பீகார், நவ.6- பீகார் மாநிலம் வைசாலி மாவட்டத்தில் உள்ள மாஸ்டனா காட் என்ற இடத்தில் உள்ள மலைப்பகுதிக்கு சிறுவர்கள், பெண்கள் உள்பட சுற்றுலா பயணிகள் 11 பேர் வந்தனர்.

அவர்கள் அங்கு கங்கை நதியையொட்டி உள்ள சிறிய மலையில் ஏறி கேளிக்கை செய்து கொண்டிருந்தனர். அப்போது எதிர்பாராதவிதமாக ஒரு சிறுவன் கால் இடறி நதியில் விழுந்தான். இதையடுத்து அவனை காப்பாற்றுவதற்காக அவனுடன் வந்திருந்த அனைவரும் நதியில் குதித்தனர்.

ஆனால் துரதிருஷ்டவசமாக அவர்களில் 9 பேர் நீரில் மூழ்கி பரிதாபமாக உயிர் இழந்தனர். 2 பேர் மாயமாகி விட்டனர். அவர்களை மீட்பதற்கான பணிகள் முழுவீச்சில் நடந்து வருகிறது.

 

புதுடில்லி, நவ.2- ஆசியாவின் பணக்காரர்களுக்கான பட்டியலில் ரிலைன்ஸ் இண்டஸ்ட்ரீஸ் தலைவர் முகேஷ் அம்பானி முதல் நிலை பணக்காரர் என்ற அந்தஸ்தை பெற்றுள்ளார்.

உலகில் உள்ள பெரும் செல்வந்தர்களில் பட்டியலை போர்பஸ் பத்திரிக்கை ஆண்டுதோறும் வெளியிடுகிறது. அதன்படி தற்போது ஆசியாவின் முதல் நிலை கோடிஸ்வரராக ரிலையன்ஸ் இண்டஸ்ட்ரீஸின் தலைவர் முகேஷ் அம்பானி முன்னேறியுள்ளார்.

இவர் இதற்கு முன்னாதாக முதல்நிலையில் இருந்த சீனாவின் ஹியு கா என்பவரை பின்னுக்கு தள்ளி 421 பில்லியன் டாலர்களுடன் முதலிடம் பிடித்துள்ளதாக தெரிவிக்கப்பட்டுள்ளது.

புதுடில்லி, நவ.1- குற்றவழக்கில் தண்டனை பெற்றவர்கள் தேர்தலில் போட்டியிட வாழ்நாள் முழுவதும் தடை விதிக்கவேண்டும் என பா.ஜ.க.வின் அஸ்வினி உபாத்யாயா உச்சநீதிமன்றத்தில் வழக்கு தொடர்ந்துள்ளார். இந்த வழக்கில் தேர்தல் ஆணையமும் ஒரு மனுதாரராக சேர்க்கப்பட்டுள்ளது.

இவ்வழக்கு இன்று விசாரணைக்கு வந்தது. அப்போது, குற்றப் பின்னணி கொண்ட நபர்கள் தேர்தலில் போட்டியிட வாழ்நாள் தடை விதிக்கலாம் என தேர்தல் ஆணையம் தரப்பில் தெரிவிக்கப்பட்டது.

‘குற்றப் பின்னணி உடைய நபர்கள் தேர்தலில் போட்டியிட வாழ்நாள்  தடை விதிப்பது தொடர்பாக மத்திய அரசுக்கு பரிந்துரை வழங்கி உள்ளோம். வாழ்நாள் தடை விதித்தால் அரசியல் இருந்து குற்றச்செயல்களை குறைக்க முடியும்’ என்றும்  தேர்தல் ஆணையம் தெரிவித்துள்ளது.

ஹைதராபாத், அக்.10- 'ஊழல் அதிகாரிகளை செருப்பால் அடியுங்கள்' என்று தெலுங்கானா முதல்வர் சந்திரசேகர் ராவ் பேசியிருப்பது சர்ச்சையை ஏற்படுத்தியுள்ளது. 

தெலுங்கானா மாநிலத்தில் உள்ள சிங்கரேணி நிலக்கரி நிறுவனத்தின் தொழிலாளர் சங்கத் தேர்தலில் டி.ஆர்.எஸ் கட்சி வென்றதை அடுத்து, வெற்றி விழாவில் டிஆர்எஸ் கட்சி தலைவரும் மாநில முதல்வருமான சந்திரசேகர் ராவ் பேசினார்.

ஊழல் அதிகாரிகளை செருப்பால் அடியுங்கள் என்றும் சந்திரசேகர்ராவ் ஆவேசமாக பேசினார். அவரது பேச்சு, அதிகாரிகளிடையே சர்ச்சையை உருவாக்கி உள்ளது.

கடந்த ஆண்டு ஒரு கூட்டத்தில் பேசிய முதல்வர் சந்திரசேகர ராவ், லஞ்சம் வாங்கும் அதிகாரிகளை கொல்வேன் என்று பேசி சர்ச்சையை ஏற்படுத்தினார். தற்போது செருப்பால் அடியுங்கள் என்று அவர் பேசியிருப்பது பல்வேறு தரப்பினராலும் கடுமையாக விமர்சிக்கப்பட்டது.

சமூக வலைத் தளங்களிலும் மக்கள் இஷ்டம் போல் அவரை வாரியெடுக்கின்றனர். குறிப்பாக அரசாங்க அதிகாரிகள் மத்தியில் அவரது பேச்சு கடும் புயலைக் கிளப்பிவிட்டுள்ளது.

கடந்த ஆண்டு ஒரு கூட்டத்தில் பேசிய முதல்வர் சந்திரசேகர ராவ், லஞ்சம் வாங்கும் அதிகாரிகளை கொல்வேன் என்று பேசி சர்ச்சையை ஏற்படுத்தினார். தற்போது செருப்பால் அடியுங்கள் என்று அவர் பேசியிருப்பது பல்வேறு தரப்பினராலும் கடுமையாக விமர்சிக்கப்பட்டது.

சமூக வலைத் தளங்களிலும் மக்கள் இஷ்டம் போல் அவரை வாரியெடுக்கின்றனர். குறிப்பாக அரசாங்க அதிகாரிகள் மத்தியில் அவரது பேச்சு கடும் புயலைக் கிளப்பிவிட்டுள்ளது.

 

புதுடில்லி, அக்.1- டில்லி விமான நிலையத்தில் இந்து என கடப்பிதழில் குறிப்பிடப்பட்ட பெண் ஒருவர் முஸ்லீம்கள் அணியும் பர்தாவை அணிந்து வந்ததால் சற்று நேரம் சலசலப்பு ஏற்பட்டது.

டில்லி விமான நிலையத்தில், சமீபத்தில் மும்பைக்கு செல்லும் விமானத்தில் பயணம் செய்வதற்காக, 43 வயது பெண் ஒருவர், உடலை மறைக்கும் வகையில், முஸ்லீம் பெண்கள் அணியும், பர்தா அணிந்து வந்திருந்தார்.அவருடைய பயணச்சீட்டை பரிசோதித்தபோது, மத்திய பிரதேசத்தைச் சேர்ந்த, இந்து பெண்ணின் பெயர் இருந்தது. அந்த பெண்ணுடன், வளைகுடா நாடான, ஐக்கிய அரபு எமிரேட்சின் ஜட்டாவைச் சேர்ந்த முஸ்லீம் ஆணும் இருந்தார். 

இது, விமான நிலைய அதிகாரிகளுக்கு, பெரும் குழப்பமாக இருந்தது. உடனடியாக, பாதுகாப்பு அதிகாரிகளுக்கு தகவல் கொடுக்கப்பட்டது. புலனாய்வு அமைப்பினரும் வரவழைக்கப்பட்டனர். அவர்களுடைய பைகளை சோதித்தபோது, அதில் சந்தேகப்படும்படியான பொருட்கள் ஏதுமில்லை. பர்தா அணிந்து வந்ததற்கான காரணத்தை, அந்த இந்து பெண் கூறவில்லை என தெரிவிக்கப்பட்டுள்ளது.

அவர்கள் குறித்த தகவல்களைப் பெற்று, பயணம் செய்வதற்கு அனுமதிக்கப்பட்டது.

 

ஹைதராபாத், செப். 28 - இந்திய விமானப் படைக்குச் சொந்தமான பயிற்சி விமானம் ஒன்று நொறுங்கி விழுந்து விபத்து ஏற்பட்டது. எனினும் உயிர் சேதம் ஏற்பட்டதாக தகவல்கள் ஏதும் இல்லை.

தெலுங்கானா மாநிலத்தில் இந்திய விமான படை விமானம் ஹைதராபாத்தில் உள்ள ஹக்கிம்பேட்டை விமான பயிற்சி மையத்தில் இருந்து இன்று புறப்பட்டது. கீஸாராவில் வானில் வட்டமடிக்கும் பயிற்சிக்காக சென்றது.

அதில் விமானி உள்பட 3 பேர் பயணம் செய்தனர். காட்டு பகுதி அருகே சென்ற போது விமானத்தில் தீப்பிடித்தது. ஆபத்தை உணர்ந்த விமானி உள்பட 3 பேரும் கீழே குதித்தது உயிர் தப்பினர். இதைத் தொடர்ந்து அந்த விமானம் விழுந்து நொறுங்கியது.

இதனால் அப்பகுதியில் பரபரப்பு ஏற்பட்டது. விமான விபத்துக்கான காரணம் தெரியவில்லை. 

கொச்சின், செப்.26- தன் முகத்தில் 10 மாதமாக 10 செண்டி மீட்டர் நீளமுள்ள புழு ஒன்று ஒளிந்து வாழ்ந்து கொண்டிருந்ததை அறிந்த ஆடவர் அதிர்ச்சிக்குள்ளானார். அதனை கேரளா மருத்துவர்கள் நேரலையில் அறுவை சிகிச்சை செய்து வெளியே எடுத்தனர்.

கேரளா, கொச்சினில் உள்ள கே.ஐ.எம்.எஸ் மருத்துவமனையில் கடந்த 20ஆம் தேதி இந்த அறுவை சிகிச்சை நடந்துள்ளது. சிகிச்சை அளித்த மருத்துவர் சூஹைல் கூறுகையில், சம்பந்தப்பட்ட 29 வயது நபர், முகத்தில் திடீரென வீக்கம் ஏற்பட்டுள்ளதாக கூறி மருத்துவம் பெற வந்தார். 

அவரைப் பரிசோதித்த பிறகு ஸ்கேன் செய்து பார்க்கையில் அவரின் முகத்தில் புழு போன்று இருந்ததைக் கண்டோம் என்றார்.

"நோயாளியிடம் இதனைப் பற்றி கேட்டப்போது பத்து மாதங்களுக்கு முன்னர் தன் இடது கண் ஓரத்தில் புழு ஒன்று இருந்ததாகவும் அது நெளிந்து செல்வதைக் கண்டு மருத்துவரிடம் செல்ல அவர் மருந்து கொடுத்து அனுப்பிவிட்டதாக கூறினார்" என சூஹைல் கூறினார்.

முந்தைய மருத்துவரால் கொடுக்கப்பட்ட மருத்தினால் அந்த புழு சாகவில்லை. மாறாக கடந்த 10 மாதமாக நோயாளியில் முகத்திலேயே உயிரோடு வாழ்ந்துள்ளது. அறுவை சிகிச்சை செய்து வெளியே எடுத்தப்போது அந்த புழு 10 செண்டி மீட்டர் நீளமிருந்ததைக் கண்டு தாம் அதிர்ச்சி அடைந்ததாக மருத்துவர் சூஹைல் தெரிவித்தார்.

வெளியே எடுக்கப்பட்ட புழுவைப் பரிசோதனைக்காக அனுப்பப்பட்டுள்ளதாகவும் முடிவு வந்த பிறகு தான் புழு முகத்தில் வந்ததற்கான காரணம் தெரியவரும் என்று அவர் மேலும் கூறினார். 

மும்பை, செப்.20- நூறு கோடிக்கு மேல் சொத்து வைத்திருக்கும் பணக்காரரரை திருமணம் செய்து கொள்ள ஆசைப்பட்டு இந்தியாவின் முதல்நிலை கோடீஸ்வரரான முகேஷ் அம்பானியிடம் ஆலோசனை கேட்ட இளம் பெண்ணுக்கு அவர் 'படார்' பதிலளித்து அசுர வைத்தார்.

பணக்காரர்களை மட்டுமே திருமணம் செய்து கொள்ள விரும்பும் பெண்களுக்கு அவர் அளித்த பதில் ஓர் அதிர்ச்சி தரும் ஆலோசனையாக அமைந்தது.

பூஜா என்ற இளம்பெண், ”பணக்கார ஆண்மகனை திருமணம் செய்து கொள்ள நான் என்ன செய்ய வேண்டும்?” என்று இணையத் தளத்தில் கேள்வி எழுப்பினார். 

மேலும், ”என் வயது 25. நான் பார்க்க மிகவும் அழகாக இருப்பேன். ஸ்டைல் மற்றும் நல்ல ரசனை உள்ள பெண். நான் வருடத்திற்கு நூறு கோடிக்கு மேல் சம்பாதிக்கும் ஆண்மகனை திருமணம் செய்துக் கொள்ள விரும்புகிறேன். அதற்கு என்ன செய்ய வேண்டும்?.” என்று அவர் கேட்டார்.

இந்தப்  பதிவை பார்த்த முகேஷ் அம்பானி அப்பெண்ணிற்கு பதில் இதுதான்:

“உங்களை போல பல பெண்கள் இந்த சந்தேகத்துடன் உலாவி வருகிறார்கள். ஒரு முதலீட்டாளராக உங்கள் இந்த சந்தேகத்திற்கு, ஒரு நல்ல தீர்வைத் தர நான் விரும்பிகிறேன். 

எனது வருட சம்பாத்தியமும் நூறு கோடிக்கு மேலானது தான். ஆனால், உங்களை போன்ற ஒரு பெண்ணைத் தேர்வு செய்வது, எனது பார்வையில் தவறு என்று தான் நான் கருதுவேன். காரணம், அழகு என்பதை பெண்ணாகவும், பணம் என்பதை ஆணாகவும் வைத்துக் கொண்டால். இங்கு ஒரு பெரிய பிரச்சனை எழும். 

அழகு வருடத்திற்கு வருடம் குறைந்துக் கொண்டே போகும். பணம் என்பது வருடத்திற்கு, வருடம் உயர்ந்துக் கொண்டே போகும். பொருளாதார பார்வையில் இதை கண்டால், பணம் எனும் ஆண் (நான்) அதிகரிக்கும் சொத்து, அழகு எனும் பெண் (பூஜா) தேய்மானம் அடையும் சொத்து. 

சுமார் பத்து வருடம் கழித்து பார்க்கும் போது உங்களுக்கான மதிப்பு மிகவும் குறைந்திருக்கும். செழிப்படையும் ஒரு சொத்தை, தேய்மானம் அடையும் சொத்துடன் சேர்க்க எந்த முதலீட்டாளரும் முனையமாட்டார். 

வர்த்தக நிலையில் பார்க்கையில் நூறு கோடிக்கு மேல் சம்பாதிக்கும் எந்தவொரு நபரும் உங்களுடன் 'டேட்டிங்' செய்வாரே தவிர, திருமணம் செய்துக் கொள்ள மாட்டார்.

எனவே, உங்கள் அழகு தோற்றத்தையும், நூறு கோடி சம்பாதிக்கும் ஆண்மகன் தான் வேண்டும் என்பதை மறந்து விட்டு நீங்கள் நூறு கோடி சம்பாதிக்கும் பெண்ணாக வளருங்கள்.” -இவ்வாறு அந்தப் பெண்ணுக்கு முகேஷ் அம்பானி ஆலோசனை கூறினார்.

டில்லி, செப்.16- கர்நாடக இசை கலைஞர் எம்எஸ் சுப்புலட்சுமியைச் சிறப்பிக்கும் வகையில் ரூ.100, ரூ.10 நாணயங்கள் வெளியிட மத்திய அரசு முடிவு செய்துள்ளது. கர்நாடக சங்கீதத்தில் கொடி கட்டி பறந்தவர் எம்.எஸ் சுப்புலட்சுமி. 

இவர் ஆசியாவின் நோபல் பரிசு எனப்படும் ராமன் மகசசே விருது, இந்தியாவின் உயரிய விருதான பாரத ரத்னா உள்ளிட்ட ஏராளமான விருதுகளை பெற்றுள்ளார். அவரது நூற்றாண்டு பிறந்த தினம் கடந்த செப் 14-இல் கொண்டாடப்பட்டது. இந்த விழா நிறைவடைவதையொட்டி அவரை கெளரவிக்கும் வகையில் அவர் முகம் பதித்த நாணயங்கள் வெளியிட கோரிக்கை விடப்பட்டது. 

இந்த கோரிக்கையை ஶ்ரீ சண்முகானந்தா பைன் ஆர்ட்ஸ் மற்றும் சங்கீத சபா வைத்தது. அதனையேற்ற மத்திய அரசு இன்று எம்.எஸ் சுப்புலட்சுமியின் முகம் படம் பதித்த ரூ.100, ரூ.10 நாணயங்கலை வெளியிடுகிறது. இதேபோல் எம்ஜிஆரின்  நூற்றாண்டு பிறந்த தினத்தையொட்டியும் அவரது உருவம் பதித்த நாணயங்களை வெளியிட தமிழக அரசு கேட்டுக் கொண்டுள்ளது.    

 

 

 கொச்சி, செப்.19- பிரபல நடிகையைக் கடத்தி, பாலியல் பலாத்காரம் செய்யப்பட்ட வழக்கில் கைதாகியுள்ள பிரபல மலையாள நடிகர் திலீப்புக்கு நான்காவது முறையாக ஜாமின் மறுத்துள்ளது நீதிமன்றம். 

பிரபல நடிகை காரில் கடத்தப்பட்டு பாலியல் தொந்தரவு செய்யப்பட்ட வழக்கில், நடிகர் திலீப் கடந்த ஜூலை 10-ஆம் தேதி கைது செய்யப்பட்டார். 

அலுவா கிளைச் சிறையில் அவர் அடைக்கப்பட்டுள்ளார். அவரது ஜாமின் மனுக்கள், கொச்சியில் உள்ள கேரள உயர் நீதிமன்றத்தில் 2 தடவையும், அங்கமாலி மாஜிஸ்திரேட் நீதிமன்றத்தில் ஒரு தடவையும் தள்ளுபடி செய்யப்பட்டன.

இதையடுத்து, அங்கமாலி நீதிமன்றத்தில் நடிகர் திலீப் மீண்டும் ஜாமின் மனுத் தாக்கல் செய்தார். ஆனால், திலீப்பை ஜாமினில் விடுவித்தால், விசாரணை பாதிக்கப்படும் என்று போலீஸ் தரப்பு கூறியதையடுத்து, திலீப்பின் ஜாமின் மனு மீண்டும் தள்ளுபடி செய்யப்பட்டது. அவரது நீதிமன்ற காவல், 28-ஆம் தேதிவரை நீட்டிக்கப்பட்டுள்ளது

 

திருவனந்தபுரம், செப்.19- இந்துக்களுக்கு மட்டுமே நுழைய அனுமதி வழங்கப்படும் கேரளாவின் பத்மநாப சுவாமி கோயிலுக்கு செல்ல கிறிஸ்துவரான பின்னணி பாடகர் கே.ஜே.ஜேசுதாசுவிற்கு அனுமதி அளிக்கப்பட்டுள்ளது.

கர்நாடக இசைக் கலைஞரும் பிரபல பின்னணி பாடகருமான கே.ஜே.ஜெசுதாஸ் திருவனந்தபுரத்தில் அமைந்துள்ள உலக பிரசித்தி பெற்ற பத்மநாப சுவாமி கோயிலுக்குச் செல்ல அனுமதி கோரி நிர்வாகத்திடம் கடிதம் அனுப்பிருந்தார்.

பொதுவாக, பத்மநாப சுவாமிகள் கோயிலுக்குள் இந்துக்கள் மட்டுமே செல்ல அனுமதி உண்டு என்பதால் அவர் கடிதம் மூலமாக இந்த அனுமதியைக் கோரியிருந்தார். வரும் செப்டம்பர் 30ஆம் தேதி விஜயதசமி அன்று கோயிலுக்கு வர திட்டமிட்டிருப்பதாக அவர் கூறியிருந்தார்.

இந்நிலையில்,  கோயில் நிர்வாகம் கமிட்டி கூட்டத்தைக் கூட்டி ஆலோசனை நடத்தி, யேசுதாசுக்கு கோயிலுக்கு வர அனுமதி வழங்கியுள்ளதாக தெரிவிக்கப்பட்டுள்ளது.

More Articles ...