நவிலக்கோன், பிப் 16: காளையிடமிருந்து தனது தம்பியை எட்டு வயது சிறுமி துணிச்சலாகப் போராடி மீட்டுள்ள சம்பவம் சமூக ஊடகங்களில் பரபரப்பை ஏற்படுத்தியுள்ளது.

கர்நாடகாவின் ஹன்னவர் தாலுகாவிலுள்ள நவிலக்கோன் என்ற கிராமத்தில், எட்டு வயது சிறுமி தமது இரண்டு வயது தம்பியுடன் அவர் வீட்டிற்கு வெளியே விளையாடிக் கொண்டிருந்தார்.

அப்போது திடீரென அந்த வழியாக சீறி வந்த மாடு ஒன்று, அவர்களை நோக்கிப் பாய்ந்து முட்டித் தாக்கியது.  இதில் அந்தச் சிறுமி தனது தம்பியை கடைசி வரை விடாமல் கையில் பிடித்துக் கொண்டு அந்த மாடுடன் இணையாகப் போராடிக் கொண்டிருந்தார்.

வீட்டின் உள்ளே இருந்த நபர் வெளியே ஓடி வந்து அந்த மாட்டை உடனடியாக விரட்டியடித்தார். ஆனால் அங்கிருந்து நகர்ந்த சிறிது நேரத்தில் சீறிப் பாய்ந்து தாக வந்த போது அங்கிருந்த ஒருவர் கம்பை கையிலெடுத்து விரட்டினார்.

இது தொடர்பான வீடியோ, சிசிடி காமாரவில் பதிவாகி தற்போது சமூகவலைத் தளங்களில் வைரலாகப் பரவி வருகின்றது.  பல்ரும் அந்தச் சிறுமியின் துணிச்சலான போராட்டத்தைப் பாராட்டியுள்ளனர்.

 

 

 

 

 

 

 

 

 

 

 

 

 

 

 

 

 

 

ஜெய்ப்பூர், பிப்.15- நகரின் தூய்மையைப் பேணி காக்க வேண்டிய அமைச்சரே சாலையோரத்தில் காரை நிறுத்தி சுவரில் சிறுநீர் கழிக்கலாமா என்று அமைச்சரின் செயலுக்கு கண்டனம் தெரிவித்துள்ளனர் நெட்டிசன்கள்.

ராஜஸ்தானின் பிங்க் சிட்டி என வர்ணிக்கப்படுவது ஜெயப்பூர். இந்திய பிரதமர் நரேந்திர மோடியின் தூய்மை இந்தியா திட்டத்தின் கீழ் பராமரிக்கப்பட்ட இந்த நகரில் அம்மாநில சுகாதாரத்துறை அமைச்சர் காளிச்சரண் சாரப் காரில் சென்றுக் கொண்டிருந்தபோது சாலையோரம் காரை நிறுத்தி விட்டு அருகே இருந்த கட்டடம் ஒன்றின் சுவரில் சிறுநீர் கழித்தார். 

இதனைப் பொதுமக்களில் ஒருவர் புகைப்படம் எடுத்து இணையத்தளத்தில் வெளியிட்டார். இதனால் இப்படம் சமூக வலைத்தளங்களில் வைரலாக பரவியது. 

தூய்மை திட்டத்தின் கீழ் இருக்கும் அமைச்சர் அதுவும் மாநில சுகாதாரத்துறை அமைச்சர் இப்படி இரு கேவலமான காரியத்தைச் செய்யலாமா என இப்படத்தை பார்த்த நெட்டிசன்கள் தங்களின் கண்டனத்தைத் தெரிவித்துள்ளனர்.

நகரில் இதுபோன்று அசிங்கம் செய்பவர்கள் மீது ரூ.200 அபராதம் விதிக்கப்படுவது வழக்கமானது. இது தொடர்பாக மாநகராட்சி, அமைச்சரிடம் விளக்கம் கேட்டு நோட்டிஸ் அனுப்பியது. ஆனால் அமைச்சர் தரப்பில் சரியான பதில் வரவில்லை என்றும் ஆனால் விசயத்தைப் பெரிதாக்க வேண்டாம் என அமைச்சர் தரப்பு சமரசம் செய்ய முயற்சி செய்து வருவதாகவும் தெரிவிக்கப்பட்டுள்ளது. 

 திருவனந்தபுரம், பிப்.14- ஒரே நாளில் 23 லட்சம் பேரை 'இன்ஸ்டாகிராமில்' கவர்ந்த இளம் மலையாள நடிகையான பிரியா வாரியரின் அழகிய 'கண்ணடிப்பு' சமூக ஊடகங்களில் பெரும் பரபரப்பை ஏற்படுத்தி இருக்கிறது. அதே வேளையில்  அனைவரின் கவனத்தையும் ஈர்த்த பிரியா வாரியரின் மீது   போலீசில் புகார் செய்யப்பட்டுள்ளது.

 இஸ்லாமியர்களின் உணர்வுகளை புண்படுத்துவதாக அது அமைந்திருக்கிறதுமலையாள நடிகை பிரியா வாரியர் மீது ஹைதராபாத் காவல் நிலையத்தில் புகார் அளிக்கப்பட்டுள்ளது. 

‘ஒரு அடார் லவ்’ என்ற படத்தில் இடம்பெற்றுள்ள ‘மாணிக்ய மலராய பூவி’ என்ற பாடலில், பிரியா வாரியர் புருவத்தை உயர்த்தி, சொல்லும் காதல் காட்சி இணையத் தளங்களில் வைரலானது. ஒரே நாளில் 23 லட்சம் பேரை அது அவருடைய இன்ஸ்டாகிராமிற்குள் ஈர்த்துள்ளது. அவர் பலரின் மனங்களையும் கொள்ளையடித்தார். 

இணையத் தளங்களில் மூன்று நாட்கள் இந்த பரபரப்பு நீடித்தது. இருந்து வந்தது. இந்தக் காட்சியில் சக பள்ளித் தோழனான முகமது ரோஷனிடம் புருவத்தை உயர்த்தி பிரியா வாரியர் தனது பிரியத்தை வெளிப்படுத்துவார். 

இந்நிலையில், இந்த பாடல் இஸ்லாமியர்களின் உணர்வுகளைப் புண்படுத்துவதாக உள்ளது எனக் கூறி, நடிகை பிரியா வாரியர் மீது ஹைதராபாத் காவல் நிலையத்தில் புகார் செய்யப்பட்டுள்ளது. அளிக்கப்பட்டுள்ளது.  ஹைதராபாத்தை சேர்ந்த முகமது அப்துல் முக்கித் என்பவர் இந்த புகார் மனுவை அளித்துள்ளார்.

இதனிடையே இது திட்டமிட்டு எடுக்கப்பட்ட காட்சி அல்ல என்று தெரிவித்துள்ள பிரியா வாரியர் இந்தக் காட்சிக்காக அனைவரும் தன்னை பாராட்டியதாகவும், இது இந்த அளவிற்கு சமூக ஊடகத்தில் தனக்கு வெற்றியடையும் என்று நினைக்கவில்லை எனவும் கூறியுள்ளார். இந்தப் படம் விரைவில் வெளிவரவிருக்கும் நிலையில் இப்போதோ ஏகப்பட்ட விளம்பரத்தை பிரியா வாரியாரின் இந்தக் 'கண்ணடிப்பு' தேடித் தந்துள்ளது.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

லக்னோ, பிப்.10- பொதுத்தேர்வில் மாணவர்கள் காப்பி அடிக்காமல் தடுக்க சிசிடிவி கேமரா உட்பட பல நடவடிக்கைகள் எடுக்கப்பட்டதை அடுத்து உத்தர பிரதேசத்தில் ஏறக்குறைய 10 லட்சம் மாணவர்கள் பரீட்சைக்குச் செல்லவில்லை என்ற தகவல் வெளியாகியுள்ளது.

உ.பியில் கடந்த 6ஆம் தேதி துவங்கி 10 மற்றும் 12ஆம் வகுப்பு மாணவர்களுக்கு பொதுத் தேர்வு நடந்து வருகிறது. இதில் தேர்வு எழுத சுமார் 66 லட்சம் மாணவர்கள் பதிவு செய்திருந்தனர். 

இந்நிலையில், நேற்று 10ஆம் வகுப்பிற்கான ஆங்கில தேர்வும் 12ஆம் வகுப்பிற்கான கணித தேர்வும் நடந்தன. ஆனால், கடந்த 4 நாட்களாக ஏறக்குறைய 10 லட்சத்திற்கும் அதிகமான மாணவர்கள் தேர்வு எழுதுவதைத் தவிர்த்துள்ளனர். 

ஒரே நேரத்தில் அதிக அளவிலான மாணவர்கள் தேர்வைத் தவிர்த்திருப்பது இதுவே முறையாகும். இதற்கு முன்னர், கடந்தாண்டு அதிகப்பட்சமாக 6.4 லட்ச மாணவர்கள் பொதுத் தேர்வை தவிர்த்துள்ளனர்.

இதுகுறித்து பேசிய மாநில கல்வித்துறை செயலாளர் நீனா, பலர் தேர்வின் மீதான பயம் காரணமாக தேர்வைத் தவிர்த்திருப்பர். மேலும் மாணவர்கள் தேர்வில் காப்பி அடிப்பதை தடுக்கும் வகையில் சிசிடிவி கேமரா, சிறப்பு கண்காணிப்புப் படை, நேரடி ஆய்வு ஆகிய நடவடிக்கைகள் மேற்கொள்ளப்பட்டு வருவதால் மாணவர்கள் பரீட்சைக்கு வராமல் தவிர்த்திருப்பர் என நீனா கூறினார்.

புதுடில்லி, பிப்.9- பிரபல திருமணச் சேவை இணையத்தளத்திற்கு ஆதரவாக கூகுள் நிறுவனம் ஒருதலைபட்சமாக நடந்து கொண்டதாக புகார் செய்யப்பட்டதை அடுத்து, விசாரணை முடிவில் கூகுள் நிறுவனத்திற்கு ரூ.135.86 கோடி அபராதம் விதிக்கப்பட்டுள்ளது.

உலகளவில் பிரபல தேடு பொறி நிறுவனமாக விளங்கும் கூகுள், பிரபல திருமண சேவை இணையத்தளம் ஒன்றிற்கு ஆதரவாக நடந்து கொண்டதாக இந்தியா போட்டி கண்காணிப்பு ஆணையத்தில் அண்மையில் புகார் செய்யப்பட்டிருந்தது. 

இப்புகார் தொடர்பாக கூகுள் மீது விசாரணை மேற்கொள்ளப்பட்டதோடு, விசாரணையின் இறுதியில் கூகுள் நிறுவனம் பாரபட்சமாக நடந்து கொண்டது உறுதி செய்யப்பட்டது. இதனையடுத்து, கூகுள் நிறுவனத்திற்கு ரூ.135.86 கோடி அபராதம் விதித்து இந்தியா போட்டி கண்காணிப்பு ஆணையம் உத்தரவிட்டது. 

இது தொடர்பாக ஆணையம் வெளியிட்ட அறிக்கையில், கூகுள் நிறுவனம் தேடல் நடைமுறைகளில் முறைகேடாக நடந்து கொண்டது கண்டுப்பிடிக்கப்பட்டுள்ளது. இதனால், பயனர்களுக்குப் பாதிப்பு ஏற்படக்கூடும் என்பதால் இந்த அபராதம் விதிக்கப்படுவதாகவும் அபராத தொகையினை 60 நாட்களுக்குள் செலுத்த வேண்டும் எனவும் தெரிவித்துள்ளது.

மும்பை, டிச.29- மும்பையின் சேனாபதி மார்க் பகுதியில், லோவர் பரேல் கட்டிடத்தில் உள்ள பிரசித்திப் பெற்ற கமலா துணி ஆலையின் மூன்றாவது மாடியில் இன்று பின்னிரவு 12.30 மணிக்கு திடீரென தீப்பரவியது. அச்சம்பவத்தில் 14 பேர் பரிதாபமாக உயிரிழந்தனர்.  

அக்கட்டிடத்தில் தீப்பரவுவதை நேரில் கண்ட பொதுமக்கள் அது குறித்து உடனடியாக தீயணைப்பு துறைக்கு தகவல் கொடுத்தனர். அதனைத் தொடர்ந்து, சம்பவம் நிகழ்ந்த இடத்திற்கு 6-க்கும் மேற்பட்ட தீயணைப்பு வண்டிகளும், தண்ணீர் லாரிகளும். தீயணைப்பு வீரர்கள் போராடி தீயை அணைத்தனர். 

அச்சம்பவத்தில் தீப்புண் காயங்களுக்கு ஆளாகிய மேலும் 12 பேர் சிகிச்சைக்காக மருத்துவமனையில் சேர்க்கப்பட்டுள்ளனர். இதில் சிலரது நிலைமை கவலைக்கிடமாக உள்ளதால் பலி எண்ணிக்கை அதிகரிக்கலாம் என மீட்புப் படை அதிகாரிகள் தகவல் தெரிவித்துள்ளனர்.

லோவர் பரேல் கட்டடத்தில்  டைம்ஸ் நவ், டி.வி. 9, ரேடியோ மிர்ச்சி, உணவகங்கள், கேளிக்கை மையங்கள் உள்ளிட்ட பல நிறுவனங்கள் செயல்பட்டு வருகின்றன. இதனால் அந்த கட்டிடம் 24 மணி நேரமும் பரபரப்பாகவே இருக்கும் என்பது குறிப்பிடத்தக்கது. 

புதுடில்லி, டிச.12- இந்திய கிரிக்கெட் அணியின் கேப்டன் விராட் கோஹ்லியும், பாலிவுட் நடிகை அனுஷ்கா ஷர்மாவும் பல ஆண்டுகளாக காதலித்து வந்தனர். இந்த நிலையில், கடந்த சில வாரங்களாக இவர்களது திருமணம் குறித்து பல வதந்திகள் வெளியாகி வந்தன. ஆனால், அவ்விருவரும் அந்த வதந்திகள் தொடர்பாக எந்தத் தகவலும் தெரிவிக்காமல் அமைதி காத்து வந்தனர்.  

இதனிடையில், நேற்றிரவு அவ்விருவரும், இத்தாலியில் உள்ள மிலான் நகரில் தாங்கள் அதிகாரப்பூர்வமாக திருமணம் செய்து கொண்டுள்ளதாக தங்களின் டுவிட்டர் அகப்பக்கங்களில் புகைப்படங்களை வெளியிட்டு, அவர்களின் ரசிகர்களுக்கு இன்ப அதிர்ச்சியை தந்தனர். 

அவ்விருவரின் திருமணமும் பஞ்சாபி முறையில் நடந்து முடிந்துள்ளது. மிலான் நகரில் உள்ள 5 நட்சத்திர ஹோட்டலில் நடைப்பெற்ற அத்திருமணத்திற்கு, அழைப்பிதழ் கொண்டு வருபவர்களை மட்டும் ஹோட்டல் ஊழியர்கள் உள்ளே செல்ல அனுமதி அளித்தனர் என்று சில தகவல்கள் வெளியாக் உள்ளன.

இதையடுத்து, அழகான வரவேற்பு நிகழ்ச்சியில் மும்பையில் உள்ள 5 நட்சத்திர ஹோட்டலில் வரும் 21-ஆம் தேதி நடக்கவுள்ளது. இந்த வரவேற்பு நிகழ்ச்சியில் பாலிவுட் பிரபலங்கள், இந்திய கிரிக்கெட் வீரர்கள், அரசியல் பிரபலங்கள் உள்பட பலர் கலந்து கொள்வார்கள் என்று எதிர்பார்க்கப்படுகிறது. 

பாட்னா, நவ.17- உத்தரபிரதேசத்தில் ஜான்சி நகரில் கணவனின் தொல்லையால் பெண் ஒருவர் போலீசில் புகார் அளித்து இருக்கிறார். விசாரணைக்கு போலீஸ் ஸ்டேஷன் சென்ற கணவன் அங்கேயே காதல் பாடல் ஒன்றை பாடி மனைவியை சமாதானப்படுத்தி உள்ளார். இதன் காணொளி தற்போது இணையத்தில் பிரபலமாக வலம் வந்து கொண்டிருக்கிறது.

உத்திரபிரதேச மாநிலம் ஜான்சியில் இருந்த அந்த பேமஸ் கணவன் மனைவிக்கு இடையில் சில நாட்களுக்கு முன்பு சண்டை ஏற்பட்டு இருக்கிறது. இதனால் அவரது மனைவி தனது சொந்த வீட்டுக்கு கோபமாக சென்று இருக்கிறார். 

கணவன் எத்தனை முறை வந்து சமாதானம் செய்தும் அவர் திரும்ப வராமல் இருந்திருக்கிறார். அதுமட்டும் இல்லாமல் திடீர் என்று ஜான்சியில் இருக்கும் போலீஸ் நிலையத்திற்கு சென்று தன் கணவன் மீது புகாரும் அளித்து இருக்கிறார். இந்த நிலையில் போலீசார் இருவரையும் விசாரணைக்கு அழைத்தனர். போலீஸ் அந்த கணவனை திட்டிக் கொண்டு இருக்கும் போதே அவர் திடீர் என்று பாடல் ஒன்றை பாட ஆரம்பித்தார்.

"ஜீனா ஜீனா'' என்ற காதல் பாடலை அந்த கணவர் பாடினார். இதன் பொருள் ''என்னை உன்னை விட்டு வாழ முடியாது'' என்பதாகும். அவர் இந்த பாடலை தனது மனைவியை பார்த்து பாடினார். இந்த பாடலை கேட்டதும் அந்த பெண் அழ தொடங்கிவிட்டார். இதையடுத்து அந்த பெண் கணவன் மீது கொடுத்த புகாரை வாபஸ் வாங்கினார். தற்போது அந்த கணவர் 'ஜான்சி நகர் கணவர்' என சோஷியல் மீடியாவில் வைரல் ஆகியிருக்கிறார்.

புதுடில்லி, நவ.15- அடுத்த ஆண்டு ஜனவரி 1-ஆம் தேதி முதல் இந்தியர்களுக்கான விசா விதிமுறைகளை எளிமைப்படுத்துவதாகவும் குறுகிய நாட்களில் பல முறை செல்லக்கூடிய விசா வழங்க உள்ளதாகவும் ஜப்பான் தெரிவித்துள்ளது. 

ஜப்பான் அரசின் விசா எளிமைப்படுத்துதல், அடிக்கடி ஜப்பான் செல்லும் இந்தியர்கள் மற்றும், தொழிலபதிர்கள், சுற்றுலாப்பயணிகளுக்கு பயனளிக்கும் என்று  இந்தியாவில் உள்ள ஜப்பான் தூதரகம் தெரிவித்துள்ளது. 

இது குறித்து ஜப்பான் தூதரகம் வெளியிட்டுள்ள செய்தி குறிப்பில், “கடந்த ஒர் ஆண்டில் அதிகபட்சமாக இரண்டு முறை ஜப்பான் சென்றவர்களுக்கு 5 ஆண்டுகள் செல்லத்தக்க மற்றும் 90 நாட்கள் ஜப்பானில் தங்கி கொள்ளும் வகையிலான புதிய விசா எடுத்து கொள்ளலாம். இந்த புதிய விதிகள் சுற்றுலா பயணிகள் மற்றும் வணிகர்களுக்கு உதவியாக இருக்கும்” என தெரிவிக்கப்பட்டுள்ளது.

எளிமைப்படுத்தப்பட்ட விசா விதிமுறைகளின் படி, விசா விண்ணப்ப ஆவணங்களில், பலமுறை பயணிக்கும் விசாவுக்கு விண்ணப்பிக்கும் போது, வேலைவாய்ப்பு சான்றிதழ் மற்றும் விளக்க கடிதம் ஆகிய இரண்டுக்கும் விலக்கு அளிக்கப்பட்டுள்ளது.

பலமுறை நுழைவு விசாவுக்கு விண்ணப்பிக்கையில், பாஸ்போர்ட் விசா படிவம், நிதி திறன்(சுற்றுலா செல்பவர்களுக்கு), நிறுவனங்களுடன் தொடர்புடையதற்கான உறுதி ஆவணங்கள் (வணிக நோக்கில் செல்பவர்களுக்கு) ஆகியவற்றை வழங்கினால் போதும் என்று தெரிவிக்கப்பட்டுள்ளது. கடந்த பிப்ரவரியில், ஜப்பானுக்கு ஒருமுறை பயணிக்கும் இந்திய மாணவர்களுக்கு, விசா விண்ணப்ப விதிமுறைகளை எளிமைப்படுத்தப்பட்டது குறிப்பிடத்தக்கது.

