Latestமலேசியா

‘காட்’ பாடத் திட்டத்தை ஒரு போதும் ஏற்க முடியாது ! – இந்து சங்கம்

கோலாலம்பூர், ஆக.5-  அடுத்தாண்டு முதல் தாய்மொழிப் பள்ளிகளில் 4ஆம் வகுப்பு முதல் தேசிய மொழி பாடத்தில் அரபு சித்திர மொழியை இணைக்கும் திட்டத்தை மலேசிய இந்து சங்கம் ஒரு போதும் ஏற்காது என அதன் தலைவர் டத்தோ மோகன் ஷான் தெரிவித்தார்.

தேசிய மொழியான மலாய் மொழியை போதனை மொழியாக அமல்படுத்தியதன் வழி நாட்டில் தேசிய ஒற்றுமையை வலுப்படுத்தும் நோக்கம் நிறைவேறி வரும் நிலையில், இப்போது தாய்மொழி பள்ளிகளில் குறிப்பாக தமிழ்ப்பள்ளிகளில் தேசிய மொழி பாடத்திட்டத்தில் ஓர் அங்கமாக அரபு சித்திர மொழியை கட்டாயப் பாடமாக இணைக்க வேண்டியதன் அவசியம் என்ன என்ற கேள்வி அனைவரிடத்திலும் எழுகின்றது.

அரபு சித்திர மொழி, அரேபிய இலக்கியத்தை பயில்வதற்கான மொழியாகும். அடிப்படை இஸ்லாத்தை கற்றுக் கொள்ள உதவும் மொழியாகும். இதனை தாய்மொழி பள்ளிகளில் அதுவும் தேசிய மொழி பாட நேரத்திலே கட்டாய பாடமாக இணைப்பதற்கு காரணம் என்ன? இதில் மறைமுக நோக்கம் ஏதும் மறைந்துள்ளதா என மலேசிய இந்துக்கள் கேள்வி எழுப்பியுள்ளனர்.

அரசின் முயற்சிகளுக்கு தடை போட வேண்டும் என்ற எண்ணம் இந்து சங்கத்திற்கு கிடையாது. அரபு சித்திர மொழியை கலைக்கல்வி பாடத்திட்டத்தில், அதுவும் விருப்பப் பாடமாக இணைத்திருந்தால் மலேசிய இந்துக்கள் இத்திட்டத்திற்கு எதிர்ப்பு தெரிவித்திருக்க மாட்டார்கள். ஆனால், கட்டாய பாடமாக இதனை இணைப்பதற்கு பின்னால் ஏதோ மறைமுக நோக்கம் உள்ளது என்ற சந்தேகமும் எழும்புகிறது என அவர் அறிக்கை வெளியிட்டுள்ளார்.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker