Latestமலேசியா

கருணாநிதியாக மீண்டும் நடிக்க ஆசை! -நடிகர் பிரகாஷ்ராஜ்

சென்னை, ஆகஸ்ட்.13- மதத்தின் பெயரால் அரசியல் செய்யாதவர் கருணாநிதி. அவரது வாழ்க்கை வரலாறு திரைப் படமாக்கினால் அதில் நடிக்க ஆர்வம் கொண்டுள்ளதாக நடிகர் பிரகாஷ்ராஜ் கூறியுள்ளார்.

மணிரத்தினம் இயக்கிய இருவர் படத்தில் திமுக தலைவர் கருணாநிதியாக நடித்து பாராட்டை பெற்றவர் பிரகாஷ்ராஜ். கருணாநிதியின் முழு வாழ்க்கை வரலாறு படமாக்கப்பட்டால் அதில் நடிக்க விரும்புவதாகவும் கூறினார்.

‘இருவர்’ படத்தில் நடித்த போது நான் கருணாநிதியை சந்திக்கவில்லை. அப்படத்தில் நான் நடிக்க ஒப்புக் கொண்ட போது எனக்கு 30 வயது தான். அந்ந சமயத்தில் தான் கருணாநிதி தமிழக முதல்வராக இருந்தார் என்று அவர் சொன்னார்.

இதுபற்றி பிரகாஷ்ராஜ் மேலும் கூறியதாவது: இருவரில் நடித்த போது மணி ரத்னத்தின் வழியாக நான் கருணாநிதியை பார்த்தேன். கருணாநிதியின் பேச்சுகள் அடங்கிய டேப்புகளை என்னிடம் அளித்தார்.

“எனக்கு காப்பியடிக்க வராது மணி என்ற நான் கூறியது நினைவிருக்கிறது. அவர் போன்று அப்படியே நடிக்க வேண்டும் என்று எதிர்பார்க்காதீர்கள். நான் அவர் உயரம் இல்லை. நிறம் இல்லை. அவர் போன்று எனக்கு பேசவும் வராது. கதைப்படி நான் சிறப்பாக செய்வேன் என்று தெரிவித்தேன்.

அவரை பற்றி படிக்கப் படிக்க எனக்கு அவரின் வாழ்க்கை மிகவும் பிடித்து விட்டது. அவர் மீதான மரியாதையும் அன்பும் மேலும் அதிகரித்தது. அவருக்கும் எம் ஜிஆருக்கும் இடையே இருந்த நட்பு குறித்து அசந்து போனேன்.

பல ஆண்டுகள் கழித்து ஒரு வழியாக நான் கருணாநிதியை நேரில் சந்தித்தேன். நான் படத்தில் நடித்த கதாபாத்திரம் போன்று இல்லாமல்
வித்தியாசமாக இருந்தார்.

கல்கி படத்தில் நடித்தற்காக சிறந்த நடிகருக்கான தமிழக அரசின் விருது வாங்கிய நாள் எனக்கு இன்னும் நினைவிருக்கிறது. அந்த அரங்கில் இருந்தவர்கள் அனைவரும் பதட்டத்தில் இருந்தார்கள்.

தன் கதாபாத்திரத்தில் நடித்தவரை பார்த்து விட்டு கருணாநிதி என்ன செய்வார் என்பதை தெரிந்துகொள்ள அனைவரும் ஆவலாக இருந்தனர். பிரகாஷ்ராஜூக்கு இந்த விருதை கொடுப்பதில் ஆனந்தம். இது அவருக்கும் தெரியும். எனக்கும் தெரியும் எங்கள் இருவருக்கும் தெரியும் என்றார். இருவர் படத்திற்கு முதலில் ஆனந்தம் என்றே பெயர் வைக்கப்பட்டிருந்தது.

அதன் பிறகு நாங்கள் அடிக்கடி சந்தித்து பேசிக் கொண்டோம். மணிக்கணக்காக அரசியல் பற்றி பேசுவோம். ஒன்றாக கப்பி குடிப்போம். வாக்கிங் போவோம். அதற்காக எங்களுக்கு கருத்து வேறுபாடு இல்லை என்று கூறமாட்டேன். மதத்தின் பெயரால் அரசியல் செய்யாத அவரை நான் எப்போதுமே மதிக்கிறேன்.

அவர் தமிழகத்தில் ஜனநாயக விதையை விதைத்தவர். கருணாநிதியின் வாழ்க்கை வரலாறு படமாக்கப்பட்டால் அவர் கதாபாத்திரத்தில் மீண்டும் நடிக்க விரும்புகிறேன் இவ்வாறு நடிகர் பிரகாஷ்ராஜ் கூறியுள்ளார்.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker