'காயத்திரி, சக்தி, ஜூலிக்கு யாரும் தொல்லை தராதீர்கள்!' -ஓவியா

தமிழகம்
Typography

 

சென்னை, ஆக.19- பிக் பாஸ் வீட்டில் ஓவியா இருந்தவரை அவரை எப்படியெல்லாம் ஒதுக்கி வைக்க முடியுமோ அப்படியெல்லாம் ஒதுக்கியகாயத்தி, சக்தி மற்றும் ஜூலி ஆகியோர் மீது ரசிகர்கள் காட்டிய வெறுப்பு கொஞ்சமல்ல, வெளியில் தலைகட்ட முடியாத அளவுக்கு இவர்கள் வெறுப்பைச் சம்பாதித்து வைத்துள்ளனர்.

இவர்கள் இதுவரை ரசிகர்கள் கண்களில் படாமல்தான் உள்ளனர் சக்தியும் ஜூலியும். இந்த வாரம் வெளிவரவிருக்கும் காயத்ரியும் அப்படித்தான் இருக்க வேண்டிவரும்.

இந்நிலையில் ஓவியா, தன் ரசிகர்களுக்கு ஒரு வேண்டுகோள் விடுத்துள்ளார். ‘அந்த நிகழ்ச்சியில் என்னை மற்றவர்கள் ஒதுக்கியபோது நான் எப்படி மனதளவில் பாதிக்கப்பட்டேனோ, அந்த நிலையில்தான் இப்போது அவர்களுக்கும் ஏற்பட்டுள்ளது. நான் பிக் பாஸ் வீட்டுக்குள் கஷ்டப்பட்டேன். ஆனால், வெளியில் வந்த பிறகும் அவர்கள் கஷ்டப்படுகிறார்கள்

இதற்கு மேல் அவர்கள் மீது மோசமான கருத்துகளை முன்வைக்காதீர்கள். அது எனக்கு கஷ்டமாக உள்ளது. தவறு எல்லோரும் தான் செய்கிறோம். யாரும் இங்கு சரியாக இல்லை, நான் உள்பட. தவறு செய்தால்தான் மனிதர்கள். எனவே, பிக்பாஸ் நிகழ்ச்சியில் நடந்தவை எல்லாம் ஒரு பெரிய விஷயமல்ல.

அவர்களுக்கு யாரும் தொல்லை தரவேண்டாம். நீங்கள் என் மீது வைத்துள்ள அன்பு எனக்குப் புரிகிறது. ஆனால், மற்றவர்களைக் கஷ்டப்படுத்தி என்னிடம் அன்பு காட்ட வேண்டாம். அது அவப் பெயரைத்தான் தரும்," -மேற்கண்டவாறு தன்னுடைய ரசிகர்களுக்கு ஓவியா வேண்டுகோள் விடுத்திருக்கிறார்.

BLOG COMMENTS POWERED BY DISQUS