கொல்கத்தா,  21 மே-   மேற்கு வங்காளத்தில் 6 கட்டங்களாக நடைபெற்ற சட்டசபைத் தேர்தலில் மீண்டும் ஆட்சியமைத்துள்ளது, திரிணாமூல் காங்கிரஸ். 221 தொகுதிகளில் திரிணாமூல் காங்கிரஸ் வெற்றி பெற்றுள்ளளது. இதன் மூலம் மேற்கு வங்காளத்தின்  புதிய முதல்வராக மீண்டும் மம்தா பானர்ஜி பதவியேற்கிறார். 

அந்த மாநிலத்தில் புதிதாக தேர்ந்தெடுக்கப்பட்ட திரிணாமுல் காங்கிரஸ் கட்சி எம்.எல்.ஏ.க்கள் கூட்டம், கொல்கத்தாவில் உள்ள மம்தா பானர்ஜியின் இல்லத்தில் நேற்று நடந்தது. இதில் சட்டசபை திரிணாமுல் காங்கிரஸ் கட்சி தலைவராக (முதல்-மந்திரியாக) மம்தா பானர்ஜியின் பெயரை மூத்த மந்திரி பார்த்தா சாட்டர்ஜி முன்மொழிந்தார். கூட்டத்தில் பங்கேற்ற புதிய எம்.எல்.ஏ.க்கள் அனைவரும் அதை வழிமொழிந்தனர்.

அதைத்தொடர்ந்து சட்டசபை கட்சி தலைவராக மம்தா பானர்ஜி ஒருமனதாக தேர்ந்தெடுக்கப்பட்டார்.

இந்த நடவடிக்கை முடிந்ததும், மம்தா பானர்ஜி நேராக கவர்னர் மாளிகைக்கு சென்றார். அவருடன் கட்சியின் மூத்த தலைவர்கள் சுதிப் பந்தோபாத்யாய், சுப்ரதா பக்ஷி, சவுக்கதா ராய், முகுல் ராய் ஆகியோரும் சென்றனர்.

அங்கு கவர்னர் கேசரிநாத் திரிபாதியை மம்தா பானர்ஜி சந்தித்து, அரசு அமைக்க முறைப்படி உரிமை கோரி கடிதம் அளித்தார். கவர்னரை சந்தித்து விட்டு வெளியே வந்த மம்தா பானர்ஜி நிருபர்களிடம் பேசினார். அப்போது அவர், “இந்த நாள் (மே 20-ந்தேதி) மங்களகரமான நாள். 2011-ம் ஆண்டு இந்த நாளில்தான் நாங்கள் பதவி ஏற்றோம். எனவே இந்த நாளில் கவர்னரை சந்திக்க வந்தோம். புதிய அரசு அமைப்பதற்கு கட்சியின் சார்பில் கடிதம் அளித்தோம்” என கூறினார்.

மம்தா பானர்ஜி தலைமையில் புதிய அரசு பதவி ஏற்பு விழா 27-ந்தேதி கொல்கத்தாவில் ரெட் ரோட்டில் நடக்கிறது. அன்று தொடர்ந்து 2-வது முறையாக முதல்-மந்திரி பதவி ஏற்க உள்ள மம்தா பானர்ஜிக்கும், புதிய மந்திரிகளுக்கும் கவர்னர் கேசரிநாத் திரிபாதி பதவிப்பிரமாணமும், ரகசிய காப்பு பிரமாணமும் செய்து வைக்கிறார்.

இதற்கிடையே மேற்கு வங்காளத்தில் சட்டசபை தேர்தல் முடிவுகள் வெளியாகியுள்ள தருணத்தில், வடக்கு 24 பர்கானா மாவட்டத்தில் ஒரு போலீஸ் நிலையத்தை திரிணாமுல் காங்கிரஸ் தொண்டர்கள் சூறையாடினர். 4 போலீசார் காயம் அடைந்தனர். இந்த சம்பவம் தொடர்பாக அந்த கட்சி தொண்டர்கள் 11 பேர் கைது செய்யப்பட்டனர். 

பெங்களூரு, மே 18- பெங்களூரு போலீஸ்காரர் ஒருவரை கன்னட நடிகை மைதிரியா கௌடாவும் அவரது தோழிகளும் சேர்ந்து கும்பலாக தாக்கிய குற்றச்சாட்டின் பேரில் மைதிரியாக்கு பெங்களூர் நீதிமன்றம் 2 ஆண்டு சிறைத் தண்டனையை நீதிமன்றம் விதித்தது.

நடிகை மைதிரியா தனது சகோதரி சுப்ரியா மற்றும் தனது உறவினர்கள் ரூபா மற்றும் ரேகாவுடன் காரில் சென்று கொண்டிருந்தார். மைதிரியா போனில் பேசியபடி கார் ஒட்டியைத் கண்ட போக்குவரத்து தலைமைக் காவலர் சிவக்குமார் காரை நிறுத்தியுள்ளார். அந்த இடத்தில் மைதிரியாவிற்கும், தலைமைக் காவலர் சிவக்குமாருக்கும் இடையே வாக்குவாதம் நடந்ததாகவும், அப்போது மைத்ரியா உள்ளிட்ட நான்கு பெண்களும் காவலர் சிவக்குமாரை தாக்கியதாகவும் கூறப்படுகிறது.

இது தொடர்பான வழக்கில், நடிகை மைத்ரியாவிற்கு இரண்டு ஆண்டு சிறைத் தண்டனையும், 3000 ரூபாய் அபராதமும் விதித்து நீதிமன்றம் தீர்ப்பளித்துள்ளது. இதேபோல் மற்ற மூன்று பெண்களுக்கு 1 ஆண்டு சிறைத் தண்டனையும் 2000 ரூபாய் அபராதம் விதித்து நீதிமன்றம் உத்தரவிட்டுள்ளது. 

 

பீகார்,  11 மே-  பீகார், ஷியோகர் மாவட்டத்தில், மக்கள் குடியிருக்கும் ஒரு அடுக்குமாடி கட்டிடம் திடீரென  இடிந்து விழும் வீடியோ ஒன்று வெளியாகியுள்ளது. இச்சம்பவத்தில் பலர் பலியாகியிருக்கலாம் என நம்பப்படுகிறது. 

இந்த  அடுக்குமாடி கட்டிடம் திடீரென இடிந்து விழுந்ததைக் கண்ட பொதுமக்கள் அதிர்ச்சியடைந்தனர்.  தகவல் அறிந்து மீட்புக் குழுவினரும், காவல் துறையினரும் சம்பவ  இடத்திற்கு விரைந்து வந்தனர். இடிபாடுகளில் சிக்கி இதுவரை எத்தனைப் பேர் இறந்தார்கள் என்ற தகவல் இன்னமும் வெளியாகவில்லை. ஆனால் இச்சம்பவத்தில் ஏராளமானோர் காயமடைந்திருக்கலாம் என நம்பப்படுகிறது. 

இதனிடையே கட்டிடம் இடிந்து விழும் காட்சியை அங்கிருந்த ஒருவர் கைத்தொலைப்பேசியில் காணொளியாகப் பதிவு செய்துள்ளார். கீழ்க்கண்ட காணொளியைப் பாருங்கள்: 

 

உத்தரபிரதேசம், 10 மே-  இந்தியா, மலேசியா, சிங்கப்பூர் என இந்தியர்கள் அதிகம் வாழும் நாடுகளில் நேற்று அட்ஷய திருதியை  கோலாகலமாகக் கொண்டாடப்பட்டது. அட்ஷய திருதியை அன்று நகை வாங்கினால் செல்வம் பெருகும் என்ற நம்பிக்கை கொண்ட இந்தியர்கள்  நேற்றைய தினம்,   நகைக்கடைகளில் அலைமோதுவதைப் பார்த்திருப்போம்.    

ஆனால் இதற்கெல்லாம் விதிவிலக்காக, இந்தியா, உத்தரபிரதேச மாநிலத்தில் உள்ள தல்பேஹட் என்ற கிராமத்தில் மட்டும்  கடந்த 200 ஆண்டுகளாக அங்குள்ள மக்கள் அட்ஷயத் திருதியையைக் கொண்டாடுவது இல்லை.  

இதன் பின்னணி என்ன என்று ஆராய்ந்த போது கிடைத்த தகவல்கள் திடுக்கிட வைக்கின்றன.  தல்பேஹட் பகுதியை  மோர் பிரஹலாத் என்ற மன்னர் ஆட்சி காலத்தில் அட்சய திருதி காலத்தில், சில இளம் பெண்கள் காட்டில் இலை பறித்துக் கொண்டிருக்கும் போது, மன்னரின் ஆட்கள் அவர்களை கடத்திச் சென்று தல்பேஹட் கோட்டையில் வைத்து பாலியல் பலாத்காரம் செய்துள்ளனர். 

இதனை கண்டிக்கும் வகையில், அந்த கிராமத்தில் இன்று வரை அட்ஷய திருதியை கொண்டாடுவதை பொது மக்கள் புறக்கணித்துள்ளனர்.

புதுடில்லி, மே 5- சுதந்­திர நாடான பிறகு இந்­தி­யா­வின் மற்ற மாநி­லங்களைப் போல் இருந்த டெல்லி, கடந்த 1956இல் யூனி­யன் பிர­தே­ச­மாக மாற்­றப்­பட்டு, குடி­ய­ர­சுத் தலை­வ­ரின் நேர­டிக் கண்­கா­ணிப்­பின் கீழ் கொண்டு வரப்­பட்­டது. இதன்­படி டெல்­லி­யின் காவல் துறை, மாந­க­ராட்­சி­கள் உட்­ப­டப் பல முக்­கிய துறை­கள் மத்­திய அர­சின் நேரடி கண்­கா­ணிப்­பின் கீழ் வரு­கின்றன. 

இந்தக் கண்­கா­ணிப்­புப் பணியை மத்­திய அரசு சார்­பில் துணை நிலை ஆளு­நர் மேற்­கொண்டு வரு­கிறார். அவர் அவ்­வப்­போது மத்­திய அர­சி­டம் அறிக்கை சமர்ப்­பித்து வரு­கிறார்.

இதனால் டெல்­லி­யில் ஆளும் கட்­சி­யின் சார்­பி­லான முதல்­வர் மற்­றும் மத்­திய அரசு என இரு அதி­கார மையங்கள் உள்­ளன. இவர்­கள் இரு­வேறு கட்­சி­க­ளாக அமை­யும்­போது இரு­த­ரப்­புக்­கும் மோதல் ஏற்­பட்­டுத் தலை­ந­க­ரின் முன்­னேற்­றம் தடை­படு­வ­தாக புகார் நில­வு­கிறது. 

கெஜ்­ரி­வால் தனது திட்­டப்­படி சட்ட முன்­மொ­ழிவைத் தயார் செய்து பொதுமக்­களின் கருத்­து­களை அறிய இணை­யத்தளத்­தில் பதி­வேற்­றம் செய்ய உள்­ளார். பிறகு தனது அமைச்­ச­ரவை­யால் மசோதா ஏற்­கப்­பட்ட பின் அதை சட்டப் பேரவை­யில் தாக்கல் செய்­ய­வி­ருக்­கிறார். 

இங்கு நிறை­வேற்­றப்­படும் மசோதா ஆளு­ந­ருக்கு அனுப்பி வைக்­கப்­படும். பிறகு இதை மத்­திய அரசு நாடா­ளு­மன்றத்­தில் விவா­தித்து நிறை­வேற்ற வேண்டி இருக்­கும். இதற்கு ஏது­வாக குடி­ய­ர­சுத் தலை­வர் மற்­றும் குடி­ய­ரசுத் துணைத் தலை­வர் மாளிகை­கள், பிர­த­மர் அலு­வ­ல­கம், குடி­யி­ருப்­பு­கள், வெளி­நா­டு­களின் தூத­ர­கங்கள் என டெல்­லியை மாநில அர­சாக மாற்ற தடை­யாக உள்ள பகு­தி­களை மத்­திய அர­சின் அதி­கா­ரத்­தி­லேயே விட்டுவிடக் கெஜ்­ரி­வால் முடிவு செய்­துள்­ள­தாகத் தெரி­கிறது.

 

அல்லாபாட், மே 5- இங்குள்ள மாட்டுப் பண்ணை ஒன்றில், இரட்டை தலையுடன் கன்றுக்குட்டி பிறந்த செய்தி, சுற்று வட்டார மக்களை ஆச்சரியத்தில் ஆழ்த்தியுள்ளது. இந்தச் செய்தி வெளி வட்டார மக்களிடம் காட்டுத் தீ போல பரவி வருகிறது.

தன் வாழ்நாளில் முதன் முறையாக இப்படி ஓர் அதிசயத்தை கண்டிருப்பதாக பண்ணையின் உரிமையாளர், டரம் வீர் சிங் சொன்னார்.

இந்துக்கள் பசுவினை புனிதமான உயிரினமாக கருதுவதால், கிராமத்து மக்கள், இரட்டை தலையுடன் பிறந்த கன்றுக் குட்டியைக், கடவுளின் ஆசீர்வாதமாய் எண்ணுவதாக டரம் சிங் தெரிவித்தார்.

இதுபோன்று வினோதமாக பிறந்த பசுக்கள் வெகு காலம் உயிர் வாழாது. ஆனால், ஒரு வாரம் ஆகியும் அவரின் பசு ஆரோக்கியமாக உள்ளதை எண்ணி தான் மிகவும் மகிழ்வதாகவும் அவர் சொன்னார்.

ஆயினும், இரட்டை தலையுடன் பிறந்த காரணத்தால், அந்தக் கன்றுக் குட்டியால் தானாக நிக்கவோ, பால் அருந்தவோ இயலவில்லை. எனவே தான் தினந்தோறும், அந்த குட்டிகளுக்கு பால் குடிக்க உதவுவதாக, டரம் சிங் வருத்தம் தெரிவித்தார்.

 

 

சட்டீஸ்கர், மே 4- வயிற்று வலியில் துடித்து போன சிறுவனின் வயிற்றிலிருந்து , 6 அங்குல நீளமுள்ள  பல் தூரிகையை அறுவைச் சிகிச்சையின் மூலம் மருத்துவர்கள் அகற்றினர். அந்தப் பல் தூரிகையை  ஒரு வருடத்திற்கு முன் அந்த சிறுவன் விழுங்கியிருக்க கூடும் என நம்பப்படுகிறது. 

கேஷ்வர் என்ற அந்தச் சிறுவன், விழுங்கிய பல் தூரிகை அவனது சிறுநீரகத்துக்கு அருகில் சிக்கிக்கொண்டு, அவனுகுக்  கடுமையான வலியை தந்ததால், அவனைப் பெற்றோர்கள் மருத்துவமனைக்குக் கொண்டு சென்றனர்.

 சிறுவனுக்கு ‘எக்ஸ்-ரே’ சோதனை செய்யப்பட்ட போது, வயிற்றினுள் சிறு கல் மற்றும் 6 அங்குல நீளத்தில் அடையாளம் தெரியாத பொருளையும் கண்டுள்ளனர். அறுவைச் சிகிச்சையின் போது, சிறு கல்லுடன், ஒரு பல் தூரிகையையும் மருத்துவர்கள் கண்டுபிடித்தனர். தக்க சமயத்தில் சிகிச்சை செய்ததால், சிறுவன் உயிர் பிழைத்ததாக டாக்டர் பட்டேல் சொன்னார். 

திருவனந்தபுரம்,  4 மே- தலித் சட்டக் கல்லூரி மாணவி பாலியல் பலாத்காரம் செய்யப்பட்டு படுகொலை செய்யப்பட்டுள்ள சம்பவம்  கேரள மாநிலத்திற்கே அவமானம் என முதல்வர் உம்மன் சாண்டி தெரிவித்துள்ளார். 

கேரளாவில்  சட்டக் கல்லூரி மாணவி  ஒருவர் கடந்த சில தினங்களுக்கு முன் கொடூரமாக கற்பழித்து படுகொலை செய்யப்பட்டார். 

வீட்டில் இருந்த அவரை ஒருவர் அல்லது ஒன்றுக்கு மேற்பட்டவர்கள் கற்பழித்ததோடு, கத்தியால் பல முறை குத்தி கொலை செய்ததோடு, அவரது குடலையும் உருவி போட்ட சம்பவம் பரபரப்பை ஏற்படுத்தியுள்ளது.   இந்நிலையில்  மாணவி கற்பழித்து கொலை செய்யப்பட்ட வழக்கில் குற்றவாளிகள் மீது கடும் நடவடிக்கை எடுக்கப்படும் என கேரள முதல்வர் உம்மன் சாண்டி தெரிவித்துள்ளார். 

இந்நிலை இச்சம்பவம் தொடர்பில் போலீசார்  ஐந்துக்கும் மேற்பட்டவர்களைக் கைது செய்து விசாரணை செய்து வருகின்றனர். 

புதுடில்லி, மே 2- வித்தியாசமான செல்பி புகைப்படத்திற்கு ஆசைப் பட்ட உயிரைப் பணயம் வைப்போரின் எண்ணிக்கை நாளுக்கு நாள் அதிகரித்து வருகிறது. அந்த வகையில் டெல்லியைச் சேர்ந்த சிறுவன் ஒருவன்  வித்தியாசமான செல்ஃபி புகைப்படம் எடுப்பதற்காக தமது தந்தையின் துப்பாக்கியுடன்  படம் எடுத்த  போது, துரதிஷ்டவசமாகத் தன்னைத் தானே சுட்டுக்கொண்டான். தலையில் பலத்த காயமடைந்த அந்த 15 வயது சிறுவன் தற்போது  பஞ்சாப், பதன்கோட் மருத்துவமனையில் சிகிச்சைப் பெற்று வருகிறான். 

கடந்த  வெள்ளிக்கிழமை, அச்சிறுவன் தமது தந்தை அலமாரியில் வைத்திருந்த உரிமம் பெற்ற ரிவால்வரை எடுத்து விளையாடியுள்ளான். 

 "அந்த துப்பாக்கியுடன் தமது மகன் செல்பி எடுக்க முயன்றார்" என போலீசார்  தெரிவித்துள்ளனர். அச்சிறுவன் எடுக்கும் அளவுக்கு  சுடும் ஆயுதத்தை அஜாக்கிரதையாக வைத்திருந்தது, முழுக்க முழுக்க அவனது தந்தையின் தவறு" என  போலீசார் வர்ணித்துள்ளனர்.  

பெங்களூர், 30 ஏப்ரல்-  உணவுடன் சேர்த்து அப்படியே சாப்பிடக்கூடிய  உணவு பொட்டல முறையை   பெங்களூரில் உள்ள கே.எஃ.சி எனப்படும்  கெண்டகி  பிரைட் சிக்கன் துரித உணவகம் அறிமுகப்படுத்தியுள்ளது.    

கர்நாடக அரசின் "பிளாஸ்டிக் வேண்டாம்" கொள்கையுடன் இணைந்து  கே.எஃ.சி  துரித உணவக நிறுவனம்  இந்த வாரம்  அதன் சோதனையைத் தொடங்கவுள்ளது. வாடிக்கையாளர்களின்  வரவேற்புக்கு ஏற்ப  மற்ற நகரங்களுக்கும் இம்முறை விரிவுபடுத்தப்படும்.  

தொடக்கக் கட்டமாக டார்ட்டில்லா ரைஸ் பவுல்  மட்டும்  ரைஸ் பவுல்களின் விற்பனையை அதிகரிக்க அப்படியே சாப்பிடக்கூடிய உணவு பொட்டல முறையைக் கொண்டு அறிமுகப்படுத்தப்படும் எனக் கூறப்பட்டுள்ளது. 

பிளாஸ்டிக் கிண்ணங்கள் கப்புகள் போன்றவற்றில் இருந்து பேப்பருக்கு மாறியுள்ள நிலையில் மேலும்  பொட்டல துறையில்  பிளாஸ்டிக் பயன்பாட்டைக் குறைக்க இது உதவும் என நம்பப்படுகிறது. 

லக்னோ, எப்ரல் 28- நி்ச்சயிக்கப்பட்ட திருமணம் நின்று போவது சர்வ சாதாரண காரியமாகி வருகிறது. உத்திரபிரதேச மாநிலத்தில் ஒரு திருமண விழா விருந்துபசரிப்பில் ஐஸ்கிரீம் இல்லாததால் இரு குடும்பங்கள் இடையே மோதல் ஏற்பட்டது. இதன் காரணமாக பலர் காயமுற்றதுடன் திருமணமே நின்று போனது. அண்மையில் வரதட்சணை கேட்கும் மாப்பிள்ளை வேண்டாம் என்றும் திருமணம் செய்ய மாட்டேன் என பெண்கள் துணிவுடன் கூறும் காலமாகிவிட்டது.

இந்நிலையில் ,உத்தரபிரதேசம் மாநிலம் மதுராவில் ஒரு திருமண விருந்து நிகழ்ச்சி சிறப்பாக நடந்து கொண்டிருந்தது. தாலி கட்டும் முன்னதாக ஐஸ்கிரீம் கொடுக்கப்பட்டது. ஆனால்,ஐஸ்கிரீம் பற்றாக்குறையானதால் ஆத்திரமுற்ற மாப்பிள்ளை வீட்டார் தகராறில் ஈடுபட்டனர். இதனைத் தொடர்ந்து பெண் வீட்டாருக்கும் , மாப்பிள்ளை வீட்டாருக்கும் கை கலப்பு ஏற்பட்டது.

 இதில் பலர் காயமுற்றதைத். தொடர்ந்து போலீசார் சிலரை கைது செய்தனர். போலீஸ் நடவடிக்கைக்கு எதிராக பெண் வீட்டார் போலீசாருடன் வாக்குவாதம் செய்தனர். இதில் ஆத்திரமுற்ற ஒரு பிரிவினர் போலீசார் மீது கல் வீசி தாக்கினர். போலீசார் சிலரும் இதில் காயமுற்றனர்.  இந்த வன்முறை சம்பவத்தை தொடர்ந்து திருமணம் ரத்து செய்யப்படுவதாக அறிவிக்கப்பட்டது.

More Articles ...