சிலாங்கூர் அலுவலக வாசலில் பீர் போத்தல்கள் உடைப்பு! ஜமாலின் கூத்து! -(VIDEO)

அரசியல்
Typography

ஷாஆலாம், அக்.5- மீண்டும் தனது கோமாளி வேலையைத் தொடங்கி விட்டார் சிவப்பு சட்டை அணித் தலைவர் டத்தோஶ்ரீ ஜமால் முகம்மட் யுனோஸ். இங்கு செக்‌ஷன்-14 இல் உள்ள சிலாங்கூர் மாநில அரசாங்க அலுவலகத்தின் முன்பு, பீர்ப் பெட்டிகளைப் போட்டு அடித்து, உடைத்து தனது ஆட்சேபத்தைத் தெரிவித்துள்ளார்.  

சுங்கை புசார் அம்னோ டிவிசன் தலைவருமான ஜமால் யுனோஸ், பீர் விழாவுக்கு எதிராக தனது ஆட்சேபத்தை காட்டுவதற்கு இப்படியொரு கூத்தை அவர் நடத்தினார்.  

இந்தப் பீர்கள் அனைத்தையும் சிலாங்கூர் மந்திரி புசார் அஸ்மின் அலி அலுவலகத்திற்கு அனுப்பி வைக்கப் போவதாக அவர் கூறினார்.  

"அஸ்மினும் அவரது கும்பலும் அவர்களின் அலுவலகத்தில் எவ்வளவு வேண்டுமானாலும் குடித்துத் தீர்க்கட்டும். ஆனால், அதனை வெளியே தொடரக்கூடாது" என்றார் அவர்.  

அந்தப் பீர்ப் பெட்டிகளை அடித்து உடைத்தப் பின்னர், ஜமால் மற்றும் அவரின் சகாக்கள் அங்கிருந்து கிளம்பி விட்டனர். மாநில அரசாங்க அலுவலகத்தின் பாதுகாவலர்கள், உடைக்கப்பட்ட அந்தப் பெட்டிகளை அங்கிருந்த அவர்கள் அகற்றவேண்டும் என்று கேட்டுக் கொண்டதைப் பொருட்படுத்தாமல் அவர்கள் அங்கிருந்து கிளம்பிச் சென்றனர்.  

BLOG COMMENTS POWERED BY DISQUS