புதுடில்லி, ஏப்ரல் 23- சர்ச்சைக்குரிய வகையில் பேச வேண்டாம் பாஜகவின் நற்பெயருக்கு அது பாதிப்பை ஏற்படுத்தும் என்று பாஜகவினரை பிரதமர் நரேந்திர மோடி கண்டித்துள்ளார்.

தலித் பிரச்சினை, பாலியல் பலாத்காரம் உள்பட பல்வேறு விவகாரங்களை முன் வைத்தும் பாஜக தலைவர்களின் சர்ச்சைக்குரிய பேச்சுகளை முற்றிலும் சாடியும் மத்திய பாஜக அரசுக்கு எதிராக எதிர்க்கட்சியினர் போராட்டம் நடத்த தொடங்கி uள்ளதை அடுத்து பிரதமர் நரேந்திர மோடி மேற்கண்டவாறு கூறியுள்ளார்.

நாடு முழுவதும் உள்ள பாஜக. எம்பி, எம்எல்ஏக்களுடன் பிரதமர் மோடி தனது செயலி மூலம் நேற்று இது குறித்து பேசினார்

நாம் தவறு செய்து வருகிறோம். ஊடகங்களுக்கு 'மசாலா' செய்தி அளித்து வருகிறோம். பிரச்சினைகளை அலசி ஆராய்வதில்  நீங்கள் நிபுணர்களாகவும் சிறந்த சமூக விஞ்ஞானிகளாகவும் இருக்கலாம்

ஆனால் வீடியோ கேமராவை பார்த்ததும் நீங்கள் பேசத் தொடங்கி விடுகிறீர்கள். அப்போது தான் இந்த அரைவேக்காடு கருத்துகளை வெளியிடுகிறீர்கள்.

பொறுப்பற்ற வகையில் நீங்கள் தெரிவிக்கும் கருத்துகள் கட்சிக்கு பாதிப்பை ஏற்படுத்துகின்றன. ஆதலால் கட்சியில் இருக்கும் அப்பிரச்சினை குறித்து கருத்து தெரிவிப்பதை கைவிட வேண்டும்.

கட்சியில் கருத்துகள் வெளியிடும் பொறுப்புகளில் உள்ளவர்கள் மட்டுமே கருத்து வெளியிடலாம்.  காங்கிரஸ் கட்சி செய்த தவறுகளினால் மத்தியில் பாஜக ஆட்சிக்கு வரவில்லை.

மக்களுடன் தொடர்ந்து வைத்திருந்த தொடர்புகளால் தான் மத்தியில் பாஜக ஆட்சிக்கு வர முடிந்தது. மக்கள் பிரச்சினைக்கு தீர்வு காண்பதற்கு மக்கள் பிரதிநிதிகளாகிய நீங்கள் முக்கியத்துவம் கொடுக்க வேண்டுமென மோடி ஆலோசனை கூறியுள்ளார்.

புதுடில்லி, ஏப் 21- வெளிநாட்டிலிருந்து  திரும்பி வந்த கையோடு அவசர அமைச்சரவை கூட்டத்தை பிரதமர் மோடி கூட்டியுள்ளார். வெளிநாடுகளில் எழுந்துள்ள பல கேள்விகளுக்கு விடையாக, சிறுமிகள் பலாத்காரத்திற்கு எதிராக மரண தண்டனை விதிப்பது குறித்து அமைச்சரவை முடிவெடுக்கக்கூடும் என்ற தகவல் பரபரப்பாகி இருக்கின்றது

சிறுமிகளை பாலியல் பலாத்காரம் செய்வோருக்கு தூக்கு தண்டனை விதிப்பது, பொருளாதார குற்றங்களில் ஈடுபட்டு வெளிநாட்டுக்கு தப்பிச் செல்வோரின் சொத்துகளை முடக்குவது , உள்ளிட்ட அவசர கூட்டங்களுக்கு இன்றைய அமைச்சரவை கூட்டத்தில் ஒப்புதல் வழங்கப்பட உள்ளதாக தகவல் வெளியாகி உள்ளது

மத்திய அமைச்சர் மேனகா ஏற்கனவே வீடியோ மூலம் வெளியிட்டுள்ள செய்தியில்  சிறுமிகளை பலாத்காரம் செய்வோருக்கு தூக்கு தண்டனை அளிக்கும் வகையில் சட்ட திருத்தம் கொண்டு வரப்படும் என கூறி இருந்தார்.

அத்துடன் அனைத்துலக நாணய நிதி தலைவர் கிறிஸ்டைனும் பெண்களை பாதுகாப்பதில் கவனம் செலுத்த வேண்டும் என்று மோடியை வலியுறுத்தி இருந்தார். இதனால் இன்றைய பொதுக் கூட்டத்தில் குழந்தைகள் பாதுகாப்பு சட்டத்தில் திருத்தம் வரலாம் என்று எதிர்பபார்க்கலாம் என தெரியவருகிறது.

ஐதராபாத், ஏப்.13- நடிகை ஸ்ரீரெட்டி கூறிய பாலியல் குற்றச்சாட்டுகள் குறித்து விரிவான அறிக்கை தாக்கல் செய்யுமாறு தேசிய மனித உரிமைகள் ஆணையம் நோட்டீஸ் அனுப்பியுள்ளது.

தெலுங்கு திரையுலகத்தை சேர்ந்த  முன்னணி தயாரிப்பளர்கள்- இயக்குனர்கள் -நடிகர்கள் மீது பாலியல் குற்றச்சாட்டை எழுப்பி ஒட்டு மொத்த தென்னிந்நிய திரைத்துறையை அதிர வைத்தவர் நடிகை ஸ்ரீரெட்டி.

தனக்கு பாலியல் தொந்தரவு கொடுத்தவர்கள் பற்றிய விவரங்களை விரைவில் ஸ்ரீலீக்ஸ் என்ற பெயரில் டுவிட்டரில் வெளியிடுவேன் என்றும் அவர் தெரிவித்திருந்தார். 

அது பெரும் சர்ச்சையைக் கிளப்பியது. இதன் காரணமாக தெலுங்கு நடிகர் சங்கம் ஸ்ரீரெட்டி நடிப்பதற்கான அங்கீகார அட்டையை ரத்து செய்தது.அந்தச் சர்ச்சையில் நடிகர் ரானாவின் தம்பியும் ஒரு எழுத்தாளரும் அகப்பட்டனர். 

 இந்த விவகாரம் தற்போது தேசிய மனித உரிமை ஆணையத்தின் கவனத்திற்கு கொண்டு செல்லப்பட்டுள்ளது. அதன்படி நடிகை ஸ்ரீரெட்டி கூறிய பாலியல் குற்றச்சாட்டுகள் பற்றி தெலுங்கான தலைமைச் செயலாளர் மற்றும் மத்திய தகவல் ஒளிபரப்புத்துறை செயலாளர் ஆகியோர் 4  வார காலத்திற்குள் விரிவான அறிக்கை அளிக்குமாறு மனித உரிமைகள் ஆணையம் நோட்டீஸ் அனுப்பியுள்ளது.

தற்போது தெலுங்கு பிலிம் சேம்ப, ஸ்ரீரெட்டி கூறிய பாலியல் புகார்கள் குறித்து முழுமையாக  விசாரிக்க விசாரணைக் குழு ஒன்றை 4 நாட்களில் அமைக்கப்படும் என்று கூறியுள்ளது. 20 பேர் கொண்ட இந்தக்குழு 10 பேர் திரைத்துறையில் இருந்தும் மற்றவர்கள் வேறு துறையை சேர்ந்தவர்களாகவும்  இருப்பர் என தெரிவித்தது.

தொடர்ந்து நடிகை படங்களில் நடிக்க விதித்திருந்த தடையை தெலுங்கு நடிகர் சங்கம் நீக்கிக் கொண்டுள்ளது. இது பற்றி பேசிய அச்சங்கத்தின்  தலைவர் சிவாஜிராஜா. நடிகை கூறிய பாலியல் குற்றச்சாட்டுகளுக்கு தெலுங்கு பிலிம்சேம்பர் விசாரணைக்குழுவை அமைத் துள்ளதால் அவர் மீதான தடை நீக்கப்பட்டுள்ளதாக கூறினார். 

மேலும் நடிகை ஸ்ரீரெட்டி படங்களில் தொடர்ந்து நடிக்கலாம் என்றும் நடிகை கூறிய குற்றச்சாட்டுகள் சங்க உறுப்பினர்கள் மனதை புண்படுத்தியிருந்தால் அதற்கு வருத்தம் தெரிவிப்பதாவும் அந்தச் சங்கத்தின் தலைவர் தெரிவித்தார்.

திருவனந்தபுரம், ஏப். 11- கேரளாவில் நடக்க இருந்த திருமணம் ஒன்று பொய்யான வாட்ஸ் -ஆப் குறுந்தகவலால் நின்று போனது.  ஏர்ணா குளத்தைச் சேர்ந்து கல்லூரி மாணவி ஒருவருக்கு சில வாரங்களுக்கு முன் துபாயில் வேலை பார்க்கும் உறவுக்காரருடன் திருமணம் நடக்க விருந்தது.

இந்த நிலையில் அந்தப் பெண் வேறு ஒரு நபருடன் நட்பில் இருப்பதாகவும், இன்னும் இரண்டு தினங்களில்  காதலருடன் ஓடிப் போகவிருப்ப தாகவும்  குறுந்தகவல் ஒன்று வெளியானது.  இந்தச் செய்தி பரவலாக சுற்று வட்டாரத்தில் வைரலானது. இதனால் திருமணம் நிறுத்தப்பட்டது. 

அந்த பெண்ணும் அவரின் நண்பரும் பேருந்து நிலையம் ஒன்றில் நிற்பது போல ஒரு புகைப்படம் ஒன்றும்- ஓர் ஆடியோவும் அந்த வாட்ஸ் -ஆப்பில் அனுப்பப்பட்டிருந்தன. ஓடிப் போகவிருக்கும் அவர்களை  கண்டுபிடித்து தண்டனை கொடுங்கள் என்று கூறப்பட்டுள்ளது.

இந்த குறுந்தகவல் அப்படியே எல்லோருக்கும் சென்றடைய பெண்  வீட்டிற்கும் தகவல் கிடைத்துள்ளது. இதையடுத்து அந்தப் பெண் 'சைபர் கிரைம்' போலீசில் புகார் அளித்தார். ஷிஹாப் என்கிற  நபர் ஒருவர், அதே பகுதியைச்   சேர்ந்தவர் இவ்வாறு செய்துள்ளார் என்று கண்டு பிடிக்கப்பட்டது. 

ஷிஹாப் தற்போது போலீசரால் கைது செய்யப்பட்டுள்ளார். அவருக்கு இந்தப் பெண்ணை தெரியவே தெரியாது என்றும்  கூறப்படுகிறது. இப்படி  அடிக்கடி விளையாட்டாக போட்டோ எடுத்து வாட்ஸ் ஆப்பில் அனுப்புவேன் என்று அவர் வாக்கு மூலம் அளித்துள்ளார்.

திருவனந்தபுரம்.  ஏப்ரல்.5- திரையுலகத்தினர் அண்மைய காலமாக பல சோதனைகளைச் சந்தித்து வருகின்றனர். தற்போது மலையாளத்தில் கலக்கி வந்த வில்லன் நடிகர் கொல்லம் அஜித் உடல் நலக்குறைவால் இன்று காலை காலமானார்.

இவர் மலையாளம் மட்டுமின்றி தமிழ், இந்தி என பல மொழி படங்களில் நடித்துள்ளார். இவரின் இழப்பு ஒட்டு மொத்த திரையுலகத்தினரையும் வருத்தத்தில் ஆழ்த்தியது

மலையாள நடிகர்கள் மம்முட்டி, மோகன்லால்  என பலரும் அவரின் குடும்பத்தினருக்கு தங்கள்  இரங்கலைத் தெரிவித்துள்ளனர்.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

மோபிதேவி, மார்ச். 12: தமிழ்க் கடவுளாம் முருகனுக்கு, `ஐபோன் 6’ ஒன்றை பக்தர் காணிக்கையாக வழங்கி அதிர்ச்சியில் ஆழ்த்தியுள்ளார். இந்தச் சம்பவம் ஆந்திராவின் கிருஷ்ணா மாவட்டத்தில் நிகழ்ந்துள்ளது.

கிருஷ்ணா மாவட்டத்தில் மோபிதேவி எனும் இடத்தில் சுப்ரமனிய சுவாமி கோயில் உள்ளது. இங்கு, பக்தர்கள் செலுத்தும் காணிக்கைகளை 108 நாள்களுக்கு ஒருமுறை நிர்வாகிகள் எடுத்துக் கணக்கிடும் பணியில் ஈடுபடுவர்.

வழக்கம்போல் கடந்த வெள்ளிக்கிழமை அன்று கோயில் உண்டியல் திறக்கப்பட்டது. எப்போதும்போல் பணம் மற்றும் நகைகள் போன்ற காணிக்கைகள்தான் உண்டியலில் இருக்கும் என்று திறந்தனர் நிர்வாகிகள்.

ஆனால், இம்முறை வழக்கத்துக்கு மாறாகப் பக்தர் ஒருவர், உத்தரவாத கடிதத்துடன்கூடிய புத்தம் புதிய `ஐபோன் 6’ ஒன்றைக் காணிக்கையாகச் செலுத்தி ஆச்சர்யப் படுத்தியுள்ளார்.

இப்படிப்பட்ட காணிக்கையைப் பார்த்த நிர்வாகம் என்ன செய்வது என்று புரியாமல் திகைத்துள்ளனர். இதைப்பற்றி கோயில் நிர்வாகம் தெரிவிக்கையில், இந்தக் காணிக்கையை யார் உண்டியலில் போட்டனர் என்று தெரியவில்லை.

 இந்தப் போனை ஏலத்தில்விட்டு அதன் மூலம் வரும் பணத்தைக் கோயில் திருப்பணிக்காகச் செலவிடலாமா அல்லது பக்தர்களின் தொலைபேசி அழைப்புக்குப் பதிலளிக்கும் விதமாகப் பயன்படுத்தலாமா என்று புரியாமல் உள்ளோம் என்றார். 

இதுபோன்ற சம்பவங்கள் நடப்பது மிகவும் அரிது. இதேபோல், 2016-ம் ஆண்டு ஷீரடியில் உள்ள சாய் பாபா கோயில், 92 லட்சம் மதிப்பிலான இரண்டு வைர நகைகளை பக்தர் ஒருவர் காணிக்கையாக வழங்கினார்.

 

மும்பை, பிப்.28- மறைந்த நடிகை ஶ்ரீதேவியின் உடலுக்கு பொதுமக்களும் ரசிகர்களும் நீண்ட வரிசையில் நின்று இறுதி மரியாதை செலுத்தினர். அன்னாரின் உடல் இன்று மும்பையில் மகாராஷ்டிர அரசு மரியாதையுடன் தகனம் செய்யப்படும் என தெரிவிக்கப்பட்டுள்ளது.

துபாயில் கடந்த வாரம் திருமண நிகழ்ச்சிக்காக சென்ற இடத்தில் ஸ்ரீதேவி, குளியல் தொட்டியில் மூழ்கி உயிரிழந்தார். நேற்றைய தினம் எம்பாமிங் செய்யப்பட்டு இரவு அனில் அம்பானி அனுப்பிய தனி விமானம் மூலம் மும்பையில் உள்ள லோகன்ட்வாலாவில் உள்ள அவரது உடல் வந்தடைந்தது.

 

அந்தேரியில் உள்ள செலிபிரட்டிஸ் ஸ்போர்ட்ஸ் கிளப்பில் இன்று காலை 9.30 மணி முதல் 12.30 மணி வரை திரைத்துறையினர், அரசியல் தலைவர்கள், பொதுமக்கள், ரசிகர்கள் அஞ்சலிக்காக வைக்கப்பட்டது.

