பெங்களூர், மார்ச் 18 – சட்டீஸ்கர் மாநிலத்தில் தீவிரவாதிகளின் தாக்குதலுக்கு இலக்காகி உயிரிழந்த 12 இராணுவ வீரர்களின் குடும்பத்தினருக்கு இந்திய பேட்பிண்டன் வீராங்கனை சாய்னா நேவால் நிதி உதவி வழங்கினார்.

பேஜா என்ற பகுதியில் மத்திய பாதுகாப்பு படையினர் பயிற்சி செய்து கொண்டிருந்த போது அங்கு வந்த தீவிரவாத கம்யூனிஸ்டுகள் பாதுகாப்புப் படை மீது திடீர்த் தாக்குதல் நடத்தினர். இத்தாக்குதலில் பாதுகாப்புப் படையைச் சேர்ந்த 12 வீரர்கள் உயிரிழந்தனர். மேலும் 4 வீரர்கள் படுகாயம் அடைந்தனர்.

இந்தத் தாக்குதலில் உயிரிழந்த 12 பாதுகாப்புப் படை வீரர்களின் குடும்பத்திற்குப் இந்திய பேட்பிண்டன் விளையாட்டு வீராங்கணை சாய்னா நேவால் ரூபாய் 6 லட்சம் நிதியுதவி வழங்குவதாக அறிவித்துள்ளார். உயிரிழந்த 12 வீரர்களின் குடும்பத்திற்குத் தலா ரூ.50,000 வழங்கியுள்ளார்.

நமது பாதுகாப்புக்காக அவர்களது வாழ்க்கையைத் தியாகம் செய்த அவ்வீரர்களின் இழப்பு தனக்கு மிகவும் வேதனை அளிப்பதாக 27 வயதுடைய சாய்னா தெரிவித்துள்ளார்.

இத்தாக்குதலில் உயிரிழந்த 12 வீரர்களின் குடும்பத்திற்கு இந்தி திரைப்பட நடிகர் அக்சய் குமாரும் ஒரு கோடியே 8 லட்சம் ரூபாய் நிதிஉதவி வழங்கியுள்ளார் என்பது குறிப்பிடத்தக்கது.

ஆமதாபாத், மார்ச் 17- கள்ளத்தனமாக மது விற்றதைப் போலீசில் புகார் செய்த ஆடவரைப் பழிவாங்க அவர் கண் முன்னே இரு மகள்களையும் கற்பழித்த காமுகர்களைப் போலீசார் கைதுச் செய்தனர். இவர்கள் மீது கூட்டு கற்பழிப்பு வழக்கு போடப்பட்டுள்ளது.

குஜராத்தில் மதுவிலக்கு அமல்ப்படுத்தப்பட்டுள்ள நிலையில் குமாத் என்பவன் சட்டவிரோதமாக மது விற்றதாக ஆடவர் ஒருவர் போலீசில் புகார் கொடுத்தார். இதனால் ஆத்திரமடைந்த மது விற்ற ஆடவன் அவரைப் பழிவாங்க எண்ணினான்.

இதனால் தனது 6 நண்பர்களுடன் சேர்ந்து குமாத் என்பவன், ஆடவரையும் அவரின் இரு குழந்தைகளையும் ஆடம்பர காரில் கடத்தியுள்ளான். அதோடு, காரிலேயே தந்தையின் கண்முன்னே அந்த இரு சிறுமிகளையும் அவர்கள் கற்பழித்துள்ளனர். 

பின்னர் அவர்களைக் காரிலிருந்து கீழே தள்ளி விட்டு அவர்கள் காரில் தப்பி சென்றுள்ளனர்.

தகவலறிந்த போலீசார் தப்பி ஓடியவர்களைக் கண்டுப்பிடித்து கைதுச் செய்தது. மேலும் அவர்கள் மீது கூட்டு பலாத்காரம், கடத்தல் மற்றும் குழந்தை பாதுகாப்பு சட்ட வழக்குகளைப் பதிவு செய்தனர்.  

புதுடில்லி, மார்ச் 17- பாகிஸ்தானில் உள்ள புகழ்ப்பெற்ற புனித தலத்திற்கு பயணம் மேற்கொண்ட இரு முஸ்லீம் மதகுருக்கள் காணாமல் போயுள்ளனர்.. இது தொடர்பாக மத்திய அரசு பாகிஸ்தானின் அமைச்சகத்தைத் தொடர்பு கொண்டுள்ளதாக கூறப்படுகிறது. 

டில்லியில் உள்ள ஹசரத் நிஜாமுதீன் பள்ளிவாசலின் தலைமை மதகுரு சையத் ஆசிப் நிசாமி (வயது 80) என்பவரும் அவரது உறவினருமான மற்றொரு மத குருவும் கடந்த 8ம் தேதி, பாகிஸ்தானில் உள்ள லாகூர் பள்ளிவாசலுக்கு சென்றுள்ளனர். 

லாகூர் விமான நிலையத்தில் இறங்கிய அவர்களைக் குடும்பத்தினர் தொடர்பு கொள்ள முயன்றபோது தொடர்பு கிடைக்கவில்லை. இது தொடர்பாக அவரின் குடும்பத்தினர் அங்குள்ள பத்திரிகையில் விளம்பரம் கொடுத்துள்ளதாக கூறியுள்ளனர். இதுவரை எந்த பதிலும் கிடைக்காத நிலையில், மத்திய அரசிடம் இதைப் பற்றி தெரிவித்துள்ளனர்.

ஒருவேளை போதுமான பயண ஆவணங்கள் இல்லாததால் அவர்கள் விமான நிலையத்தில் தடுத்து வைக்கப்பட்டிருக்கலாம் என கூறப்பட்டுள்ளது. இது தொடர்பாக, பாகிஸ்தான் அமைச்சகத்துடன் தொடர்பு கொண்டுள்ளதாக வெளியுறவு அமைச்சர் சுஷ்மா சுவராஜ் தெரிவித்துள்ளார்.

புதுடில்லி, மார்ச் 17- தனது உரைகளின் வழி தீவிரவாதத்தைத் தூண்டுவதாக கூறி, சர்ச்சைக்குரிய மத போதகர் ஜாகிர் நாயக்கின் அமைப்பிற்கு மத்திய அரசு தடை விதிக்கப்பட்டது சரி தான் என்று உறுதி செய்தது டில்லியின் உயர்நீதிமன்றம். 

மதபோதகர் ஜாகிர் நாயக்கின் ஐ.ஆர்.எப் எனப்படும் இஸ்லாமிய ஆராய்ச்சி மையத்தை முடக்குமாறு மத்திய அரசு உத்தரவிட்டது. அந்த அமைப்பின் வழி பயங்கரவாதத்தை தூண்டும் வகையில் போதனைகள் நடத்தப்படுவதாக குற்றஞ்சாட்டு எழுந்தது. அந்த அமைப்பு மத்திய அரசு தடை விதித்தது. 

இந்நிலையில் ஜாகிர் நாயக்கின் அமைப்புக்கு விதிக்கப்பட்ட தடையை எதிர்த்து டில்லி உயர்நீதிமன்றத்தில் வழக்கு தொடரப்பட்டது. வழக்கு நேற்று விசாரணைக்கு வந்த நிலையில், வழக்கை விசாரித்த நீதிபதி சஞ்சீவ் சச்தேவ் தீர்ப்பளித்தார்.

அதில், 'நாட்டின் நலன் கருதியே ஜாகிர் நாயக்கின் அமைப்புக்கு மத்திய அரசு தடை விதித்துள்ளது. அரசு அளித்துள்ள ஆதாரங்களில் நாயக்கின் கருத்துகள் இளைஞர்களின் மனதில் பயங்கரவாத எண்ணத்தை ஏற்படுத்தியுள்ளது நிரூபிக்கப்பட்டுள்ளது. எனவே நாயக்கின் அமைப்புக்கு விதிக்கப்பட்ட தடை சரியே" என தீர்ப்பு வழங்கப்பட்டுள்ளது.

 

போர்ட் பிளேர், மார்ச் 14- அந்தமான் மற்றும் நிக்கோபார் தீவுகளில் பயங்கர நிலநடுக்கம் ஏற்பட்டுள்ளது. ரிக்டர் கருவியில் 5.9-ஆக இந்நிலநடுக்கம் பதிவாகியது. எனினும், இந்நிலநடுக்கத்தால் உயிருடற்சேதங்கள் எதுவும் ஏற்பட்டதா, என்பது குறித்த தகவல்கள் இன்னமும் கிடைக்கவில்லை. 

அந்தமான், நிக்கோபார் ஆகிய கடற்பகுதிகளில் இயற்கை சீற்றங்கள் நிகழ்வது வழக்கமாகும். கடந்த 2004-ஆம் ஆண்டு இங்கு நிகழ்ந்த அந்தமானில் நிகழ்ந்த சுனாமியால் 2000க்கும் மேற்பட்டோர் உயிரிழந்தனர் என்பது குறிப்பிடத்தக்கது.

அதனையடுத்து, கடந்த 2015-ஆம் ஆண்டு அந்தமானில் அடுத்தடுத்து 8 முறை நிலநடுக்கம் ஏற்பட்டன. 

புதுடில்லி, மார்ச் 11- லண்டன் நோக்கி பறந்து கொண்டிருந்த ஏர் இந்தியாவிற்கு சொந்தமான விமானம் ஒன்று ராடார் கருவியிலிருந்து காணாமல் போனது. ஆனாலும், ஜெட் விமானங்கள் சம்பந்தப்பட்ட விமானத்தை வழிகாட்டி 'அழைத்து' சென்றதால் அவ்விமானம் லண்டனில் பாதுகாப்பாக தரையிறங்கியது.

சீனாவின் ஜின்ஹுவா செய்தி நிறுவனம் வெளியிட்ட செய்தியில், ஏர் இந்தியாவின் ஏஐ 171 எனும் விமானம் 231 பயணிகளுடனும் 18 ஊழியர்களுடனும் ஹங்கரி வான் பகுதியில் பறந்து கொண்டிருந்தபோது திடீரென அதன் ராடார் தொடர்பு துண்டிக்கப்பட்டது. தொடர்பு இணைப்பில் ஏற்பட்ட கோளாறினால் இந்த துண்டிப்பு ஏற்பட்டதாக நிறுவனத்தின் பேச்சாளர் கூறினார்.

தொடர்பு துண்டிக்கப்பட்டவுடன் உடனடியாக இரு ஜெட் விமானங்கள் அந்த விமானத்துக்கு அருகில் சென்று விமானத்தை அழைத்துச் சென்றன. பின்னர் துண்டிக்கப்பட்ட விமானத்தின் தொடர்பு மீண்டும் இணைக்கப்பட்டு லண்டன் விமான நிலையத்தில் பத்திரமாக தரையிறக்கப்பட்டது என பேச்சாளர் கூறினார்.

கடந்த ஒரு மாதத்திற்குள் வானில் பறந்து கொண்டிருக்கும்போதே விமானத்தின் தொடர்பு துண்டிக்கப்பட்ட இரண்டாவது சம்பவம் இதுவாகும். முன்னதாக கடந்த மாதம், போயிங் 777 ரக விமானம் ஒன்று மும்பையிலிருந்து லண்டனுக்கு பறந்து கொண்டிருந்தபோது ராடார் தொடர்பு துண்டிக்கப்பட்டது குறிப்பிடத்தக்கது. 

 

 

இம்பால்,  மார்ச் 11- மணிப்பூரில் முதல் முறையாகப் போட்டியிட்ட மனித உரிமை ஆர்வலர் இரோம் ஷர்மிளா வெறும் 90 வாக்குகள் பெற்று படுதோல்வியடைந்தார். 

அவரது மக்கள் எழுச்சி நீதிக்கூட்டணி இதுவரை ஒரு இடத்தில் கூட முன்னிலை வகிக்கவில்லை. மணிப்பூரில் நடந்த வன்முறைகளுக்கும், வடகிழக்குப் பகுதிகளில் அதன் விளைவுகளுக்கும் காரணமான இராணுவ சிறப்பு அதிகாரச் சட்டத்தைத் திரும்பக் கோரி 2000-ஆம் ஆண்டு  நவம்பர் 2-ஆம் தேதி முதல் உண்ணாவிரதத்தைத் தொடங்கிய இரோம் ஷர்மிளா, 16 ஆண்டுகள் உண்ணாவிரதம் இருந்தார்.

அவரைக் கைது செய்த போலீசார் குழாய் வழி அவருக்கு வலுக்கட்டாயமாக உணவு வழங்கி வந்தனர்.  இந்நிலையில், கடந்த ஆண்டு ஆகஸ்டு 16-ஆம் தேதி உண்ணாவிரதத்தைக் கைவிட்ட அவர், தேர்தலில் போட்டியிட்டு மணிப்பூரின் முதல்வராவதே தனது விருப்பம் என்றார். 

எனினும்,  இரோம் ஷர்மிளா அரசியலுக்கு வந்தால் ஆதரவு தரமாட்டோம் என அம்மாநில மக்கள் திட்டவட்டமாகத் தெரிவித்தனர். 

அதே போல், மணிப்பூரில் இரோம் ஷர்மிளாவின் மக்கள் எழுச்சி மற்றும் நீதிக்கூட்டணி மூன்று இடங்களில் போட்டியிட்டது. ஆனால், ஒரு இடத்தில் கூட அவரது கட்சி முன்னிலைப் பெறவில்லை என்பது குறிப்பிடத்தக்கது. 

புதுடில்லி, மார்ச் 9- கூடிய விரைவில் புதிய பத்து ரூபாய் நோட்டுகள் விற்கப்படும் என ரிசர்வ் வங்கி இன்று அறிவித்தது. புதிய நோட்டுகள் வெளியிடப்பட்டாலும் பழைய நோட்டுகள் வழக்கம் போல பயன்படுத்தலாம் எனவும் அது அறிவித்தது.

கடந்த டிசம்பர் மாதம் ரூ.1000, ரூ.500 நோட்டுகள் செல்லா நோட்டுகளாக அறிவிக்கப்பட்டு அதற்கு பதிலாக ரூ.2000 புதிய நோட்டுகளை மத்திய வெளியிட்டது. அதனை அடுத்து ரிசர்வ் வங்கி இன்று ரூ.10 புதிய நோட்டுக்கான அறிவிப்பை வெளியிட்டது.

அதில், புதிய வகை நோட்டுகள் அதீத பாதுகாப்பு அம்சங்களுடன் வெளியிடப்படும் என தெரிவித்துள்ளது. ரிசர்வ் வங்கி கவர்னர் உர்ஜித் ஆர்.பட்டேலின் கையெழுத்துடன் இந்த புதிய வகை நோட்டுகள் புழக்கத்தில் விடப்படும் என வங்கி அறிவித்தது. 

புதுச்சேரி, மார்ச் 9- அரசு மருத்துவக் கல்லூரி மருத்துவமனையில் ஏற்பட்ட திடீர் மின் தடையால் சிகிச்சை பெற்று வந்த மூன்று நோயாளிகள் பரிதாபமாக உயிரிழந்தனர். மேலும் ஒரு நோயாளி உயிருக்கு போராடிய நிலையில் உள்ளார்.

புதுச்சேரி மருத்துவமனையில் நடந்த மின் தடையால் பெரும் பரபரப்பு ஏற்பட்டது. நோயாளிகளுக்கு இயந்திரம் மூலம் ரத்த சுத்திகரிப்பு நடக்கும்போது மின்சாரம் தடைப்பட்டதாக மருத்துவமனை கூறியது. இதனால், சுசிலா (வயது 77), அம்சா (வயது 55), கணேஷ் (வயது 54) ஆகிய மூன்று நோயாளிகள் பரிதாபமாக மரணமடைந்தனர்.

சம்பவம் அறிந்து மருத்துவமனைக்கு விரைந்த சுகாதார துறை அமைச்சர் மல்லாடி கிருஷ்ணராவ் விசாரணைக்கு பிறகு நிருபர்களிடம் பேசுகையில், மின் தடை காரணமாக தான் நோயாளிகள் இறந்ததாகவும், பலியான நோயாளிகளுக்கு தலா ரூ.5 லட்சம் நிவாரணம் வழங்கப்படும் என்றும் அறிவித்தார்.

மேலும் சம்பவத்திற்கு காரணமானவர்கள் மீது நடவடிக்கை எடுக்கப்படும் எனவும் அவர் தெரிவித்தார்.

புதுடில்லி, மார்ச் 7- தான் அடிமைப்போல் நடத்தப்படுவதாக இராணுவ வீரர் ஒருவர் சமூக வலைத்தளத்தில் புகார் கூறியிருப்பது இராணுவ உயர் அதிகாரிகளை அதிர்ச்சியடைய செய்துள்ளது. இது தொடர்பாக அதிகாரிகள் விசாரணை மேற்கொண்டு வருகின்றனர்.

அண்மையில் இராணுவ வீரர்களுக்கு மோசமான உணவு வழங்கப்படுவதாக வீரர் ஒருவர் சமூக வலைத்தளத்தில் புகார் காணொளி செய்திருந்தார். அதன் பரபரப்பு அடங்கி இருக்கும் நிலையில், மற்றொரு இராணுவ வீரர் தற்போது புதிய காணொளியை வெளியிட்டுள்ளார். 

சிந்தவ் ஜோகிதாஸ் என்பவர் தனது சமூக நல வலைத்தளத்தில் வெளியிட்ட காணொளியில் தான் அடிமைப் போல நடத்தப்படுவதாக புகார் கூறியுள்ளார். "நான் எனது விடுமுறையை இரண்டு நாள் நீட்டிதற்காக எனக்கு கடுமையான தண்டனை அளிக்கப்பட்டது. என்னைக் காவலில் வைத்தனர். அடிமைப்போல நடத்தினர். போதிய உணவு வழங்கப்படவில்லை. உதவி கேட்டு பிரதமர் மற்றும் பாதுகாப்பு அமைச்சகத்திடம் கடிதம் அனுப்பினேன். ஆனாலும் எந்த உதவியும் கிடைக்கவில்லை" என அவர் கூறியுள்ளார்.

வீரரின் புகார் குறித்து விசாரணை நடத்தும்படி, ராணுவம் உத்தரவிட்டுள்ளது. இது குறித்து பேசிய இராணுவ அதிகாரிகள், ஜோகிதாஸ் தொடர்ச்சியாக தவறு செய்து வந்ததாகவும் அதற்காக அவர் பணியிலிருந்து இடைநீக்கம் செய்யப்பட்டவர் என்றும் கூறினர்.  

ஶ்ரீ நகர், மார்ச் 4- ஜம்மு, காஷ்மீர் மாநிலத்தின்  புல்வாமா மாவட்டத்தின் முரான் சவுக் எனும் பகுதியில் மத்திய ரிசர்வ் போலீஸ் படையினர் பாதுகாப்புப் பணியில் ஈடுபட்டிருந்தபோது,  அங்கு வந்த தீவிரவாதிகள், திடீரென பாதுகாப்புப் படையினர் மீது கையெறி குண்டுகளை வீசி தாக்குதல் நடத்தினர்.

இந்த தாக்குதல் சம்பவத்தில் அப்பகுதியைச் சேர்ந்த ஒருவர் பலத்த காயங்களுக்கு இலக்காகி சம்பவ இடத்திலேயே உயிரிழந்தார். அதே வேளையில், தல்ஜித் கிரண் என்பவர்  காயம் அடைந்தார். 

More Articles ...