இந்தியப் பயிற்சி விமானம் விழுந்து நொறுங்கியது..!

பிற மாநிலங்கள்
Typography

ஹைதராபாத், செப். 28 - இந்திய விமானப் படைக்குச் சொந்தமான பயிற்சி விமானம் ஒன்று நொறுங்கி விழுந்து விபத்து ஏற்பட்டது. எனினும் உயிர் சேதம் ஏற்பட்டதாக தகவல்கள் ஏதும் இல்லை.

தெலுங்கானா மாநிலத்தில் இந்திய விமான படை விமானம் ஹைதராபாத்தில் உள்ள ஹக்கிம்பேட்டை விமான பயிற்சி மையத்தில் இருந்து இன்று புறப்பட்டது. கீஸாராவில் வானில் வட்டமடிக்கும் பயிற்சிக்காக சென்றது.

அதில் விமானி உள்பட 3 பேர் பயணம் செய்தனர். காட்டு பகுதி அருகே சென்ற போது விமானத்தில் தீப்பிடித்தது. ஆபத்தை உணர்ந்த விமானி உள்பட 3 பேரும் கீழே குதித்தது உயிர் தப்பினர். இதைத் தொடர்ந்து அந்த விமானம் விழுந்து நொறுங்கியது.

இதனால் அப்பகுதியில் பரபரப்பு ஏற்பட்டது. விமான விபத்துக்கான காரணம் தெரியவில்லை. 

BLOG COMMENTS POWERED BY DISQUS