புனே, ஏப்ரல் 25- புனேவில் உள்ள கார்வேர் கலைக் கல்லூரி மாணவர்கள் சிலர் ஒரு வாட்ஸ் அப் குரூப்பில் இருந்துள்ளனர். குரூப்பில் இருந்த ஒரு இளைஞருக்கு நேற்று பிறந்த நாள். அந்த இளைஞரின் பிறந்த நாளையோட்டி, அவரது பெயரையே குரூப்பின் பெயராக வைத்துள்ளனர். 

ஆனால் இது குரூப்பில் இருந்த சிலருக்கு பிடிக்கவில்லை. இதனால் மாணவர்கள் இடையே பிரச்சனை ஏற்பட்டு, பின்பு அது கை கலப்பாக மாறியுள்ளது. இதில் மொத்தமாக 5 பேர் கயம் அடைந்தனர். பலத்த காயம் அடைந்த ஒரு மாணவர் மருத்துவமனையில் அனுமதிக்கப்பட்டுள்ள்ளார். 

இந்த சம்பவம் தொடர்பாக சன்கீத் சாலுன்க் என்ற 22 வயதுடைய பி.பி.ஏ. மாணவர் போலீசில் புகார் அளித்தார். இதனை தொடர்ந்து 22 மாணவர்கள் மீது வழக்கு பதிவு செய்யப்பட்டுள்ளது.  5 பேர் கைது செய்யப்பட்டுள்ளனர். 

கொல்கத்தா,  23  ஏப்ரல் -  "விமானத்தில் பணிப்பெண்ணும் காக்பீட் அறையில் தமக்கு அருகில் அமர வேண்டும்" எனக்கட்டாயப் படுத்திய  விமானி பணி நீக்கம் செய்யப்பட்டுள்ளார். கடந்த பிப்ரவரி 28-ஆம் தேதி கொல்கத்தாவிலிருந்து  பாங்காக்  நோக்கிச் சென்ற அவ்விமானத்தில், விமானப் பணிப்பெண்ணும்  தமக்கு அருகில் அமர கட்டாயப்படுத்தியதாக, சம்பந்தப்பட்ட அந்த விமானி மீது புகார் எழுந்தது.   

மீண்டும் கொல்கத்தா புறப்படும் அவ்விமானி அதே தவறைப் புரிந்துள்ளார். இது குறித்து விசாரணை   நடத்தப்பட்ட நிலையில், தற்போது அந்த விமானி பணி நீக்கம் செய்யப்பட்டுள்ளார். இவ்விவகாரம் தொடர்பில்  போக்குவரத்து இயக்குனரகம்  விசாரணை நடத்தி வருகிறது. 

சாரோட், ஏப்ரல் 22- ’உணவு ஏதும் உட்கொள்ளாமல், தண்ணீரை மட்டுமே அருந்தி, கடந்த 70 ஆண்டுகளாக ஒரு துறவி உயிர்வாழ்வதாகக் கூறியுள்ளார்.

நீண்ட சடாமுடி மற்றும் தாடியுடன் காணப்படும் இந்த 83 வயதுத் துறவி தான், தியானத்தின் மூலம் சக்தியைப் பெறுவதாகத் தெரிவித்துள்ளார். 

சிவப்பு நிற ஆடையுடனும் மூக்கில் வளையம் அணிந்தவராகவும் காணப்படும் இந்தத் துறவி, குஜராத்திலுள்ள மேக்சானா மாவட்டத்திலுள்ள சாரோட் கிராமத்தில் பிறந்து வளர்ந்தவர்.

இவர் தனக்கு 8 வயதாக இருக்கும் போது அன்னை சக்தியின் ஆசி பெற்றதாகவும் அதனாலேயே உணவின்றி உயிர்வாழ முடிவதாகவும் தெரிவித்தார். கடந்த 70 ஆண்டுகளுக்கும் மேலாக தண்ணீரை மட்டுமே உணவாக எடுத்துவருவதாகவும் தெரிவித்துள்ளார்.

இதையடுத்து மருத்துவமனை ஒன்றில் இவரை அடைத்து வைத்து வெறும் குடிநீரை மட்டுமே உணவாக அளித்து சோதனை செய்து பார்த்தனர். இவ்வாறு 15 நாட்கள் மருத்துவமனை கண்காணிப்பில் இருந்த அவர், நீரை தவிர உணவேதும் உண்ணாமல் இருந்ததை கண்டு மருத்துவர்கள் அதிசயித்தனர்.

 

தாவாங், ஏப்ரல் 22- இந்தியாவின் வடகிழக்குப் பகுதியில் இடைவிடாது பெய்த மழையால் ஏற்பட்ட நிலச்சரிவில் அருணாச்சலப் பிரதேச மாநிலத்தின் தாவாங் நகருக்கு அருகே தொழிலாளர் முகாமில் குறைந்தது பதினைந்து பேர் கொல்லப்பட்டுள்ளனர்.

இரண்டு பேர் காணாமல் போயிருக்கிறார்கள். அவர்களைக் காவல் துறையினர் தேடிவருகின்றனர்.

இன்று வெள்ளிக்கிழமை அதிகாலை முகாமில் தொழிலாளர்கள் தங்கியிருந்த நேரத்தில் இந்த விபத்து நிகழ்ந்துள்ளது.

மலைப்பாங்கான எல்லைப் பகுதிகளில் நிலச்சரிவுகள் தொடர்ந்து ஏற்படும் என்றாலும், அது பெரும்பாலும், ஜூன் மாதத்திலிருந்து செப்டம்பர் மாதத்திற்கு இடைப்பட்ட காலத்தில் வரும் பருவமழையின் போதே ஏற்படும்.

ஏப்ரல் மாதத்தில் நிலச்சரிவுகள் ஏற்படுவது வழக்கத்திற்கு மாறானது என்று கருதப்படுகிறது.

நகரி, ஏப்ரல் 20- சுட்டெரிக்கும் வெயில் தாங்கமுடியாமல் ஒரே நாளில் 34 பேர் சுருண்டு விழுந்து இறந்த துயரம் ஆந்திராவில் நடந்துள்ளது.  சுமார் 100 டிகிரிக்கு வெயில் கொடூரமாகத் தாக்கி வருவதால் ஆந்திராவின் பல பகுதிகளில் மனிதர்கள் மடியும் கொடுமை நிகழ்ந்திருக்கிறது.

ஆந்திரா, தெலுங்கானா மாநிலங்களில் வெயிலின் தாக்கம் நாளுக்கு நாள் அதிகரித்து வருகிறது. இதனால் மக்கள் வெளியே வரவே அஞ்சுகிறார்கள்.

தெலுங்கானாவில் வெயில் கொடுமையால் பள்ளி, கல்லூரிகளுக்கு முன்கூட்டியே விடுமுறை அளிக்கப்பட்டது. தொழிற்சாலையில் மதியம் தொழி லாளர்கள் வேலை செய்ய வேண்டாம் என்று கேட்டுக் கொள்ளப்பட்டுள்ளது.

ஆந்திர மாநிலத்தில் நேற்று ஒரே நாளில் மட்டும் 34 பேர் பலியானார்கள். சித்தூரில் 12 பேர், கடப்பாவில் 7 பேர், அனந்தபுரத்தில் 6 பேர், பிரகாசத்தில் 3 பேர், ருசாகுளத்தில் 4 பேர், விஜய நகரில் ஒருவர் என மொத்தம் 34 பேர் இறந்தனர். இதுவரையில் வெயில் கொடுமைக்குப் பலியானோரின் எண் ணிக்கை 110-ஐ தாண்டிவிட்டது என்பது குறிப்பிடத்தக்கது.

கடும் வெப்பத் தாக்கம் குறித்து ஐதராபாத் வானிலை மைய இயக்குனர் ஒய்.கே.ரெட்டி சில ஆலோசனைகளைக் கூறினார்.

“வெயில் தாக்கம் தொடர்ந்து அதிகரிக்க வாய்ப்பு இருக்கிறது. இதனால் மக்களுக்கு பாதிப்பு ஏற்படலாம். எனவே, யாரும் 11 மணிக்கு மேல் வெளியே நடமாட வேண்டாம். வெயில் தணிந்த பின், அதாவது மூன்று மணிக்கு பிறகு வெளியே வரலாம்” என்று அவர் குறிப்பிட்டார்.

 

 

 

மும்பை, ஏப்ரல் 20- இந்தியாவில் நிலவும் மிகக் கடுமையான வெப்பம், வறட்சி காரணமாக பல வட இந்திய மாநிலங்கள் பெரியும் பாதிப்ப டைந்துள்ளன. குறிப்பாக, மகாராஷ்டிரா மாநிலத்தில் கடும் வறட்சி நிலவி வருகிறது. வறட்சியினால் பாதிக்கப்பட்ட மக்களுக்கு உதவும் வகையில் பாலிவுட் நடிகர் அக்‌ஷய் குமார் ரூ.50 லட்சம் நிதியுதவி அளித்துள்ளார்.

மகாராஷ்டிராவில் உள்ள 43,000 கிராமங்களில் சுமார் 27,723 கிராமங்கள் வறட்சியால் பாதிக்கப்பட்டுள்ளதாக அதிகாரப்பூர்வமாக அறிவிக்கப்பட் டுள்ளது. இம்மாநிலத்திலுள்ள 75 அணைகளில் 54 அணைகளில் முற்றிலுமாக நீர் வற்றிவிட்டது. 

இதனால் விவசாயிகள் மற்றும் பொதுமக்கள் கடும் சிரமங்களை எதிர்கொண்டுள்ளனர். 

இந்நிலையில், பாலிவுட் நட்சத்திரங்களில் பலரும் வறட்சியால் பாதிக்கப்பட்ட பகுதிகளுக்கு நிதியுதவி வழங்கி வருகின்றனர்.  நடிகர்கள் அமிர் கான், நானா படேகர் உள்ளிட்டோரை தொடர்ந்து நடிகர் அக்‌ஷய் குமார் ரூ.50 லட்சம் நிதியுதவி அளித்துள்ளார். 

மகாராஷ்டிரா மாநில அரசின் ஜல்யுக்த் ஷிவர் அபியான் எனும் அமைப்பிற்கு நிதியுதவி வழங்கியுள்ளார். வறட்சியால் வாடும் கிராமங்களில் நீர் நிலைகளை உருவாக்குவது, குளம் அமைப்பது போன்ற பணிகளில் இந்த அமைப்பு ஈடுபட்டு வருகிறது.

இதற்கு முன்பாக, தற்கொலை செய்து கொண்ட 180 விவசாயிகளின் குடும்பத்தினருக்கு உதவும் வகையில் அக்‌ஷய் குமார் ரூ.90 லட்சம் நிதியுதவி அளித்தது குறிப்பிடத்தக்கது.

புதுடில்லி, ஏப்ரல் 20- பிரிட்டீஷ் ஆட்சிகாலத்தில் இந்தியாவை விட்டு வெளியேறிய விலைமதிக்க முடியாத கோஹினூர் வைரத்தை மீண்டும் சுமுகமான வழி முறையில் இந்தியாவிற்கே கொண்டு வர முயற்சிகள் மேற்கொள்ளப்படும் என்று இந்திய அரசு அறிவித்திருப்பதால் மீண்டும் குழப்பம் எழுந்துள்ளது.

எனினும், இந்த வைரத்தை இந்தியாவுக்குக் கொண்டு வருவது மீதான முயற்சிகள் தொடராது என்று உச்ச நீதிமன்றத்திற்கு அளித்த பதிலில் இந்திய அரசு கூறிவிட்டதாக தகவல் வெளியாகி இருப்பது இந்தியாவில் கடும் சர்ச்சைகளை ஏற்படுத்தி இருக்கிறது. 

கடந்த 1849ஆம் ஆண்டு, இந்தியாவில் சீக்கிய சாம்ராஜ்யத்தை பிரிட்டிஷ் கிழக்கு இந்திய கம்பெனி படைகள் தோற்கடித்தன. சீக்கிய சாம்ராஜ்யத்தின் சொத்துகளையும் கவர்ந்து சென்றன. அப்படி எடுத்துச் சென்ற பொருட்களில், பழமையான, பிரசித்திபெற்ற கோஹினூர் வைரமும ஒன்றாகும் எனக் கூறப்படுகிறது.

ஓர் ஒப்பந்தம் மூலம், அது கிழக்கு இந்திய கம்பெனியிடம் ஒப்படைக்கப்பட்டது அந்த 108 காரட் வைரம் இங்கிலாந்து மகாராணியின் கிரீடத்தில் பதிக்கப்பட்டுள்ளது. இத்தகைய பின்னணியைக் கொண்ட கோஹினூர் வைரத்தை இந்தியா திரும்பப் பெற வேண்டும் என்று இந்தியாவில் அவ்வப் போது கோரிக்கை எழுந்து வருகிறது. 

இது தொடர்பாக உச்ச நீதிமன்றத்தில் வழக்கு தொடரப்பட்டது. அப்போது, உச்ச நீதிமன்றத்தில் பதிலளித்த மத்திய அரசு, கோஹினூர் வைரம், இங்கிலாந்து அரசால் திருடிச் செல்லவில்லை. வலுக்கட்டாயமாக எடுத்துச் செல்லவும் இல்லை. மகாராஜா பிரிட்டிஷ் கிழக்கு இந்திய கம்பெனியிடம்  மகாராஜா ரஞ்சித் சிங் பரிசாக ஒப்படைத்தார்” என்று  தெரிவித்தது.

இதனால், கோஹினூர் வைரம் மீதான உரிமையை இந்தியா விட்டுக் கொடுத்து விட்டதாக கருதப்பட்டது. இந்நிலையில், மத்திய அரசின் நிலையில் ஒரே நாளில் மாற்றம் ஏற்பட்டுள்ளது.

இதுகுறித்து  இரவு மத்திய அரசு வெளியிட்ட செய்திக்குறிப்பில் கூறப்பட்டுள்ளதாவது:- கோஹினூர்வைரம் பற்றிய மத்திய அரசின் கருத்து, இன்னும் நீதிமன்றத்துக்கு தெரிவிக்கப்படவில்லை. 

ஆனால், ஊடகங்களில் தவறாகப் புரிந்துக் கொள்ளப்பட்டுச் செய்திகள் வெளியாகியுள்ளன. அந்தச் செய்தி, உண்மையின் அடிப்படையில் இல்லை. 

கோஹினூர் வைரத்தை சுமுகமான முறையில் மீட்டுக் கொண்டுவர எல்லாவிதமான முயற்சிகளும் மேற்கொள்ளப்படும் என்று அரசு மீண்டும் உறுதிப்பட தெரிவித்துக் கொள்கிறது. இதில் சுமுக தீர்வு உருவாகும் என்று இந்திய அரசுக்கை நம்பிக்கை கொண்டுள்ளது. இவ்வாறு இந்திய அரசாங் கம் கூறியுள்ளது.

 

 

புதுடில்லி, ஏப்ரல் 19- உலகிலேயே மிகவும் அதிக வயதானவர் என்ற பெருமையை, சுதந்திரப் போராட்ட வீரரும், நேதாஜியின் கார் ஓட்டுநருமான கர்ணல் நிஜாமுதீன் பெறுகிறார்.

உத்தரப் பிரதேச மாநிலம், முபாரக்பூரில் வசிக்கும் அவர், அங்குள்ள பாரத ஸ்டேட் வங்கிக் கிளையில் சேமிப்புக் கணக்குத் தொடங்க தமது மனைவி அஜ்புனிஷாவுடன் வந்தார். அப்போது அவர், கடந்த 1900-ஆம் ஆண்டில் தாம் பிறந்ததற்கு ஆதாரமாக வாக்காளர் அடையாள அட்டையை அளித்தார்.

அதன்படி, அவருக்கு தற்போது 116 வயதும், 3 மாதங்கள் மற்றும் 14 நாள்களும் ஆகின்றன. இதற்கு முன்பு, ஜப்பானைச் சேர்ந்த 114 வயதான நபர் அந்தப் பெருமையை பெற்றார். இந்நிலையில், அவரை விட 2 வயது அதிகம் என்பதால், உலகிலேயே அதிக வயதான நபர் எனும் பெருமையை நிஜாமுதீன் பெற்றுள்ளார்.

இந்திய சுதந்திர போராட்ட காலத்தில், நேதாஜி சுபாஷ் சந்திரபோஸ் இந்திய தேசிய ராணுவத்தை (ஐஎன்ஏ) உருவாக்கியபோது, அவருடன் இணைந்து நிஜாமுதீன் முக்கியப் பங்காற்றினார். மேலும், நேதாஜியின் கார் ஓட்டுநராகவும் அவர் செயல்பட்டார். அவரது மனைவி அஜ்புனிஷா வுக்கு தற்போது 107 வயது ஆகிறது என்பது குறிப்பிடத்தக்கது.

ராஜஸ்தான், 18 ஏப்ரல் - காதலித்து திருமணம் செய்துகொண்ட குற்றத்திற்காக இளம் ஜோடியை மரத்தில் கட்டி வைத்து சித்ரவதை செய்துள்ளனர், அவர்களின் பெற்றோர்.   இதனையடுத்து பெண்ணின் பெற்றோர் உட்பட  2 பேரைப் போலீசார் கைது செய்துள்ளனர்.

ராஜஸ்தான் மாநிலம் பன்ஸ்வாரா மாவட்டத்தில் உள்ள அர்துனா பகுதியில் வசிப்பவர் காந்திலால் கதாரா(36). அவருக்கும், அதே பகுதியை சேர்ந்த ஒரு பெண்ணுக்கும் இடையே காதல் உருவானது. அவர்களின் திருமணத்திற்கு பெண்ணின் தந்தை சம்மதம் தெரிவிக்க மாட்டார் என்று கருதிய அவர்கள், கடந்த பிப்ரவரி மாதம் வீட்டி விட்டு வெளியேறினர். தற்போது அவர்கள் குஜராத்தில் கணவன், மனைவியாக வாழ்ந்து வருகின்றனர். 

 இந்நிலையில், அந்த பெண்ணின் தந்தை அவர்களை சொந்த ஊருக்கு வரச்சொல்லி அழைத்துள்ளார். தங்களுடைய காதலை ஒத்துக்கொண்டார்கள் என்ற சந்தோஷத்தில் அவர்கள் நேற்று முன்தினம் அர்துனாவிற்கு திரும்பியுள்ளனர்.

ஆனால், அவர்களை அந்த பெண்ணின் தந்தை, மரத்தில் கட்டி வைத்து அடித்து சித்ரவதை செய்துள்ளார். இதுபற்றி தகவல் தெரிந்தது, சம்பவ இடத்திற்கு விரைந்த போலீசார் அவர்களை மீட்டனர்.  மேலும், இது தொடர்பாக அந்த பெண்ணின் தந்தை உட்பட 2 பேரை கைது செய்தனர்.

 

புதுடில்லி, ஏப்ரல் 18-  பிரேசிலில் நடக்கவிருக்கும் ஒலிம்பிக் போட்டியில் பங்கேற்க,  இந்திய ஜிம்னாஸ்டிக் வீராங்கனை தீபா கர்மார்க்கர் தகுதி பெற்றுள்ளார்.

ரியோ நகரில் நடந்த தகுதிச் சுற்றில்,  4ஆவது இடத்தை பிடித்ததைத் தொடர்ந்து, தீபா  ஒலிம்பிக்கில் இந்தியாவைப் பிரதிநிதித்து ஜிம்னாஸ்டிக் பிரிவில் போட்டியிடத் தகுதி பெற்றார். 

ஒலிம்பிக் தகுதிச் சுற்றில்,  இந்தியா சார்பில் பங்கேற்க தகுதிபெற்ற முதல் ஜிம்னாஸ்டிக் வீராங்கனை இவர் என்பது குறிப்பிடத்தக்கது. 22 வயதான தீபா, திரிபுரா மாநிலத்தைச் சேர்ந்தவர்.

 

கான்பூர், 18  ஏப்ரல்- இந்தியா, உத்தரபிரதேசத்தில் மணமகன் வீட்டில் கழிப்பறை இல்லாததால், மணமகள் ஒருவர் திருமணத்தையே நிறுத்திவிட்டார். கான்பூர் என்ற இடத்தைச் சேர்ந்த நேஹா என்ற அந்தப் பெண் பின்னர்   கழிப்பறையுடன் கூடிய வீடு உள்ளவரை மணந்துள்ளார்.   

நேஹாவிற்கும்  அதே ஊரைச் சேர்ந்த ஒருவருக்கும் திருமணம் நிச்சயிக்கப்பட்டது. மணமகன் வீட்டில் கழிப்பறை இருந்தால் மட்டுமே திருமணம் செய்துகொள்வேன் என நேஹா திட்டவட்டமாக கூறியுள்ளார். 

அதற்கு மாப்பிள்ளை வீட்டார், திருமணத்திற்கு முன்பே கழிப்பறையைக் கட்டிவிடுகிறோம் எனக் கூறியுள்ளனர். ஆனால், அதற்கான ஏற்பாடுகள் எதுவும் நடக்கவில்லை. இதனையடுத்து, திருமணத்திற்கு நான்கு நாட்களுக்கு முன் திருமணத்தை நிறுத்திவிட்டார்.      

  நேஹா உட்பட பல ஜோடிகளுக்குத் திருமணம் செய்து வைக்கும் அரசு சார்பற்ற நிறுவனம் ஒன்று இதனால் கவலையடைந்தது.   இதனையடுத்து, உடனே அவருக்கு வேறு மாப்பிள்ளை பார்க்கும் படலம் நடந்தது. இதில் தேர்வு செய்யப்பட்ட ஐவரில் கழிப்பறை வசதி உள்ள வீட்டைக் கொண்டிருந்த  சர்வேஷ் என்பவரை நேஹா திருமணம் செய்துகொண்டார். 

More Articles ...