ஓவியாவை மணந்து கொள்வதாக சொல்லவில்லை! –சிம்பு பதில்

தமிழகம்
Typography

 சென்னை, ஆக.8– "ஓவியாவை நான் திருமணம் செய்து கொள்வதாக கூறியதாக ஊடகங்களில் வெளியானது போல் எந்தவொரு 'டுவிட்' செய்தியும் என்னுடைய டுவிட்டர் கணக்கில் இருந்து செல்லவில்லை என்று நடிகர் சிம்பு மறுப்பு தெரிவித்துள்ளார்.

விஜய் டிவியில் ஒளிபரப்பாகும் பிக்பாஸ் நிகழ்ச்சியில் 3 அல்லது 4 வாரங்களாகத் தொடர்ந்து சக போட்டியாளர்களால் ஓவியா வெளியேற்றப்பட்டாலும் அவரை பிக்பாஸ் வீட்டில் தக்கவைத்து கொள்ள மக்களும், ஓவியா ரசிகர்களும் அசராமல் வாக்களித்து வந்தனர். இது மற்ற போட்டியாளர்களுக்குப் பொறாமையை ஏற்படுத்தியது.

ஆரவ் ஓவியாவைக் காதலிப்பாகக் கூறி ஏமாற்றி விட்டதால் ஓவியா மன உளைச்சலில் உள்ளதாகவும் சக போட்டியாளர்கள் ஓவியாவின் நற்பெயரைக் கெடுக்க பல்வேறு உத்தியைக் கையாண்டு வருவதாகவும் தெரிகிறது. 

இதனால் ஓவியாவை எரிச்சலூட்டும் செயல்களைக் காயத்ரி, சக்தி, ஜூலி ஆகியோர் செய்து வந்தனர். இதனால், கடந்த 2 நாள்களாக ஓவியா, தான் நிகழ்ச்சியிலிருந்து வெளியேற வேண்டும் என்று போராடி அவர் வெளியேறிவிட்டார்.

கடந்த சில நாள்களுக்கு முன்பு சிம்புவின் டுவிட்டர் கணக்கில் இருந்து, ஓவியா உன்னை திருமணம் செய்ய தயார், தைரியமான பெண், உங்களுக்குக் கடவுளின் ஆசிகள் என்று அவர் பதிவிட்டதாகச் செய்திகள் வெளியாகின. ஆனால், பதிவான சில நிமிடங்களிலேயே அது அகற்றப்பட்டது.

ஓவியாவை சிம்பு திருமணம் செய்ய விரும்புவதாக ஊடகங்கள் செய்தி வெளியிட்ட நிலையில் அதை சிம்பு மறுத்துள்ளார். மேலும், அப்படி 'டிவிட்' தன்னுடைய 'டுவிட்டர்' கணக்கில் இருந்து செல்லவில்லை என்று அவர் தெரிவித்துள்ளார். 

 

 

BLOG COMMENTS POWERED BY DISQUS