Latestமலேசியா

‘தீபாவளியா,? தீபாபெளியா? -பட்டாசைக் கிளப்பிட்டாரு, நம்ம சட்டமன்ற உறுப்பினர்!

பினாங்கு, நவ.3- மலேசிய இந்தியர்கள் தீபாவளி உற்சாகத்தின் உச்சக் கட்டத்தை எட்டி விட்டார்களோ, இல்லையோ, மாச்சோங் புபோக் சட்டமன்ற உறுப்பினர் லீ காய் லூனுக்கு தீபாவளி பட்டாசு வெடிக்கிற சப்தம் கேட்கத் தொடங்கி விட்டது.

ஆமாம், அவர் முன்று இடங்களில் மக்களுக்கு தீபாவளி வாழ்த்துக் கூறும் வகையில் பெரிய பேனர்களை அமைத்திருந்தார். அந்த பேனரில் அவர் ஜிப்பா அணிந்து அழகாக ‘வணக்கம்’ கூறியிருந்தார்.

ஆனால், ‘செலாமட் ஹரி தீபாவளி’ என்ற மலாய் வாக்கியத்தில் தீபாவளி (Deepavali) என்பதை தீபாபெளி (Deepevali) என்று எழுத்துப் பிழையோடு அவர் பேனர் அமைத்திருந்தது வழக்கம் போல நமது வலைவாசிகளின் கண்ணில் பட்டு விட்டது. அதை வைத்து பலரும் பட்டாசு மாதிரி வெடி ஜோக்குகளையும் கடி ஜோக்குகளையும் வாரி இரைக்கத் தொடங்கி விட்டனர்.

அதே வேளையில், அவரது நல்ல நோக்கத்தையும் ஆர்வத்தையும் பலர் பாராட்ட வே செய்தனர். இருப்பினும், இந்த விவகாரம் அவரது கவனத்திற்கு வரவே உடனடியாக பேனர்களில் அந்தப் பிழைகளை நேர்த்தியாக திருத்தி விட்டார் லீ காய் லூன்.

ஒட்டுமொத்தமாக அந்த பேனர்களை மாற்றுவதை விட பிழைபட்ட எழுத்தை மட்டும் தாம் சரி செய்து விட்டதாக அவர் சொன்னார். எப்படியோ மீண்டும் பேனரையே புதுப்பிக்கும் செலவை அவர் சாதுர்யமாக மிச்சப்படுத்தி விட்டார்.

இது பற்றிக் கருத்துரைத்திருந்த வலைத்தளவாசி ஒருவர். “அவரைச் சொல்லி குற்றமில்லை. கூகுளில் தேடிப் பார்த்தால் சில இடங்களில் ‘தீபாவளி’ என்று இல்லாமல் ‘தீபாபெளி’ என்றுதான் ஆங்கிலத்தில் இருக்கிறது. அவர் என்ன செய்வார் பாவம்..” என்று பதிவு செய்திருந்தது பலரைக் கவர்ந்தது.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker