Latestஉலகம்

தாத்தா தலையில் முளைக்கும் பேய் கொம்பு!

சாகர்,செப்.15-மத்திய பிரதேசத்தில் உள்ள 74 வயது தாத்தாவிற்கு தலையில் பேய் கொம்பு முளைத்துள்ளது. இது அரிய வகை வியாதி என மருத்துவர்கள் குறிப்பிட்டுள்ளனர்.

மத்தியப் பிரதேச மாநிலம் சாகர் மாவட்டத்தில் உள்ள ராகி என்ற கிராமத்தைச் சேர்ந்தவர் சியாம் லால் யாதவ். சுமார் 74 வயதான இவருக்குச் சுமார் 7 ஆண்டுகளுக்கு முன்பு இவருக்குத் தலையில் காயம் ஏற்பட்டது.

காயம் ஏற்பட்டு அது சரியாகிப் போன சில நாட்களில் காயம் ஏற்பட்ட அதே இடத்தில் சிறிதாகக் கொம்பு ஒன்று முளைத்தது. அதை முதலில் இவர் சாதாரணமாக எடுத்துக்கொண்டு கையால் உடைத்துவிட்டுக்கொண்டே இருந்துள்ளார். இது போகப் போக சரியாகிவிடும் அவ அவராகவே நினைத்துக்கொண்டார். ஆனால் சரியாகவில்லை.
இதையடுத்து சமீபத்தில் அவர் மருத்துவரை அணுகி இது குறித்துக் கேட்டுள்ளார்.தலையில் கொம்பு முளைப்பதைப் பார்த்ததும் அதிர்ச்சியடைந்த டாக்டர்கள் இதை ஆய்வு செய்தனர். அதில் தான் ஒரு திடுக்கிடும் தகவல் வந்தது.சியாம் லாலிற்கு மிக அரிய வியாதியான பேய் கொம்பு வியாதி இருப்பது தெரியவந்தது. மருத்துவ ரீதியாக செபசீகஸ் கொம்பு எனச் சொல்லப்பட்டாலும் பரவலாக இதை Devil’s horn (பேய் கொம்பு) என்றே அழைக்கப்படுகிறது.

இந்த பேய் கொம்பு குறித்து அமெரிக்காவில் முன்னர் ஒரு ஆய்வு நடந்துள்ளது. அதில் அவர்கள் இந்த வியாதி சிலருக்கு அதுவும் நேரடியாகச் சூரிய வெளிச்சம் தோல் பகுதியில் படும் போது ஏற்படும் ரசாயன மாற்றங்களால் ஏற்படும் என குறிப்பிட்டுள்ளனர்.

இது கை, கால், தலை என உடலில் எந்த பாகத்தில் வேண்டுமானாலும் இடம்பெறலாம் எனவும் குறிப்பிட்டுள்ளனர். தற்போது சியாம் லாலிற்கு தலையில் ஏற்பட்டுள்ளது. இந்த வியாதி தான் எனவும், அது தலையில் கோர்ட்டின் அதிகமாகச் சுரப்பதால் அது ஒரே இடத்தில் குவிந்து கொம்பாக வளர்வதாக மருத்துவர்கள் கண்டுபிடித்துள்ளனர்.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker