Latestசினிமா

சீனாவில் ஸ்ரீதேவி படத்திற்கு வரவேற்பு; ஒரே நாளில் ரூ.10 கோடி வசூல்!

பெய்ஜிங்,மே.15- சீனாவின் ஸ்ரீதேவி நடித்த படத்திற்கு அமோக வரவேற்பு பெற்று ஒரே நாளில் 10 கோடி வசூல் செய்து சாதனை படைத்துள்ளது. இந்திய படங்களுக்கு சமீப காலமாக உலக அளவில் வரவேற்பு கிடைத்து வருகிறது.

ஹாலிவுட் படங்களைப் போல அனைத்து நாடுகளிலும் வசூல் குவிந்து வருகின்றன. இந்திய படங்கள் மீது உலக நாடுகளின் கவனம் திரும்ப காரணமாக அமைந்த முதல் படம் பாகுபலி 2.

இந்த படத்தின் வசூல் அனைத்துலக அளவில் ஆயிரம் கோடியை தாண்டியது. தற்போது சீனர்களும் இந்தி படங்களை விரும்பிப் பார்க்கிறார்கள். அமெரிக்காவுக்கு அடுத்து உலகின் மிகப்பெரிய இரண்டாவது திரைப்பட சந்தையாக சீனா விளங்குகிறது என்பது குறிப்பிடத்தக்கது.

அமீர்கானின் ‘டங்கல்’ இந்தி படத்தை மொழிமாற்றம் செய்து சீனாவில் வெளியிட்டனர். இந்தப்படம் கார்டியன் ஆப் தி கேலக்சி என்ற பாலிவுட் படத்தை மிஞ்சி 800 கோடி வசூலித்தது. விஜய்யின் மெர்சல் படமும் சீனாவில் திரையிடப்பட்டு வசூலை குவித்தது.

இந்த படங்களின் வரிசையில் மறைந்த ஸ்ரீதேவி கடைசியாக நடித்த ‘மாம்'( MOM) படத்தையும் சீனாவில் ஆயிரக்கணக்கான தியேட்டர்களில் வெளியிட்டனர். இந்தப் படம் முதல் நாளிலேயே 9.8 கோடி வசூல் வசூலித்து, முதல் நாள் வசூல் படங்கள் பட்டியலில் நான்காவது இடத்தை பிடித்துள்ளது.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker