இந்திய கப்பல் கடத்தப்பட்டது; சோமாலியா கடற்கொள்ளையர்கள் கைவரிசை!

பிற மாநிலங்கள்
Typography

புதுடில்லி, ஏப்ரல் 4- இந்தியாவின் வர்த்தகக் கப்பலைச் சோமாலிய கடற்கொள்ளையர்கள் கடத்தி சென்றனர். கடத்தப்பட்ட கப்பலில் 11 மாலுமிகள் இருந்ததாக அதிகாரிகள் கூறியுள்ளனர்.

ஆப்பிரிக்கா நாடுகளில் ஒன்றான சோமாலியாவில் கடற்கொள்ளையர்கள் அதிகம். இங்கு அடிக்கடி கப்பல் கடத்தும் சம்பவங்கள் நடக்கும். இந்நிலையில், இந்தியாவைச் சேர்ந்த கப்பலை கடற்கொள்ளையர்கள் கடத்தி சென்றனர்.

சோமாலியா நாட்டு கடற்கரையை நோக்கி சென்றுக் கொண்டிருந்த வர்த்தக கப்பலை கடற்கொள்ளையர்கள் சுற்றி வளைத்தனர். வளைகுடா பகுதியான துபாயில் இருந்து இந்த கப்பல் சோமாலியாவின் பொஷாஸ்ஷோ துறைமுகம் நோக்கி சென்றபோது இந்த கடத்தல் சம்பவம் நிகழ்ந்ததாக கடற்கொள்ளை தடுப்பு உயரதிகாரி கூறினார்.

கடத்தப்பட்ட கப்பல் 11 மாலுமிகளுடன் புன்ட்லேண்ட் மாகாணத்தில் உள்ள ஈல் பகுதிக்கு கொண்டு செல்லப்பட்டதாக நம்பப்படுகிறது. 

கடந்த மாதம், சோமாலியா கடல் பகுதியில் சென்று கொண்டிருந்த, எண்ணெய் டாங்கர் ஏற்றி வந்த கப்பலை, கொள்ளையர்கள் கடத்திச் சென்றது குறிப்பிடத்தக்கது.

BLOG COMMENTS POWERED BY DISQUS