முன்னதாக, நடிகர்கள் கமல்ஹாசனும் ரஜினியும் ஶ்ரீதேவி உடலுக்கு இறுதி அஞ்சலி செலுத்த நேற்றே மும்பை சென்றனர். பொதுமக்கள் காலை முதல் நீண்ட வரிசையில் பூக்களையும் படங்களையும் ஏந்திக் கொண்டு ஶ்ரீதேவி உடலுக்கு மரியாதை செலுத்தினர்.

மும்பை, பிப்.27- நடிகை ஶ்ரீதேவி திடீர் மரணமடைந்து மூன்று நாட்கள் ஆகி விட்டாலும் அவரின் உடல் இன்னும் இந்தியாவிற்கு கொண்டு வரபடவில்லை. இதற்கு காரணம் அவரின் மரணத்தில் எழுந்துள்ள சந்தேகம் தான் என்று செய்திகள் வெளியாகியுள்ளன.

ஸ்ரீதேவி என்பவர் துபாய் அரசை பொறுத்தளவில் ஒரு வெளிநாட்டு பிரஜையாகும். ஸ்ரீதேவி மரணம் திடீரென நிகழ்ந்துள்ளது. அதுவும் உடல் நோயால் பாதிக்கப்பட்டு அவர் இறக்கவில்லை. தண்ணீர் தொட்டியில் விழுந்து இறந்துள்ளார் என்பது உறுதியாகியுள்ளது. அவரது உடலில் மது இருந்ததாகவும் கூறப்படுகிறது. 

எனவே இதை சாதாரண மரணமாக பார்க்க முடியாது என சந்தேகத்திற்கிடமான சாவு என்ற பிரிவில்தான் துபாயில் வழக்கு பதிவு செய்யப்பட்டுள்ளதாக கூறப்படுகிறது.

மேலும் முழு அளவிலான உடல்கூறு சோதனை அறிக்கை இன்னும் வெளியாகவில்லை. மேலோட்டமான முதல்கட்ட அறிக்கைதான் வெளியாகியுள்ளது. எனவே, நேற்று ஸ்ரீதேவி உடலை இந்தியா எடுத்துச் செல்ல துபாய் அரசு அனுமதி வழங்கவில்லை.

எனவே இன்று தான் ஸ்ரீதேவி உடலை இந்தியா கொண்டு செல்ல துபாய் public prosecution துறை அனுமதி கொடுக்கும் என்று தெரிகிறது. இதனால் ஸ்ரீதேவிக்கு மும்பையில் இறுதி சடங்குகள் குறித்த நேரத்தில் நடைபெறுமா என்பது கேள்விக்குறியாகியுள்ளது.

மும்பை, பிப்.26- திடீர் மரணமடைந்த நடிகை ஸ்ரீதேவி இறப்பதற்கு முன்னர் மது அருந்தியிருந்தார் என அவரது ரத்தப் பரிசோதனையில் தெரியவந்துள்ளது. இதனால் அவரின் மரணத்திற்கு அவர் குடிபோதையில் இருந்தது தான் காரணமா என்ற கேள்வி எழுந்துள்ளது.

உறவினரின் திருமண நிகழ்ச்சியில் பங்கேற்க கணவர் மற்றும் தனது இரண்டாவது மகள் குஷியுடன் துபாய் சென்றிருந்த நடிகை ஸ்ரீதேவி கடந்த சனிக்கிழமை இரவு திடீரென உயிரிழந்தார்.

அவர் மாரடைப்பால் உயிரிழந்திருக்கலாம் என கூறப்பட்டது. இதைத்தொடர்ந்து ஸ்ரீதேவியின் உடல் நேற்று பிரேத பரிசோதனை செய்யப்பட்டது.

பரிசோதனை அறிக்கையில் நடிகை ஸ்ரீதேவி மரணத்திற்கு முன்பு மது அருந்தியிருந்தது உறுதி செய்யப்பட்டடுள்ளது. இதனால் மதுபோதையில் பாத் டப்பில் மூழ்கி அவர் உயிரிழந்தாரா என்ற கேள்வி எழுந்துள்ளது.

நவிலக்கோன், பிப் 16: காளையிடமிருந்து தனது தம்பியை எட்டு வயது சிறுமி துணிச்சலாகப் போராடி மீட்டுள்ள சம்பவம் சமூக ஊடகங்களில் பரபரப்பை ஏற்படுத்தியுள்ளது.

