Latestமலேசியா

50,000-க்கும் அதிகமான ‘HFMD’ நோய் சம்பவங்கள் பதிவாகின

கோலாலம்பூர், ஆகஸ்ட்.16- இவ்வாண்டு ஜனவரி முதலாம் தேதியில் இருந்து நேற்று முன்தினம் வரை நாட்டில் 51,147 HFMD எனப்படும் கை, கால், வாய், புண் நோய் சம்பவங்கள் பதிவாகியுள்ளதாக சுகாதார அமைச்சர் டாக்டர் சூல்கிப்ளி அகமட் தெரிவித்தார். அதிலும் சரவாக்கில் 6,209 சம்பவங்கள் பதிவாகி அம்மாநிலம் முன்னிலையில் இருக்கிறது என்றார் அவர்.

சரவாக் தலைநகர் கூச்சிங்கில் மட்டும் 1,387 சம்பவங்கள் பதிவாகின. அச்சம்பவங்களில், ஒரு 27 மாத குழந்தை உயிரிழந்தது.

இரண்டுக்கும் அதிகமான சம்பவங்கள் பதிவானால், சம்பந்தப்பட்ட சிறார் பராமரிப்பு மையமோ பாலர் பள்ளியோ மூடப்படும். ஆகக் கடைசி சம்பவம் கண்டறியப்படும் வரையில், அந்த குறிப்பிட்ட சிறார் பராமரிப்பு மையம் அல்லது பாலர் பள்ளி 10 நாட்களுக்கு மூடப்படும்.

கை, கால், வாய், புண் நோய் ஒருவரிலிருந்து மற்றவருக்கு வேகமாகத் தொற்றக் கூடியது. மூக்கிலிருந்து சிந்தும் நீர், எச்சில் போன்றவற்றலிருந்து பரவும். நோயுள்ளவர் தும்மும் போதும் இருமும் போதும் தெறிக்கும் துளிகள் மூலமே முக்கியமாகப் பரவும் என்பது குறிப்பிடத்தக்கது.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker