியது பிரதோஷவிரதம்.

 பிரதோஷ காலம் என்பது சூரியன் அஸ்தமனத்திற்கு முன் மூன்றே முக்கால் நாழிகையும் சூரியன் அஸ்தமனத்திற்கு பின் மூன்றே முக்கால் நாழிகையும் ஆகும். ஒருநாழிகை என்பது 24 நிமிடங்கள். ஒரு மணிக்கு இரண்டரை நாழிகைகள்.ஆக சராசரியாக மாலை 4 மணியில் இருந்து இரவு 7.30 வரை பிரதோஷ காலம் உண்டு. சவுகரியத்திற்காக மாலை 4.30 முதல் 6.00வரை என சொல்லப்படுகிறது.

 பிரதோஷ தினத்தில் அதிகாலையில் நீராடி திருநீறனிந்து சிவ நாமம் ஆன நமசிவாய ஓதி உபவாசம் இருக்க வேண்டும். அன்று காலை முதல் பிரதோஷம் முடியும் வரை உணவு தவிர்த்து பிரதோஷ தரிசனம் முடித்து பிரசாதம் உண்டு விரதம் முடிக்க வேண்டும். பின்னர் இரவு உணவு சாப்பிடலாம். இப்படி பதினோறு பிரதோஷங்கள் விரதம் இருந்து சிவனை வழிபட்டால் சிவனருள் கிடைக்கும்.

ஒரு சனிப்பிரதோஷத்தன்று சிவாலயம் சென்றால்,ஐந்து வருடங்கள் தினமும் சிவாலயம் சென்றுவந்த புண்ணியம் கிடைக்கும் என அனுபவம் மிக்க சிவனடியார்கள் தெரிவிக்கின்றனர்.

தினப்பிரதோஷ நேரம் என்பது ஒவ்வொரு நாளும் மாலை மணி 4.30 முதல் 6.00 வரையிலான நேரம் ஆகும்.இந்த தினப்பிரதோஷ நேரம் என்பதே இந்த சனிப்பிரதோஷ சம்பவத்தினால்தான் உருவானது.மிகவும் புண்ணியமான இந்த நேரத்தில் நாம் எந்த ஒரு மந்திரம் ஒரு முறை ஜபித்தாலும், அது பலகோடி மடங்கு ஜபித்ததற்கான புண்ணியத்தைத் தரும்.

ஓம் ஆம் ஹவும் சவும் என்ற மந்திரத்தை ஒரு சிவாலயத்தில் ஒரு முறை ஜபிப்பதால்,நாம்,நமது முந்தைய ஏழு பிறவிகள்,நமது முன்னோர்கள் ஏழு தலைமுறையினர் செய்த பஞ்சமாபாதகங்கள் அவற்றால் ஏற்பட்ட பாவங்கள் அழிந்துவிடும்.(பொய் சொல்லுதல்,கொலை செய்தல்,பேராசைப்படுதல்,வீணான அபகரித்தல்,குருவை நிந்தித்தல் போன்றவை பஞ்சமாபாதகங்கள்)எனவே,இந்த மந்திரத்தை,குறைந்தது ஒன்பது தடவையும்,அதிகபட்சமாக 108 முறையும் ஜபிப்போம்;

பிரதோஷம் விளக்கும் கோட்பாடு: உலகில் பிரதிகூலமாக இருப்பவைகளை அனுகூலமாக மாற்றத் தெரிந்து கொள்ள வேண்டும். அழிவைத் தரும் ஆலகால நஞ்சையுண்டு நம்மைக்காத்த சிவதாண்டவம் இக்கோட்பாட்டை விளக்கும் வகையில் அமைந்துள்ளது.

ஐந்து வகைப் பிரதோஷம் :

1. நித்தியப் பிரதோஷம்: தினமும் சூரிய அஸ்தமனத்திற்கு மூன்று நாழிகைக்கு (72 நிமிடம்) முன்னர்  உள்ள காலகட்டத்தை இது குறிக்கும்.

2. பட்சப் பிரதோஷம்:  இது வளர்பிறைத் திரயோதசியன்று வரும்.

3. மாதப் பிரதோஷம்:  இது தேய்பிறைத் திரயோதசி யன்று வரும்.

4. மகா பிரதோஷம்:  சித்திரை, வைகாசி, ஐப்பசி, கார்த்திகை மாதங்களில் சனிக்கிழமை கூடிய திரயோதசி நாளன்று இது வரும். (ஆலகால நஞ்சை ஈசன் ஏற்றருளியது கார்த்திகை மாதம் சனிப் பிரதோஷத்தன்று என்று கருதப்படுகிறது. இதற்கு மாறாக, ஆந்திராவில் வைகாசி மாதம் சனிப் பிரதோஷ வேளையென்று கருதுகிறார்கள்.)

5. பிரளயப் பிரதோஷம்:  இது பிரளய காலத்தில் வருவது. அப்போது எல்லாமே ஈசனுள் அடங்கும்.

சோமசூக்தப் பிரதட்சணம்:

சிவாலயங்களை பிரதோஷ  காலத்தில் பின்வருமாறுதான் வலம் வர வேண்டும். இந்த பிரதட்சணம் சோம சூக்த பிரதட்சணம் என்று வழங்கப்படுகிறது

நந்தி பெருமானிடம் இருந்து புறப்பட்டு இடப்புறமாக சென்று சண்டிகேஸ்வரரை வணங்கி அங்கிருந்து திரும்பி நந்திபெருமானிடம் வணங்கி இரு கொம்புகளிடையே சிவதரிசனம் செய்து அங்கிருந்து வலப்புறமாக சென்று கோமுகி வரை சென்று கோமுகியை வணங்கி பின்னர் திரும்பி நந்தி தேவரிடம் வந்து வணங்கி சண்டிகேஸ்வரரை வணங்க வேண்டும் பின்னர் அங்கிருந்து திரும்பி நந்திதேவரை வணங்கி கோமுகியை வணங்கவேண்டும். அங்கிருந்து வந்து சண்டிகேஸ்வரரை வணங்கிவிட்டு நந்தி தேவரிடம் பிரதட்சணத்தை முடிக்க வேண்டும். இது சோமசூக்த பிரதட்சணம் என்று வழங்கப்படுகிறது.

ஆலகால விஷம் வெளிப்பட்ட போது தேவர்கள் இங்கும் அங்கும் அலைந்ததை நினைவு கூறும் விதமாக இந்த பிரதட்சணம் செய்யப்படுகிறது. பிரதோஷ காலத்தில் எல்லா தேவர்களும் சிவாலயத்தில் கூடுவதால் பிற சன்னதிகளில் தரிசனம் கிடையாது. சிவாலய தரிசனம் எல்லா தெய்வங்களை வணங்கிய பலன் கொடுக்கும்.

நாளை சனிக்கிழமை சிவாலயங்களில் சனி மஹா பிரதோஷம் விசேசமாக கொண்டாடப்படுகிறது. மாலை வேளையில் சிவாலயங்களுக்கு சென்று உங்களால் இயன்ற அபிஷேகப்பொருட்களை அளித்து அபிஷேகம் செய்வித்து நந்தியெம்பெருமானை ஆராதித்து வழிபட்டு சிவனருள் பெறுவோமாக!

திருமலை, 29 ஜூன்-  திருமலையில் உள்ள திருப்பதி ஏழுமலையான் கோவிலில் , ஏழுமலையான்-பத்மாவது தாயார் உருவம் பொறித்த டாலர்கள் விற்பனை செய்யப்பட்டு வருகிறது.

தங்கம் விலை எகிறிக்கொண்டே போவதால, பக்தர்கள்  தங்களால் வாங்க முடியவில்லை என கோரிக்கை விடுத்ததைத் தொடர்ந்து, தேவஸ்தானம் 2 கிராம் தங்கத்தில்  டாலர்களை  விற்பனை செய்ய முடிவு செய்துள்ளது.  எனவே இனி 2,5,10 கிராம்களில் ஏழுமலையான்- பத்மாவது டாலர்களும் 5,10 கிராம்களில் வெள்ளி டாலர், 5 கிராம் செம்பு டாலர்களும் விற்கப்படவுள்ளன.  

 2 கிராம் தங்க டாலர் விற்பனை இன்னும் ஒருவாரத்தில் தொடங்கப்பட உள்ளதாகவும், இதற்காக  கூடுதலாக இரண்டு தங்க டாலர் விற்பனை மையங்கள் திறக்கப்படவுள்ளதாகவும் தேவஸ்தானம் தெரிவித்துள்ளது. 

தாய்மார்கள் தங்களின் பெண் குழந்தைகளை   தினமும் விளக்கேற்றும் படி பழக்கப்படுத்துவது அவசியம். இதனால் அவர்களை தெய்வ நம்பிக்கையுள்ளவர்களாக வளர்ப்பதோடு, அவர்களின் முகத்தில் ஒரு தேஜசையும் உருவாக்க முடியும்.  நம்பினால்   சோதித்துப் பாருங்கள்.  உங்கள் வீட்டுப் பெண்ணை ஒரு குறிப்பிட்ட தினத்திலிருந்து விளக்கேற்றும் படி சொல்லுங்கள். அன்று  உங்கள் பெண் பிள்ளையிடம்   அவளது முகப் பொலிவை முகம் பார்க்கும் கண்ணாடியில் பார்க்கச் சொல்லுங்கள். நீங்களும் பாருங்கள். அந்த தேதியைக் குறித்து வையுங்கள். 

சரியாக 30 நாட்கள் கழித்து, மீண்டும் உங்கள் பெண்ணை கண்ணாடியில் முகத்தைப் பார்க்கச் சொல்லுங்கள். 45-வது நாள் வரை இதே போல் செய்து பாருங்கள். நிச்சயமாக ஒரு மாற்றத்தை உங்கள் பெண்ணின் முகத்தில் பார்க்கச் சொல்லுங்கள்.  நிச்சயமாக உங்கள் பெண்ணின் முகத்தில் நீங்கள் மாற்றத்தைப் பார்க்க முடியும். அந்த மாற்றத்தை உங்கள் வீட்டு பெண்ணும் உணர முடியும்.  அதேபோல் பெற்றோரின் ஆதரவும் அரவணைப்பும் வியப்பூட்டும் வகையில் கூடும். 

 

-நாளை தொடரும்... 

More Articles ...