கர்நாடகாவின் ஹன்னவர் தாலுகாவிலுள்ள நவிலக்கோன் என்ற கிராமத்தில், எட்டு வயது சிறுமி தமது இரண்டு வயது தம்பியுடன் அவர் வீட்டிற்கு வெளியே விளையாடிக் கொண்டிருந்தார்.

அப்போது திடீரென அந்த வழியாக சீறி வந்த மாடு ஒன்று, அவர்களை நோக்கிப் பாய்ந்து முட்டித் தாக்கியது.  இதில் அந்தச் சிறுமி தனது தம்பியை கடைசி வரை விடாமல் கையில் பிடித்துக் கொண்டு அந்த மாடுடன் இணையாகப் போராடிக் கொண்டிருந்தார்.

வீட்டின் உள்ளே இருந்த நபர் வெளியே ஓடி வந்து அந்த மாட்டை உடனடியாக விரட்டியடித்தார். ஆனால் அங்கிருந்து நகர்ந்த சிறிது நேரத்தில் சீறிப் பாய்ந்து தாக வந்த போது அங்கிருந்த ஒருவர் கம்பை கையிலெடுத்து விரட்டினார்.

இது தொடர்பான வீடியோ, சிசிடி காமாரவில் பதிவாகி தற்போது சமூகவலைத் தளங்களில் வைரலாகப் பரவி வருகின்றது.  பல்ரும் அந்தச் சிறுமியின் துணிச்சலான போராட்டத்தைப் பாராட்டியுள்ளனர்.

 

 

 

 

 

 

 

 

 

 

 

 

 

 

 

 

 

 

ஜெய்ப்பூர், பிப்.15- நகரின் தூய்மையைப் பேணி காக்க வேண்டிய அமைச்சரே சாலையோரத்தில் காரை நிறுத்தி சுவரில் சிறுநீர் கழிக்கலாமா என்று அமைச்சரின் செயலுக்கு கண்டனம் தெரிவித்துள்ளனர் நெட்டிசன்கள்.

ராஜஸ்தானின் பிங்க் சிட்டி என வர்ணிக்கப்படுவது ஜெயப்பூர். இந்திய பிரதமர் நரேந்திர மோடியின் தூய்மை இந்தியா திட்டத்தின் கீழ் பராமரிக்கப்பட்ட இந்த நகரில் அம்மாநில சுகாதாரத்துறை அமைச்சர் காளிச்சரண் சாரப் காரில் சென்றுக் கொண்டிருந்தபோது சாலையோரம் காரை நிறுத்தி விட்டு அருகே இருந்த கட்டடம் ஒன்றின் சுவரில் சிறுநீர் கழித்தார். 

இதனைப் பொதுமக்களில் ஒருவர் புகைப்படம் எடுத்து இணையத்தளத்தில் வெளியிட்டார். இதனால் இப்படம் சமூக வலைத்தளங்களில் வைரலாக பரவியது. 

தூய்மை திட்டத்தின் கீழ் இருக்கும் அமைச்சர் அதுவும் மாநில சுகாதாரத்துறை அமைச்சர் இப்படி இரு கேவலமான காரியத்தைச் செய்யலாமா என இப்படத்தை பார்த்த நெட்டிசன்கள் தங்களின் கண்டனத்தைத் தெரிவித்துள்ளனர்.

நகரில் இதுபோன்று அசிங்கம் செய்பவர்கள் மீது ரூ.200 அபராதம் விதிக்கப்படுவது வழக்கமானது. இது தொடர்பாக மாநகராட்சி, அமைச்சரிடம் விளக்கம் கேட்டு நோட்டிஸ் அனுப்பியது. ஆனால் அமைச்சர் தரப்பில் சரியான பதில் வரவில்லை என்றும் ஆனால் விசயத்தைப் பெரிதாக்க வேண்டாம் என அமைச்சர் தரப்பு சமரசம் செய்ய முயற்சி செய்து வருவதாகவும் தெரிவிக்கப்பட்டுள்ளது. 

More Articles ...