மும்பை, நவ.14- மும்பையில் 25 அடி சுரங்கப்பாதை தோண்டி ஒரு தேசிய வங்கியில் இருந்த 30 லாக்கர்களை உடைத்து சுமார் 40 லட்சம் மதிப்புள்ள பொருட்களை ஒரு கொள்ளை கும்பல் திருடிச்சென்றுள்ளது. மராட்டிய மாநிலம் நவிமும்பை அருகில் ஜுனிநகர் பகுதியில் பரோடா வங்கிக்கு சொந்தமான ஒரு கிளை அமைந்துள்ளது. இந்த வங்கி இரண்டு நாட்கள் விடுமுறைக்கு பின்னர் மீண்டும் நேற்று திறக்கப்பட்டது. 

அப்போது அந்த வங்கியின் பாதுகாக்கப்பட்ட பகுதியில் அமைந்துள்ள சில பாதுகாப்பு பெட்டகங்கள் உடைக்கப்பட்டு அதிலிருந்த பொருட்கள் அனைத்தும் கொள்ளையடிக்கப்பட்டிருந்தது. இதையடுத்து போலீசாருக்கு தகவல் அளிக்கப்பட்டது. இதையடுத்து சம்பவ இடத்திற்கு வந்த போலீசார் விசாரணை நடத்தினர். அந்த விசாரணையில் அருகில் இருந்த கடையில் இருந்து வங்கியின் பாதுகாப்பு பெட்டக அறை வரையில் சுமார் 25 அடி தூரத்திற்கு சுரங்கப்பாதை தோண்டி திருடர்கள் கொள்ளையடித்து சென்றதை போலீசார் கண்டுபிடித்தனர். 

இந்த கொள்ளை சம்பவத்தில் வங்கியில் உள்ள 225 லாக்கர்களில் 30 லாக்கர்கள் உடைக்கப்பட்டு அதிலிருந்த பொருட்கள் திருடப்பட்டுள்ளது என போலீசார் தெரிவித்துள்ளனர். இருப்பினும் இந்த சம்வத்தில் திருடுபோன பொருட்களின் சரியான மதிப்பு குறித்து இன்னும் கணக்கிடப்படவில்லை. அந்த வங்கியில் உள்ள கேமராக்களில் பதிவான காட்சிகளை வைத்து போலீசார் விசாரணை நடத்தி வருகின்றனர். சினிமாவில் பார்ப்பதுபோல் சுரங்கப்பாதை தோண்டி வங்கி கொள்ளையடிக்கப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.

 

ஹைதராபாத், நவ.13- குடிகாரர்களை பிடிப்பதற்காக தெலுங்கானா போலீஸ் சிறிய ரக 'டிரோன்' விமானங்களை பயன்படுத்த முடிவு செய்து இருக்கிறது. இது போலீஸ் செல்ல முடியாத இடங்களுக்கு கூட சென்று குடிகாரர்களை கண்டுபிடிக்கும் என போலீசார் தெரிவித்துள்ளனர்.

நான்கு இறக்கைகள் இருக்கும் 'டிரோன்' என அழைக்கப்படும் சிறிய ரக விமானங்கள் தற்போது நிறைய தேவைகளுக்காக பயன்படுத்தப்படுகிறது. இந்த நிலையில் இந்தியாவிலேயே முதல் முறையாக குடிகாரர்களை பிடிப்பதற்காக இந்த விமானங்களை தெலுங்கானா போலீஸ் பயன்படுத்த இருக்கிறது.

இந்த திட்டத்தின் படி தெலுங்கானா முழுக்க 200க்கும் அதிகமான 'டிரோன்' விமானங்கள் வானத்தில் பறக்க விடப்படும். பெரும்பாலும் குடிகாரர்கள் இருக்கும் பகுதி என சந்தேகிக்கப்படும் இடங்களில் இந்த விமானங்கள் பறக்கவிடப்படும். இது அரை மணி நேரத்தில் 5 கிமீ பகுதியை எளிமையாக சோதனை செய்யும். மேலும் இதில் மிகவும் துல்லியமான 20 எம்.பி கேமரா பொருத்தப்பட்டு இருக்கிறது.

இதற்காக போலீஸ் கட்டுப்பட்டு அறையில் தனி அதிகாரிகள் நியமிக்கப்பட்டு இருக்கின்றனர். இது சோதனை முயற்சியிலேயே சரியாக குடிகாரர்களை கண்டுபிடித்தது. இந்த வாரத்தில் இருந்து இந்த சோதனை முறை நடைமுறைக்கு வரும் என போலீசார் கூறியுள்ளனர்.

More Articles ...