Latestஉலகம்

அன்று அப்பா..இன்று மகன்! பின் லேடன் பையனை போட்டுத் தள்ளியது அமெரிக்கா:- டிரம்ப் !

அல்- கய்டா  பயங்கரவாத அமைப்பின் தலைவரும், ஒசாமா பின்லேடனின் மகனுமான ஹம்சா பின்லேடன் கொல்லப்பட்டுவிட்டதாக அமெரிக்க அதிபர் மாளிகை நேற்று அதிகாரபூர்வமாக அறிவித்துள்ளது.

ஒசாமா பின்லேடனின் மகன் கொல்லப்பட்டது, பயங்கரவாதத்துக்கு எதிராக ஆப்கானிஸ்தானில் அமெரிக்கா எடுத்துவரும் தொடர் நடவடிக்கைகளில் முக்கிய நிகழ்வு என்று வெள்ளை மாளிகை வெளியிட்டுள்ள அறிக்கையில் தெரிவிக்கப்பட்டுள்ளது.

மேலும், ஹம்சா பின்லேடன் கொல்லப்பட்டது, அல்-கொய்டாவுக்கு பலத்த பின்னடைவை ஏற்படுத்தும் என்றும், பின்லேடன் குடும்பத்தினருடன் அந்த அமைப்புக்கு இருந்து வந்த உணர்வுபூர்வமான தொடர்பு அற்றுபோகும் எனவும் அந்த அறிக்கையில் கூறப்பட்டுள்ளது.

ஆப்கானிஸ்தான் -பாகிஸ்தான் எல்லைப் பகுதியில் அமெரிக்க ராணுவத்தி்ன் தேடுதல் வேட்டையின்போது, ஹம்சா பின்லேடன் சுட்டுக் கொல்லப்பட்டதாகவும் வெள்ளை மாளிகை வெளியிட்டுள்ள அறிக்கையில் குறி்ப்பிடப்பட்டடுள்ளது. அமெரிக்க அதிபர் டொனால்ட் டிரம்பும் இத்தகவலை உறுதி செய்துள்ளார்.

ஹம்சா பின்லேடனின் தலைக்கு அமெரிக்கா 1 மில்லியன் அமெரிக்க டாலர்கள்,விலை கூறியிருந்தது குறிப்பிடத்தக்கது.
அமெரிக்காவின் நியூயார்க் நகரில் இருந்த உலக வர்த்தக மையத்தின் மீது, அல்-கய்டா அமைப்பினர் கடந்த 2001- ஆம் ஆண்டு தற்கொலைப் படை தாக்குதல் நடத்தினர்.

அத்தாக்குதலில் ஆயிரக்கணக்கானோர் உயிரிழந்தனர். அமெரிக்காவின் அடையாளங்களில் ஒன்றாக திகழ்ந்த அக்கட்டடமும் தரைமட்டமானது.
அத்தாக்குதலுக்கு மூளையாக செயல்பட்ட அல்-கய்டா அமைப்பின் தலைவன் ஒமாசா பின்லேடனை, பாகிஸ்தானின் அபோட்டாபாத் எனும் இடத்தில் கடந்த 2011 -ஆம் ஆண்டு கண்டுபிடித்த அமெரிக்க ராணுவம், அங்கேயே அவரை சுட்டுக்கொன்றது

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker