சென்னை, அக்.16- 'தயவு செய்து குடிப்பதை நிறுத்திவிடுங்கள், அது உங்கள் உடல்நலத்திற்கு தீங்கினை ஏற்படுத்தும்'' என நடிகர் தாடி பாலாஜியின் மகள் போஷிகா தெரிவித்துள்ளார். 

தாடி பாலாஜிக்கும், அவரது மனைவி நித்தியாவுக்கும் ஏற்பட்ட குடும்ப பிரச்சனையால் இருவரும் பிரிந்து வாழ்கின்றனர். இதற்கிடையில், தனது மனைவி மற்றும் மகளைத் தீயீட்டு எரித்து கொலை செய்ய முயற்சித்தாக அண்மையில் வீடியோ ஒன்றினை நித்யா வெளியிட்டார்.

அதுமட்டுமின்றி என்னைப் பற்றிய தவறான செய்திகளைப் பரப்பி தொந்தரவு செய்தால் நானும் எனது குழந்தையும் தற்கொலை செய்துகொள்வோம்ரென்று அவர் தெரிவித்திருந்தார்.

இந்நிலையில் தாடி பாலாஜியின் மகள் போஷிகா கூறியதாவது: 

எனக்கு சந்தோஷம் இருக்க வேண்டும், சோகமாக இருப்பது பிடிக்காது. வெளியில் மட்டுமே பாசம் காட்டாமல், வீட்டுக்குள்ளேயும் எனக்கு பாசம் காட்ட வேண்டும். அம்மா என்னிடம் எப்போதும் ஒரே மாதிரி நடந்துகொள்வார். 

ஆனால், அப்பா மாறி மாறி நடந்துகொள்வார். இரவு நேரத்தில் குடித்துவிட்டு எனது அம்மாவையும், என்னையும் அடிப்பார். இனிமேல் உனக்கு அம்மா கிடையாது, அப்பா மட்டும்தான் என்று என்னிடம் பலமுறை கூறியுள்ளார்.

வெளிப்பார்வைக்கு தான் அவர் 'காமெடி' செய்கிறார், அதை மக்கள் ரசிக்கிறார்கள். ஆனால், வீட்டுக்குள் இருப்பதுதான் அவரது உண்மையான முகம். அது எனக்கும் எனது அம்மாவுக்கு மட்டும்தான் தெரியும். குடித்துவிட்டு வந்து என்னை மிரட்டும் எனது அப்பா எனக்கு வேண்டாம் என மகள் போஷிகா கூறியுள்ளார். 

சிறுமி போஷிகா பேசும் வீடியோ நேற்று முன்தினம் யூ-டியூப்பில் பதிவேற்றம் செய்யப்பட்டது. ஆனால், தற்பொழுது சம்பந்தப்பட்ட வீடியோ திடீரென்று நீக்கப்பட்டுள்ளது.        

 

 

 

 

 

 

சென்னை, அக்.16- முதல்வர் எடப்பாடி பழனிச்சாமியை நடிகர் விஜய் திடீரென இன்று சந்தித்து பேசினார். நடிகர் விஜய்யின் 'மெர்சல்' திரைப்படம் பல்வேறு தடைகளை எதிர்கொண்டிருக்கிறது. 

நீதிமன்றங்களும் மெர்சல் படத்துக்கு ஆதரவான நீதிமன்ற தீர்ப்புகள் வந்து கொண்டிருக்கின்றன. அத்துடன் கேளிக்கை வரி தொடர்பாகவும் திரைத்துறையினர் அரசுடன் பேச்சுவார்த்தை நடத்தினர்.

இந்நிலையில் முதல்வர் எடப்பாடி பழனிச்சாமியை நடிகர் விஜய் இன்று சந்தித்து பேசினார். சென்னை கிரீன்வேஸ் சாலையில் உள்ள முதல்வரின் இல்லத்தில் இச்சந்திப்பு நடைபெற்றது. இச்சந்திப்பின் போது செய்தித் துறை அமைச்சர் கடம்பூர் ராஜூவும் உடன் இருந்தார்.  

 

 

 

 

 

 

 சென்னை, அக்.14- தொடர்ந்து எனக்கு வெவ்வேறு நபர்கள் மூலம் மிரட்டல்கள் வருகின்றன. பாலாஜி தொடர்ந்து என் மீது அவதூறு பரப்பி வருகிறார். நானும் என் மகளும் தற்கொலை செய்வதைத் தவிர வேறு வழியில்லை என்று நடிகர் தாடி பாலாஜியின் மனைவி நித்யா கூறியுள்ளார். 

காமெடி நடிகர் தாடி பாலாஜிக்கும், அவரது மனைவி நித்யாவுக்கும் இடையே கருத்துவேறுபாடு ஏற்பட்டு பிரிந்துள்ளனர். இருவரும் ஒருவர் மீது ஒருவர் போலீசில் புகார் செய்துள்ளனர். 

நேற்று செய்தியாளர்களைச் சந்தித்த நித்யா, தனது கணவர் தாடி பாலாஜி மீது அடுக்கடுக்காக புகார்களைத் தெரிவித்தார். அவர் வெளியிட்டுள்ள ஆடியோ பதிவுக்கும், எனக்கும், போலீஸ்காரர் மனோஜுக்கும் எந்த தொடர்பும் இல்லை. 

அது 'டப்பிங்' செய்யப்பட்டது. நவீன் என்பவர் எனக்கு உதவுபவர் போல் நடித்து, கடைசியில் பாலாஜிக்கு உதவி செய்து என்னை ஏமாற்றிவிட்டார். எனது மகளை என்னிடம் இருந்து பிரித்து சென்றுவிட்டால், நான் அவருடன் சென்றுவிடுவேன் என்று எண்ணி அதற்கான முயற்சிகளை செய்து வருகிறார் பாலாஜி.

நான் கொடுத்த புகாரில் வழக்குப் பதிவு செய்த பிறகும் அவர் மீது போலீசார் எந்த நடவடிக்கையும் எடுக்கவில்லை. ஆனால், ஒன்றும் செய்யாத என்னை போலீசார் விசாரணை என்ற பெயரில் அழைத்துச் சென்று இரவு 11.30 மணி வரை போலீஸ் நிலையத்தில் காத்திருக்க வைத்து மன உளைச்சலுக்கு ஆளாக்குகிறார்கள். 

வில்லிவாக்கம் பெண் போலீஸ் இன்ஸ்பெக்டர், நான் வீடியோ வெளியிடக்கூடாது, பத்திரக்கையாளர்களைச் சந்திக்கக் கூடாது என என்னை மிரட்டுகிறார். எல்லாம் பாலாஜியின் வேலை என்பது வெளிப்படையாகவே தெரிகிறது. இதே நிலை தொடர்ந்தால் நானும், எனது மகளும் தற்கொலை செய்து கொள்வதை தவிர வேறுவழி தெரியவில்லை," என்று கூறினார்.

 

 

சென்னை, அக்.14- 'கரகாட்டக்காரன்' உள்ளிட்ட பல படங்களின் மூலம் ரசிகர்களின் மனதில் இடம்பிடித்த நடிகை கனகா, புற்றுநோயால் பாதிக்கப்பட்டதால் மனநிலை பாதிக்கப்பட்டுள்ளார் என்று வெளியாகி வரும் அடுக்கடுக்கான வதந்திகளுக்கு அவரே முற்றுப்புள்ளி வைத்தார்.

முன்னாள் பிரபல நடிகை தேவிகாவின் மகளே நடிகை கனகா என்பது குறிப்பிடத்தக்கது. தனது அசத்தலான நடிப்பின் மூலம் அடுத்தடுத்து பல படங்களில் நடித்தார். 

தன்னுடைய அம்மா இருந்தவரை எந்தவொரு கவலையும் இல்லாமல் இருந்தார். இவரது அப்பா சிறுவயதிலேயே இவரை விட்டுப் பிரிந்து சென்றுவிட்டதால் இவரை மிகவும் செல்லமாக வளர்த்தார் இவரது தாயார்.

இந்நிலையில் புற்றுநோயினால் பாதிக்கப்பட்டு மனநிலைப் பாதிப்புக்கும் உள்ளாகி இருப்பதாகவும் அண்மையில் இவர் இறந்துவிட்டார் என்றும் தகவல்கள் வெளியாகி உள்ளன.  அவர் புற்றுநோய் தொடர்பில் சிறிதுகாலமாகவே சிகிச்சை பெற்றுவருகிறார் எனத் தெரிய வந்துள்ளது.

இதனிடையே தன்னைப் பற்றிய சில வதந்திகளுக்கு காரணம் தம்முடைய தந்தையே என நடிகை கனகா குற்றஞ்சாட்டினார். இது தொடர்பாக ஓடிப்போன தன்னுடைய தந்தைக்கு எதிராக அவர் வழக்கும் தொடர்ந்துள்ளார். வழக்கு தற்போது நீதிமன்றத்தில் இருப்பதாக அவர் சொன்னார். 

சுமார் 40 வயதாகும் இவர்,  தனது தனிமையை தவிர்க்க செல்லப் பிராணிகளை வளர்த்து வருகிறார்.

இந்தச் செல்லப் பிராணிகள் சில மனிதர்கள் போன்று வதந்திகளையும் அவதூறுகளையும் பரப்புவதில்லை. மிகவும் நன்றியுணர்வோடு இருக்கின்றன என்கிறார் நடிகை கனகா.  

 சென்னை, அக்.11- சினிமா படங்களில் நடித்தே தீருவேன் என்று கூறி பெற்றோரிடம் அடம் பிடிக்கிறாராம் ஜூலி. ஜல்லிக்கட்டு போராட்டத்தின் போது கோஷமிட்டு பிரபலமானவர் ஜூலி. ஆனால் பிக் பாஸ் நிகழ்ச்சியில் பங்கேற்று ரசிகர்களின் வெறுப்பைச் சம்பாதித்துக் கொண்டார். தற்போது 'ஜூலியை ஒரு போலி' என்று ரசிகர்கள் கலாய்க்கிறார்கள்.

பிக் பாஸ் நிகழ்ச்சியில் கலந்து கொண்ட பிறகு தனக்கு படங்களில் நடிக்க ஏகப்பட்ட வாய்ப்புகள் வந்து கொண்டிருப்பதாக பேட்டி ஒன்றில் ஜூலி தெரிவித்துள்ளார். 

சினிமா படங்களில் நடிப்பேன் என்று பெற்றோரிடம் அடம்பிடிக்கிறாராம் ஜூலி. இதனால் அவருக்கும், பெற்றோருக்கும் இடையே பிரச்சனையாக உள்ளதாக செய்திகள் வெளியாகியுள்ளன.

'நான் தளபதி விஜய் ரசிகை. ஆனால் தல அஜீத்துடன் சேர்ந்து படத்தில் நடிக்க ஆசையாக உள்ளது' என்று ஜூலி பேட்டியளித்தார். இதை பார்த்து தல, தளபதி ரசிகர்கள் கடுப்பாகி ஜூலி பாயத் தொடங்கி விட்டார்கள். 

ஜூலி விஷயத்தில் தல தளபதி ரசிகர்களிடையே எந்தப் பிரச்சனையும் இல்லை. இருவரும் சேர்ந்தே அவரை ஃபேஸ்புக், டுவிட்டரில் போதும் போதும் என்கிற அளவுக்கு கலாய்த்துவிட்டனர்.

சென்னை, அக்.10- நடிகர் சந்தானத்துடன் மோதலில் ஈடுபட்ட சண்முக சுந்தரம் மீது 2 பிரிவுகளில் சென்னை போலீசார் வழக்குப்பதிவு செய்துள்ளனர். இந்நிலையில் சந்தானம் தலைமறைவாகிவிட்டார். 

சென்னை விருகம்பாக்கத்தில் கட்டுமான ஒப்பந்ததாரர் சண்முகசுந்தரம், நடிகர் சந்தானம் இடையே கடும் வாக்குவாதம் ஏற்பட்டது. கொடுக்கல் வாங்கல் தொடர்பாக ஏற்பட்ட வாக்குவாதம் முற்றி அடிதடியில் முடிந்தது.

இதில் காயம் அடைந்த சண்முகசுந்தரம், அவரின் வழக்கறிஞர் பிரேம் ஆனந்த், சந்தானம், அவரின் உதவியாளர் ரமேஷ் மருத்துவமனையில் சேர்ந்தனர். 

இதற்கிடையே இந்த சம்பவம் தொடர்பாக வளசரவாக்கம் போலீசார் சந்தானம் மீது 3 பிரிவுகளில் வழக்குப்பதிவு செய்தனர். மேலும் சண்முகசுந்தரம் மீது 2 பிரிவுகளில் வழக்குப்பதிவு செய்துள்ளனர்.

சண்முகசுந்தரத்தின் வழக்கறிஞர் மீதும் வழக்குப்பதிவு செய்யப்பட்டுள்ளது. போலீஸ் தன்னை தேடுவதை அறிந்த சந்தானம் மருத்துவமனையில் இருந்து தப்பி தலைமறைவாகிவிட்டார். சந்தானத்தின் உதவியாளர் ரமேஷையும் போலீசார் தேடி வருகிறார்கள்.

சென்னை, அக்.9- கமல், ரஜினி ஆகியோர் சேர்ந்து கட்சி துவங்கினாலும் 10 விழுக்காடு ஓட்டுக் கூட கிடைக்காது என்கிறார் கமலின் மூத்த சகோதரரும் நடிகருமான சாருஹாஸன். 

டுவிட்டரில் தமிழக அரசை விமர்சித்து வந்த கமல்ஹாசன், முழு நேர அரசியலில் ஈடுபடத் திட்டமிட்டுள்ளார். அரசியலுக்கு வந்த பிறகு நடிப்புக்கு முற்றுப்புள்ளி வைக்கப் போகிறார். புதுக் கட்சி துவங்கும் எண்ணத்தில் உள்ளார் கமல்ஹாசன்.

தமிழகத்தில் திமுக, அதிமுக தான் மக்கள் மனதில் இடம் பிடித்துள்ள கட்சிகள். இந்நிலையில் மூன்றாவதாக ஒரு கட்சியை துவங்குவதில் எந்தப் பலனும் இல்லை என்கிறார் சாருஹாஸன். 

அரசியலுக்கு வந்தால் கமல்ஹாசனால் வெற்றி பெற முடியாது. யாராக இருந்தாலும் நடிகன் என்பதை தாண்டி அரசியலுக்கு வர பக்குவம் தேவை. ஜெயலலிதா முதல்வரானாரே என்றெல்லாம் கேட்க வேண்டாம் என சாருஹாஸன் தெரிவித்துள்ளார்.

ஜெயலலிதா நடிகை என்பதால் மட்டும் அரசியலுக்கு வரவில்லை. நடிகை என்பதை தாண்டியும் அவருக்கு அங்கீகாரம் இருந்தது. கமல், ரஜினி ஆகியோர் சேர்ந்து கட்சி துவங்கினாலும் 10 விழுக்காடு ஓட்டுக் கூட கிடைக்காது என்கிறார் சாருஹாஸன். 

கமல்ஹாசனை போன்றே சூப்பர் ஸ்டார் ரஜினிகாந்தும் அரசியலுக்கு வருகிறார். இருவரின் கட்சி குறித்த அறிவிப்புக்காக ரசிகர்கள் காத்துக் கிடக்கிறார்கள்

 

 

 

 

 

 ஹைதராபாத், அக்.-7 இதுவரை இந்தியாவிலேயே இப்படியொரு சலுகை யை யாரும் வழங்கி இருக்கமுடியாது. அப்படியொரு தாராளமான மனதோடு அப்படியொரு வித்தியாசமான சலுகை அறிவிப்பைச் செய்து பரபரப்பை ஏற்படுத்தி இருக்கிறார் தெலுங்கு நடிகை ரேஷ்மி கௌதம்.

தமிழிலும் நடித்தவர்தான் ரேஷ்மி கவுதம். 'கண்டேன்', 'மாப்பிள்ளை' 'விநாயகர்' ஆகிய படங்களில் நடித்தவர். தமிழில் அதற்கு பின் வாய்ப்பு இல்லாததால் தெலுங்கில் மட்டும் கவனம் செலுத்துகிறார். 

அவர் நடித்திருக்கும் 'நெக்ஸ்ட் நுவ்வு' எனும் தெலுங்குப் படம் விரைவில் வெளியாகவிருக்கிறது. இந்தப் படத்தை 5 ஆயிரம் முறை பார்ப்பவருடன் ஒருநாள் 'டேட்டிங்' செல்ல தயாராக இருப்பதாக அறிவித்திருக்கிறார்.

இதை தன்னுடைய குரலில் வீடியோவாக எடுத்து டுவிட்டரில் வெளியிட்டிருக்கிறார். நடிகையுடன் 'டேட்டிங்' என்றால் சும்மா இருப்பார்களா? இப்போதே முன்பதிவு செய்ய தொடங்கியிருக்கிறார்கள்.

ஐந்து ஆயிரம் டிக்கெட்டுகளும் 5 லட்சம் ரூபாய் வரும். ஒன்றுக்கு மேற்பட்ட ரசிகர்கள் இந்த சவாலில் ஜெயித்தால் ரேஷ்மியின் நிலையென்ன ஆகும்? என்று சில வலைத்தளவாசிகள் வம்படித்திருக்கிறார்கள்.

பெங்களூரு, அக்.6- சொத்துக் குவிப்பு வழக்கில் தண்டிக்கப்பட்டு கர்நாடகச் சிறைச்சாலையில் தண்டனை அனுபவித்துவரும் சசிகலா ஐந்து நாள்கள் 'பரோல்' செல்ல நீதிமன்றம் இன்று அனுமதி அளித்தது. 

மருத்துவமனையில் சிகிச்சைp பெற்று வரும் அவருடைய கணவரான நடராஜனைப் பார்ப்பதற்கு அனுமதிக்கும் வகையில் பரோலில் சென்னை செல்ல அவருக்கு அனுமதிக்கப்பட்டது. 

இதற்கு முன்பு அவர் செய்துகொண்ட பரோல் விண்ணப்பங்கள் அனைத்தும் நிராகரிக்கப்பட்டன எனது குறிப்பிடத்தக்கது.

சென்னையில் தனியார் மருத்துவமனையில் சசிகலாவின் கணவர் நடராஜனுக்கு கல்லீரல் மற்றும் சிறுநீரக மாற்று அறுவைச் சிகிச்சை செய்யப்பட்டுள்ளது. 

இதற்காக 15 நாள்கள் பரோலில் செல்ல தமக்கு அனுமதி அளிக்கவேண்டும் என்று சசிகலா நீதிமன்றத்தில் விண்ணப்பம் செய்திருந்தார். இதனை பரிசீலித்த நீதிமன்றம் 5 நாள்களுக்கான அனுமதியை மட்டுமே வழங்கியது. 

 

 

 

 

 

 

 

 

 

 

 

 

 

 

 

 

 

 

 

 

சென்னை, அக்.-6 குடித்துவிட்டு வாகனம் ஓட்டிய நடிகர் ஜெய்க்கு ஜாமீனில் வெளிவர முடியாத கைது உத்தரவை சைதாப்பேட்டை நீதிமன்றம் உத்தரவு பிறப்பித்துள்ளது. 

