Latestஉலகம்

டிரம்ப் உரையைக் கேட்டு தூங்கிய சிறுவன்: இணைய தளத்தில் குவியும் பாராட்டு!

வாஷிங்டன், பிப் 8- அமெரிக்க  நாடாளுமன்றத்தில் அதிபர் டிரம்ப் உரையின் போது தூங்கி கொண்டிருந்த ஜோசுவா டிரம்ப்க்கு இணைய தளத்தில் பாராட்டுகள் குவிந்து வருகின்றன.

அமெரிக்க பள்ளி ஒன்றில் ஜோசுவா டிரம்ப் என்ற 11 வயது சிறுவன் படித்து வருகிறான். அமெரிக்க அதிபரின் பெயர் இந்த சிறுவனுக்கு சூட்டப்பட்டு இருந்ததால் சிறுவனைச் சக மாணவர்கள் கிண்டலடித்து வந்தனர்.

இதனால் கடும் மன உளைச்சலில் தவித்து வந்தான். மேலும் அவனை மாணவர்கள் கிண்டலடிப்பது தொடர்ந்து அதிகரித்து வந்தது. இப்பிரச்சனையில் அந்த சிறுவனை பள்ளி நிர்வாகம் நீக்கப்போவதாக அறிவித்தது.

இச்சிறுவன் விவகாரம் அமெரிக்காவில் பரபரப்பை ஏற்படுத்தியது. அமெரிக்க அதிபர் டிரம்பின் கவனத்துக்கும் இது வந்தது.  அமெரிக்க அதிபர் ஒவ்வொரு ஆண்டும் அமெரிக்க நாடாளுமன்றக் கூட்டு அவைக் கூட்டத்தில் உரை நிகழ்த்துவது வழக்கம்.

இந்நிகழ்ச்சி நேற்று நடைபெற்றது. இதில் அதிபர் தரப்பிலிருந்து சிறப்பு அழைப்பாளர்களை  நடாளுமன்றத்திற்கு  அழைக்கலாம். அதன்படி  அதிபர் டிரம்ப் தமது மனைவி உள்பட 13 பேரை அழைத்திருந்தார்.

அதில் சிறுவன் ஜோசுவா டிரம்பும் ஒருவன். சக மாணவர்கள் கேலி கிண்டலால் பாதிக்கப்பட்டு இருந்த அவனை உற்சாகப் படுத்தும் நோக்கத்தில் சிறுவனை டிரம்ப் அழைத்திருந்தார்.

நாடாளுமன்றத்தில் டிரம்ப் தீவிரமாக உரை நிகழ்த்தி கொண்டு இருந்தார். ஆனால் அச்சிறுவன் அதை கண்டு கொள்ளவே இல்லை. தனது இருக்கையில் அமர்ந்து நன்றாக தூங்கி கொண்டு இருந்தான்.

இந்த புகைப்படம் ஊடகங்களில் வெளியானது. அந்த படத்தை சமூக வலைத்தளங்களில் பலரும் பரவ விட்டு இது சம்பந்தமாக விமர்சனமும் செய்து இருக்கிறார்கள்.

அதிப டிரம்ப் உரையில் எதுவும் இல்லாததால் சிறுவன் தூங்கி விட்டான் எனவும், டிரம்ப் உரை தூங்குவதற்குத் தான் உதவும் என்று பலவாறு கிண்டலடித்து அந்த படத்துக்கு கருத்து கூறி தகவல் வெளியிட்டுள்ளனர்.

மேலும் டிரம்ப் உரையின் போது தூங்கியதற்காக அந்த சிறுவனுக்கு பாராட்டும் தெரிவித்து இருக்கிறார்கள்.
அமெரிக்காவில் இந்த விஷயம் பரபரப்பாக பேசப்படும் ஒன்றாக மாறி இருக்கிறது.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker