சுதந்திர தினத்தில் ரஜினியின் புதுக்கட்சியா? மீனா, நமீதா இணைய ஆர்வம்!

தமிழகம்
Typography

சென்னை, மே 24 - ஆகஸ்டில் வரும் சுதந்திர தினத்தன்று, புதுக்கட்சி அறிவிப்பை வெளியிட, நடிகர் ரஜினி திட்டமிட்டுள்ளார். தன் சொந்த கட்சிக் கொடியை இரு தினங்களுக்கு முன் அவர் வடிவமைத்துள்ளதாக கூறப்பட்டுள்ளது. ரஜினி கட்சியில் சேர, நடிகைகள் மீனா, நமீதா ஆகியோர் முடிவு செய்துள்ளதாகத் தகவல் வெளியாகியுள்ளது.

சென்னை, கோடம்பாக்கத்தில் உள்ள, ராகவேந்திரா திருமண மண்டபத்தில், ரஜினி, சமீபத்தில், தன் ரசிகர்களை சந்தித்தார். அப்போது, "அரசியலில் மாற்றத்தை உருவாக்கும் போருக்கு ரசிகர்கள் தயாராக இருக்க வேண்டும்' என அழைப்பு விடுத்தார்.

இரு தினங்களுக்கு முன், வெளிநாடு சென்ற தொழிலதிபர் ஒருவரிடம், ரஜினி தொலைபேசியில் பேசியுள்ளார். அப்போது, தன் கட்சிக் கொடியையும், அதில் இடம்பெறும், "லோகோ" வையும் தெரிவித்துள்ளார். ஆகஸ்டு மாதம் 15ம் தேதி, சுதந்திர தினத்தன்று, புதிய கட்சியின் அறிவிப்பை, அவர் வெளியிடத் திட்டமிட்டுள்ளார். இதுகுறித்து, தனக்கு நெருக்கமான பத்திரிகை ஆசிரியரிடமும், ஆலோசனை நடத்தியுள்ளதாக கூறப்படுகிறது.

இதற்கிடையில், நடிகர், நடிகையரும், ரஜினியை தொலைபேசியில் தொடர்பு கொண்டு, வாழ்த்து தெரிவித்து வருகின்றனர். அவர்களில், நடிகைகள் மீனாவும், நமீதாவும், ரஜினி கட்சியில் சேர தயாராக இருப்பதாக தெரியவந்துள்ளது.

மேலும், ரஜினி கட்சி துவங்கினால் அதில் இணைவதற்கு அ.தி.மு.க. முக்கிய புள்ளிகளும் தூது விடுவதாக தகவல் வெளியாகி உள்ளது. தி.மு.க., காங்கிரஸ், த.மா.கா.வை சேர்ந்த மாநில, மாவட்ட நிர்வாகிகளும், ரஜினி கட்சிக்கு தாவலாம் என எதிர்பார்க்கப்படுகிறது.

BLOG COMMENTS POWERED BY DISQUS