மேஷம் : நண்பர்கள் நல்ல தகவலைக் கொண்டு வந்து சேர்க்கும் நாள். வசதி, வாய்ப்புகளைப் பெருக்கிக் கொள்ள விரும்புவீர்கள். எந்தக் காரியத்தையும் துரிதமாகச் செய்து முடிப்பீர்கள். புதியவர்களின் அறிமுகம் கிடைக்கும்.

ரிஷபம்: தாராளமாகச் செலவிட்டு மகிழும் நாள். தொழில்,உத்யோகத்தில் புதிய மாற்றங்களைச் செய்வது பற்றிச் சிந்திப்பீர்கள். சொன்ன சொல்லைக் காப்பாற்ற முயற்சிப்பீர்கள். வீடு மாற்றச் சிந்தனை மேலோங்கும்.

மிதுனம்: அதிர்ஷ்ட வாய்ப்புகள் அலை மோதும் நாள். அன்பு நண்பர் களின் ஆதரவு பெருகும். உத்யோகத்தில் உங்கள் நிர்வாகத் திறமையைக் கண்டு ஆச்சர்யப்படுவர்.வருமானம்  இருமடங்காகும்.

கடகம்: பொதுவாழ்வில் புகழ்கூடும் நாள். புது முயற்சிகளில் அதிக ஆர்வம் காட்டுவீர்கள். தொழிலை விரிவுபடுத்தும் எண்ணம் மேலோங்கும். பொறுப்புகளும், பதவிகளும் வந்து சேர்வதற்கான அறிகுறிகள் தோன்றும்.

சிம்மம்: நல்லவர்களைச் சந்தித்து நலம் காணும் நாள். நண்பர்கள் நம்பிக்கைக்குரிய விதம் நடந்து கொள்வர்.பழைய பிரச்சனைகளைத் தீர்க்க முழுமூச்சுடன் செயல்படுவீர்கள். தந்தை வழி ஒத்துழைப்பு உண்டு.

கன்னி: ஆலய வழிபாட்டால் அமைதி காண வேண்டிய நாள். உடல் நலம் சீராக ஒரு சிறு தொகையைச் செலவிடுவீர்கள். கூட்டாளிகளால் சில தொல்லைகள் ஏற்படும். வரவைக்காட்டிலும் செலவு கூடும்.

துலாம்: போன்மூலம் பொன்னான தகவல் வந்து சேரும் நாள். தொழில் வளர்ச்சி கூடும். உள்ளன்போடு பழகியவர்களின் எண்ணிக்கை அதிகரிக்கும். வாகனம் வாங்கும் முயற்சியில் ஆர்வம் காட்டுவீர்கள்.

விருச்சகம்: எண்ணங்கள் எளிதில் நிறைவேறும் நாள். இனிய விழாக்களுக்க அழைப்புகள் வந்து சேரும். பழைய பாக்கிகள் வசூலாகும். குடும்பத்தில் உள்ளவர்கள் உங்கள் விருப்பப்படியே நடந்து கொள்வர்.

தனுசு: எதிர்பார்ப்புகள் நிறைவேறும் நாள். பிற இனத்தாரால் பெருமை வந்து சேரும் சாதுர்யமாக செயல்பட்டு பொருள்வரவைப் பெருக்கிக் கொள்வீர்கள். வராத உறவினர்கள் திடீரென வரலாம்.

மகரம்: இடம் வாங்கும் முயற்சியில் இனிய பலன் கிடைக்கும் நாள். புதிய வாய்ப்புகள் எதிர்பாராத விதத்தில் வந்து சேரும்.   விலைஉயர்ந்த பொருட்களை வாங்கி ஆனந்தம் பெறுவீர்கள்.

கும்பம்: நல்ல சம்பவங்கள் நடைபெறும் நாள். வளர்ச்சிக்கு வித்திட்டவர்களை சந்தித்து மகிழ்வீர்கள். தைரியமும், தன்னம்பிக்கையும் அதிகரிக்கும்.  இளைய சகோதரத்தால் எதிர்பார்த்த உதவிகள் கிடைக்கும்.

 

மீனம்: புகழ் கூடும் நாள். பொருளாதார முன்னேற்றம் கருதி முக்கிய முடிவெடுப்பீர்கள்.  கலைத்துறை சம்பந்தப்பட்டவர்களால் காரிய அனுகூலம் கிடைக்கும். வீடு வாங்க விற்க எடுத்த முயற்சி வெற்றி தரும்.

 கோலாலம்பூர், செப்.23- புரட்டாசி மாதம் முழுவதும் விரதமிருந்து பெருமானை வழிபட சகல சௌபாக்கியங்களும் கிடைக்கும். புரட்டாசி மாதத்தில்தான் சனி பகவான் பிறந்தார். எனவே, புரட்டாசி சனிக்கிழமை விரதம் இருப்பது பெருமாளுக்கு மகிழ்ச்சியைத் தரும். சனியின் பார்வையும் பலவீனமடையும்.

புரட்டாசி மாதம் முழுவதும் விரதம் இருப்பது சிறப்பான ஒன்றாகும். கிரக தோஷமுள்ளவர்கள் புரட்டாசி சனிக்கிழமைகளில் ஆஞ்சநேயர் கோயிலுக்குச் சென்று வழிப்பட்டால் கருணை மிகுந்த ஆஞ்சநேயசாமி, சனியின் பிடியிலிருந்து காப்பாற்றுவார்.

ஆஞ்சநேயரை வணங்கும் பக்தர்களை சனிபகவான் தொந்தரவு செய்வதில்லை. புரட்டாசி சனிக்கிழமைகளில் யாருக்கும் கடன் கொடுக்கவும் கடன் வாங்கவும் கூடாது. ஆனால் தர்மம் நிறையச் செய்யலாம்.

காகத்திற்கு அன்று வாழை இலையில் எள்ளும் வெல்லமும் கலந்த அன்னம் வைத்தால் சனியின் தாக்கம் நீங்கும். புரட்டாசி சனிக்கிழமையன்று சிவாலயங்களுக்குச் சென்று சனிபகவானை வழிபட்டு வணங்கினால், சனி தோஷம் நீங்கும். புனிதமிக்க புரட்டாசி மாதத்தில் வரும் விரதங்கள் புண்ணிய பலன் தரும். 

சிட்னி, ஜூன்.29- ஆஸ்திரேலியாவில் தற்போது மேற்கொள்ளப்பட்ட கணக்கெடுப்பின் படி, இந்து மதத்தை பின்பற்றுவோர்கள் 4ஆம் இடத்தைப் பிடித்ததோடு, வேகமாக வளர்த்துவரும் பட்டியலிலும் இடம்பிடித்துள்ளனர்.    

2017ஆம் ஆண்டின் கணக்காய்வின்படி, இந்தியாவை பூர்வீகமாக கொண்ட இந்து மதம், ஆஸ்திரேலியாவில் தற்போது வேகமாக வளர்ந்து வரும் மதங்களின் பட்டியலைலில் இடம்பிடித்துள்ளது.   

கடந்த 2006ஆம் ஆண்டு தொடங்கி 2017ஆம் ஆண்டு வரைக்குமான கணக்கெடுப்பின் படி பார்க்கும்போது, இந்து மதம் கிட்டத்தட்ட 500 விழுக்காடு வேகமாக வளர்ந்துள்ளது. 

ஆஸ்திரேலியாவின் மொத்த மக்கள் தொகையில் ஒரு லட்சத்து 29,900 பேர் இந்துக்களாக உள்ளனர். இவர்களில் தமிழர்களும் இங்கு கணிசமாக வாழ்கின்றனர்.  

ஆஸ்திரேலிய மக்களில் 52 விழுக்காட்டினர் கிறிஸ்தவ மதத்தை பின்பற்றி முதலிடத்தில் உள்ளனர். அதனைத் தொடர்ந்து 2.6 விழுக்காட்டுடன் இஸ்லாமிய சமயத்தினர் இரண்டாம் இடத்திலும், 2.5 விழுக்காடு மக்களைக் கொண்ட புத்த சமயத்தினர் மூன்றாம் இடத்திலும் உள்ளனர். அதனைத் தொடர்ந்து 1.9 விழுக்காட்டுடன் இந்து மதம் 4ஆவது இடத்தில் உள்ளது.  

தற்போதைய நிலவரப்படி இந்து மதம் 4 வது இடத்தில் இருந்தாலும் முன் எப்போதும் இல்லாத அளவிற்கு வேகமாக வளர்ந்து வருகின்றது என்பது குறிப்பிடத்தக்கது. ஆஸ்திரேலியாவில் கடந்த ஐந்து ஆண்டுகளில் மட்டும் இந்து மதத்தின் வளர்ச்சி 60 விழுக்காடு உள்ளது என்பது குறிப்பிடத்தக்கதாகும்.  

இந்தியாவில் இருந்து குடியேறிய இந்தியர்கள், அங்கு தங்களுக்கு வழிபாட்டு தலங்களையும் கட்டி, திருவிழாக்களையும் நடத்தி வருவதோடு இந்துகளின் பாரம்பரியத்தையும் கடைபிடித்து வருகின்றனர். 

 

 

ஜொகூர்பாரு, ஜூன். 29- கூலாய்யில் அமைந்துள்ள ஶ்ரீ ராகவேந்திர சுவாமி மடாலயத்தின் 346ஆம் குரு ஆராதனை மகா உற்சவம் மிக விமரிசையாக நடைபெறவுள்ளது. இதில் பொதுமக்கள் திரளாக வருகை தருமாறு ஆலய நிர்வாகம் கேட்டுக் கொண்டது.

ஆராதனை மகா உற்சவத்தை முன்னிட்டு வரும் ஜூலை முதலாம் தேதி தொடங்கி வரும் அக்டோபர் 12ஆம் தேதி வரை 101 நாள்களுக்கு சிறப்புப் பூஜைகள் நடைபெறவுள்ளன. இந்த உற்சவத்தின் முதல் நாளன்று அதிகாலை 6.00 மணியளவில் கொடியேற்ற விழாவும் அதனைத் தொடர்ந்து சிறப்புப் பூஜைகளும் அன்னதானமும் நடைபெறும்.

இந்த 101 நாள்களுக்கு பஞ்சமுகி ஆஞ்சநேய குரு பூஜை, குரு பூர்ணிமா, ஶ்ரீ பகவதி மாஞ்சாலி அம்மன் பூஜை, அமாவாசை தர்ப்பணம், ஶ்ரீ நாகம்மா பூஜை, ஶ்ரீ வரலட்சுமி விரதப் பூஜை, மகா பூர்வ ஆராதனை, மகா உற்சவ ஆராதனை, ஶ்ரீ கிருஷ்ண ஜெயந்தி, ரத ஊர்வலம், விநாயகர் சதுர்த்தி ஆகியவற்றுடன் இறுதி நாளான 12.10.2017இல் பாகவதர் நடனமும் பூர்த்தி பூஜையும் நடைபெறும் என மடாலயத்தின் நிர்வாகத்தினர் கூறினார். 

கூலாய், ஶ்ரீ ராகவேந்திரா மடாலயத்தில் நடைபெறவுள்ள 346ஆவது ஆராதனை மகா உற்சவம் தொடர்பாக சுவாமி பாலகுரு 016-7133153, மாதாஜி லதா 017-7681112 ஆகியோருடனும் 016-7325021 என்ற எண்ணில் மடாலயத்துடன் தொடர்பு கொள்ளலாம்.

More Articles ...