Latestவாழ்க்கை

உலகில் 30 கோடி பேருக்கு ஆஸ்துமா! ஒவ்வாமை எனும் உபத்திரம்!

லண்டன், அக்.25- குளிர் என்றாலே ஆஸ்துமா நோயாளிகளுக்கு பயம் தான். உலக அளவில் 30 கோடிக்கும் மேற்பட்டோர் ஆஸ்துமா நோயால் பாதிக்கப்பட்டு உள்ளதாக ஆய்வு தெரிவித்திருக்கிறது.

ஆஸ்துமா நோய் பொதுவாக குழந்தை பருவத்திலேயே ஏற்படும். இந்நோயின் முக்கிய அறிகுறிகள் இளைப்பு, இருமல், நெஞ்சு இறுக்கம் உள்ளவையாகும்.

குழந்தைகளிடையே மிக நாள்பட்ட நோயாக கருதப்படுவதும் இந்நோய்தான் என்கிறது உலக சுகாதார நிறுவனம். இந்நோய் அடிக்கடி தாக்காமல் இருக்க ஒவ்வாமையை தவிர்க்க வேண்டும்.

காற்றின் மூலம் பரவும் கிருமிகளால் இந்நோய் தூண்டப்படுகிறது. காய்ச்சல், புகைபிடித்தல், புகை, காற்று மாசு, காற்றில் ஈரப்பதம், அதிகரிப்பு, குளிர் காலம் போன்றவை ஆஸ்துமாவை தூண்டுவதற்கு காரணமாக இருக்கின்றன.

பதற்றத்தை தவிர்த்தால் பாதி நோய் நீங்கிவிடும் என்பது ஆஸ்துமாவுக்கு சரியாக பொருந்தும். ஆஸ்துமா நோயாளிகளுக்காக பழைய சினிமா பாடல்களை டாக்டர்கள் பாடினர்.

இந்தப் பாடல்களில் சரியான ரிதத்தில் மூச்சை நிறுத்தி வெளியிட்ட விதம் மூச்சுப் பயிற்சிக்கு நல்ல உதாரணமாக இருந்தது.

நூறு ஆண்டுகளுக்கு முன் ஆஸ்துமா ஓர் அரிய நோய். இன்றோ, இது பெருவாரியாக இருக்கிற நோயாக வளர்ந்துவிட்டது. ஆண்டு தோறும் சராசரியாக 2 லட்சம் பேர் ஆஸ்துமா பாதிப்பு காரணமாக உயிரிழக்கின்றனர். மரபு வழி பாதிப்பை விட சுற்றுச்சூழல் மாசு, மாறி வரும் வாழ்க்கை முறையே ஆஸ்துமா நோயை வரவழைக்கின்றன.

நெஞ்சு இறுக்கம், நீடித்த இருமல் குறுகிய மூச்சு, மூச்சிறைப்பு ஆகியவை இந்நோய்க்கான அறிகுறிகள். அலர்ஜி எனப்படும் ஒவ்வாமையே ஆஸ்துமாவுக்கு முக்கிய காரணம். செல்லப் பிராணிகள், எலி, கரப்பான் ஆகியவற்றில் இருந்து கூட இந்த பாதிப்பு வரும் வாய்ப்பு உள்ளது.

உலகில் உள்ள ஆஸ்துமா நோயாளிகள் பாதி பேர் ஒவ்வாமை மூலமாகவே இந்நோய்க்கு இலக்காகி உள்ளனர். ஒவ்வாமை இல்லாமலும் குடும்பத்தில் வேறு யாருக்கும் இல்லாமலும் வயதான பிறகு இந்நோயை பெற்றவர்களாக ஏராளமானவர்கள் உள்ளனர்.

சாதாரண சளிப் பிடித்தலில் தொடங்கி படிப்படியாக மூச்சிரைப்பு வந்து, ஆஸ்துமா நோயாக மாறும். அது பெரும் கஷ்டத்தை கொடுக்கக்கூடியது. புகை பிடிப்பது ஆஸ்துமா நோயை அதிகரிக்கச் செய்யும். கர்ப்பமாக இருக்கும் பெண்கள் புகை பிடித்தால் பிறக்கும் குழந்தைக்கும் ஆஸ்துமா நோய் வருவதற்கான வாய்ப்பு அதிகரிக்கும் என்று ஆய்வுகள் கூறுகின்றன.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker