‘கரகாட்டக்காரன்’ புகழ் நடிகர் சண்முக சுந்தரம் மரணம்!!

தமிழகம்
Typography

 சென்னை,ஆக.16- பிரபல குணச்சித்திர நடிகர் சண்முக சுந்தரம் உடல் நலக் குறைவால் இன்று காலமானார். அவருக்கு 70 வயது ஆகிறது. 1960-ஆம் ஆண்டுகளிலேயே நடிக்கத் தொடங்கிய சண்முகசுந்தரம், சிவாஜிகணேசன் நடித்த ‘இரத்தத் திலகம்’ மூலம் அறிமுகமானவர்.

அதன் பிறகு, ‘நத்தையில் முத்து’, ‘இதயக்கனி’, ‘ஆதித்யன்’, ‘குறத்தி மகன்’, லட்சுமி கல்யாணம்’, ‘வாழையடி வாழை’, ‘கரகாட்டக்காரன்’, ‘சென்னை 60028’, உள்பட நூற்றுக்கும் மேற்பட்ட படங்களில் நடித்துள்ளார்.  

இயக்குனர் திலகம் கே.எஸ்.கோபாலகிருஷ்ணனின் பெரும்பாலான படங்களில் சண்முகசுந்தரம் முக்கிய வேடத்தில் தோன்றுவார். இவரது தங்கைதான் பழம்பெரும் நடிகை சந்திரகாந்தா. 

எத்தனையோ படங்களில் நடித்திருந்தாலும், ‘கரகாட்டக்காரன்’ படம்தான் சண்முகசுந்தரத்தை மிகப் பிரபலமாக்கியது. அவர் நடித்த கடைசிப் படம் ‘அன்பானவன் அடங்காதவன் அசராதவன்’ என்பது குறிப்பிடத்தக்கது.

‘அண்ணாமலை’, ‘செல்வி’, ‘அரசி’, ‘வம்சம்’ உள்ளிட்ட பல தொலைக்காட்சித் தொடர்களிலும் சண்முகசுந்தரம் நடித்துள்ளார். 

BLOG COMMENTS POWERED BY DISQUS