'அரசியல் பேசாதே'! ரஜினி உருவ பொம்மை எரிப்பு!

தமிழகம்
Typography

சென்னை, மே 22- சூப்பர் ஸ்டார் ரஜினிகாந்தின் அரசியல் பேச்சுக்கு எதிர்ப்பு தெரிவித்து இன்று கதீட்ரல் சாலையில் உருவ பொம்மை எரிக்கப்பட்டது. இதனால் அச்சாலை முழுதும் கடும் வாகன நெரிசல் ஏற்பட்டது. ஆர்ப்பாட்டக்காரர்கள் ரஜினியின் வீடு நோக்கி சென்றதால் பரபரப்பு ஏற்பட்டது. 

ரசிகர் சந்திப்பின்போது அரசியல் பிரவேசம் குறித்து பேசிய ரஜினிக்கு எதிர்ப்பு தெரிவித்து இன்று சென்னையில் அவரின் உருவ பொம்மை எரிக்கப்பட்டது. தமிழர் முன்னேற்றப்படை அமைப்பினர் சென்னை கதீட்ரல் சாலையில் உருவ பொம்மையை எரிக்கப்பட்டதால் போக்குவரத்து கடுமையாக பாதிக்கப்பட்டது. 

அவ்வமைப்பின் தலைவர் வீரலட்சுமியின் தலைமையில் நடந்த ஆர்ப்பாட்டத்தில் ரஜினி அரசியலுக்கு வரக்கூடாது எனவும் அவர் அரசியல் பேசக்கூடாது எனவும் கோஷமிட்டு பொம்மையை எரித்தனர். ஆர்ப்பாட்டக்காரர்களைப் போலீசார் கைதுச் செய்தனர். 

BLOG COMMENTS POWERED BY DISQUS