Latestஇந்தியா

இன்றோடு முடியும் ஆயுட்காலம் :-லேண்டர் விக்ரம் கனவு கலைந்தது !

பெங்களூரு,செப்.20- நிலவை ஆய்வுசெய்ய சென்று, தகவல் தொடர்பு துண்டான விக்ரம் லேண்டரின் ஆயுட்காலம் இன்றோடு முடிகிறது.

இஸ்ரோ அனுப்பிய சந்திராயன் 2 விண்கலத்தில் இருந்து பிரிந்த விக்ரம் லேண்டர் நிலைவின் மேற்பகுதியில் தரையிறங்கும் போது தகவல் தொடர்பை இழந்தது. அதன் பின்னர், எந்த சேதமும் இன்றி சாய்ந்த நிலையில் லேண்டர் விக்ரம் நிலவின் மேற்பகுதியில் உள்ளதாக ஆர்பிட்டர் தகவல் கொடுத்தது.

இந்நிலையில் அதை தொடர்ந்து தகவல் தொடர்ப்பை மீண்டும் பெற பல முயற்சிகள் மேற்கொண்டும் பலனலிக்கவில்லை. எனவே இஸ்ரோ, விக்ரம் லேண்டரை படம் பிடிக்க, தொடர்புகொள்ள நாசாவின் உதவியை நாடியிருந்தது. நாசாவும் உதவ முன்வந்தது.

ஆனால், நிலவுக்கு இஸ்ரோ அனுப்பிய விக்ரம் லேண்டரை நாசாவாலும் படம் பிடிக்க முடியவில்லை. சமிக்ஞை மூலமாகவும் லேண்டர் விக்ரமை தொடர்பு கொள்ள முடியவில்லை என தெரிவிக்கப்பட்டது.

இந்நிலையில் விக்ரம் லேண்டரின் ஆயுட்காலம் இன்றோடு முடிகிறது என தெரிகிறது. நிலவில் தரையிறங்கி 14 நாட்களுக்கு மட்டுமே ஆக்டிவாக இருக்கும். அந்த 14 நாட்கள் இன்றோடு முடிவதால் லேண்டர் விக்ரமை நிரந்தமாக இழக்க வேண்டிய சூழல் ஏற்பட்டுள்ளது. நிலவின் தென் துருவப்பகுதியில் ஆராய்ந்து புதிய வரலாறு படைக்கும் என எதிர்பார்க்கப்பட்ட விக்ரம் லேண்டர் கனவாக கலைந்து இருக்கிறது.

இந்த திட்டத்தில் தங்களோடு தோளோடு தோளாக நின்ற மக்களுக்கு நன்றி சொன்ன இஸ்ரோவின் வார்த்தைகள் இங்கு நினைவு கூரத்தக்கவை.

“உலகமெங்கும் உள்ள இந்தியர்களின் நம்பிக்கையாலும், கனவுகளாலும் நாங்கள் உத்வேகம் பெற்று முன்னோக்கி நடைபோடுவதை தொடர்வோம். வானையே எப்போதும் நாங்கள் இலக்காக கொள்வோம்” என்ற இஸ்ரோ விஞ்ஞானிகளின் கனவுகள் இனி வரும் காலத்தில் மெய்ப்படும் என்பது மக்களின் நம்பிக்கையாக அமைந்துள்ளது.

Tags
Show More

Related Articles

error: Content is protected !!

Adblock Detected

Please consider supporting us by disabling your ad blocker