குடிபோதையில் ஜெய், காரை ஓட்டி வந்து, கடந்த மாதம் 21-ஆம் தேதி அடையாறு மேம்பாலத்தில் மோதி விபத்துக்கு உள்ளாக்கினார். இது சம்பந்தமாக அடையாறு போக்குவரத்து புலனாய்வுப் பிரிவுப் போலீசார் ஜெய் மீது பல்வேறு பிரிவுகளின் கீழ் வழக்குத் தொடர்ந்தனர்.

இந்த வழக்கு அக்டோபர் 3 ஆம் தேதி சைதாப்பேட்டை நீதிமன்றத்தில் விசாரணைக்கு வந்தது. அதில் நடிகர் ஜெய் நேரில் சரணடைந்தார்.

பத்திரிகையாளர்களுக்கு தெரியாமல் இரகசியமாக நீதிமன்றத்திற்குள் வந்துவிட்டு வெளியேறினார் ஜெய்.

இது தொடர்பான வழக்கு விசாரணை நாளையும் நடைபெறும் என்பதால், நடிகர் ஜெய், நீதிமன்றத்திற்கு வருவார் என எதிர்பார்க்கப்படுகிறது. இதனிடையே ஜெய்க்கு ஜாமீனில் வெளிவர முடியாத பிடிவாரண்ட் பிறப்பித்துள்ளது நீதிமன்றம். நாளை அவர் ஆஜராகவேண்டும் என்று நீதிமன்ற உத்தரவில் கூறப்பட்டுள்ளது.

 

சென்னை, அக்.5- இலங்கை அதிகாரி வர்க்கம், தழிழ் மக்களுக்கு தீர்வையோ, நீதியையோ வழங்கப் போதில்லை என தமிழீழ உணர்வாளர் இயக்குநர் கௌதமன் தெரிவித்துள்ளார். அத்துடன், ஐக்கிய நாடுகள் சபையினால் வழங்கப்பட்டுள்ள இரண்டு ஆண்டு கால அவகாசத்தில் அவர்கள் எதனையும் நிறைவேற்றப் போவதில்லை என்றார் அவர். 

ஜெனிவாவில் இடம்பெற்ற ஐ.நா. மனித உரிமைகள் கூட்டத் தொடரில் கலந்துகொண்டு நாடு திரும்பிய அவர், சென்னை விமான நிலைத்தில்  ஊடகங்கச் செய்தியாளர்களிடம் பேசிய போது இவ்வாறு கூறியுள்ளார். 

தொடர்ந்து உரையாற்றிய அவர், போரினால் பாதிக்கப்பட்ட மக்களுக்கு தீர்வை வழங்கவேண்டும் என 2009-ஆம் ஆண்டில் அமெரிக்க கூறியிருந்தது. அவ்வாறு வழங்காது போனால் 10 ஆண்டுகளுக்குள் அங்கு எழுகின்ற புரட்சிப் போராட்டத்தை யாராலும் தடுக்க முடியாது எனவும் அமெரிக்கா கூறியது.

பத்து ஆண்டுகளில் எட்டு ஆண்டுகள் நிறைவடைந்து விட்டன. இது வரையில் எவ்வித விசாரணைகளும் முன்னெடுக்கப்படாத  நிலையில், இலங்கை அரசிடம் இருந்து தழிழர்களுக்கு ஒருபோதும் நீதி கிடைக்காது.

இந்நிலையில், அமெரிக்கா குறிப்பிட்டதைப் போல தமிழ் மக்களின் கொதிப்பு, அடித்தது புரட்சிப் போராட்டமாக மாறும். அதற்குள் இந்தியா தலையிட்டு இந்தப் பிரச்சனைக்கு தீர்வைப் பெற்றுக்கொடுக்க வேண்டும். அவ்வாறு இல்லாது போனால் இந்தியாவை ஒருபோதும் காப்பாற்றிக்கொள்ள முடியாது என அவர் மேலும் தெரிவித்துள்ளார். 

 

More Articles ...