புதுடில்லி, பிப்.19- மத்திய அரசின் ‘மேக் இன் இந்தியா’ திட்டத்தை பிரபலப்படுத்துவதற்காக இந்திய கைத் தொலைபேசித்தயாரிப்பு நிறுவனமான ரிங்கிங் பெல்ஸ்அறிமுகம் செய்துள்ள மலிவு விலைகைத் தொலைபேசிகள் நாடு முழுவதும் வரவேற்பைப்பெற்றுள்ளன.

 

மிகக் குறைந்த விலை என்பதால்முன்பதிவு செய்வதற்கு ஒரே நேரத்தில் ஏராளமானோர் ஆன்-லைனில் குவிந்ததால்இணையத் தளம் முடங்கியது. இந்நிலையில்கைத் தொலைபேசிகள் தயாரிப்பு சங்கங்கள் இதற்குக் கடும் எதிர்ப்புத் தெரிவித்துஇது குறித்து விசாரிக்கவேண்டும் என மத்திய அரசுக்கு கோரிக்கை விடுத்துள்ளன.

 

ரிங்கிங் பெல்ஸ் நிறுவனம் உலகிலேயே மிகக் குறைந்த விலையாக ரூ.251க்கு ஸ்மார்ட் கைத் தொலைபேசிகளை அறிமுகப்படுத்தியது. இதனை   மூத்த தலைவர் முரளி மனோகர் ஜோஷி இந்த அறிமுகம் செய்து வைத்தார்

 

இந்த குறைந்த விலை ஸ்மார்ட் தொலைபேசிகளுக்கான முன்பதிவு இன்று காலை 6 மணி முதல் துவங்கிபிப்ரவரி 20ம் தேதி இரவு 8மணி வரை தான் நடைபெறும் எனக் கூறப்பட்டிருந்ததால்ஒரே நேரத்தில் ஏராளமானோர் முன்பதிவு செய்ய முயன்றனர். அதிகபட்சமாக ஒரு நிமிடத்திற்கு 6 லட்சம் பேர் முன்பதிவு செய்ய முயன்றதால்இணையதளம் முடங்கியது

 

இதனால் ரிங்கிங் பெல்ஸ் நிறுவனம் முன்பதிவு சேவையை தற்காலிகமாக நிறுத்தி வைப்பதாகவும், 24 மணிநேரத்திற்கு பிறகு மீண்டும் முன்பதிவு துவங்கும் எனவும் இணையதளத்தில் தகவல் வெளியிட்டது. இப்போது பதிவு செய்வோருக்கு 4 மாதங்கள் கழித்துதொலைபேசிகள் தரப்படும் என்றும் அறிவிக்கப்பட்டது.

 

இதற்கிடையில்ரூ.251க்கு ஸ்மார்ட் தொலைபேசிகள் வழங்கும் திட்டத்திற்கு இந்திய தொலைபேசி உற்பத்தியாளர் சங்கத்தினர் கடும் எதிர்ப்பு தெரிவித்துள்ளனர். ரிங்கிங் பெல்ஸ் நிறுவனம் அறிவித்துள்ள வசதிகளைக் கொண்ட ஸ்மார்ட் தொலைபேசிகள் மிகக் குறைந்தபட்சமாக ரூ.2600க்குத் தான் விற்பனை செய்ய முடியும்

 

அத்துடன் வரிவிற்பனை லாபம் ஆகியவற்றை சேர்த்தால் ரூ.4000வரை ஆகும். அதனால் ரூ.251 க்கு ஸ்மார்ட் தொலைபேசிகள்வழங்குவதாக அறிவித்துள்ளது. வாடிக்கையாளர்களை ஏமாற்றும் செயல். இது குறித்து விசாரணை நடத்த வேண்டும் எனத்தொலைபேசிகள் உற்பத்தியாளர் சங்கத்தினர் மத்திய அரசுக்கு கோரிக்கை விடுத்துள்ளனர்

மும்பை, மார்ச் 8-

 

உலகிலேயே மிகச் சிறந்த கால்பந்து வீரர் யார், மெஸ்சியா? அல்லது ரொனால்டோவா? என்ற வாக்குவாதத்தின் முடிவில் ஒருவர் கொலை, மற்றொருவர் கைது என்ற செய்தி சற்று அதிர்ச்சியானது தான்.

ஆனால், “பந்து விளையாட்டில் இதெல்லாம் சகஜமப்பா…” என்று சொல்லுகிற அளவுக்கு பந்து விளையாட்டு பலரைப் வசப்படுத்தியுள்ளது..

மும்பையில் இந்தச் சம்பவம் நடந்துள்ளது.

சனிக்கிழமையன்று ஒரு விருந்து நிகழ்ச்சியில் கலந்து கொண்ட நைஜீரியாவைச் சேர்ந்த 21 வயதுடைய மைக்கேல் சுக்வுமா என்ற இளைஞருக்கும் அவருடைய நண்பரான 34 வயதுடைய ஒபினாவும் சாதாரணமாகப் பேசிக் கொண்டிருந்த போது, யார் நல்ல கால்பந்து வீர்ர் என்ற பேச்சு எழுந்தது.

இருவருமே கால்பந்து ரசிகர்கள் என்பதால், சுவராஸ்யமாக விவாதித்துக் கொண்டிருந்தனர். ஒருவர் மெஸ்சியின் ரசிகர். மற்றொருவர் ரொனால்டோ ரசிகர்.

ஐந்து முறை உலகின் தலைசிறந்த கால்பந்து வீர்ருக்கான விருதினைப் பெற்றவர் அர்ஜெண்டினா மெஸ்சி. அதேவேளையில், போர்த்துக்கல் வீர்ரான ரொனால்டோ மூன்றுமுறை உலக விருதினை வென்றவர்.

இந்த இருவரில் யார் சிறந்தவர் என்ற வாக்குவாதம் முற்றியது. அப்போது ஆத்திரமடைந்த ஒபினா கண்ணாடி கிளாசை எடுத்து மைக்கேல் மீது அடித்தார். அந்தக் கிளாஸ் சிதறியது. கண்ணாடிச் சிதறல் அவரது முகத்தில் காயத்தை ஏற்படுத்தியது.

இதனால், ஆவேசமடைந்த மைக்கேல் உடைந்த கண்ணாடியை எடுத்து ஒபினாவைத் தாக்கினார். படுகாயமடைந்த ஒபினா அதிக இரத்தம் வெளியேறியதால் இறந்தார்.

பின்னர் மைக்கேல் போலீசாரால் கைது செய்யப்பட்டதாக இந்திய போலீஸ் அதிகாரி கிரண் காபாடி சொன்னார்.